رواية جسد بلا روح الفصل السادس بقلم خاتون عبد المنعم
روحت انا وعمر وكانت عمتي عندنا اول ما دخلنا أنا و عمر
انا وعمر: سلام عليكم
الكل :وعليكم السلام ورحمه الله وبركاته
عمتي :تعرفي يا بنت اخوية نفسي اشوفك مرة وحدة بجوبة علي طول بناطل حتي جوب المدرسة بنطلون
منال:يا عمتي يا حبيبتي البنطلون دة حشمة يعني افرضي وانا بجري في الفسحة وقعت رجلي تبان لكن البنطلون تقعي مهما تقعي مش باين منك حاجة وبعدين فين البنطلون دة دي جوب بنطلون
عمتي :هو انا هعرف اخد منك حق ولا باطل
منال بغرور : طبعا أنا منال عثمان الصغيرة تربيت منال عثمان الكبيرة
عمتي خدتني علي جنب :خلينا في الجد قولي اية في اللي عمر عرضة عليكي
منال بكسوف :اللي بابا يشوفة صح انا موفقة علية
عمتي :يعني الكلام محسن
منال هزر رأسها بنعم ودخلت اوصتي جري
فعلا عمتي كلمت بابا وفعلا اتخطبت لعمر مكنتش شيفة الكرة في عين وحدة المفروض كانت مثل الاعلي لية في التضحية وحدة كنت بحبها جدا بس يا خسارة كنت غلطانة ولا شفت الحزن في عين انسان بيعشق التراب اللي بمشي علية اةةةةة من وجع القلب
يوم الخطوبة الكل اتجمع مرات سالم ابن عمي جابت معها طبعا بنت اختها سارة
كنت قعدة وفاء كانت بتحطلي ميكب وسارة دخلت
سارة باتسامة صفرة :مساء الخير مبروك يا منال والله لم عرفت انا فرحت اوي
منال:سارة اللة يبارك فيكي عقبالك يا عسل اية الاخبار
سارة وهي بتخضني :قريب انشاء الله مش وقتة لم نكون لوحدينا
منال :ماشي
ماما دخلت :يلا يا ولد عمر وصل هو وفادي وشهاب مبروك يا منال
وفاء : يعني خلص قراء الفتحة
ماما بفرح :ايوة سالم حط ايدة في ايد عمة وقراء الفتحة يلا اخرجي
وخرجت ولبست دبلة عمر وكنت فرحانة جداخلص بقيت لعمر عمر كمان كان فرحان
كانت خطوبة علي الديق كدة محمد طول الحفلة واقف في البلكونة انا دخلت علية لقيتة بيمسح.دموعة
منال: انت بتعيط يا محمد
محمد بارتباك : لا ابدا دي في حاجة دخلت عيني
منال: طب انت واقف لوحدك. لية انت حتي مقرتش الفتح معنا ولا شرب عصير الخطوبة
محمد: انتي عرفة مش بحب الحلو وبعدين انا اناعندي برد فخوفت اعدي حد فيكن
عمر دخل وبص لمحمد وكان حد بغيظ حد : انتي سيباني هنا وقعد مع. محمد يا روحي
منال: ايوة كنت بشوف محمد وقف لوحدة لية
عمر: صح انت وقف لوحدك لية يا محمد
محمد: ابدا عندي برد وبعدين سالم بيدخن وانت عارف انا بتخنق من ريحة السجاير
منال:طب خد اشرب العصير بتع.الخطوبة
محمد:مقدرش
عمر: لية متقدرش دي شربات خطبتي علي منال حبيبتي
منال:عشان خاطر يا محمد
محمد:خطرك غالي علي قلبي وخد العصير وشربة دفعة وحدة مبروك يا حبيبي عمر خلي بالك منها دي منال الغالية
عمر: 'في قلبي قبل عيني يا محمد
محمد خرج وسبنا بعد الحفلة عمر طلب نخرج
عمر :خالي لو ممكن يعني اخد منال وأخرج
محسن :ماشي بس شهاب ومراتة معاك ومتتاخروش
عمر :ماشي ماما هتروحي ولا اية
عمتي :لا هبات مع اخوية تعالي انت علي هنا
