رواية احببتها متمرده الفصل السابع بقلم جمانه السعيدي
بقيت الليل كله افكر شلون حل هاي المصيبه
وليش مايحجي وياي يمكن زعلان مني
الصبح كعدت سبحت وبدلة وطلعت للشركه
وصلت قبله وبقيت كاعده انتضره
اجا ودخل مكتب بابا لان هو الي يدير الشركه بمكان بابا
رحت ورا دخلت صباح الخير
مارفع راسه ولا رد عليه السلام
سحب ملف وانطانيا كال دققي هذا الملف ورجعي اليه
مارفع عينه ولاكلف نفسه يرد عليه السلام
جمانه السعيدي
اخذت الملف وطلعت رحت بغرفة رائد اراجع الملف
بس حسره شكبرها بكلبي
ليش مايحجي وياي
وين الحب وين لهفته عليه وين نضرات الاعجاب
وين كلمة مشتاق الي كل شويه يكوووله
يعني رائد بعد مايحبني
اعرف غلطت بس ولله ندمانه حيل ندمانه
رب العالمين بعزة وجلاله يغفر
وهو مايغفرلي
رائد قررت اعاقب سدن لان الي سوته مو شويه
رايحه تتفق ويه مجرم على هاي البنيه
لو ميته هاي البنيه شلون تتصرف
لوما ابوها انسان طيب وخايف ربه هسه جان جرجرنا
بالمراكز والمحاكم
لازم اعاقبه حتى تفكر الف مره قبل لاتصرف هيج تصرف
قررت ابد ما احجي وياها
لحد ماتعرف غلطها شنوووو
سدن كملت الملف ورجعت علي دكيت الباب ودخلت
هو يخابر اتجاهلني بلبدايه بعدين
اشرلي عوفي الملف واطلعي
بس اني بقيت واكفه اريد احجي وياااا
طولت المكالمه وهو مجاهلني
خلص وكال هااا اكو شي
سدن اني اسفه اجيتك اعتذر منك
جمانه السعيدي
رائد رجاء ارجعي المكتبج عدنا شغل هواي لازم نخلصه
سدن انت ليش هيج تعاملني اني كتلك اسفه واعتذر
ومتندمه حيل
رائد ضربت على المكتب بايدي وهي كمزت وصحت
ارجعي الشغلج احنا هنا جايين نشتغل مو نسولف
سدن انقهرت منه حيل راسا طلعت بس ماكدرت اتحكم بدموعي ابد
اني مامتعوده احد يصيح عليه لو يتجاهلني
ومو اي احد النوب رائد
كعدت بلمكتب وكمت ابجي
نص ساعه واتصل عليه رائد
سدن نعم تفضل
رائد حضري نفسج اطلعي ويا عماد وزوجته حتى تكتبين تقرير على كمية الحديد الي نصرفت بمكان العمل
سدن حاضر
طلعنا بسيارة عماد ساعه يله وصلنا المكان العمل
جابولي الاوراق دققتهن مضبوطات وكلشي تمام
بعدين أنطوني اوراق على الطلبيه الجديده
عماد وزوجته راحو يم العمال واني بقيت جوووه
اكو مكتب زغير كعدت بي
ساعه واكثر يله رجعولي
كالو احنا راح نبقا هنا نراقب العمل وانتي اخذي سياره
وارجعي للشركه
من طلعت برا دست على حديده مثلثه بيها طرف حاد
جرح رجلي هو الجرح موحيل جبير بس دم هواي وكع مني
جابولي ضماد وضمدوها اليه
اجرت تكسي ورجعت للشركه
رحت ادز التقرير الرائد
دخلت بلبدايه مارفع عينه عليه بعدين اخذ التقرير
واني واكفه كال اوكي تكدرين تتفضلين
جمانه السعيدي
مشيت وصلت للباب صاح عليه شبيه رجللج
سدن لامابيه شي تعورت بحديده بموقع العمل
رائد تعاي خل اشوفها
سدن شكد جانت توجعني رجلي بس كال تعاي اشوفها
حسيت الالم اختفى وكامت ماتوجعني ابد
حسيت بحنان موطبيعي بصوته
بس مختفي ورا قناع القسوه
رجعت علي مثل الجاهله الي كاتلينها ومنتضره ابوها يجي وتشكيله
رجعت كعدت على الكرسي
