رواية مريم الفصل الثامن بقلم جمانه السعيدي
حجي حسن رفع عينه ولكاني امسح بدموعي ليش بويه تبجين
مريم حجي خوفتني
....ليش خوفتج
...حجي خفت تروح وتعوفني
....ابتسم وين اروح على كلبج شايب ويحبج بعد شيخلصج
....فدوووه حجي ليش صار هيج انت دائما تصير وياك هاي الحاله
...لا هاي اول مره يمكن اخذت علاج بلغلط
( حجي حسن مراد مريم تعرف هو ماخذحبوب منشط)
مريم فدووه حجي دير بالك على نفسك الخاطري
ويله كوم نام بلغرفه
رحنا للغرفه ونام وغطيته بس احس نفسي حيل تعبانه من الهبطه
منضره مايروح من بالي ابد
بقيت كاعده ماكدرت انام
كل شويه اباوع للنفس مالته بله يتنفس لو لا
اني صار فتره عايشه ويااا وهلكد تعلقت بي وخايفه علي
شلون ولده هيج عايفينه وهو عاش وياهم عمر
وابد ما حرمهم من شي
جمانه السعيدي
اغفه شويه وافز مرعوبه واباوع الصدره يتنفس لو لا
اذن اذان الصبح رحت توضيت وصليت ودعيت ربي يحفضه اليه
اذا صار علي شي اني وين اروح
ارجع خدامه السميه
لا ياربي باوع الحالي اني فقيره وماليه احد غيرك
خلصت صلا ورحت غطيته ونمت احس نفسي كلش تعبانه
كعدت الصبح مالكيته يمي كمزت خفت لا صار علي شي
رحت لكيته بلمطبخ جاي يجهز بلريوك
مريم صباح الخير حجي
...صباح الخيرات
...شلون صرت
...الحمد لله بس راسي بعدا يوجعني
...اكعد واني اكمل الريوك
كملت الريوك وانطيته حباية ضغط وحبايه بندول
اباوع بلمرايه عيوني منفخه ووجهي تعبان
حجي حسن اليوم شصاير بيج كل هذا حب
...ولله البارحه زين وبقيت عدله عقلي انشل من شفتك واكع بلكاع
اليل كله مانمت اباوع عليك خاف ترجع تنتكس مره ثانيه
جمانه السعيدي
....يمه الحب يمه الله يحفظج اليه حبيبتي
مريم بعد الأكل كله بدون ملح بدون دهن
...وانتي شنو ذنبج
...اعتبر نفسي مسويه رجيم
شويت دجاج بدون ملح للغدا
للعصر اندكت الباب
من ورا الباب صحت منووو
عبدلله اني عبدلله شلون صار الحجي
...اليوم شويه احسن وهسه نايم اكعده الك
...لا ما يحتاج من يكعد ارجع اشوفه
عبدلله ياربي صوته مثل الموسيقى وتنزل على الروح
ما اعرف ليش صورتها ما تفارك بالي ابد
نص ساعه وطلع الحجي وسلمت علي
عبدلله حجي لازم تراجع دكتور حالتك موزينه يجوز يغيرلك علاج الصغط
انت البارحه حالتك مو تمام انت ماخذ علاج ما كل اكله دسمه
....اي اكلت اكله دسمه
...حجي بعد عمرك ما يسمح بهيج اكل وحتى العلاج لاتاخذ اي شي بكيفك لازم يشوفه الطبيب بلاول
...انشاء الله
عبدلله فات اسبوع على هاي الحادثه واني كلما ينفتح بابهم عيني علي اريد بس اشوفها
بس هي ابد لا تطلع ولاتفتح الباب
الحجي يغسل الباب ويطلع جيس الزباله
مريم بيوم اجوني اهلي كلهم شكد مشتاقه البابا
حضنته حيل وجريت حسره
حتى هو استغرب
...شبيج بابا تعبانه ضايجه
الحجي بقه يباوع عليه ومنتضر يشوف ردي شنووو
مريم لا بابا كلش مرتاحه بس مشتاقتلكم حيل
الحجي اذا تردين ترحين البيت اهلج روحي غيري جووو
وشوفيهم
مريم لا حجي ما اكدر اعوفك وحدك ابد
...قابل اني شكو عليه
...لا ما اكدرررر
سميه يمه شوفي الحب ثنيين بلابل
مريم قول أعوذ برب الفلق
سميه شني احسدج
مريم كلشي يصير
عوجت بوزها سميه ما عجبها الحجي ابد
شويه وطلعو لزمت ايد بابا وكتله عود مر عليه لان اشتاقلك
بابا باسني من راسي وكال انشاء الله
مرن اربع اشهر على زواجنا واني بعدني بنيه وكل محاولات الحجي يتقرب مني جاي تفشل