خرجني انا وعمر وشهاب و سلمي مرات شهاب واتفسحنا ورجعنا اخر الليل
ودخلني لقيت عمتي قعدة مكشرة
عمتي بزعل : حمدالله بسلامة اية كل التأخير دة يا استاذ عمر خالك تعب من السهر ودخلة ينام اتفضل نام في اوضة شهاب وانتي تعالي معاية علي جوية
منال بفرحة :تصبح علي خير يا عمر
عمر بحب :وانتي من اهل الخير يا قلب وحيات عمر
عمتي بزعيق :غور يا جزمة علية جولة
دخلنا نمنا كانت بحلم بعمر وانا عروسة وهو عريس الحلم
كنت لبسة فستان فرح جميل جدا وعمر عريس واقف في الكوشة وانا وقفة بس بعيد عنة عمر مد ايدة عشان يمسك ايدي بس مسك ايد سارة ندهت علية بس مسمعش ندهت تاني بصلي وزقني وقعت في الطين عيط بصيت علي عمر لقيتة بيضحك مع سارة بصيت حولية لقت ايد بتتمد لية رفعت راسي شفت محمد بيمد ايدة ويقومني وبايدة بيغسل الفستان الابيض وكان مبتسم بحب قرب مني وشالني اتعلقت فية خدني لمكان واسع جميل كلة خضرة وورد
محمد: هنا بنتا اية رايك يا حيات محمد
منال: الله جميل قوي بس مين الاطفال دول
محمد: ولدنا تعالي تعالي متخافيش بصية لقت بيت جميل جدا رحت لحد هند باب البيت لفيت لمحمد لقة سارة وعمر بيخنقة محمد جيت اصوت بس مفيش صوت محمد.بصلي ومات وصحبت من النوم
اعوز باللة من الشيطان الرجيم
تاني يوم لقيت ماما مكشرة وانا كنت صحية متأخر
منال :صباح الخير
الكل :صباح انور
ماما بتكشير :طبعا مش سهرانة لوش الصبح لزم تصحي متأخر
بابا :اية اللي اخرك انت وعمر يا منال في بنت محترمة تخش بيتها الساعة الحادية عشرة بليل
عمر:خالي انا اللي غلطان انا كنت عاوز اسهر حبة حتي شهاب كان مدايق اني اتاخرنا
عمتي :اسمع انت هو مش معني انكم اتخطبتم يعني تخدة رحتكم لا انت لسة مش جوزها يا عمر عشان الناس تشوفك انت وهي دخلين البيت متأخر كدة
بابا :اسمع يا عمر مفيش خروج تاني انت وهي مفهوم غير لم تكتب عليها
منال :حاضر يا بابا
عمر :حاضر يا خالي بس متزعلش ونبي
بابا :مش زعلان بس انت وهي مبقتش صغيرين
و سبنا وخرج بالكرسي المتحرك ودخل البلكونة وشوية وبقيت العيلة جة اصل اليوم دة كان يوم الجمعة ومن عادتنا نتجمع في بيت اي حد فينا يعني كل جمعة عند حد فينا بس عشان حالة بابا كان التجمع عندنا زي ما قولت قبل كدة ومن عويدنا بردة اني بنطلع المصيف مع بعض ومن يوم ما بابا تعب ومحدش في العيلة طلع مصيف كان اللي بيحجز المصيف ابن عمي سالم هو ومراتة رحاب المهم اتجمعنا في اليوم دة ومحمد وفادي جم
محمد: الحمدلله اني الكل موجود عشان عوزكم في موضوع
عمتي: خير يا حبيبي
محمد: خير يا امي فكرة لم قولت اني عوزك في حاجة مهمة
عمتي: ايوة حقك علية انشغلت مع عمر
محمد بحزن: ولو يهمك المهم انا كنت عوز اعرفك اني مسافر برة جالي فرصه شغل برة وانا وفقت
عمتي: وفقت عوز تسبني يا محمد
محمد:فطرة كدة يا امي متخافيش علية
عمر:والسفر دة جة مرة وحدة كدة
محمد:لا انا كنت بفكر لان صاحب الشغل عارض علية من بدري
عمتي:صاحب الشغل من امتة وانت بتشتغل مع حد يا محمد.
