رواية اخوه ولكن الفصل السادس بقلم القلم الذهبي
مروان ووالده قاعدين قبال بعض بالصاله ومروان بيشرحله ليه
هسيب سهي وكمان بيتكلم عن حكاية غاده الا ناوي يجوزها
وعلامات تركيز واضحه علي وجه ابراهيم ومركز ومندمج
اوووي مع كلام مروان
مر الوقت بينهم بسرعه وانهي مروان كلامه // ودي كل الحكايه يا بابا
هز راسه بتعجب ابراهيم فعلا حكايه غريبه . وكمل كلامه
اسمع يا بني انا بالاول والاخر مصلحتك انت عندي اهم ومش
مهم انت تاخد مين او تحب مين انا عايز راحتك انت ابني اللي
تهمني ومدام شايف مصلحتك مع غاده وشايفها بنت كويسه
واخلاق وتقدر تصونك وتحمي عرضك وتكون جديره بحمل
اسمك وهتلاقي راحتك معاها انا معنديش مانع وربنا يوفقك والم بخير يارب
مروان قام من مكانه وقرب من والده وباس راسه وايده /ربنا
يخليك لينا يا بابا ولا يحرمناش منك . وانا ان شاء الله هبرهن
ليك مع الايام ان غاده افضل من سهي وهتكون قد الثقه والمسئولية
ابراهيم مبتسم // ربنا يوفقك يا بني . ويلا بقي شد حيلك
بسرعه عايز افرح بيك واستعجل بموضوع الجواز دي
قاطع كلامهم دخول مياده ومعاها العصير !!!
انا بقول برضه يا بابا يشد حيله شويه خلينا نفرح بقي انا من زمان محضرتش افراح
ابراهيم بضحك / وعقبالك انتي كمان يا حبيتي نفسي افرح
بيكي قبل منه وهعملك ليلة محصلتش كمان ربنا يرزقك بالزوج الصالح ان شاء الله
مياده باسه راس ابوه ربنا يخليك لينا يا احلي بابا بالدنيا
وكمالت بضحكه . بس انا عايز العريس يتقدم بقي بعد ما
اخلص الهندسه واكون الفتح مكتبي وبقيت مهندسه كدا قد
الدنيا ووقتها اشوف نفسي هوافق والا لا ههههههه
ابراهيم ومروان ضحكوا علي كلامها .
وبصوت واحد / ربنا يرزقك ان شاء الله بكل اللي بتحلمي بيه
میاده رفعت ايديها لفوق ومبتسمه // يارب يارب يسمع منكم
بص ناحيتها مروان وبضحك قال / خلاص انا هجمعلك عريس.
مياده بضحكه // لا خلاص بطلت جواز طلما العريس من طرفك ههههههه
دخلت دلال معاهم بالهزار والحديث وفضلوا يتكلموا ويهزرو مع بعض
عم سيد وغاده قاعدين في الشقه بتاعتها حكالها علي كل حاجه وعرفت منه هيا مين وامها مين وسلمها بعض الاوراق الخاص بيها خلص كلامه معاها. وظهرت عليها علامات الفرحة والبهجه ومش مصدقها نفسها من الفرحه واخير ارتاحت من كابوس سهي اختها ومرات ابوها وعرفتهم على حقيقتهم وعرفت سبب الجفا والمعامله الوحشه من سهي حتي سهير كانت تلاقي منها القسوه وعدم تعاطفها معاها
بعدما استلمت الاوراق الخاصة بيها من سيد بصلها وقال /انا عايزك تسامحيني في تاخيري عليكي في تسليم الشقه بس حصلت ظروف معايا ومقدرتش اسلمهالك وكنت قاعد فيها عشان سكني القديم اهد بس دلوقتي انا غيرت كل حاجه فيها والعفش دي كلوا جديد وانتي اول حد يستعمله.
وخدها جوله يفرجها علي كل حاجه بالشقه وبعد ما
خلص معاها .. // خلاص يا بنتي انا ريحت ضميري وسلمتك الامانه ومعاكي رقمي لو احتاجتي حاجه كلمني
غاده مبتسمه وفرحانه // متشكره اوووي يا عم سيد. وحتي لو مش محتاجه حاجه انا هكلمك واطمن عليك...
سید // تسلمي يا بنتي ربنا يكرم اصلك انتي اصيله زي ابوكي وامك ودلوقتي استاذن انا.
غاده // ماشي يا عم سيد مع السلامه في امان الله.
مشي سيد وقعدت في الشقه لوحدها غاده تلف فيها شمال ويمين وبتجرب كل حاجه فيها وكلها فرح وانبساط
اليوم التالي مروان واقف بعربيته بينتظر سهي بره الجامعه عشان يتكلم معاها ويفسخ الخطوبه وهو قاعد بسياراته شاغل تفكيره كمان غاده وبيبص علي بوابة الدخول علي املا يشوفها.
بعد وقت قصير شاف سهي نازاله من تاكسي وهتدخل الجامعه ؛ نزل بسرعه عشان يقابلها قبل ما تدخل. شافته سهي واقف وهيا رايحه ناحية باب الدخول توصل لعنده
سهي : صباح الخير يا حبيبي
مروان بابتسامه مصطنعه / صباح الخير يا سهي
سكت لحظه وقال : تعالي نقعد في الكافيه الا هناك دي عايزك بموضوع.
شاور علي كافيه بره الجامعه.
سهي : خير يا مروان في حاجه
مروان / تعالي بس نقعد وهتعرفي كل حاجه
مشيوا الاتنين جمب بعض ودخلوا الكافيه وقعدو.
