رواية تزوجني ولكن الفصل الخامس عشر بقلم ندوشه
كان خالد قاعد مع ابوه وهم الاتنين فرحانين لان خطتهم نجحت وقدروا يتخلصوا من محمد
خالد : اخيرا اتخلصنا منه طول ما هو جنبها احنا مكناش هنقدر نعمل لها حاجه
الاب : احنا كان لازم نعمل كده بس انا خايف يطلع منها
خالد : يطلع منها ازاي بس يا بابا دي جريمه قتل يعني مش لعبه وبعدين ثابته عليه
الاب : سيبك انت من الموضوع ده انا عاوزك في موضوع اهم
خالد : اتفضل يا بابا
( لا بجد مشوفتش في اخلاقك 😒 )
الاب : انا عاوزك تروح تجيب اسماء تعيش معانا هنا
خالد : هنا ليه يا بابا
الاب : انت هتفضل طول عمرك غبي هي لازم تبقى قدامي عينينا عشان نعرف هنعمل ايه معاها وهنتصرف ازاي
خالد : طب افرض ان انا رحت عشان اجيبها هي هترضى تيجي معايا
الاب : دورك انت بقى انك تقنعها انها تيجي هنا
خالد : ماشي هحاول
الاب : طب يلا انت امشي دلوقتي وشوف وراك ايه
خالد : مع السلامه
في القسم كان محمد قاعد مع اسماء وسليم وبدأ يشرح لاسماء هي تعمل ايه وهو بيفكر في ايه
محمد : انتي لازم تعملي كده
اسماء : لا طبعا من سابع المستحيلات ان انا اعمل كده
سليم : اسماء انتي لو عاوزه تساعدي محمد لازم تسمعي الكلام وتنفذي اللي هو عاوزه
اسماء : يا سليم انت متعرفش الانسان ده اذاني قد ايه انا مقدرش ابدا اني اعيش معاه في مكان واحد
محمد : اسماء لو عاوزه تساعديني لازم تعملي كده وعاوزك تعملي حاجه كمان
اسماء : ماشي يا محمد قول بس انا واثقه ان مش هوافق على اللي انت عاوزه بتقوله ده
محمد : لازم تبيني انك بتكرهيني عشان ميكتشفوش ان احنا عرفنا الحقيقه وعرفنا خطتهم وعاوزك كمان تمثلي على خالد انك معجبه بيه
اسماء قامت بسرعه وهي متعصبه من كلام محمد ازاي عاوزها تعمل كده وهو عارف انها بتكره خالد وما تقدرش تبص في وشه دقيقتين على بعض
اسماء بعصبيه : لا يا محمد انت كده اكيد اتجننت ازاي عاوزني امثل ان انا بحبه انت عارف قد ايه انا بكرهه ومستحيل اعمل كده
محمد : يبقى انتي مش عاوزه تساعديني
اسماء : انت عارف ومتاكد ان انا عاوزه اعمل اي حاجه علشان تخرج من هنا
سليم : اقعدي يا اسماء وافهمي من محمد سبب كلامه
اسماء : يعني هيكون ايه السبب مثلا
محمد : انا هقولك انتي لما تروحي تسكني هناك معاهم هتعرفي هما بيخططوا ليه وعاوزين يعملوا ايه وده هيساعدني في ان انا اثبت براءتك ولما تمثلي انك معجبه بيه ده هيسهل علينا خطتنا
اسماء : طب افرض ان انا وافقت وعشت معاهم اروح اقول لهم ايه ارجوكم خلوني اعيش معاكم
محمد : انا متاكد ان عمك مستحيل يسيب الفرصه دي تضيع من ايديه وهيحاول بكل الطرق ان يخليكي قدامه عشان يعرف احنا بنخطط لايه
اسماء : انا مش مطمنه للحكايه دي
محمد : متقلقيش
اسماء : امري لله موافقه
سليم : بس انا نفسي افهم انتوا ايه اللي وصلكم لكده وليه محمد كان المشتبه الرئيسي في القضيه دي
بدا محمد واسماء يحكوا له على كل حاجه وايه اللي وصلهم لكده وبعد ما خلصوا انفجر سليم من الضحك ودا خلاهم يتعصبوا
سليم : يعني انت مثلت انك اتجوزت عليها قامت هي ممثله عليك انها اتخطبت لا ده انتوا لازم تدخلوا العباسيه والله بسرعه لان ده هبل وهطل والله العظيم
محمد : اخرس خالص يا سليم والا هقوملك وانتي يا اسماء مش عاوز حد يعرف بالكلام اللي اتقال هنا ده ولا يعرف بالخطه اللي احنا بنخططلها فاهمه
اسماء : فاهمه فاهمه
سليم : طب يلا اسكتوا لان انا هدخلهم دلوقتي
دخل سليم جميله وهنادي ومايا واول ما شافوا محمد حضنوه وهم بيعيطوا وهو حاول يهديهم
محمد : انا ممكن افهم انتوا ليه بتعيطوا دلوقتي مش فاهم
جميله : يعني انت واقع في المصيبه دي عاوزنا يعني نعمل ايه نزغرط
مايا كانت واقفه لوحدها وكانت لسه هتلف وهتخرج بس اسماء مسكتها ووقفتها
اسماء : انتي رايحه فين
مايا : هخرج انتوا عيله مع بعضكم مش لازم اكون واقفه هنا
اسماء : لا طبعا انتي واحده من عيلتنا دي انت ساعدتينا كثير
هنادي : ايوه بقى ايه الموضوع ده انا عاوزه افهم انت ازاي مش متجوز مايا ايه الموضوع ده
محمد : مش وقته هبقى افهمكم بعدين الحكايه كلها
سليم : انا اسفة يا جماعه بس لازم يروح الحجز دلوقتي انا فضلت مأخره لحد ما تيجي وتشوفوه لكن انتم طبعا عارفين القوانين
اسماء : طب احنا هنمشي دلوقتي وهنبقى نيجي في وقت الزياره
مشيوا كلهم روحوا واول ما اسماء دخلت البيت دخلت على اوضتها على طول هما دخلوا وراها
هنادي : فهمينا بقى ايه الموضوع ده وكنت بتتكلموا في ايه ده كله وانتي جوه معاه
اسماء : مفيش كان بيعرفني انه مش متجوز مايا
هنادي : انت هتضحكي علينا يا اسماء قولي الصراحه كنتوا بتتكلموا في ايه
اسماء : بصوا انا هحكي لكم على كل حاجه وافهمكم بس انتوا متقولوش له ان انتم عرفتم
بدات اسماء تحكي لهم على كل حاجه وهم انصدموا من اللي سمعوه
اسماء : متخافوش انا
قطع كلامها صوت خبط على الباب طلعت بسرعه وانصدمت لما شافته
شكرا لزيارتكم عالم روايات سكيرهوم
