رواية ورطة زواج الفصل السابع 7 والاخير بقلم لبنى عباس ( نجمة الشمال )

وجد ريم ويبدو أنها سمعت كلامه كله فمسك يديها وأدخلها غرفته 

راجي بخوف : 

- ريم انتي ايه اللي جابك 

ريم بعد ما افاقت من صدمتها فهي كانت بالخارج حين اتي راجي ولما وصلت البيت اخبرتها ريتال أن راجي في غرفته ومع وما أن سمعت هذا حتى ركضت إلى غرفته ولم تسمع إلى باقي كلام ريتال : 

- جيت أسلمك عليك لسه هفتح الباب فسمعت كلامك 

راجي بخوف :

- ريم أوعى تقولي لحد ماشي

ريم وهي تضع يديها على طول فمها وتقفل :

- متخافش ي راجي لا أسمع 🙉 لا أرى🙈 

لا أتكلم 🙊

راجي بتوجس : 

- ي خوفي منك بس

ريم بجدية : 

- متخافش أنا قدها وقدود سرك في بير ي برو 

كانت جنا تضحك على مناغشهم مع بعض 

حضنته ريم بحب : 

- انت وحشتني اووي اوي تغيب كدا تاني 

راجي بحب : 

-

متخافيش مش همشي أبدا 

ريم بعدم تصديق :

- بجد 

راجي بصدق : 

- آه والله 

ريم بفرحة : 

- انا فرحت اوووي بدا سيبني بقى أرحب بخطيبتك زي ما تقول اللي لسه مش عرفتني عليها 

راجي وهو يضرب جبهته : 

- معلش نسيت دي جنا ودي ريم اختي 

ريم بترحاب فهي سمعت خطتهم لذا تعاملت معها بود وصدق :

- أهلا وسهلا بيك البيت نور بوجودك أنا ريم اخته الصغيرة وهتعتبرك اختي دي لو تسمحي طبعا 

جنا : 

- أكيد 

____________________

في منزل هالة 

كانت تدور في غرفتها وتكاد ان تنفجر الغيظ منها وان رأت راجي سوف تنقض عليه كما ينقض الأسد على فريسته وتأكل 

هالة بغيظ :

- والله هاوريك ي راجي جايبها معاك كمان أستنى عليا بس 

ذهب راجي إلى بيت العمدة نظرت هالة من النافذة وجدته دخل البيت وفكرت أن ممكن أتى ليصالحها فنزلت سريعا وراته دخل مكتب جدها فوقفت على الباب لتسمع الحوار 

راجي : 

- السلام عليكم ورحمة الله وبركاته 

عبدالرحمن بود : 

-عليكم السلام  أهلا ي راجي حمدا لله على السلامة 

راجي : 

- الله يسلمك ي عمدة 

راجي بجدية : 

- طبعا ي حج أنا لسه فاكر اللي حصل ومنتسيش بس مش هقضي حياتي كلها بره قريتي علشان كدا أنا قررت قرار و جاي اقولك عليه أن خطبت ي حج وخطيبتي بتكون دكتورة جديدة وشغلها هيبقى هنا في الوحدة فعلشان كدا جيت علشان أبلغ حضرتك 

عبدالرحمن  حتى يفهم راجي ويسبل اغواره لم يتحدث إلى أن انتهى راجي من حديثه واردف بتساؤل أثار استغراب راجي : 

- وهي قاعده فين 

راجي : 

- في بيتي ي حج 

عبدالرحمن بجدية : 

- وقاعدة هناك بصفه ايه 

راجي :

- خطيبتي 

عبدالرحمن بضيق : 

- عاوز تقعد مع واحدة غريبة  في البيت 

راجي : 

- أهلي معايا ي حج 

عبدالرحمن بجدية : 

- الدكتوره تجي تقعد اهنه مش هي دكتورة الوحدة يبقى مسئولة مني لحتي ما اظبظ ليها مكان تقعد فيه 

راجي :

-  تمام ي حج 

ذهب راجي واحضر جنا وما أن عرفت هالة ذلك حتى غضبت وجن جنونها 

هالة بغضب : 

- هتقعد هنا كمان ماشي ي راجي لما نشوف اخرتك 

الخادمة : 

- العمدة طالبك ي ستي 

هالة :

- قوليله جاية حالا أهو 

هالة بأدب : 

- نعم ي جدي حضرتك عاوزني في حاجه 

عبدالرحمن وهي ترى حفيدته الغاضبه : 

- مالك ي هالة

هالة وهي تكاد تأكل اظافرها :

- مفيش ي جدي 

عبدالرحمن بمكر وهو يعرف انها اكيد رأته : 

- عرفت ان راجي رجع 

هالة بغضب : 