وهو تقدم ودنك وبدأ يفتح بلضماد شاف الجرح
راح جاب كطن وضماد وديتول
صعد رجلي على الطبله الي كدامي وخله ديتول على الكطن وبدأ يمسح رجلي الديتول حركني
صحت اييي يوجع
رائد هسه خلصت لازم تتعقم خاف تلتهب
سدن ما اعرف ساعته ليش كمت ابجي
لا اعرف ليش ابجي ابجي لان احبه
اي احبه وزعله عليه مأثر بيه حيل
كل الأشخاص الي مرو عليه بحياتي كوم ورائد شي مختلف
انتبهت كام يربط برجلي ماتوجعني بس صحت
اي توجعني
رائد صاحت اي توجعني رفعت راسي شفتها تبجي
وعيونها حمر معقوله تبجي من هذا الجرح البسيط
رائد جرح بسيط مامستوجب هذا البجي
تكدرين ترحين للبيت انتي اليوم مجازه
سدن ابجي واحجي شلون امشي عليها توجعني
ماكانت رجلي توجعني كان كلبي يوجعني من حب رائد
رائد حسيته تتحجج برجلها وتريدني اهتم بيها
كتلها
خلاص اني اوصلج للبيت
سدن اريد جنطتي بقت بلمكتب
رائد هسه اجيبها رحت المكتبها وجبتها
سحبت مفاتيح السياره
ودنكت عليها شلتها بحضني
وهي لازمه ركبتي واني امشي
اكول بنفسي هسه دخلتي عليه تمشين شبسرعه
كمت ماتكدرين تمشين
هذا الحب يا سدن وبعد وبعد اله اخليج تموتين
من الحب والاشتياق
اذا ما امشيج مثل المسطره اني مو رائد
جمانه السعيدي
وصلنا للسياره ودخلتها واني صعدت شغلت السياره
ونطلقت وماحجيت اي شي
وهي دموعها مابطلن ينزلن وتتحسر كل شويه
وصلنا البيتهم
بلاول دكيت الباب وطلعت ام سدن وكتلها سدن انجرحت رجلها وجبتها للبيت
رجعت شلتها بحضني ووصلتها للطرمه وكتلهم اني عندي شغل لازم ارجع
وصلت للسياره ولكيتها ناسيه جنطتها
اخذتها انطيها الها لكيته تمشي بلطرمه مابيها شي
بس اني غلست
باقي النهار اتجاهلتها ومآ خابرتها ابد
سدن لازمه التليفون واكول هسه يتصل
هسه تجيني رساله بس ابد ماكو شي
سمعت صوته بليل اجا على بابا
راسا بدلت لبست ثوب قصير وضيك لونه حبري
وتمكيجت وخليت عطر ونزلت
دخلت سويت نفسي اعرج سلمت علي
التفتت رد السلام ورجع يحجي ويا بابا وحتى ماسئلني شلون صرت
رائد اجت سدن تعرج التفت عليها لابسه ثوب يخبل عليها
والعطر يجنن بلكوه لزمت نفسي
ولله كلبي طاك عليها
بس لازم تتعاقب حتى ماتعيد الغلط ابد
طلعت وهي طلعت وراي بس اني مالتفتت عليها ابد
سدن ياربي راح يخبلني
رجعت ودزيتله رساله
سدن رائد ولله احبك ومستعد اسوي اي شي بس تسامحني
بس مارد عليه ابد رغم شاف الرساله
نص ساعه ودزلي رساله
اذا ماتكدرين تجين باجر انتي مجازه
قفلت التليفون لان ضجت معقوله هيج يعاملني
ثاني يوم صممت اروح للدوام لازم اشوفه واحجي وياااا
رحت بس مالكيته رايح الموقع العمل
الساعه ١٢ الضهر يله رجع
وكلعاده اجاهلني ومآ حجه وياي ابد
ولاسئلني شلون صارت رجلج
بقينا على هذا الوضع عشر ايام
بس موعشر ايام عشر سنوات طار برج من راسي من الاشتياق
سويت كل الحيل ومافاد اي شي ويااااا
المشكله اشوفه يحجي ويه الكل ويضحك واني كلامه ويااا
محددود متجاهلني حيل
قررت اسوي نفسي مريضه ومآ اداوم واخلي ماما تخابره
بلكت يحن كلبه شويه
اعرف أفكاري مال اطفال