مروان فضل شويه ساكت ومراتبك ومش عارف يبدا ازاي
سهي شافته مش علي
اي يا مروان هتقضيها ساكت كدا اتكلم فيه اي بدات اقلق
هز راسه مروان ::
مروان بصوت هادي / سهي احنا لازم نسيب بعض
سهي نزلت عليها الكلمه كالبرق الصاعق واتصدمت ومن جواها بتحاول تكدب اللي سمعته
سهي بارتباك // انت بتهزر صح
مروان // سهي ومن امتي بهزر بالكلام دي . احنا مش هينفع نكمل مع بعض خلاص
سهي برعشه وغرغرت الدموع بيعينها
طيب قولي اي حصل او انا عملت اي عشان تقرر تسبني كدا
مروان بحنق // انا اسف خلاص مش هينفع ولا هيفيد الكلام
مروان قام من مكانه وقلع الدبله بسرعه وحطها قدام سهي
ومشي بسرعه
سهي اتسعت عنيها ودموعها نزلت كالمطر. مش مصدقه و مصدومه. حاولت لملمت نفسها والصمودت قام من مكانها بتبص حواليها علي امل ان اللي حصل دي يكون كابوس عابر او حلم . ولكنها استفاقت علي الحقيقه المره
دقائق معدوده وصلت سهي لشقتها وطرقت الباب بقوه وبسرعه الفتح سهير . واترمت سهي بحضنها بعياط شديد والم وصدمه .
سهير بتحاول تفهم منها حاجه ومش لقيه غير العياط وتشنج سهي .
اخدتها سهير وقعدت بالصاله وبتحاول تعرف في اي
سهير // اتكلمي اي حصل فهميني بتعطي ليه
سهي مش قادره تتكلم. مدت ليها الدبله وهزت راسها سهير بفهم
سهير // متأكد راح للواطيه اللي زيه
ضمت سهي بقوه / خلاص يا حبيبتي بطلي عياط واطي وميستهلش دموعك ديه. وان شاء الله ربنا هيعوضك بالي أحسن منه
سهي بتمتمه // انا مش بعيط عليه يا ماما. انا بعيط من الغيظ منها حتى وهيا بعيد عني قدرت تاخده مني
سهير // اهدي يا حبيتي دول شبه بعض اشكالهم واطيه. انسيه وبكره اللي أحسن منه يتقدملك....
وصل مروان البيت وخبط علي الباب الفتح میاده سلم عليها ورايح ناحية اوضته ، قفلت الباب بسرعه مياده و مسکت مروان قبل مت يدخل اوضته .
مياده // تعالي هنا مقولتليش عملت اي يعني والا فاكرني ناسيه . دني مستنيه رجوعك علي نار
مروان بضحكه / متبقيش مياده اختي لو معملتيش اختي . علي كل حال . اهدي بقي خلاص عطتها الدبله وارتحت من كابوسها والخنقه خلاص راحت
میاده // اممممممممم طب وقابلت غاده والا لسه
مروان / للاسف لا
میاده ليه طيب !!!!
مروان // دورت عليها بالجامعه وملقتهاش بس قبلت شهد صاحبتها واخدت رقم تليفونها معايا
میاده طيب كويس يلا كلمها بقي وهو اطمن عليها مرحتش الجامعه ليه وادخل بالموضوع
مروان بزهق // طيب
مشي من قدامها مروان ورايح وهيدخل اوضته ولاحظ میاده ماشیه وراه
مروان // اي دي بقي رايحه فين انتي . دي اوضتي
میاده بضحك منا عارفه انها اوضتك . انا بس هساعدك بالمكالمه . مش اخويا حبيبي لازم اساعدك
مروان مبتسم // لا خفه . بعرف اساعد نفسي . روحي انتي اعمليلي كوباية قهوه من ايديكي الحلوه دي عشان اعرف اتكلم
میاده بخبث // ااه ماشي . بتزوحني يعني طيب براحتك
یا مروان ... هروح اعمل القهوه حاضر
دخل اوضته مروان وقفل الباب وراه بدون ما يقفله بالمفتاح ومشيت مياده للمطبخ تعمل القهوه ،
اراح جسمه علي السرير مروان ومسك تليفونه وبيتصل بغاده.
مروان // الووو انا مروان يا غاده ردي عارفك فاتحه الخط
غاده // ایووه يا مروان منا بعمل كدا دايما مع أي رقم غريب . عامل اي انت
مروان بهدوء // انا كويس . النهارده دورت عليكي بالجامعه ملقتكيش قلقت عليكي وجبت رقمك من شهد صحبتك عشان اطمن عليكي
غاده // تسلم يا مروان ربنا يخليك . النهارده مقدرتش اروح الجامعه كنت مشغوله شويه
مروان // ويا تري اي اللي شاغلك بقي
غاده // حكايه كدا منا اقبلك هقولك عليها
مروان // تصدقي انا اسعد واحد بالدنيا النهارده
غاده / يارب دايما . خير ان شاء الله
مروان بحب / خير طبعا . وسبب سعادتي عشان سمعت صوتك
غاده // ربنا يخليك يا مروان
مروان // اسمعي في موضوع عايز اكلمك فيه ضروري ومش هينفع بالتليفون . حضري نفسك بكره هنتظرك بعربيتي قدام الجامعه.
غاده // حاضر يا مروان ان شاء الله نتقابل الصبح.
قفل مروان الخط مع غاده وفضل سارح وهو نايم ع السرير بيفكر في المقابله