- ايوة ي جدي أنا شوفته لما كنت بزور ماما 

عبدالرحمن :

- وعملت ايه 

هالة بغضب وسرعة : 

- فرحت انه رجع بس البيه راجع وقال ايه معاه خطيبته عاوز يشلني والله 

عبدالرحمن بخبث : 

- وانتي ايه مضايقك 

هالة بضيق : 

مش زوجي ي جدي عاوزني أفرح وهو جايب ضرة ليا معاه 

عبدالرحمن : 

- وفيها ايه حقه 

هالة بغضب وهي تنظر إليه وعيونها متسعة بصدمة : 

- ايه اللي بتقوله دا ي جدي 

عبدالرحمن بمكر : 

- بقول حقه.... من حقه يتزوج ويحب 

هالة باستنكار لكلام جدها : 

- إيه اللي بتقوله دا تقصد أن مش بحب راجي وبكرهه 

عبدالرحمن : 

- والله إن مشوفتش غير كدا الواحدة هتطلب الطلاق ليه الا مكنتش بتحبه 

هالة بحب :

- من قالك ان مش بحب راجي أنا بحبه اوووي كمان

عبدالرحمن بخبث بعد ما حصل على اعترفاتها : 

- امال ايه خلاك طلبت الطلاق 

هالة وهي تضيق عيونها : 

- بس انا مقولتش اني طلبت الطلاق عرفت منين 

ب

دا على عبد الرحمن الارتباك : 

- عرفت مطرح ما عرفت دا اللي يهمك دلوقتي يعني 

هالة بحزن : 

- أنا عملت كدا علشان أشوف هو هيتمسك بيا ولا لاء 

عبدالرحمن : 

- وعرفت 

هالة بألم وببكاء : 

- معرفش يمكن عاوزني اكون مراته علشان يعذبني فيا يقهرني وأنا شايفه معاها 

عبدالرحمن :

- طيب أهدى كدا واقعدي اسمعي كلامي 

جلست هالة وقالت بأدب : 

- اتفضل ي جدي 

عبدالرحمن : 

- أنا معرفش راجي ناوي على ايه  بس هجولك راجي ليه عمل كدا 

اسمعي هو بيعمل كده عاوزك تغير وتولع بس انتي هتعمل العكس تماما هتخليه هو يولع لما يشوفك كدا مش مهتمة بيه بلاش دلق عليه لما تشوفيه 

هالة : 

- تمام ي جدي 

____________________

ذهب راجي لمقابلة خطيبته وطرق على باب القصر 

وفتحت الخادمة الباب 

راجي : 

- روحي قولي لستك أن راجي جاي يزور خطيبته 

الخادمة بأدب : 

- ي ستي راجي بيه وعاوز يقابل خطيبته والعمدة في الغيط راح يطل عليه ادخله ولا لاء 

هالة في نفسها  بوعيد : 

- تمام ي راجي أنا هخليها ليلة سودة عليك 

ثم اردفت بصوت عالي : 

- دخليه وأنا هنزل 

الخادمة : 

- اتفضل ي بيه 

هالة بجمود :

- خير ايه اللي جابك دلوقتي 

راجي ببرود : 

- جاي اشوف خطيبتي 

هالة بغضب :

- وازاي تجي ومفيش رجالة ف البيت متعرفش ان البيت ليه حرمته 

راجي ببرود : 

- والله أنا جاي أزور خطيبتي واستأذنت من العمدة قبل ما اجي 

هالة وهي تعطيه ظهرها وتحركت :

- تمام ثوان وخطيبتك هتجي تقعد معاك 

بعد إذنك 

راجي بتساؤل :

- رايحة فين 

هالة بلا مبالاة :

- يخصك في ايه رايحة 

راجي : 

- يخصني طبعا انتي هتفصلي قاعدة معانا هنا مينفعش اقعد مع خطيبتي لوحدها 

هالة بتهكم : 

-والله أنا ماليش دعوة بدا ثم أنا هحرسك ولا ايه ولا تكون خطيبتك بتعض وخايف تقعد معاها لوحدك 

راجي بسخرية : 

- ههههه ضحكتيني دمك يطش وقولتك مينفعش ابقى معاها لوحدي 

هالة بابتسامة : 

- تمام اتفضل 

جاءت جنا وبدأتوا الحديث 

راجي بابتسامه : 

- هتبدأ شغل امتى 

جنا بابتسامة : 

- العمدة قالي هبدا بكره 

راجي : 

- تمام احنا المفروض نحدد ميعاد الفرح 

جنا : 

- زي ما انت بتحب شوفه عاوز امتى 

راجي بابتسامة وهو ينظر بطرف عينه إلى هالة : 

