رواية قتل عروس الفصل الثامن بقلم جمانه السعيدي
بقت ليلى ٣ اسابيع بلمستشفى يله صارت احسن
احس يعني تكدر تاكل وتشرب بس ماتكدر تمشي اله احد يسندها
لان وحده من الطلقات اجت برجلها
وبعدها رجلها مجبسه
الجروح ما ملتمه وخاصه الجروح الي بمناطق حرجه من جسمها
اما بلنسبه العدنان كان مقيم وياها بامستشفى
ابد ما يقبل يعوفها
حتى امها ممكن تتركها نص نهار تروح ترتاح
وعدنان مايقبل يعوفها
يوكلها ويشربها بايده كل يوم يحاول يخليها تمشي ولو خطوات
لان الدكتور اكد على المشي حتى الدوره الدمويه
تنشط بجسمها
هاي الفتره رغم صعوبتها بس كانت فتره التعلق والحب
الحقيقي بينهم
هذا احلى وقت يخلصونه سوا
يمكن وجود عدنان قريب من ليلى اكبر سبب حتى تتشافا بسرعه
اكيد العامل النفسي اسرع طريقه للتشافي
اما ام عدنان وابو كان الهم رائي ثاني
كانو يتمنون عدنان يترك ليلى باعتبار ليلى بعد ما تصلح للزواج والانجاب بعد هاي العمليات الي تعرضت الها
حتى يطلعون الرصاص من جسمها
ولا تنسون عدنان يعتبر شيخ المستقبل
يعني اهله منتضرين يزوج ويصير عنده اطفال يحملون اسمه من بعده
ام عدنان...يمه هاي البنيه بعد كل الي صاروياها بعد ما تصلح تكون زوجتك
عدنان...ليش
ابو عدنان ...انت المستقبل بلنسبه النا نريد نشوف جهالك
وهاي البنيه بعد ماتصلح للزواج
عدنان...منو يكول ترا ليلى مابيها شي وراح نزوج اني وياها وراح يصير عدنا كومه جهال
ام عدنان...ليش تعاند
عدنان...لو اني متعرض الهذا الحادث تتوقعون تعوفني
ام عدنان...يمه اسم الله عليك
عدنان...هاي حقيقه زين لو جانت ليلى بنتج تقبلين زوجها يعوفها
ام عدنان...اسكت احسلي انت الحجي وياك مابي فايده مخبلتك ليلى
حدد الدكتور اليوم الي تطلع بي ليلى قبلها بيومين عدنان اشترا غرفة نوم جاهزه ونصبها بغرفته فوك
فرش الغرفه حتى يجيب ليلى بيها
عدنان...اليوم الدكتور يكول طلعين
ليلى...اي امي حضرت مكاني بلبيت
عدنان...شنو شنو شنو امج اني زوجج وترحين وياي
ومااريد اي نقاش بهذا الموضوع
ليلى...بس
عدنان...ماكو بس منا وهيج تكولين حاضر حبيبي
ليلى...ابتسمت حاضر
عدنان...لا ناقصه كمليها
ليلى...ههه حاضر حبيبي تدلل
عدنان.. اي تدلل حلوه هاي تدلل انتي الي تدللين عليه
حبيبتي انتي جمانه السعيدي
اجت ام ليلى حتى تأخذها للبيت
عدنان...خاله من رخصتج زوجتي تروح وياي
ام ليلى...لا اخذها وياي للبيت حتى اعتني بيها منا لمن تصير زينه
عدنان...واني شنو شغلي اني الي راح اعتني بيها
ام ليلى...ياا تحجي صدك
عدنان...لا اتشاقا ليلى هاي زوجتي بعد مالكم شي يمنا
ليلى...شكد جنت سعيده وطايره من الفرح اتمنى اتعافى بسرعه حتى اخلي عدنان بعيوني
ياربي شكد احبه هذا العوض من رب العالمين
جمانه السعيدي
فعلا اخذني البيتهم ولأن اول مره ادخل بيتهم
عمي جان محضر خروف هم لان طلعت بلسلامه ولأن العروس لازم تدخل للبيت واكو ذبيحه فداء حتى لا يصيب العرسان اي سوء
بس ماكدر اصعد الدرج بعدني كل الجروح بجسمي توجعني ورجلي مجبسه شألني عدنان وصعدني للغرفه