وهو اكبر مني ويعرف يتحكم بمشاعره بس مابيدي حيله ابد
جمانه السعيدي
رائد هاي الفتره كلها واني كوه مقاوم مشاعري
ودي احضنها واكسر ضلوعها
واحبسها بكلبي احبها واريدها بس اريدها تتعلم تصرف صح
سدن امي لاحظت الزعل بيني وبين رائد ويوميه تسئلني ليش متزاعلين واني اتهرب من الاجابه
حتى بابا لاحظ هذا الشي
ثاني يوم ماداومت امي صعدت كتلها مريضه اليوم احس كلبي يوجعني
امي تخبلت واني اهدي بيها وماكوووو
اهوووو هاي شيفهمها اني كاعده امثل
آريد رائد يصالحني
بعدين كتلها ماما لاتخافين مابيه شي
اريدج تخابرين رائد وتكوليله سدن مريضه اليوم ماتكدر تجي للدوام
امي فهمت هاي لعبه
وفهمت رائد كدر يوكعني بحبه
سدن ماما خابري وافتحي سبيكر اريد اسمع صوته
ام سدن الووو صباح الخير رائد
....صباح الخير اهلا وسهلا
...اليوم سدن ماتكدر تجي مريضه
....سلامتها شبيها
....تكول ما اكدر كلبي يوجعني
...شلووون كلبها تحجين صدك
...اي طبعا احجي صدك
....هسه اني جاي واخذها للمستشفى وسد التليفون
ام سدن اي راح يصيدج هسه الدكتور يعرف مابيج شي وتمثيل علي
سدن ميخالف بس خل يجي رائد
رائد الف فكره اجت ابالي شبيها ليش كلبها يوجعها
خاف بسببي ضاجت مني وكلبها كام يوجعها
سدن بدلة لبست ثوب اسود قصير وصدرا تور
ورتبت شعري وتمكيجت
وتمددت وتغطيت
امي تضحك عليه تكول المريض يصير وجها اصفر
وانتي خدودج حمر
رائد وصلت وامها كالت بغرفتها فوك ابوها جان نايم
صعدت الها دكيت الباب سدن سدونه شبيج حبيبتي
قربت عليها تخبل المكياج والعطر والثوب يخبل
لزمتها شبيج صدك كلبج يوجعج
كعدت بصفها على الجربايه
سدن اي من وراك
رائد من وراي اني شعليه
سدن كعدت وعدلت شعري
رائد كعدت وعدلت شعرها طالعه تخبل عرفتها حيله منها تريدني اصالحها
سدن اي كلبي يوجعني من وراك احبك تعرف شنو احبك
رائد لا بشرفج سدن خوفتيني عليج ليش هيج تسوين
سدن خوفتك عليه يعني تحبني اذا تحبني ليش ماتحجي وياي
رائد ما احجي وياج لان انتي غلطانه هاي البنيه كان ممكن تموت بسببج
ساعته ضميرج يكون مرتاح
ولو ابوها مصمم يشتكي جان هسه انتي بلسجن
هاي التصرفات ماتليق بيج ابد
اذا اي انسان يضوج من انسان ثاني يقتله ماتبقى بشر على وجه الأرض
سدن موكتلك اسفه وبعد ما اعيدها ابد بعدين انت عاقبتني اولا ضربتني وثانيا زعلتني
سدن صدك اني زعلانه ليش تضربني
رائد اضربج واكسر راسج
لوما لازم اعصابي جان يومها موتج خلاص
من سمعت المكالمه عقلي طار مني كمت اتخيل اشياء بينج وبينه
سدن خلاص خل نتصالح اني بعد ما اكدر اتحمل الزعل اكثر
رائد بشرط بعد ماتعيدين هيج شغله
يمعوده انتي تخوفين باجر اذا اني وياج تعاركنا ترحين تاجرين واحد يكتلني
جمانه السعيدي
سدن ولله اني مو هيج بس بوقتها ما اعرف شلون هيج تصرفت
انت حبيبي ولي يقرب عليك اموته خلاص
رائد خلاص تصالحنا يله كومي بدلي خل نروح نتغدا برا
اني عازمج
سدن كمت وكفت على الجربايه وحضنته خليت اديه على ركبته وحضنته حيل
هو حضني وباسني من خدودي