- الفرح وكتب الكتاب بعد أسبوع 

جنا بقلق 

- بس دا مش بدري اوي ي راجي 

راجي : 

- بدري ايه ي حبيبتي إحنا متعرفين على بعض بقالنا كثيررر وأنا طلبت ايدك من والدتك بقالي كثيرر ليه التأخير بقي

جنا بجدية : 

- كنت حابة نتعرف على بعض اكثر بس خلاص زي ما تحب 

راجي بمغازلة : 

- بس ايه الحلاوة دي هو في دكتورة قمر كدا 

جنا بخجل : 

- دي عيونك الحلوه 

راجي : 

- لاء بجد الناس اللي هيجي يكشفوا هينسوا الكشف و يقعدوا يعاكسوا فيك 

جنا بضحك :

-  مش للدرجات يعني 

راجي :

- لاء للدرجات وزيادة كمان بجد بختي بيك 

رباب : 

- شكرا ي راجي 

راجي بضحك :

- والله انتي غريبة 

رباب :

- غريبة ليه 

راجي :

- واحدة خطيبها بيعاكس تشكره أومال لما يعملك خدمة هتعمل ايه 

رباب بعفوية :

- هشكره برضو 

راجي بضحك :

- عفويتك دي هتوديك في داهية والله 

تحركت هالة لتدخل 

راجي بخبث :

-  رايحة فين ي هالة 

ابتسمت هالة ابتسامة صفراء : 

- مش رايحة مكان انا هجيب حاجه تشربوها محدش جاب حاجه انت مهما كان ضيف واكرام الضيف واجب 

راجي بابتسامة مستفزة :

- عندك حق وانتي صاحبة واجب برضو

ابتسمت له ابتسامة صفراء ثم خرجت 

في المطبخ 

هالة وهي تحدث نفسها :

- أهدى أهدى اعملي زي ما جدك قالك 

وبدأت تحرك يديها للأعلى والاسفل وهي تاخذ نفس للداخل ثم تخرجيه بزفيز وتتردد مع نفسها شهيق وزفيز شهيق وزفيز

هالة وهي تشير للخادمة : 

- هاتي العصير وتعالي ورايا

الخادمة :

- حاضر ي ستي 

دخلت هالة وجدتهم على وضعهم كما تركتهم يضحكون 

هالة : 

- اتفضلوا 

راجي شرد في عيونها وكذلك هالة ومد يديه علشان ياخذ الكأس فوقع عليه افاقوا هم الاثنان على صوت جنا وهي تنبه راجي : 

- راجي العصير اتكب عليك 

هالة بأسف : 

- أنا اسفة والله مكنتش قصدي 

راجي : 

- ولا يهمك فين الحمام 

هالة : 

- أنت لازم تغير مينفعش تفضل كدا تعال معايا 

وأخذته إلى غرفتها 

هالة : 

- ادخل الحمام على ما أجيب ليك بنطلون 

دخل راجي الحمام وخرجت هالة وجلبت له بنطلون ثم أعطته له لبس راجي البنطلون وهو ينظر اليه باستغراب 

راجي : 

- متشكر هو انت صح جبت البنطلون دا منين أنا حاسس أن هو بتاعي 

هالة بتوتر : 

- هو بتاعك ايوة لما كنت قاعد هنا قبل كتب الكتاب نسيت... ه الخادمة لما كنت بتروق الاوض لقيته فأنا خدته وحطيته في الدولاب ومن ساعتها وهو فيه

راجي :

متأكدة 

هالة بارتباك :

-  ايوة متأكدة أنا هكذب عليك ليه يعني 

راجي : 

- تمام 

غادر راجي للأسفل 

احس راجي انها تكذب لكن هل تخبره انها اشتاقت اليه فأخذته بعض من ملابسه حين كان مسافر لتحس بوجوده جواره 

وضعت البنطلون في المغسلة ثم نزلت للأسفل 

جنا : 

- صح ي راجي مش هتعرفني على أهل البيت بعد ما جيت إمبارح نمت على طول ومشوفتش حد 

راجي : 

- ماشي 

أحب أعرفك بهالة توأم روحي 

ابتسمت هالة ثم سريعا ما زالت ابتسامتها حين أكمل وقال 

راجي بابتسامة : 

- وكانت شريكة حياتي وصديقتي وزي أختي الصغيرة تعرف عني كل حاجه وهي عمري ما خدعتني ولا ضحكت عليا 

وهو ينظر إلى هالة بعتاب

وكانت أغلى شخص في حياتي بس دلوقتي جيت انتي وبقيت أغلى شخص عندي 

نظر راجي إلى هالة وجد الدموع في عيونها فغادرت سريعاً إلى غرفتها ودخلت الحمام وبدأت تبكي ثم نطرت بانهيار وهي تسمع كلمة راجي تتردد حولها 

