رواية ليتنا نلتقي الفصل الثامن بقلم جمانه السعيدي
اخذنا تكسي وطلعنا للمستشفى قريب نوصل للمستشفى
كامت تلعب نفسي حسيت اريد اتقى
ندست على بجتفه
وكتله علي خل يوكف السايق بعد ما اكدر
.....اي هسه اوكف من رخصتك اشويه
نزلت من السياره وبتعدت عنها شويه جانت منطقه مفتوحه
اكو كم محل قريبات علينا وبديت اتقئ
هو نزل واجاني ها شبيج
شنو تحسين
....ما ادري يمكن ضغطي صاعد
...اي طبعا من الصبح الهسه بس بجي وماماكله
طبعا يصعد ضغطج
راح للمحل جاب بطلين مي وجابلي كرسي من المحل كعدت ورفعت البوشيه شويه اريد اغسل وجهي
.علي ...دذبيه للبوشيه موختنكتي يمعوده
.....رفعت البوشيه ليوره وغسلت وجهي وشربت ماي
دنك عليه
....ها صرتي احسن
....شويه احسن يله انروح
...فد اشويه اسحبي نفس قوي اغسلي وجهج مره ثانيه
بقيت شويه كاعده وهو واكف يمي..
....يله علي خل نمشي
....اوكفي دقيقه ارجع الكرسي للمحل
جمانه السعيدي
راح رجع الكرسي
وكالي لاترجعين البوشيه خاف تختنكين
من نوصل للمستشفى عود خليه على وجهج
وصلنا للمستشفى ونزلنا هو يمشي كدامي
ودخل للطوارء
اني عبالي بابا بلطوارء جان راح كص باص
.زينب ..علي شسوي بلباص
...اريد الدكتور يشوفج ويجيك ضغطج
...بس اني مابيه شي
...اسكتي هسه نعرف اذا مابيج شي
....وفعلا شرح الحاله للدكتور وقاس ضغطي ولكا الضغط صاعد وقررلي قنينيه براستول مثل المغذي
.زينب ...علي شني راح يشدولي مغذي
....اي لازم موزين ضغطج صاعد
...بس اني اريد اروح البابا
...ربع ساعه ماتفرق ربع ساعه ويخلص المغذي
اني ما اكدر اناقشه لان احنا بلمستشفى واستحي اضل احجي هواي دخلت لكيت السديات فارغه كعدت على وحده
جمانه السعيدي
واجت الممرضه تشكل كانونه
اني كلش اخاف من الابر والكانونه انطيتها ايدي ودرت وجهي للجه الثانيه
وجعتني من شدة الكانونه صحت اخ وجعتيني
.علي ....عله كيفج وياها لاتاذيه
السستر ما ااذيها عيوني مبين رجلج حيل يخاف عليج
اني دنكت وهو سكت
شدة هاي القنينه وبدت تمشي اني مارضيت اتمدد على السديه
استحي منه لان واكف على راسي
بقيت كاعده
جان كال اروح اجيب امج تبقى يمج
....لا فدوه امي البيه كافيه مبينه هاي القنينه زغيره وبسرعه تخلص
وفعلا ربع ساعه وخلصت
وهو ابد ماتركني واكف يمي
بعدين الممرضه
ماقبلت تنزع الكانونه
خاف الدكتور يكتبلي شي
ورجعنا رحنا للدكتور قاس ضغطي
كال زين بس لاتطلعون من المستشفى فد ربع ساعه اجيكه مره ثانيه وتطلع انشاء الله
طلعنا ورحنا البابا
من صعدت بلمصعد احس اجتني الدوخه من المصعد
وصلت سوده عليه
متمدد ومغمض عيونه
ولكيت امي وباجي امل يمه بست امي وكعدت يمه ابوس بادي واشم ريحته
وابجي ماكدرت اسيطر على دموعي
مااتخيل حياتي بدونه وضليت اللح علي
...بابا حاجيني فدوه حاجيني سوده عليه يابعد كلبي كون اني ولا انته فتح عيونه من سمعني وحاجاني بصوت ناصي
....ها بابا زينب لاتبجين حبيبتي مابيه شي
....فدوه ارولح ياعيوني انت
وما اكدر اشوفه بهذا الوضع وما ابجي جان اشرلي علي اسكتي مزين علي
جمانه السعيدي
بس ما اكدر مو بيدي اشوفه هيج واسكت
بعدين امي سئلتني على الكانونه بايدي
ام زينب شبيج
زينب لاماما مابيه شي بعدين احجيلج اخذت امي الشوربه من علي
وبدت توكله شويه شويه
بقيت يمه تقريبا ساعه بس ولاسكتت بس ابجي حيل خايفه علي اول مره اشوفه هيج
...علي يله خل اوديكم وارجع ابات يمه
امي كالت اني ابقه يمه ما اروح بس ودي زينب وامل وارجعلي
نزلنا وعلى كال خل اوديج اقيس ضغطج ولو اني متاكد هسه رجع صعد من ورا هذا البجي