رائد يله منتضرج جوه لاتتاخرين عليه اريد ارجع للشركه لان عماد موهنا راح للناصريه عدا شغله يخلصها
ويرجع
سدن خمس دقايق وانزل
لبست فستان بيج وبي نقط جوزي ورتبت شعري خلصت بسرعه ونزلت ورحنا اني ويااا الاحلى مطعم بغداد
طول الطريق لازم ايدي
نزلنا تغدينا والاجواء تخبل
رائد تدرين شكد احبج وين ما اروح صورتج ابالي
سدن مو بكدي اليوم لوما مصالحني يمكن تخبلت
يوميه اكعد واكوم ابجي
جمانه السعيدي
رائد تبجين عليه
سدن اوووو عمت عيوني من البجي عليك
رائد ما اريد هاي العيون الحلوووه تبجي ابد
سدن بعمري ما باجيه على احد بس على بابا وانت بجيتني
رائد خل نزوج احسن ما كل واحد بمكان
بس اني اكللج من هسه اني ما اكدر اعوف اهلي امي وخواتي
سدن ومنو كاللك عوفهن اصلا اني اتحسر من زمان على خوات من اشوف بيت بي هواي بنات احسدهم
ولله يحبني راح يصير عندي مو اخت وحدا سبع خوات
رائد زين اني بليل افاتح ابوج بلموضوع
سدن اوكي موافقه
راسا دك تليفون رائد بس سمع المكالمه تخبل
وكام يصرخ مامعقوله
لاتحجي هيج انت متاكد
وين انتم هسه
ياربي مايطلع الي سمعته صحيح
للحكايه بقيه
احبكمممممم
#قصصmyhopes
البارت الثامن
احببتها متمرده
جمانه السعيدي
تخربطة احوال رائد كام مايندل طريقه
طلع يركض واني اركض ورا واصيح اوكفلي شنو صاررر
مارد عليه ابد وصل للسياره واني لحكته صعد وشغل
يمشي سرعه
واني لازمه ايدا واصيح على كيفك فهمني شنو صار
رائد يارب يطلع الي سمعته كذب يارب يطلع حلم
لا لا كلشي اله عماد
سدن عماد شبي عماد احجي
رائد حادث صاير ويا حادث
سدن انشاء الله ماكوو شي
رائد يارب لطفك يارب رحمتك يارب دخيلك
سدن يارب يارب دخيلك
وصلنا للمستشفى نزل قبلي يركض حتى السياره ماقفلها
واني اركض ورااا
وصل لكا بلطوارء ميت ومغطين وجها
والمصيبه الاكبر
بسبب الحادث جسمه مقسوم نصين
السياره مطبوكه علي داخل جوه تريله
القسم الفوك وحد ورجلي مطبوكه عليهن السياره
جسمه ممرود مرد
جمانه السعيدي
يمه رائد شافه وتخبل يصرخ ويملخ بنفسه
حتى ملابسه شككهن
يلطم على وجها ويصيح وللك عماد ليش هيج
ليش عفتني
عماد اخوي الي ماجابته امي
عماد وين رايح وعايف اخوك
ماكلنا هيج خوتنا تنتهي
عماد انت اهلي انت أصدقائي انت عيوني
عماد لاتعوفني وللك اكو واحد يعوف اخووووو
عماد حاجيني لاتبقى ساكت
اني كمت ابجي واني اشوف الكادر الطبي كلهم التمووو علي يردوونه يسكت ماكووووو
تخبل رائد اتهستر كام مايشوف كدامه
جمانه السعيدي
يصرخ عماد عماد حاجيني ليش هيج عماد
عماد اذا نايم اكعد
اكعد وكللهم هذا الخبر جذب
الموت مو اللك انت الشريف انت الاخو الصدك
عماد اكعد لاتعوفني وحدي
عماد جهالك شراح اكللهم
اذا كالووو وين بابا
وللك كسرت ضهري اني ماعندي خوان وانت اخواني العشره
استمر رائد يصرخ لمن ضاع صوته وفحط كلش وكام يبجي مثل الطفل الزغير
الدكتور كاللهم جيبوله ابره مهدء
رادووو يضربونه وماقبل كام يصرخ بلزايد
سدن اول مره اشوف رائد هيج ملخ نفسه على عماد
اكثر من ساعتين وهو مكابل الجثه ويبجي