" كانت أغلى شخص في حياتي" 

هالة ببكاء وهي ترمي علبة الشامبو على المرأة فتكسرت وسمع راجي صوت تكسير وصعد للأعلى سريعا وبدأ يطرق على غرفتها 

راجي بقلق : 

- هالة انتي كويسة 

مسحت هالة دموعها وغسلت وجهها ثم خرجت لراجي 

هالة بابتسامة :

- نعم ي راجي

راجي بخوف وقلق عليها : 

- أنا سمعت صوت تكسير 

هالة بلا مبالاة وبرود : 

- آه دي المرآة في الحمام اتكسرت بسبب ان علبة الشامبو كانت على الأرض مسكت من الأرض الشامبو فلت وكسرت المرآة 

راجي بقلق وهو ينظر إليها  : 

- وأنت بخير حصلك حاجه 

هالة ببرود :

- آه بخير اتفضل روح لخطيبتك علشان تعبانة وعاوزة انام ي أخويا مش انت لسه قايل كدا برضو 

نزل راجي للأسفل ونامت هالة بعد بكاء طويل 

في اليوم التالي كانت ريم تجهز لكي تذهب إلى جنا فراتها ريتال 

ريتال باستغراب : 

- أنت ايه اللي بتعمليه دا 

ريم بابتسامة : 

- مش بعمل حاجه رايحة أزور خطيبة اخويا بس فيها حاجه 

ريتال باستغراب : 

- انتي هبلة طيب لو هالة زعلت 

ريم : 

- هالة مرات أخويا والصراحة أنا مع راجي هو يستاهل يختار شريكة حياته أنا مش بقول أن هالة وحشة لاء بالعكس هي جميلة وحلوة

ريتال : 

:- ايه غيرك كدا مش انتي بتحب هالة 

ريم : 

:- أنا مغيرتش ولا حاجه هالة كويسة و

والكل معاها وبيحبها اما جنا فهي لوحدها ولازم نكون معاها 

ذهبت ريم إلى منزل وفتحت لها هالة 

هالة بترحاب : 

- ازيكي ي ريم اتفضلي 

ريم بابتسامه : 

- شكرا ي هالة هي فين جنا 

هالة بحزن :

- أنت جاية علشان تشوفيها 

ريم : 

- ايوة 

هالة : 

- هي في الصالة قاعدة هناك أهي 

ريم :

- تمام شكرا 

وبعد قليل أتت ريتال 

ودخلت بعد ما فتحت الخادمة الباب وكانت هالة في المطبخ 

هالة بلا مبالاة : 

- خطيبة أخوك بره لو جاية تشوفيها 

ريتال بضيق ما رأت حزن هالة : 

- وأنا مالي أنا جاية أشوفك ماليش دعوة بخطيبته مالك مضايقة ليه البنت دي قالت حاجه ضايقتك 

هالة بضيق :

-  لاء بس ضايقني تصرف ريم دي متقعدش معايا حتى 

ريتال : 

- مشتغلين بالك يمكن ريم بتعمل كده علشان تعرف راجي بيخطط لأيه 

هالة : 

- ممكن 

ريتال : 

- ثم انتي ليه كدا مستسلمة المفروض تحاربي وتمسكي في زوجك بيديك واسنانك دا زوجك انتي بس وانتي اللي أحق فيه 

هالة : 

- عندك حق بس هعمل أيه 

ريتال :

- تعلمي البت الأدب وتخليها تخلع لوحدها من هنا 

هالة :

- ازاي 

ريتال :

-  هقولك 

____________________

في اليوم التالي 

كان راجي يرن على جنا لكنها لم ترد وأتصل بها اكثر من مرة وكان نفس الشئ لا ترد بدأ القلق يتسرب إليه 

ريم بقلق : 

- مالك ي راجي فيك إيه 

راجي بخوف :

- برن على جنا مش بترد 

ريم : 

:

- ممكن تكون مشغولة مش انهاردة أول يوم ليها في الوحدة 

راجي : 

- أنا هروح اسأل هناك 

ذهب راجي إلى الوحدة ليسأل عنها لكنهم اخبروه أنها لم تأتي بعد وذهب إلى منزل العمدة وظل يطرق الباب وفتحت الخادمة وقالت له ان خرجت ولم تعد به قلق راجي كثيرا وقرر ان يقدم بلاغ لكنه أنتظر بعد مرور ٢٤ ساعة 

في مكان آخر 

فاقت بعد وقت طويل تتذكر حين كانت ذاهبة إلى الوحدة وشعرت بأحد خلفها ما أن التفتت حتى أغمى عليها 

