 |
رواية من القاتل الفصل السابع بقلم يارا البرعي
*اتصل الرجل الذي يراقب عمار بـ مراد ليخبره بما رآه ".*
مراد / ها يا أمير وصلت لـ اي ؟!.
امير ( المراقب) / يا مراد بيه انا فضلت اراقب عمار بيه زي ما اتفقنا .. وانهارده كان خارج من القسم ومعاه صاحبه اسلام وبعدها راحوا كافيه وكان في بنت مستنياهم اسمها ريهام علي ما اعتقد و .....
*حكي له امير كل شيئ سمعه منهم '.*
مراد / يعني محدش فيهم قال انه اللي عملها !.
امير / لا يا مراد بيه انا اول ما اسلام سابهم ومشي انا اتصلت بحضرتك وبعيد عنهم معرفش ريهام و اسلام قالوا ايي .
مراد بغضب / هو أنت بتراقب عمار ولا اسلام .. بعد كده عينك متنزلش من علي عمار غير لما يوصل قصر الدمنهوري.. فاهم .
امير / تمام يا مراد بيه .. مع السلامه.
مراد / سلام
*اغلق مراد معه الخط وهو في قمه الغضب لانه حتي الآن لم يصل الي اي شيئ ..*
مراد مع نفسه / انا مش هقدر انزل واقابل شاهيناز لان انا فعلا محتاج ارتاح انا هكلمها وهقولها أن أنا سامحتها وبعدها ارجع ع البيت وأشوف موضوع عمار ده .
_بعد أن انتهي من التفكير اتصل مراد بـ شاهيناز''_
شاهيناز / ايه يا حبيبي عامل اي .
مراد / الحمدلله يا شاهيناز .
شاهيناز / ها هنتقايل أمتي وفين ؟؟.
مراد / معلش يا شاهيناز انا مش هعرف اقابلك انهارده انا عندي شغل كتير ومشوار مهم فـ خليها بكره ... ومتقلقيش انا مش زعلان منك .
شاهيناز / ماشي يحبيبي ولا يهمك هبقي اكلمك بليل يروحي.
مراد / تمام .
*اغلق مراد الخط وهو يشعر شعور غريب جدا ويفكر في بسمة ولا تغيب عن عقله وهو حزين جداا من حركة شاهيناز عندما عانقته ... خرج مراد من الشركة وهو في رأسه نفس الأفكار بين التفكير في بسمة وهل هو يحب شاهيناز ام لا!!.*
___________________________________
*رجعت بسمه الي البيت بعد أن تركت حبيبة ودخلت الي المنزل ووجدت والدها يجلس ويقرأ القران ولم تجد فرح'*
*_بعد لحظات كان قد أنهي والدها القراءه_*
بسمه بابتسامه/ ازيك يبابا عامل ايه ؟!.
نادر / الحمدلله يبنتي .
بسمة / اومال فين فرح ؟!.
نادر / لسه مكلمها قالتلي انها لسه مخلصه درس وجايه .
بسمه / تمام انا هخش اعمل الغدا.
نادر / انتي لسه بتدوري علي شغل يا بسمه .
بسمه / اه يـ بابا والحمدلله لقيت شغل انهارده .
نادر باستغراب / فين .
بسمه / فـ شركة الدمنهوري هبقي السكرتيرة لـ مراد الدمنهوري.
نادر / طب الحمدلله يا بنتي .. بس انتي كده مش هتتبهدلي ؟!.
بسمه / لا يا بابا متقلقش عليا انا شغلي كله هيكون بعد الجامعه وبدل ما اجي اقعد ف البيت هروح الشغل .
نادر / طب ومذاكرتك يا بنتي ؟!.
بسمه بابتسامه/ متقلقش يا بابا انا هعرف اظبط كل حاجه .
نادر / ماشي يا بنتي ربنا يوفقك ويقويكي .
بسمه / يارب يـ بابا .
*_دخلت اولا بسمه لتغير ملابسها وبعد دقائق وصلت فرح وقامت بـ تغير ملابسها وبعدها دخلت هي و بسمة لتجهيز الغذاء''._*
_________________________________________________________
*في قصر الدمنهوري ''.*
*في غرفة زين''.*
*كان يجلس زين وهو في حيرة كبيره مما يحدث .*
زين مع نفسه / لحد دلوقتي مفيش دليل واحد يثبت حاجه علي عمار ... معقول يكون ملوش دخل باللي حصل ؟!!... لالا مستحيل اصل مين اللي هيعملها !!.. مفيش غيرو بيكرهني ويقدر يعملها .. طب وبعدين انا لازم اوصل لـ حل .