اجتمعو اهله والموظفين بلشركه والناس
دخلو الجثه يردون يكتبون تقرير الوفاه ويطلعون تصريح الدفن
جمانه السعيدي
رائد شاف جثة عماد ممروده ومقسومه قسمين
رجع يصرخ من جديد
وللك عماد شلون ادفنك شلون اجمع قطع جسمك
ليش هيج جسمك صاير قطع
الموضفين سحبو رائد وطلعو برا
اباوع علي مو هذا رائد الي اعرفه وجها املخ وعيونه حمر
وملابسه مشككه كعد بلكاع وضم راسه برجليه
وكام يبجي يبجي مثل الجاهل الزغير الي مضيع اهله
قربت علي كعدت بصفه وكمت ابجي على بجيه
يبجي بعبره وحزن ماله مثيل
كملو التقرير وجابو تابوت خلووو وطلعوو
ورائد كعد بلسياره الي شايله التابوت
اتوسلو بي يرجع يغير ملابسه لان القميص مشكك
بس ماقبل كال ما اروح اله بهذا القميص الي شكيته على عماد
كومه سيارات راحت وياهم للنجف
واحد من الموضفين رجعني بسيارة رائد واخذ السياره
دزه البيت رائد
طبعا زوجت عماد وسن راحت وياهم للنجف
ثاني يوم كانت الفاتحه
كلنا كعدنا بيها كعدا ورائد هو الي يستقبل المعزين
بس حالته حاله بس يبجي
ومايقبل ياكل ابد
ثاني يوم الفاتحه رائد تخربط صخن حيل وكام يتقيى
يومين مايقبل ياكل بس يشرب ماي
ومابطل بجي ابد
نقلووو للمستشفى واني من سمعت اجرت تكسي ورحت ورا
الدكتور بس فحصه كال عمليه فورا
الزائده عندا حيل ملتهبه ولازم عمليه فورا والا تنفجر ابطنه
دخلوا عمليه بلعشره بليل ساعه ونص واحنا منتضرين برا اني وامه وولد اثنيين موضفين ويانه وزوج اخته وخطيب اخته الثانيه
بعدين بابا اجا ورانا للمستشفى
بابا بعد العمليه مال رجله كام يمشي على عكاز
طلع من العمليه وبابا حجزله غرفه بلخاص
جمانه السعيدي
بابا بس اطمن علي رجع للبيت لان مايكدر يبقى بلمستشفى
والولد الويانه راحووو
بقينا اني وامه وخطيب اخته وزوج اخته الثانيه كاعدين يمه للصبح
امه خطيه تعبت ونامت
بس اني ابد عيني ماغمضت ولاكدرت انام
الصبح كعد بس مايكدر يحجي
اجا الدكتور وشاف حالته كال الحمد لله وضعه زين
بس ممنوع ياكل او يشرب اي شي
الحد الساعه ١٢ الضهر
وهو كل شويه يكول اريد ماي
واني امسح حلكه بكطنه بيها ماي
حتى ارطب شفته
الضهر اجن خواته وجايبات اكل ووشوربه وفواكه
وكعدن يوكلنه وملتمات علي ويبوس بيه
ساعته حسيت نفسي وحيده لان ماعندي لا اخوان ولاخوات
اخواته كالن روحي للبيت ارتاحي احنا نبقى يمه
بس اني ماقبلت
هو ماعافني وحدي بمرض بابا ولا عافني بمشكلتي
شلون اني هسه اعوفه
لليل كال ليش ماترحين ترتاحين ترا مبين عليج التعب
سدن ابد ما اعوفك منا لمن تطلع بلسلامه
رائد روحي ارتاحي
سدن انت راحتي شلون اعوفك
بليل جبت كرسي وكعدت بصفه بس لان تعبانه اغفه واكعد
الصبح الدكتور سجله خروج
طلعنا كلنا على بيتهم
وصلت وطلبت من خواته ملابس لان يومين بلمستشفى اني مامبدله ابد
جمانه السعيدي
دخلت سبحت وبدلة ملابسي كتلهن راح انام شويه وكعدني نمت بغرفة البنات
الضهر كعدت على صوت سوالف
لكيت امي وابوي جايين وكرايب رائد موجودين
ماما وبابا ماقبلو يبقون للغدا