الخاطف :

- اخيرا صحيت 

جنا بصدمة :

- انتي 

ريتال : 

- ايوة أنا 

فلاش باك  

ثم بدأت بسرد خطتها عليها وكانت عيون هالة 

ريتال بخبث : 

- إحنا هنخطفها ونخليها تطفش من نفسها

هالة بخوف : 

- طيب لو قالت لراجي 

ريتال : 

- احنا هنهددها 

هالة : 

- تمام 

في اليوم التالي 

رنت هالة على ريتال 

هالة : 

- إحنا هنفذ انهارده 

ريتال : 

- تمام 

ثم خطفوا جنا وهي في طريقها إلى الوحدة 

باك 

جنا بقلق : 

- انتي جبتني هنا ليه

ريتال :

- هتسمعي الكلام هقولك جبتك ليه بس لو مسمعتش كلامك يبقى هتزعلي

هالة بعقلانية :

- إحنا هنسيبك بس بشرط تبعدي عن راجي أول ما تمشي من هنا على بيتك على طول

جنا :

- أنا مش هقدر أمشي

هالة بغضب : 

- شكلك عاوزة تتربي

ريتال :

- هالة احنا مش هنعمل حاجه احنا هنسيبها كدا لحد ما تتعب وهي هتغير رأيها

هالة :

- تمام

رجعوا إلى المنزل

ريم بشك : 

- كنت فين كل دا

ريتال بتوتر : 

- ليه السؤال دا ثم أنا كنت مع هالة بس فيها حاجه

ريم : 

- لاء مفيش هو انتي متعرفيش اللي حصل

ريتال :

- حصل إيه

ريم : 

- جنا مختفية بندور عليها من الصبح

ريتال بصدمة مصطنعة :

- بتهزري وامتي دا حصل

ريم بهدوء :

-  انهاردة الصبح

ريتال :

-  مكنتش اعرف أنا وهالة خرجنا وروحنا السوق نشتري حاجات

في الصباح خرجت ريتال من المنزل وذهبت إلى هالة وبعد كذلك ذهبوا إلى المكان الذي وضعوا به جنا

هالة : 

- فكرت ولا تحبي نسيبك يوم تاني

ايه اللي بتعملوه دا

التفوا بسرعة وصدموا حين رأوا ريم مصدومة من الذي يحدث أمامها فهي لم تتوقع أن يفعلوا هذا الشئ 

ريم بصدمة :

- ازاي تعملوا كدا

هالة بغضب : 

- عايزني اعمل ايه ازاي وأنا شايفه زوجي هيتزوج واحدة تانية

ريم بجدية :

-  بس راجي مكنتش يعمل كدا

ريتال : 

- واثقة ليه وانتي بتقوليها كدا ودي جايبها معاه ليه

ريم : 

- دي خطة علشان يرجعك 

هالة بصدمة :

-  ايييييييه

جنا بعد ما فكت ريم قيدها : 

- كلام ريم صح أنا بعمل خطة بس مع راجي

خرجت هالة وذهبت سريعاً إلى راجي الذي ما أن رأته حتى سحبته من يديه إلى شقتهم

راجي باستغراب :

-  إيه اللي بتعمليه دا

هالة بجراءة :

-  أنا بحبك لو كنت عاوز ترجعني كنت جيت وقولت مفيش داعي تعمل خطة بس ايه اختارت الطريقة السهلة وقولت هي مش عاوزني..... من غير ما تسألني وتعرف أنا عاوزة أكمل حياتي معاك ولا لاء.... حبيتك من أول ما بقيت مراتك رضيت وقولت زوجي مفيش زيه...... اتعاملت معاك كاخوات رغم كان نفسي تتعامل معايا على اني مراتك بس خلاص أنا تعبت ي راجي مدام انت مش عاوزني أنا كمان مش عاوزك..... روح اتفضل اتجوز جنا أو جميلة مين كان أنا مش هتكلم بس ي ريت تطلقني لو سمحت

راجي وقد فهم أنها علمت بخطته : 

- مين قال اني عملت خطة علشانك أنا لو عملت يبقى علشان أهلي يفهموا ان الزواج مش بالغصب عمره ما كان بالغصب ابدا 

بس تمام ي متخافيش أنا هنفذ ليك طلبك مهما كان انا عريس جديد وورقة طلاقك هتوصل قريب 

ذهبت هالة وهي تبكي وبعد مرور يومين أخبرها جدها أن هناك عريس متقدم ليها فوافقت هالة عليه دون إعتراض إلى متى سوف تنتظر راجي هل ستنتظر إلى أن ينجب أولاد ام تنتظره حياتها كلها وأن انتظرته فراجي كما هو لم يتغير هل فكرت أيها البلهاء أنه من الممكن أن يفكر فيك انك حمقاء فهو سافر وأعجب بواحدة أخرى ويريد أن يتزوجها  فكفي تفكير به هو لم يعد يهتمك بك ولن يهتم 