محمد:في اية ياامي بس سبيني اشوف نفسي واتعلم حاجة جديدة وانت اية رايك يا خالي
بابا:والله انا شف انك بتعرفنا مش بتاخد راينا
محمد.:والله ابدا انا حتي لسة بعمل ااورق بتاعي يعني مش هسافر علي طول
محمد بص علية انا وعمر لقانا بنضحك غمضة عينة بحزن بابا لحظ
بابا: سافر يا محمد يمكن تلقي العوض برة
محمد: ادعلي يا خالي
عمتي: اسفر امتة
محمد: اول ما اخلص ااورق بتاعي انا لزم امشي عشان في زبون مستني عن اذنكم مشي محمد
سالم :بقول اية يا عمي في قدامي فيلا كبيرة في اسكندريه لمد. ١٥يوم ب٥٠٠ ج اية رايك
(محدش يستغرب في الوقت دة كانت ٥٠٠ج يعتبر مبلغ كبير مش صغير )
بابا :مش وقتة يا سالم
سالم: دي لقطة وبعدين احنا بقلنا كتير مصيفنش
بابا: بس المبلغ مش كتير يا سالم
سالم :لا يا عمي دي بالكل والشرب يعني مش هنعمل حاجة خالص مجرد اني نقعد علي البحر ونستاجم وبس
بابا :شوف عمتك هتقول اية
عمتي :في اية يا خوية هو في قول بعد قولك
بابا حكي لعمتي اللي سالم قالة
عمتي :بس مش كتير يا سالم دي ٥٠٠ج للكل
سالم : ايوة للكل وبعدين مش كتير انت مش هتقعدي في شقة لا دى فيلا كبيرة علي البحر واكل وشرب مش هتعمل حاجة هتلقي اللي يخدمك
عمتي :هيبقى امتة بقة
سالم :يعني علي شهر ٨ كدة
عمتي : يعني علي كل واحد. هيطلع كام
رحاب مرات سالم :١٥٠ج مش كتير
عمتي :,ماشي كمان عمك يكون كويس حبة ويغير جو
بابا :مش هينفع يا منال خلص روحة انتم
ماما :معلش يا اختي انتي عرفة مينفعش
مرات سالم رحاب :يا مرات عمي والله احنا قولنا كدة عشان عمي يغير جو حبة
شهاب :معلش يا ام امير خليها مرة تاني
رحاب :يعني يا شهاب احنا بنستن المصيف من السنة للسنة وبقلنا كتير مرحناش عشان خاطري يا عمي وبعدين شهاب لم اتجوز معملش شهر عسل قولت اية يا عمي
عمتي :خلص يا محسن نروح العيال كمان زهقانة
بابا :قولتي اية يا اسماء
ماما: اللي تشوفة يا اخوية
شهاب بعد تفكير : خلص يا سالم احجز للكل
سالم :تمام. احنا بقة كام كدة
عمتي: متعدش
محسن :خليها علي اللة يا منال
في الوقت دة كان معاش بابا ابتدي يتصرف بقة الحالة كويسة يعني مش زي ساعة مرض بابا وشهاب واتفق مع بابا اني هيدفع النصف مع بابا
وفعلا روحنا المصيف بس في الطريق كانت سارة مركزة اوي معنا انا وعمر مع بعض علي طول مش بتسيب بعض خالص مهي مرات سالم جابت معها سارة انا اتصحبت علية هي كانت صحبتي بس مش قوي يعني كلام عادي بس محمد حظرتي منها كنا قاعدين علي البحر وبصراحة من يوم ما وصلنا وسارة مش بتسيب فرصة وتتحجج وتعمل اي حاجة لعمر حتي لو هو طلب مني انا تجري هي وتعملها احسن مني المهم تكون ظهرة قدام عمر بصراحة أنا كنت مديقة بس قولت عادي مرة كان علي البحر
عمر طلع من البحر : مالك يا مينو في اية