بس اني ابد ما حسسته يوم بشي بلعكس كمت احبه وتعلقت بي
لان يحترمني ويقدرني ومآ يرفضلي طلب ابد
اتفاجئنا يوم اندكت الباب
فتحه الحجي وشاف سجاد وزوجته وابنه سيف
راسا دخل سجاد بأس ابووو من راسه ومن ايده وكاله اعذرني خاف اني غلطت بحقك
وزوجته نفس الشي باست ايد الحجي
ودخلوللصاله اني رحت لبست دشداشه طويله وشال
الحجي دخلهم للصاله وصاح عليه تعاي
رحت سلمت عليهم سجاد وزوجته ما شايفيني ابد هاي اول مره
بس شافوني بقو واحد يباوع على الثاني
انصدمووو مامتوقعين هيج زغيره وحلوووه
بعدين هو اشرله كامت سلمت عليه وباستني
قدمتلهم جاي وكعك
وبقو كاعدين يسولفون ويه الحجي
حجي حسن كل شويه يباوعلي مستغرب منهم
بقووو عدنا للعشى
من خلصنا اكل كامت زوجته وياي للمطبخ
وصممت تغسل المواعين
الحجي صاح مريم تعاي
رحت الغرفة النوم وهي بقت بلمطبخ تغسل مواعين
حجي حسن ديري بالج منها لاتاخذين وتنطين بلكلام وياها اني ما مرتاح ابد الهاي الجيه
كلشي لاتحجين وياها جمانه السعيدي
مريم صار حجي
رجعت للمطبخ امسح بلكاونتر
ام سيف تدرين انتي كلش حلوووه صحيح كالو الحجي مزوج وحده زغيره بس ما متوقعه هيج زغيره وحلوه
مريم شكرا
ام سيف بصوت ناصي عادي مرتاحه ويااا
مريم اكيد الحجي ماكو منه ابد
ام سيف عاد فرحينا اكو شي بلطريق
( اكيد تخاف يجي واحد يشاركهم الورث )
مريم لا بعد احنا ما مستعجلين
ام سيف شني ما مستعجلين ترا الحجي جبير مو زغير
مريم ولو بعد وكت
ام سيف انتي عندج صفحه بلفيس حتى نصير صديقات لان اني حيل حبيتج
مريم اني ماعندي تليفون ابد
ام سيف اوي شلون واحد يصبر ماعندا تليفون
اصلا التليفون كلش يونس
مريم اني ما اربد
ام سيف طبعا تكولين هيج لان ماعندج بس يصير عندج تليفون تشوفين العجب
كلشي يخطر ابالج تتعلمين
طبخ خياطه رسم قصص مسلسلات افلام
لعد شلون تخلصين وقتح
مريم انضف واطبخ واكعد على التلفزيون
ام سيف عوووع منو بعد يكعد على التلفزيون
مريم اني ابد ما محتاجه تليفون
ام سيف شلون تتصلين باهلج اذا ماعندج تليفون
مريم اتصل من تليفون الحجي
ام سيف وانتي باقيه تنتظرين الحجي لمن يجي وتخابرين اهلج
مريم اي ماعندي مشكله
ام سيف اوي اني منج اخلي يجيبلي ايفون
مريم ما يقصر بس اني ما اريد
مريم بقت ام سيف تحجي اليل كله وما اخذت مني لاحق ولاباطل
بعدين كالو احنا نبات عدكم لان مشتاقيلكم حيل
رحنا اني والحجي نمنا بغرفتها وهم اخذو فراش ونامو بلغرفه الثانيه
سجاد اجينا النام وسدينا علينا الباب
....هااا جبتي صفحتها
...ماعدها صفحه
...شلون ماعدها صفحه
...اصلا ماعدها تليفون شكد حاولت وياها تكول ما اريد تليفون اخابر اهلي من تليفون الحجي
...شلون هسه عبالي عدها صفحه كلت اوكعها بلفخ بلكت الحجي يطلكها
....اني ادري شلون عايشه بدون تليفون شو اني حتى للتواليت أخذه وياي
....خاف اجذب عليج
...لا ما اجذب عليه لان فتحت التليفون كدامها وكلشي ماتعرف بي
...باجر نبقى هنا وحاولي اجرجريها بلكلام
وتتاكدين ماعدها تليفون ابد
حاولي تاخذيلها كم صوره بلكت نستفاد منهن
.... معقوله هاي جيتنا تطلع فاشوش عبالي عدها صفحه محضرلها كمين ماتطلع منه ابد
...يمعود مبينه فقيره مو لوتيه اني ادري وين لكاها الحجي عبالك امشيها على الريمون
ولا غلطه تمشي مثل المسطره