امي اجت وياي بس ما صعدت الغرفتي كعدت ويا ام عدنان جوه
عدنان. هااا عروستي شنو رائيج بلغرفه
ليلى.. عاشت ايدك تخبل
عدنان بلعافيه ياروحي انتي
اخذت شهرين بيتهم يله تعافيت كليا يعني اكدر اعتمد على نفسي
طول ذني الشهربن
عدنان شايلني شيل حرفيا مايقبل اسوي اي شي
يكول من تصيرين زبنه عود اشتغلي
حتى الغرفه هو ينظفها بنفسه هم عدهم مره تشتغل بلبيت
للتنضيف والخبز والطبخ
وعدهم بنيه اخت عدنان جانت تصعد تسولف عليه
من يطلع عدنان
وامي كل يوم تجي تشوفني وتروح
اما عدنان كل يومين اتلاثه يدز مسواك الاهلي لان حميد بلسجن
امي طلبت مني اتنازل عن حميد
لان زوجته وجهاله بلضيم وامي هم ماهان عليها ابنها بلسجن
ليلى...عدنان اني اريد اتنازل عن حميد لحظة عصبيه وماكدر يسيطر على نفسه
عدنان...بكيفج اني بلنسبه اليه حبيبتي بحضني شنو علاقتي بحميد ولو مايستاهل يطلع من السجن
بس الخاطر امج
جمانه السعيدي
عدنان جاب محامي للبيت وتنازلت عن القضيه
طلع حميد بس بعده نفس عقليته ما تغير
باع للبيت اني تنازلت عن حصتي الامي
واشترا كاع بلعرب وشال يكول شلون ارفع عيني بلناس بعد كلشي صار
اختي عشكت وأخذت الي تريده وكسرت كلامي
بعد مااكدر ابقى هنا
انتقل حميد للعرب وحرمني شوفت امي كمت مااشوفها اله كم شهر من تنزل للولايه تمر عليه
الحمد لله اني صرت زينه وعلاقتي بعمتي ام عدنان اكثر من زبنه تحبني هي وعمي
اني زينه الهم اي شي يطلبونه حاضر من عيوني
لو يجيهم شكد خطار لا أمل ولا اكول تعبت
اطبخ واحضر عمي طاير بيه يكول انتي تستاهلين
التعب تستاهلين عدنان ذبح نفسه عليج
عدنان فرحان بعلاقتي بااهله
يكول اني عرفت اختار صح
جابلي ذهب وجابلي ملابس ابد مايرفضلي طلب
هذا الرجال نعمه من رب العالمين
وعمتي تكول مااقبل اتعزلين وتعوفيني خل مهند يعزل
هو وزوجته مهند حماي الزغير رغم زوجته بت عمه
وانتي ابقى هذا بيتج
اما عدنان فعلا الحب الحقيقي
هذا العوض بعد الصبر والتحمل صارو عندي ٣ ولد
وبنيه
حاليا حماتي ازوجت وحماي طلع واني بعدني بيت عمي عايشه
عمي مات قبل كم سنه عمتي موجوده ويانا بس صارت جبيره وماتكدر تكوم اني قايمه بخدمتها
وعدنان هسه الشيخ امي ماتت سنه ٢٠١٥ اما حميد
لا شفته ولا شأفني كل هاي السنيبن
بعده يحقد عليه حتى من ازوجو ولده ما عزمني
الله يسعدهم اني ولله الحمد قبل سنتين زوجت ابني الجبير
عندي حفيد علاوي حبيبي
اما ابني للثاني يحب وحده وياا لاجامعه بس يتخرج ازوجه
اما بنتي نسخه مني
عدنان يكول مازوجها محد يستاهلها
هاي الحلوه الي بلعائله هي بعدها رابع عام بس صدك حلوه
يوميه جاي واحد خاطبها وعدنان يتخبل من يسمع
يكول مازوجها لمن تتخرج واشوف واحد كون يستاهلها
وانطيها اله
بس اشرط علي ممنوع يزعلها لان اذا شفتها تبجي اقتله خلاص
هاي كانت قصتي شكد عانيت من التقاليد ولاعراف
الي فرضوها علينا أهلنا مو بس اني اني وهواي بنات علويات مثلي كنت راح اموت على لحظه
بس رب العالمين لطف بحالي
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