قاس ضغطي الطبيب ولكا صاعد انطاني حب مدرر وصاني اشرب ليمون حتى ينزل الضغط
وصلنا للبيت على ورجع بات يم بابا
ثاني يوم اجه الصبح ياخذ اكل وكال الدكتور طمنا على حالته صاير احسن
قرب عليه وسئلني صرتي احسن شربتي ليمون
...اني اصير زينه اذا بابا صار زين ورجع النا بلسلامه
راد يطلع وصحته تودين اليوم اشوفه
....ميخالف من اجي العصر اخذج وياي
علي ها اذكرت امج وصتني تنضفين البيت وترتبينا وتحضرين غرفه ابوج
...انشاء الله
وفعلا رحت البيتنا وبديت اغسل وانضف وارتب للعصر سبحت واكلت لكمه على السريع يم ام حمودي وحضرت روحي حتى من يجي علي اروح ويا
اجا علي واخذني البابا
شفته شويه احسن وبقيت كاعده ولازمه ايده وابوس بيها وكال الدكتور الحمد لله حالته حيل احسن اذا بقه هيج باجر يطلع رجعنا اني وماما وبقت باجي امل وعلي يمه
جمانه السعيدي
ثاني يوم طلع من المستشفى
واخذنا ابيتنا حتى اني وماما انداري لان فاطمه بطنها كبرانه وحمودي يتنغوص ماتكدر اداري
اما علي يتسوك النا ويجيب العلاج
وبليل يجي يبقى يم بابا للوحده يله يروح
من كد الخوف المريت بي على بابا احس فكري تشوش
وما اكدر اقرا رغم انطونه علطه شهر ونص للقرايه
اجا علي بليل وبقى يم بابا اني ما اكدر احجي ويا اي شي كدام بابا وماما
بس راح دزيتله رساله
...علي كاعد لو نايم
....كاعد شكو خو ما ابوج بي شي
....لا بابا مابي شي اريد اخذ رائيك بموضوع
...اي كولي
....اريد ااجل امتحاناتي ما جاي اكدر اقرا شنو رائيك
....زين بعد وكت هواي حاولي شويه شويه
....ما اكدر كلما افتح الكتاب اختنك وما اكدر اقرا
....زين امتحني نص وخلى نص للدور الثاني
واني اساعدج اذا شي متعرفي
تصير عليج اسهل
....زين احاول بلكت ينزل الوحي عليه واقرا
...زين اذا نجحتي ياكليه ادخلين
....وين يحسره ياكليه بابا مايقبل يكول الكليه بيها اختلاط ممنوع بس خلصي سادس
....زين اذا يقبل ياكليه ادخلين
....اني عاجبني ادخل كلية فنون
...اي وشصيرين انشاء الله ممثله لو مطربه
....هاي شبيك تستهزء بيه
لاممثله ولامطربه حابه ادرس ديكور او رسم اني ارسم حلو
....اي وبعد شنو مواهبج الدفينه طلعيها بلله
...ماعدي مواهب بس اي شغله احط راسي بيها اسويها
وانت شنو حلمك
جمانه السعيدي
....اني منيلي احلام الدنيا لطمتني وضيعت كل احلامي
....يجوز رب العالمين ضاملك الاحسن ليش هيج نضرتك تشائميه
....لاولله عندي حلم واحد بما انو اني خريج حاسبات اريد تكون عندي شركت اتصالات
....ليش لا خوش حلم انشاء الله تحققه
بس شغلني وياك بما انو اني لاشغل ولاعمل
....ميخالف اشغلج افتحلج قسم خاص نسائي لان انتي لابسه بوشيه وماتحبين تتعاملين ويه الرجال
جمانه السعيدي
استمر هذا وضعنا ليليه نبقى نحجي اني ويا لمن نتعب ونمل ونام
اني كلش تعلقت بي كمت ما اتخيل حياتي بدونه
كلما تطلع اغنيه اصيل كلما ردت انساك ومن بالي اطلعك اتعوذ الشيطان والكلبي ارجعك
احسه مكتوبه عليه بلضبط
ابويه تحسنت حالته بس بعده ماطالع للشغل وعلي لزم المحل بمكانه
مو بس المحل احتياجات البيوت التلاثه هو يجيبه
عمي ابو حسين اجا مرتين شاف بابا بس ماكو يكعد نص ساعه ويطلع
لحد مافديوم علي ما اجا بليل
واخابره مايرد كلت يجوز مشغول
ثاني يوم اجه شويه بليل وطلع
خابرته كال مشغول
ضليت بقلق ليش هيج تغير صح هو الهسه ماكال احبج بس كل تصرفاته وياي تدل على الحب
ثالث يوم اجا كعد شويه وكان اكو علاج مخلص راح يجيبا من الصديليه
الصديليه قريبه
نسا تليفونه وطلع
كامت تجي رسايل قريت الرساله من الشاشه
وتخبلت
الفصل التاسع من هنا
شكرا لزيارتكم عالم روايات سكيرهوم