...باجر تلزكين بيها لزك منا لمن تطلعين منها بشي
من ازوجت الهسه مراقب البيت حتى من الباب ماتمد راسها
ولاتطلع للشارع ولاعدها صديقات
ادري هو رجال شايب شعندج لازكه بي
اكلج سئلتيها خوما حامل
...لا مو حامل
...همزين كون ماتحبل ابد عوزي تحبل وتجيب
وجهالها يشاركونا بلورث
...انت هم رحت للطابو خاف مسجل شي باسمها
...لا ابد كلشي ما مسجل ابو التسجيل صديقي واني منبه علي اي شي يصير يتصل بيه كبل
غير اكتلها خلاص اذا ابوي كتب شي باسمها
غرفة الحجي ومريم
الحجي اني ما مطمن الجيتهم هاي
مريم اكلت كلبي ام سيف بلاسئله
...لا جاوبينها هاي حياله مثل زوجها
...شنو ماعندج تليفون وليش ماعندج تليفون
....احذري منها حيل ديري بالج تاخذلج صوره كليلها الحجي ما يقبل
هم هسه بس ما يحصلون شي يرحووون
جمانه السعيدي
ثاني يوم كعدت لكيت ام سيف بلمطبخ اسوي ريوك
ام سيف صباح الخير حبيبتي اسفه كاعده احضر ريوك بس سيوفي جوعان
مريم لا براحتج البيت بيتج
ام سيف تسلمين حبيبتي
مريم اني طلعت قشطه ومربى وجبن وطلعت خبز
وخليت القوري على النار
ورحت كعدت الحجي
راح يغسل ويرجع حضني وباسني من خدي وهي تباوع علينا
شويه وكعد سجاد تريكنا والحجي وسجاد طلعو للشغل
واني وياها بقينا بلبيت
اني بديت انضف طبعا لابسه طويل وحجاب كدامها
وهي كل شويه ليش لابسه حجاب محد يمنا
اني مارديت عليها
نضفت الصاله وهي سنطه مالها حس دخلت لكيتها تفتش بغرفتي
مريم خير ام سيف اكو شي ضايع
ام سيف هااا لا بس حذاء سيوفي ضايعه وادور عليها
مريم وحذاء سيف شجابها بكنتوري
ام سيف موكلت خاف هو شمرها
مريم هااا شمرها بس سيف لابس حذائه
ام سيف ياااا ما شفتها برجله
طلعت من غرفتي واني قفلت الباب وخليت المفتاح بلستيان
بعدين اجتني اني كاعده اكوي بملابس الحجي
ام سيف شعجب ازوجتي الحجي وانتي حلوه وزغيره
حرامات يضيع العمر ويه الشايب
جان اخذتي واحد شاب
مريم الحجي عندي يسوه الف شاب بعدين كلشي قسمه ونصيب
ام سيف خاف علمود فلوسه
مريم الحمد لله اكو وحده اضيع أجمل سنيين عمرها علمود الفلوس بعدين منو كالج احنا ماعدنا فلوس
ترا الحجي جوهره ما يتعوض
ام سيف تدرين اني شكد حبيتج وكمت احجي على سجاد وكتله انت واخوانك ضالمينها
خوش بنيه وحبابه
مريم شكرا تسلمين
ام سيف خل ناخذ صوره اني وياج للذكرا
مريم اسفه الحجي ما يقبل اخذ صور
ام سيف يعني حتى اني ميقبل
مريم وي اي احد ميقبل اخذ صوره
عفتها وطلعت ولله ضوجتني شني من قابليه عدها
شكد تحجي عبالها اني غبيه وجرني بلكلام
مريم ام سيف اجت وراي للمطبخ
ام سيف شنو رائيج تشوفيني سيتات النوم مالتج
اني صار فتره مامشتريه سيتات
اكيد انتي اشتريتي موديلات جديده
جمانه السعيدي
مريم نعم شنو شوفيني السيتات
ام سيف شبيج خاف احسدج اكيد السيتات على هذا الجسم يخبلن
تعاي البسي كم واحد خل اشوفهن عليج
مريم اسفه ملابس النوم شي خاص ما اريد احد يشوفهن
ام سيف كالو الحجي جايبلج ذهب خله اشوفه لان عندي سلفه واريد اشتري بيها ذهب
مريم رجعته الذهب لان عندي ومامحتاجته
ام سيف شكد غبيه رجعتي الذهب الي جابه الحجي
مريم ما اسمحلج تكولين غبيه
الحمد لله عندي قناعه ومآ احب الذهب
ام سيف صدك فكريه انتي
مريم وصدك ماديه انتي وذابحه نفسج علمود الفلوس
بابا الجفن مابي جيوب هنياله الي يترك اثر طيب بكلوب الناس
الفصل التاسع من هنا