امي ماما سدن ترحين ويانه
سدن لا ما اروح اريد ابقى هنا لمن رائد تتحسن حالته واجي
بابا عوفيها براحته ابقي بابا
سدن ماما دزيلي ملابس لان جاي اللبس ويه البنات
امي هسه بس اوصل ادزللج ملابس
رحت يم رائد هسه احسن
....انشاء الله ليش مارحتى ويه اهللج تعبتي بلمستشفى
...ما اروح اله تصير زين
...يعني راح تبقين عدنا هنا
...اي راح ابقى يم عيالي وغمزتله
بس هو بعدا حزين على عماد على طول ساكت
وكم مره اشوفه يبجي
بليل اجو علي الولد الي بلشركه يشوفونه
واني والبنات سوينا عشى
ونضفنا وكعدنا نسولف بغرفتهن
جهال اخته يخبلون
واخته المخطوبه طلعت جهازه مال العرس تريد تاخذ رائي بي
ولله حلووه لمة البنات بلبيت
اني محرومه من هاي اللمه والسوالف الحلوووه
الكل نام بليل واني تمددت بغرفة البنات وعيني ماتاخذ نوم
رغم كل المصايب الي مرينا بيها
بس ولله حاسه براحه نفسيه فضيعه ابيتهم
البساطه والكعده الحلوووه
بقيت اتكلب ماكدرت انام ابد
كمت وتسحبت ورحت بغرفة رائد طبعا امه خطيه فارشه بلكاع ونايمه يمه
اجيت يمه وكفت نايم لزمت وجه زين ماعندا حراره
بسته بخده على كيف ودرت وجهي اريد اطلع
لزم ايدي التفتت علي حجيت على كيف انت كاعد
رائد لاتخافين صرت احسن تكدرين ترحين تنامين
اعذريني وضعي مايسمحلي اخذ وانطي بلحجي
سدن اهم شي صحتك حبيت اطمن عليك تصبح على خير
رائد وانتي من اهل الخير
جمانه السعيدي
امي دزتلي ملابس طبعا اني ملابسي كلها ضيكه وقصير
وبرمودا وشورتات لان احنا بلبيت محد ويانه
لبست تراك برمودا ضيك وكاعده احجي وي البنات
وشفت رائد يريد يطلع للحمام
رحت علي وكتله اساعدك
خله ايدا على كتفي وأيده الثانيه لازم مكان العمليه ويمشي على كيف
دخل للصحيات واني بقيت منتضرته
شويه واجت اخته هي وزوجها يشوفونه
طلع وكال انتي روحي جوه وبعد لاتطلعين
سدن خل اساعدك
...لا اني اكدر وحدي لاتطلعين بهاي ملابسج ماسمعتي
حسين زوج نجلاء هنا
سدن اوكي راح ادخل جوه
اهلي اجووو العصر وجايبين وياهم مسواك اشكال واللوان
ورائد ماقبل كال الابوي عدنا خيير من الله
بابا اني مستحيل اكدر اجازي تعبك وياي انت الي سويته موقليل حتى دمك انطتنيا
وهسه تحجي على شوية مسواك
جمانه السعيدي
ثاني ليله رحت اشوفه لكيت امه ماكو بلغرفه يمكن شافتني البارحه
فدوووه الكلبج حجيه شكد حساسه
لكيته كاعد بس كلش ضايج
سدن محتاج شي اجيبلك شي
رائد لا شكرا تعبتي وياي اذا تردين ترجعين البيتكم
ارجعي
سدن هاي شنووو طرده
رائد لا مو طرده بس انتي متعوده على الهدوء ابيتكم
واحنا بيتنا هوسه
سدن كعدت بصفه على الجربايه
المكان الي انت بي اكون اني بي مرتاحه
رائد تعرفين عماد صار ١٥ سنه صديقي ناكل سوا ونشرب سوا من واحد يتعارك الثاني يدافع له
عمري ماحسيته صديق
راسا دموعه نزلن ومسحهن
دائما احسه اخوي الي ماجابته امي
مايضم عليه شي واذا احتاجيته بشي كبل ينفذ بدون حتى مايسئلني ليش
اتعجب من الشباب يحجون على خيانة الاصدقاء
اكول مستحيل اكو صديق خاين
احساسي هسه ماينوصف احس روحي انكسرت