في يوم الزفاف 

جهز المكان وأتى المعازيم وتم تجهيز العروسة التي صدمت من سرعة هذا الزواج نعم هي وافقت ولكن زواج بهذة السرعة كيف ذلك كانت تظن ان سوف يأتي ويمنع هذا الزفاف لكنه لم يأتي استسلمت لواقعها المؤلم وفقدت آخر أمل في رجوع راجي إليها بعد أن سمعت الزغاريط التي تعني ان تم الزواج وبعد قليل صعدت إلى غرفتها كان عريسها خلفها 

دخلت هالة ورفعت الطرحة من على وجهها ثم جلست على السرير وظلت تنتظر إلى صدمت وهي تنظر بجوارها إلى وترى آخر شخص يمكن أن تتوقع قدومه هنا

هالة بصدمة : 

- أنت بتعمل ايه هنا

راجي بحزن : 

- جاي أباركلك ي عروسة مهما كان كنت صحبتي ومراتى ألف مبروك يا عروسة 

هالة بضيق وحزن : 

- الله يبارك فيك وعقبالك انت كمان

راجي بحزن :

- بعدك مقدرش اتجوز حد تاني

هالة بعدم تصديق :

- كاذب علشان لو كنت كدا فعلاً مكنتش جبت جنا

راجي :

:- زي ما قولت جبتها علشان أدى أهلي درس أنا مستحيل اتجوز حد غيرك وانتي برضو مستحيل أتجوزي حد غيري

هالة :

- إيه اللي بتقوليه دا ثم أنا اتزوجت خلاص

راجي بعناد :

- خلاص أنا هستني زوجك هنا ونشوف رد فعله لما يلاقي مراته مع راجل تاني

هالة وقد نسيت أن زوجها قادم خلفها في أي لحظة اردفت بهلع : 

- أمشي ي راجي هو ممكن يجي في أي لحظة

راجي بعبث :

- ايه خايفة عليا

هالة بلا مبالاة :

- لاء طبعاً أنا خايفة على زوجي ليه يروح في داهية بسببك

راجي ببرود : 

- خلاص هستني أنا

خبط الباب وصدمت هالة وظلت تنظر إلى راجي ثم الباب بتردد لم تتحرك من مكانها وظل الطرق على الباب لم يتوقف فذهبت لتفتح وهي تكاد أن يغمى عليها من الخوف فتحت الباب وجدتها الخادمة التي أتت بصينيه العشاء فأخذت هالة أنفاسها التي كادت تذهب وأخذت صينية العشاء من  الخادمة ثم دخلت ووضعتها على المنضدة ثم رفعت كوب الماء لتشرب وتبتل ريقها فهي شعرت حقا بالجفاف كأنها كانت في صحراء قاحلة ولا يوجد بها ماء 

رفع راجي الغطاء عن العشاء وبدأ يأكل 

هالة بضيق :

- إيه اللي بتعمله دا دا أكل ليا ولزوجي 

راجي : 

- مش لما يجي الأول شكله طفش ي لولو 

هالة باستغراب وهي تفكر في كلام راجي فحقا لم تأخر فمن المفترض انه كان سيصعد خلفها فخطر شئ على بالها سريعاً 

هالة وهي تضيق عينيها : 

- عملت ايه فيه ي راجي 

راجي :

- أنا معملتش حاجه أنا قاعد معاك أهو 

هالة بتهديد : 

- راجي عملت ايه في زوجي قبل ما تدخل هنا

راجي :

- معملتش حاجه وزي ما قولت ليك مفيش حد غيري يقدر يتجوزك

هالة باستغراب : 

- تقصد ايه

راجي : 

- قصدي أن العريس أنا والأكل دا جاي لينا إحنا عرسان

هالة :

- مستحيل طبعا

راجي : 

- تحب أوريك القسيمة 

هالة بعدم استيعاب : 

:- ازاي انت العريس مش انت طلقتني وجدي هو 

ثم صمتت ولم تكمل كلامها وخرجت من الغرفة وذهبت إلى غرفة جدها وطرقت على باب غرفته 

هالة : 

:- ي جدي انا مش عارفة ومش فاهمة انت كنت عارف ان هو العريس

عبدالرحمن : 

:- كنت عارف ايوة وبعد كدا ماليش دعوة انا علشان مش بتقولوا بعمل خطة المرادي ولا حاجه 

راجي : 