منال :مفيش يا موري بس علي طول قعدين مش بنخرج خالص
عمر:يعني انتي زهقانة وعوزة تخرجي
منال :اية انت مش زهقان
عمر :,اكيد بدل مينو حبيبي زهقان أنا لزم ازهق
منال :متيجي نخرج
وهب زى كل مرة من ساعة ما جينا لقيت اللي بتنط في الكلام وكانت سارة
سارة برخامة :فعلا الواحد.زهق اوي متقوم يا عمر تمشينا حبية
عمر بستغراب :منال تتمشي
منال بندهاش :ايوة بس ناخد اذن بابا الاول
عمر:اكيد طبعا خدي إذن خالي عقبال ما البس التيشيرت
الكل وافق وعمر خدني انا وسارة و سناء بنت سالم وامير ابن سالم نسيت اقول امير و سناء من عمرني أو يعني اصغر مني ب٥سنين واتمشنا عمر كان ماسك أيدي بحب وعمل يجب اي حاجة اشاور عليها حتي لو كنت بتفرج عادي كان بيشتريها واكلنا ايس كريم
رجعنا كانت العيلة روحت روحنا
باليل هربا انا وعمر من سارة و عمر اجر. عجلة كانت بروحين يعني انا وري وهو بيسوق ركبت. كنت طيرة من الفرح وانا مع عمر وقف عمر علي الكورنيش بتاع الاسكندريه
عمر بحب :,مبسوطة
منال بحب :,جدا طول ما انت معاك بكون فرحانة مكنتش متخيلة اني بحبك كدة يا عمر
عمر مسك ايدي :انا وانتي حبنا مخلوق معنا يعني اتولد مع كل واحد فينا
منال: انا بحبك اوي يا عمر
عمر بحب :هانت أثبت نفسي في الشغل واطلب من خالي نتجوز علي طول انتي عرفة الشقة تعتبر مشطبة يعني لو عوزة حاجة تتغير نغيرها
منال :طبعا يا عمر يا حبيبي لزم تكون نفسك الاول وبعدين انت ناسي انك لسة عندك جيش وبعدين من ناحية هنغير هنغبر السراميك بجد مش عجبني لونة وحش اوي بني
عمر : وحش البني وحش بعدين صح انا كنت ناسي موضوع الجيش دة هكلمك خالي نكتب لحد ما اخلص الجيش
منال بكسوف توهة الكلام :انا مش لية دعوة انا مش بحب البني يعني لو كان زاتوني لبني بامبي مش بني دي يجيب اكتيأب
عمر: خلص نغيرة في طلبتك تاني يا هانم بس ماقولتيش انتي مش موفقة اني اتجوزك قبل الجيش يعني نكتب
منال بسرعة :لا طبعا موفقة
عمر :فعلا احنا كنا نسيت حاجة كمان اني حضرتك لزم تخلص تعليمك
حتي تخلص السنة اللي نقصة ونتجوز
منال بستغراب :يعني اية مش هكمل زيك في الجامعة
عمر :لا طبعا هتكملي بس وانتي في بيتي ولم نتجوز ناجل الخلفى لحد ما تخلص اية رايك
منال :اللي تشوفة يا عموري بس هنغير لون سرميك للمطبخ وللحمام
عمر : من عيني حاضر طب يلا اتاخرنا وبعدين هنشتري حاجات لمرات سالم مش بتبطل طلبات
ركبنا وروحنا كانت سارة قعدة مستنيا
عمر :انتي سهرنا لية يا سارة
سارة بغيرة وحقد : كنت فين
عمر: نعم
سارة بلغبطة: مستنياك اقصدي مستنياكم عشان الكل نام مكنش حد هيفتح الباب بس انتم كنتم فين كدة
عمر :ابدا لفينا شوية واشترينا حاجات اللي كانت مكتوبة علي التلاحة
سارة :طب انا هخش انام عاوز حاجة يا عمر انت تأمر