*قطع أفكاره صوت الباب يدق .*
زين / ادخل .
*دخل مراد في تلك اللحظه ''.*
مراد / عامل ايه دلوقتي .
زين / انا تمام الحمدلله .
مراد / طب انا عاوز اقولك حاجه مهمه .
زين باستغراب/ ايه هي ؟!.
مراد / انت لما قولتلي انهم قبضوا علي اسلام انا شكيت فـ عمار فـبعت واحد يراقبه ٢٤ ساعة وانهارده قالي حاجه .
زين بانتباه / حاجه ايي؟!.
مراد / أن عمار واسلام وريهام اتقابلوا فـ كافيه ومحدش فيهم قال اي حاجه تخص الجريمه أو اي حاجه تجيب عليهم الشكوك !!. وغير كده قالوا إنهم لازم يبعدوا عن الموضوع لحد ما الشرطة تلاقي المجرم الحقيقي .
زين بصدمه / لالا مستحيل عمار يبقي ملوش علاقه .. ما هو بالعقل يا مراد لو عمار وريهام و اسلام ملهومش علاقه يبقي مين !!.. اكيد مش حد فينا يعني يا مراد ولا ايي .. وبعدين ما يمكن حد فيهم اللي عملها بس مش معرفهم وبيستعبطوا علي بعض .
مراد بحيره/ هنعمل اي طب يا زين .. والظابط افرج عن اسلام وكل واحد فيهم بينكر أنه عملها .. المشكله ان الظابط لو ملقاش قاتل .. يبقي القضيه هتتقيد ضد مجهول.
زين / لا طبعا .. ضد مجهول ايه يعني .. حق شهد هيرجع .
مراد / اكيد هيرجع بس احنا كمان لازم ندور علي دليل .
زين / طب هتلاقي الدليل ده ازاي .
مراد / مش عارف بس انا هخلي اللي بيراقب عمار يفضل يراقبه وهخلي اتنين يراقبه ريهام و اسلام يمكن نوصل لـ حاجه !.
زين / ماشي وان شاء الله نوصل لـ اي حاجه وانا هقول هتكلم مع المحامي يمكن يفيدنا .
مراد / طيب ماشي انا هروح دلوقتي اغير هدومي واطمن علي بابا وبعدها هبقي اعمل اللي قولت عليه .
زين / تمام ماشي .
*خرج مراد من غرفة زين واتجه الي غرفته''.*
_______________________________________
*في بيت شاهيناز''.*
*_كانت شاهيناز تجلس في غرفتها وتتحدث مع شادي في الهاتف وكانت والدتها علي وشك دخول الغرفه ولكن وقفت لـ تسمعها''._*
شاهيناز / ما خلاص بقي يا حبيبي هو انت لسه زعلان .
شادي / لا يا شاهيناز بصراحه مفيش حاجه تزعل !.
شاهيناز/ يوه بقي يا شادي .. ما انت عارف المصلحة اللي احنا عاوزينها من مراد .. هناخد اللي احنا عاوزينه وبعدها هنبعد عنه فـ ليه بقي غيرتك الأوفر دي ؟!.. وبعدين كان لازم يا شادي أن أنا اعمل كده عشان مراد يفضل يحبني وميتعلقش بـ بسمة دي وصدقني قريب اوييي هناخد منه فلوسه .
شادي / خلاص يا حببتي مش زعلان بس لازم تعرفي يا شاهيناز أن أنا مش اوفر ولا حاجه انا بحبك وعشان كده بغير عليكي .
شاهيناز / عارفه يا روحي .. متزعلش بقي .
شادي / ماشي يـ حببتي .
شاهيناز/ هقفل انا دلوقتي وابقي اكلمك بعدين .
شادي بابتسامه/ ماشي شاهي .. سلام .
*أغلقت شاهيناز معه الخط وتفاجات بـ والدتها تدخل الغرفه ويبدو علي وجهها الغضب'.*
شاهيناز بصدمه / ماما انتي هنا من امتي؟.
احلام بغضب/ ايه اللي انا سمعتوا ده يا شاهيناز !!!... انتي عاوزه تسرقي مراد الدمنهوري !!.
شاهيناز بتوتر/ لا طبعا يا ماما أسرق اييي .
احلام بغضب / اومال ايه اللي انا سمعتوا ده .. بقولك ايه يا شاهيناز مش معني ان انا اديتك حريتك يبقي تعملي حاجات توديكي ف داهيه انا غلطانه اني سيبتلك الحبل على الغارب وتعملي اللي انتي عايزاه وتأذي الناس .