:- معلش ي جدي ازعجتك 

ثم مسك يديها ودخلوا الغرفة ودخل عبدالرحمن غرفته 

هالة :

- أنا وأنت اتطلقنا ولا لاء ي راجي 

راجي :

- لاء بس أنا حبيت أعمل فرح جديد مش زي الفرح الأول كنا أنا وأنت مضايقين

هالة ببكاء :

- لاء انت بتضحك عليا

راجي بحب :

- والله  أنا مستحيل اتجوز حد غيرك

و مستحيل أخليك تتجوزي حد غيري

هالة وهي تضربه بسخط : 

- كان لازمته إيه اللف والدوران دا 

راجي بضيق : 

- كنت مشتت والله معرفش أعمل إيه ولما سافرت هديت وفكرت وعرفت أن مقدرش اعيش من غيرك 

هالة وهي تحتضن راجي :

- ولا أنا أقدر ي راجي 

راجي بضيق :

- كاذبة انتي وافقت تتجوزي أول عريس قالك عليه جدك 

هالة : 

- ما انت خطبت برضو وكنت ناوي تتجوز 

راجي بخبث : 

- والله كأنك مش خطفت جنا يعني وعرفت ان هي خطة 

هالة بارتباك : 

- دي كانت فكرة ريتال 

ثم قالت بجراءة وهي تمسكه من قميصه :

-  ثم انت مقدرش تكون مع حد غيري انت زوجي ومن حقي أدافع وأمسك فيك كمان 

راجي بخبث : 

- شكلي لما بعدت عنك احلويت وبقيت جريئة ي بت 

هالة  وهي تضربه على كتفه : 

- ايه بت دي اتلم 

راجي : 

- بتتحول في ثانية وربنا 

ثم مسح دموعها 

راجي بمرح : 

- في واحدة تعيط ليلة فرحها كدا نكدت عليا 

هالة بغضب مفاجي : 

- أنا نكدية 

راجي بخوف :

-  أنا قولت كدا 

هالة بضيق : 

- ايوة قولت 

راجي : 

- أنا قصدي على نفسي أنا نكدي وستين نكدي علشان زعلت حبيبتي مني

هالة بلهفة :

حبيبتك

راجي بحب :

- ايوة حبيبتي وروح قلبي أنا بحبك وبموت فيك كمان 

سكتت هالة اكتست وجنتيها حمرة الخجل ولم ترد 

راجي :

- إيه مفيش واحدة بحبك أنا كمان 

هالة بتذكر :

-  ما أنا قولت ليك قبل يومين فاكر ولا أفكرك 

راجي بخبث :

-  آه عليك مش المهم خلاص هسمعها مرة تانية بس يكون في علمك أنا عديتها بمزاجي 

هالة : 

- بمزاجك 

راجي :

-  ايوة 

هالة بتحدي :

- طيب مش هتسمعها مني تاني ي راجي 

راجي بمكر : 

- متأكدة 

هالة :

- آه 

راجي : 

- متأكدة أكيد يعني 

هالة : 

- ايوة وأنا مستحي

اه حرام عليك ي راجي سبني بطني وجعني 

وكان راجي بدأ يدغدغ فيها 

هالة بضحك : 

- سبني والنبي ي راجي 

راجي :

-  قوليها الأول 

هالة : 

- سبني طيب أنا هقولها 

ترك راجي هالة ما أن تركها حتى ركضت إلى الحمام 

هالة : 

- مش هخليك تسمعها برضو 

راجي :

- هخليها تقوليها قريب ي هالة ودا وعد مني 

دخلت هالة وغيرت ملابسها ثم خرجت 

وجدت راجي أمام الخزانة وقد مسك هدومه 

هالة بتوتر :

- إيه الهدوم دي 

راجي بخبث :

- دي هدوم كنت قولت لماما تحطها هنا أنام فيها اكيد مش هنام بجليبه 

وقد عرف ان أخذت بعض من ملابسه فهو لم يرتدي هذة ملابس قبل كتب الكتاب فكيف أنس ملابسه هنا وهو لم يرتديها بالأصل 

هالة : 

- طيب 

وذهبت إلى السرير لتنام وبعد قليل خرج راجي بعد ما غير هدومه الي تيشيرت مريح وبنطال قطني 

ونام بجوارها

هالة بتوتر :

- أنت هتعمل إيه 

راجي : 

- هنام 

هالة بصدمه :

- تنام 

راجي بمكر : 

- ايوة هنام انت عاوزة نقعد يعني 

هالة : 

- لاء تصبح على خير 

راجي : 

- متخافيش لما نروح بيتنا هنبدأ حياتنا هناك وهنفذ اللي في دماغك 

هالة بتوتر وارتباك : 