بصراحة كدة انت بقة كنت علي أخري من سارة من تصرفاتها مع عمر
منال بديقة :عوز حاجة يا عمر اية يا سارة وانا اية هوي مش شيفاني مثلا ولا مش ملية عينك عشان عمر يطلب منك حاجة وانا موجودة سارة يا حبيبتي انا خطيبة عمر يعني أنا اللي اسال عاوز حاجة ياعمر مش انتي وبعدين سارة بلاش انا انتي فهماني
عمر عشان ينهي الموقف :حصل خير يا منال سارة مش قصدها حاجة هي بس كانت شيفاكي تعبانة مش اكتر
منال بغيرة :انت بدافع عنها لية دي ما ساعة ما دخلنا وانا بنسبلها هوي ومن ساعة ما جينا وهي بتتفنن أنها تكون قريبة منك
عمر بزعيق :خلص يا منال خشي نامي
منال بعصبية :انت بتزعقلي يا عمر عشان سارة انت مش واخد بالك من تصرفاتها معاك
عمر بنرفزة :عشان انتي غلطانة هي مش غلطانة هي ضيفة عندك والمفروض انتي تستحملي
منال بعصبية :هي مش غلطانة يعني لم تتحجج وتغسل الحاجة بتعتك لم انت طلب حاجة مني وهي تجري تعملها قبلي هي اعتبرني هوى وكل شوية تتحجج بحاجة تعملها ليك وانا موجودة يبقى اية انا غلطانة الضيف يا استاذ عمر مش بيعمل كدة
عمر بعصبية : ايوة غلطانة يبقة اسمة أهمل منك انتي لم تسيبي حد غيرك يشوف طلباتي يبقة الغلط عندك هي بتعملها بحسن نية انتي بقة اية تبقي مش غلطانة
منال بغضب من كلام عمر :انا مهملة في طلباتك وانت شايف اني غلطانة لم ادافع عن حقي فيك واني سارة مش غلطانة لم اعتبرني هوي مش موجودة طب يا عمر اهي قدامك أشبه بيها
عمر بزعيق :انتي مكبرة الموضوع كدة لية الموضوع ميستحقش كل دة مكنتش كلمة يعني اتقالت
منال بزعيق اشد :انا مكبرة الموضوع وكلمة وتقالت طب وانت واقف تزعل لية طيب لم هي مش غلطانة وانا اللي غلطانة من وجة نظرك ولا انت عجبك اني الكل يكون حوليك لا وواقف وبتدافع عنها كمان لا وبتقول علية مهملة في طلباتك وشيفها انها هي مش مهملة في طلباتك طب خلص بقة يبقى انا مش لية لزمة عندك
عمر بزعيق :انتي بتقولي اية
منال بصوت عالي: اللي سمعتة
عمر: انتي كمان بتعليق صوتك علية طب كويس اوى اسمعي بقة مش عمر رضوان اللي وحدة تعلي صوتها علية حتي لو بيموت فيها لحد ما اعترفي بغلطك ملكيش دعوة بية انا ابن عمتك وبس فهمتي
منال بعصبية :ابن عمتي وبس تمام انت اتكلمت مع رجالة بيقا تنهي مع الرجالة مش معاية
ودخلت علي جوة وسمعتة بيقول
عمر بهدوي غير العصبية اللي كانت معاية :متزعليش يا سارة اصل منال بتغير جدا تصبحي علي خير حقك علية انا هاخد حقك منها وهخليها تعتزر ليكي بكرة قدام اكل
سارة بمكر :مش لية لزمة يا عمر منال اختي بردة وانا مقدرة انا بتغير عليك ومسمحها
عمر :انا عارف انك إنسانة متسامحة متزعليش من منال انا هخليها تعتزر
انا خرجت مرة وحدة