شاهيناز بغضب / بقولك ايه يا ماما دي حياتي وانا حره فيها انتي لو خايفه علي نفسك فـ متقلقيش محدش هيجي جنبك .. بس سيبيني فـ حالي واعمل اللي انا عاوزاه وبعدين انا مش هسرق حد.. انا كل اللي انا هعمله هاخد كام مليون من ثروة عيله الدمنهوري يعني بيتهيألي مش هيموتوا من الجوع لما ده يحصل !.
احلام / انتي فاكرة نفسك كده صح يعني ؟!.. ولما يجبولك الشرطه فلوسك دي هتفيدك فـ ايي ؟!.
شاهيناز / بقولك ايه يا ماما من الاخر كده انتي هتساعديني فـ الموضوع ده .
احلام بغضب/ انتي شكلك كده يا شاهيناز اتهبلتي .. اساعدك ايي .
شاهيناز بخبث/ خلاص لو مش هتساعديني يبقي تسيبيني اعمل اللي انا عاوزاه عشان لو وقفتي ضدي صدقيني هسيبلك البلد دي كلها وامشي بس بعد ما اعمل اللي انا عاوزاه ولما اسيب البلد انتي اللي هتلبسيها .
احلام بصدمه / انتي بتهدديني يا شاهيناز !!!..بتهددي امك .
شاهيناز بغضب / والله بقي ده اللي عندي .. اي حد هيقف ضدي هقف ضدو مهما كان مين هو .. وبعدين انتي ليه محسساني انك خايفه علياا مثلا انتي كل اللي فارق معاكي الشركة بتاعتك وشكلك قدام صحابك لو حد عرف أن بنتك حراميه .
احلام / انا مش بحبك يا شاهيناز ؟!.. انا فعلا الشركة مهمه عندي وشكلنا قدام الناس مهم .. لكن مش اهم منك .. انتي بنتي الوحيده وعمري ما رفضتلك طلب بيتهيألي ده مش معناه انك تتخطي حدودك مع الناس .. علي العموم انا واجبي كـ أم أن أنا انصحك وانتي حره يا بنتي بس هرجع اقولك نهاية اللي انتي فيه دي وحشة وهترجعي تقولي ماما قالت .
*خرجت احلام من الغرفة وهي حزينة وخائفه علي ابنتها .. هي صحيح تحب ابنتها وممكن أن تساعدها من أجل اي شيئ لكن الا السرقة والأعمال الخاطئه`*
*كانت شاهيناز تجلس وتفكر في كلام أمها وقررت أن تفعل شيئ ما .. فما هو ؟!!.*
*" " " " " " " " " " " " " " "*
_بعد يوم طويل علي ابطالنا ''._
_في بيت نادر الغندوري .. بعد ذلك اليوم دخل الجميع الي النوم وكانوا حقا مفتقدون شهد ووجودها معهم ''._
_في قصر الدمنهوري ذهب الجميع في نوم عميق ولكن عمار رجع إلي البيت متأخر لانه رجع مره اخري الي الشركة بعد أن ترك زين._
_كان زين يجلس في غرفته ولم ينم وكان يفكر في رجوع حق حبيبته ولكن لم يصل الي اي حل ودخل في نوم عميق ''._
_في بيت شاهيناز كانت احلام والده شاهيناز حزينة جداا من ابنتها وما تفعله وكانت تفكر كثيرا كيف تمنعها دون أن تخسرها ولكن لم تصل إلي اي حل منطقي وغلبها النوم ._
_و في غرفه شاهيناز كانت تتحدث مع شادي علي الواتساب ولكن لم تخبره بـ اي شيئ عن والدتها وبعدها أغلقت الهاتف وهي تنوي علي شيئ وبعدها دخلت في نوم عميق''._
*" " " " " " " " " " " " " " "*
*_في صباح اليوم التالي♡︎_*
*_استيقظ كل من في قصر الدمنهوري ماعدا عمار ..`_*
مراد / صباح الخير.
حازم و زين / صباح النور .
مراد / هو عمار لسه نايم ؟!.
حازم / اه يبني .
زين / امبارح رجع متأخر جدا انا كنت صاحي وسمعتوا وهو داخل الاوضه.
مراد بشك / طب انا رايح الشركه .
حازم / بس انت مكملتش فطارك يبني.
مراد / معلش يا بابا هكمل ف الشركه وكمان عشان عندي اجتماع مهم .
حازم / ماشي يا بني ربنا يقويك .
*_ابتسم لهم مراد وخرج من البيت وهو متجهه الي الشركه وهو ينوي علي شيئ ''._*
*استيقظ عمار وقام بتغير ملابسه ونزل الي حازم وزين ''.*
عمار بابتسامه مزيفة/ صباح الخير يـ عمي .