- أنت تقصد ايه 

راجي بخبث :

-  قصدي احنا نعيش في بيت واحد انتي كنت فاكرة ايه 

هالة بتوتر : 

- مكنتش فاكرة حاجه تصبح على خير 

ثم نامت على طرف السرير شهقت بعد ما جذبها راجي ناحيته وأخذها باحضانه واردف بحب : 

- متخافش أنا عاوز ننام كدا تصبحي على خير 

هالة : 

- وأنت من أهله 

في الصباح استيقظ راجي ودخل ليأخذ حمام 

بعد قليل فتح باب الحمام وخرج راجي منه وهو يجفف شعره وجد هالة ما زالت نائمة 

راجي بابتسامة :

:-  لولو اصحى يلا 

هالة بنوم :

:- بكره 

راجي بضحك : 

:- يلا ي كسولة 

هالة بكسل : 

:- سبني خمسة دقائق بس وانا بعد كدا 

راجي : 

:- لو مصحيتش هغرقك ميه 

هالة وهي تفتح عيونها وتقوم بفزع : 

:- أنا صحيت خلاص 

راجي بابتسامه : 

- صباح العسل 

هالة بكسل وهي تفرك عيونها : 

- صباح النور ي راجي 

راجي : 

- إيه الكسل دا قومي يلا عاوزين نروح بيتنا ولا انتي حابة تقعدي هنا لو كدا أنا معنديش مانع وهو يتقرب منها 

قفزت هالة من نومتها وقالت بتوتر :

- نص ساعة والبس 

في الأسفل رأي راجي جنا فخطرت على باله شئ 

نزلت هالة وجدت راجي يتحدث مع جنا فذهبت ناحيتهم سريعاً 

جنا بابتسامة : 

- صباح الخير يا حبيبتي ألف مبروك ليكي 

هالة بابتسامة رغم غيرتها من وقوف راجي معها : الله يبارك فيك أنا اسفة على اللي عملته معاكي 

جنا بابتسامة : 

- ولا يهمك ي قلبي هروح الوحدة بقى مع السلامة 

ذهبت جنا وظلت هالة تنظر إلى راجي بسخط 

راجي :

-  بتبص عليا ليه كدا 

لم ترد هالة وذهبت لتصبح على جدها بعد ما عرفت من راجي ان كان جدها يعلم بما فعله راجي يبدو أن كان يعرف كيف كان سيتزوجها وهو لا يعلم جدها اكيد كان يعلم أن العريس هو راجي 

فطروا ثم ذهبوا إلى البيت 

راجي باستغراب : 

- مالك فيك إيه 

هالة ببرود : 

- مفيش 

راجي : 

- في ايه ي هالة 

هالة بغضب :

- إيه اللي وقفك مع جنا 

راجي : 

- عادي كنت بتكلم معها في حاجه 

هالة بتساؤل : 

- حاجه ايه 

راجي بمكر : 

:- حاجه بينا بس بتسألي ليه هو انت اضايقت لما شوفت واقف معاها 

هالة وهي تخفي توترها :

- هضايق ليه 

راجي بخبث : 

- يمكن غيرانه 

هالة بضحك مستفز : 

- غيرانه لاء طبعاً 

راجي : 

- كاذبة علشان غيرانه وهتموت من الغيرة كمان 

هالة بغضب :

- ايوة ي راجي غيرانة ايه ممنوع أغير على زوجي 

راجي بضيق :

- بس انتي مش بتحبيني 

هالة بحب : 

- مين قال كدا انا بحبك وبحبك اووي كمان 

أدركت هالة ما قالت فخجلت ووضعت يديها على فمها 

راجي بابتسامة لانه وصل إلى هدفه : 

- ما هي سهلة اهي ليه ساكتة ومش راضية تنطقي 

هالة بضيق :

:- أنت ضحكت عليا 

راجي بخبث : 

:- هو ممنوع اسمع الكلمة دي من مراتي 

هالة وهي تضربه على كتفه اردف بغيظ : 

:- لاء مش ممنوع 

ثم اردفت بحب : 

:- هفضل أقولك ليك دايماً أنا بحبك 

راجي بعشق وصدق نابع من قلبه : 

:- تعرفي أنا بحبك من أمتي 

هالة بلهفة : 

:- امتي 

راجي وهو ينظر إليها نظرات كلها حب وعشق : 

:- لما شفت أول مرة عجبتني بعيونك القمررر كنت عاوز أتكلم معاك بس معرفش اقول ايه فقولت أروح اعاكسها يمكن اعرف أكلمها وفعلا عملت كدا 

بس مكنتش أعرف أن دي هتبقى احلي صدفة والمعاكسة اتحولت للزواج