منال بكل عصبية وبكل غضب وبكبرياء وصوت عالي :انت واقف تتكلم معها بهدوء وبتتعصب علية لا و عوزني اعتزر وانا مش غلطانة بس انا بقول لا يا عمر يا رضوان مش منال عثمان اللي تعتزر وهي مش غلطانة
عمر بغضب اعمي:طب يا منال يا عثمان انا بقول هتعتزري والا ورحمة أبوية متلزمني وكل حاجة بني انتهت
منال بصدمة :عمر انت بتقول كدة لمين لية انا
عمر بغضب :ايوة لكي اعتزري
منال بتكبر :مش هعتزر واللي عندك اعمل
دخلت كنت بسمع وانا مستغربة انا مش غلطانة عشان اسامح علي حاجة معملتهاش وسمعت عمر بيقول لسارة بهدوء جدا تصبحي علي خير متزعليش
تاني يوم الكل نزل وانا زعلانة من عمر كان متجاهلين جدا وعمل بهزر مع سارة و متجاهلي كأني انا اللي غلطانة خت بعضي وراحت علي الفيلا تحت نظر عمر الي بيلعب مع سارة بالمضارب وقعدة في حتة بيعدة في الجنينة كنت جيبة كتاب معاية قعدة اقرء فية لحد ما رجعو اول ما دخل كان عمر وسارة بيضحكة مع بعض بصوت عالي في اللحظة دي قلبي اتقبض من نظرة عمر لية بص علية وتجاهلني ودخل وشال من سارة الكراسي دخل سالم وكان ماسك الكرسي لبابا
سالم :منول مالك قعدة كدة لية
منال بحزن :مفيش يا ابية
بابا :مالك يا حبيبتي
منال :مفيش انا دخلة تنام عن اذنكم
ودخلت لقيت عمر وسارة واقفين بيضحكة وسارة حطة اديها في ايد عمر بصيت علي ايد عمر ملقتش الدبلة قلبي اتقبض بصيت لعمر وكمية حزن كانت في وشي وفعيني دموع محبوسة وهو حتي ما قلش مالك وهو شيفني حزينة ودموعي في عيني افتكرة الحلم خوفت اوي
دخلت ونمت
وفاء:مالك يا منول في اية
منال بهروب :عوزة انام سبيني انام لحد ما افوق لوحدي
نمت وبعد ساعة
وفاء :منال منال اصحي عشان الغدة فوقي منال مالك انتي سخنة كدة لية
منال:.......
فريد :في اية ملها منال
وفاء :دخلت اصحيها لقتها سخنة مولعة
الكل تتجمع من صوت وفاء علي صوي فريد كنت نيمة بس من غير روح نيمة بس قلبي حزين
شهاب جة :منال منال فيكي اية منال يا ماما منال رجعتها الحالة تاني
ماما بخضة :بنتي في اية مين زعلها يا بنتي
عند.محمد كان نايم قام مفزوع:منال
قام وكان زي المجنون اتصل بفادي في الشغل
محمد: فادي عنوان الفيلا اللي نزلين فيها العايلة اية
فادي: معرفش
محمد: طب في تليلفون اي حاجة اعرف اخبرهم
فادي: لا معرفش في اية مالك
محمدظ: منال فيها حاجة قلبي حاسس بيها منال مش كويسة
فادي: اهدي يا محمد وانسي بقة
محمد: انسي ابة يا فادي قلبي وجعني حس بية بقولك. منال فيها حاجة
فادي: طب انا ممكن اسعدك ازي
محمد: اقفل انا هتصرف
محمد فضل يلف حولين نفسة زي المجنون مش عارف يعمل اية فضل يدعي اني منال تكون بخير بس قلبة وجعة جدا
محمد: منال مالك يا عمري فيكي اية ياقلبي يا رب متوجعنيش فيها يا رب مليش غيرك طمن قلبي عليها يا رب