حازم / صباح النور يا بني .. انت رجعت متأخر ليه امبارح ؟!.. كنت فين .
عمار / كنت فـ الشركه .
زين / للساعه اتنين وانت فـ الشركة !!.. ده ايه الاجتهاد ده .
عمار بابتسامه مستفزه/ والله ده شيئ ميخصكش يا ابن عمي خليك أنت بس فـ حالك .
زين / ماشي يا عمار .. هخليني فـ حالي .. عن اذنك يا بابا أنا ماشي .
*_خرج زين من القصر دون أن يسمع كلمه من اي شخص لانه كان غاضب جداا من حديث عمار معه ''._*
_وبعدها بـ دقائق خرج عمار وحازم من القصر وذهبوا الي الشركة"._
____________________________________________
*استيقظ كل من في بيت نادر الغندوري'*
*كانت بسمه تجهز الفطار هي وفرح وجلسوا جميعا لـ تناول الفطار''.*
بسمة / بصي يا فرح انا عملت الغدا ومش ناقصه حاجه اول بس ما تيجي من الدرس سخنيه وكلي انتي وبابا عشان انا عندي شغل وان شاء الله مش هتاخر .
نادر / طب يا بنتي خدي معاكي فلوس زياده عشان تجيبي اكل ليكي أو حاجه .
بسمه / لالا يـ بابا مش لازم اكيد في هناك مواعيد للغدا وفي بوفيه كمان يعني مش هحتاج فلوس .
فرح / حاضر يـ بسمة بس انتي خلي بالك من نفسك .
بسمه بابتسامه / حاضر متقلقوش عليا وهبقي اكلمكوا اطمنكوا عليا .
*فطروا الثلاثة وذهبت بسمه الي الجامعه وذهب نادر الي الشركه وذهبت فرح الي المعهد لـ تتابع دروسها التي تبدأ باكراً جداا.*
_________________________________________________________
*في بيت شاهيناز''.*
_استيقظت شاهيناز من النوم وقامت بإرتداء ملابس للخروج ونزلت الي الطابق السفلي ووجدت أمها تفطر وحدهاا ._
شاهيناز / صباح الخير يـ ماما .
*نظرت لها أحلام بـ حزن'.*
شاهيناز بخبث وتمثيل / انا جايه اقولك متزعليش مني انا معرفش ازاي كنت بفكر اعمل كده و اخد حاجه مش بتاعتي حقك عليا علي اللي انت قولتلواا وصدقيني مش هفكر بالطريقه دي تاني .
احلام بفرحه / بجد يـ شاهيناز.. انا كنت عارفه انك هتعملي الصح .. ربنا يكملك بـ عقلك يا بنتي .
شاهيناز بتمثيل/ المهم انتي مش زعلانه ؟!.
احلام / لا طبعا بعد اللي انتي قولتيه ده ازعل ازاي .
*_ضموا بعض الاثنان وشاهيناز تبتسم بـ خبث وهي تقول في عقلها''_*
_ كده قدرت اشيلك يا ماما من العقبات اللي قدامي .. ومش هتقدري تشكي فيا .. انا صحيح قولتلك أني مش هفكر بالطريقه دي تاني بس ده مجرد كلام انا لسه عند تفكيري وأملاك مراد الدمنهوري هتكون ليا فـ اقرب وقت .
_ابتعدت عن أمها_
شاهيناز / معلش بقي يا ماما همشي انا وهفطر مع صحابي فـ النادي .
احلام / ماشي يا حببتي خلي بالك من نفسك .
شاهيناز / اوكي يا مامي .
*خرجت شاهيناز من البيت وهي تبتسم بـ خبث لـ نجاح خطتها واتصلت بـ اصدقائها لتقابلهم في النادي ''.*
_________________________________________________________
*_كان مراد في سيارته متجهاً الي الشركة واتصل به زين في ذلك الوقت '._*
مراد / الو يا زين في اي .
زين/ عاوز اقولك أن عمار صحي بعد ما انت مشيت وقال إنه امبارح كان فـ الشركة فـ انا عاوزك تتأكد من الكلام ده عن طريق كاميرات المراقبه بتاعت مكتبه .
مراد / كنت هعمل كده اصلا عشان كنت عاوز اعرف هو كان فـ الشركه ولا لأ.
زين / تمام شوف كده وقولي .
مراد / تمام.. يالا مع السلامه .
*اغلق مراد مع زين الخط وبعد دقائق وصل إلي الشركة ودخل الي الغرفه الذي يوجد بها شاشات كاميرات المراقبة وتفاجأ بـ....'*