احس بعد ماكو شي بي طعم ابد
جنا اني ويااا حتى المصرف نتشارك بي اثنيينه
من حب زوجته بلجامعه جان يستحي يروح يصارحها
واني رحت حجيت وياها
وقنعته تتزوجه يوم عرسه جان احلى يوم بحياتي
عقلي مايقبل يقتنع عماد مات
كلما انام واكعد اكول بلكت يطلع حلم
هاج شوفي موبايلي يوميه ادزله رساله واكله رد عليه
وكلي انت موجود
كول العالم كله يجذب انت مستحيل تموت
بعد وكت هواوي الموتك اني وياك لازم نشيب سوووا
اكبر مصيبه مرت عليه بحياتي كلشي متوقع بس عماد يموت لا مامتوقع
سدن كمت ابجي هو يبجي واني ابجي حضنته حسيته طفل زغير يبجي من كل كلبه
بجه لمن مل من البجي وتعب ونام
غطيته وطلعت
القادم الاخيرررررررر
احبكمممممم
#قصصmyhopes
التاسع والاخيرررررررر
احببتها متمرده
جمانه السعيدي
مر اسبوع واني بيتهم كلما تخابرني ماما اكلها لا ما ارجع للبيت هنا حلوووو بنات هواي والأجواء تخبل
حتى طعم الاكل يخبل اذا اكو ناس هواي
بابا رجع يداوم بلشركه بس يمشي على عكازه
ورائد حالته شويه احسن
بس من كد ماضايج وحزين احس المرض مسيطر علي
نكعد اني والبنات يمه ونسولف ونضحك
هو بس يباوع بعيونه
مايتفاعل ويانه ابد
جمانه السعيدي
وبيوم كعدت الصبح لكيته مبدل
سدن صباح الخير وين رايح
رائد صباح الخير اريد اروح اشوف جهال عماد
سدن بس انت بعدك تعبان
رائد من اشوفهم ارتاح
سدن دقيقه ابدل واجي وياك اني هم اريد اشوف وسن وجهاله
بدلنا وطلعنا أجرنا تكسي لان رائد بعدا مايكدر يسوق
وصلنا الهم انطاني فلوس بضرف وكال انطيهن الوسن
وكلليلها اي شي تحتاج بس تتصل عليه
وراتبها وراتب عماد ماشي مثل ماهوووو
رائد دخل جوه يم الولد اقصد اخوان وسن
سدن دخلت سلمت عليه وكعدنا شويه وانطيتها الضرف
وكتله راتبكم ماشي اثنينكم
وهسه رائد منتضرني يم الولد يريد يشوف الجهال
طلعو يركضون من سمعو اسم رائد
بس شافهم حضنهم وكام يبجي
بلكوه سكت وبعدين أخذهم المحل الحلويات واشترالهم
ورجعناهم للبيت ورجعنا
جمانه السعيدي
رائد حسيت نفسي احسن من شفت جهال عماد
سدن وصلنا للبيت وساعدته يغير ملابسه وكال اريد انام تعبان
نام والعصر يله كعد
اني قررت اطلعه من هاي العزله واحاول احسن نفسيته شويه
بليل اني رحت يمه اريد احجي ويااا اريده يطلع من هاي الاجواء الحزينه ونعيش حياتنا
خلاص عماد مات وبعد مايرجع
رحت يمه
سدن رائد كاعد
رائد اي كاعد
...سحبت ايده وصعدت يمه ونمت بحضنه
سدن يمته نرجع للشغل
رائد ولله ماليه خلك
..... بس الحزن مايرجع شي ابد
... مو بيدي ما اكدر
....لان كاعد بلبيت اتكول ما اكدر بس اذا تطلع وتغير جوووو ونشتغل راح يتغير كلشي
.... ما اعرف
...لاتعرف زين انت شكد مهم وجودك بلشركه والشغل تقريبا متوقف
اني مامتصورتك هيج انت انسان قوي
وكل الي بلشركه يستمدون قوتهم ونشاطهم منك
هاك اني كدامك جنت انسانه لاشغل ولاعمل
وانت خليتني اشتغل ويصير عندي هدف بلحياة
لاتستسلم الحزنك
هاي مرحله ولازم تعدي ونرجع نوكف على رجلينا
ونتحدا الضروف ونقدم احسن ماعدنا
