رواية حور الفصل الثامن
عمر بتوتر / طيب ،، بصراحة .. باباكي جالي و طلب مني اني .. اني اتجوزك .
حور بصدمة / ايي !! انـ.. انت بتقول .. انت بتقول ايي .
عمر / بصراحة يـ حور مكنتش حابب اخبي عليكي اكتر من كدة ، لما جه و طلب مني كدة ، حقيقي كنت مصدوم اوي .. ازاي قدر انه يطلب مني طلب زي دة !! و من غير حتي مَ يعرف رأيك انا جيت اقولك لأن بجد من ساعة مَ قالي و انا مش عارف افكر او اعمل اي حاجة .
حور بدموع / متخيلتش انه يكون قالك كمان ،، تخيل ان دة نفس الموضوع اللي كنت هكلمك فيه !! بابا فتح معايا الموضوع من يوم مَ جيت عندنا البيت عشان تشوفني ووقتها انا رفضت و قفلت الموضوع و افتكرت انه الموضوع كلام و هيقفل عليه ، بس اتفاجئت بعدها إنه فتح الموضوع مع ماما انهاردة ،، ولما رفضت .. م .. مد .. مد ايدو عليها يـَ عمر وحلف ان الجوازة دِ لازم تكمل و إلا هيعمل حاجة محدش فينا يتخيلها ، و انا كان لازم اجي و احكيلك عشان ميسبقنيش هو و يجي يقولك ،، بس شوفت !! دة قالك قبل م يقول لـ ماما اصلا !! انا بجد مش عارفة هو بيتعامل معايا كدة لية ؟؟ انا عملتلوا اية عشان يعوز يخلص مني !! .
عمر بحزن كبير / اهدي يـ حور لو سمحتي و احنا هنلاقي حل !! .
حور بدموع / حل !! حل اية يـ عمر !! دة عاوز يجوزني ليك بالغصب !! .
*نظر لها عمرة نظرة مليئة بالحزن و الدموع ، لأنه حقاً ادرك إنها لا تريد الزواج منه !! و حقا انها لا تحبه و لا تريدة في حياتها !!`*
عمر / متقلقيش كُل حاجة هتتحل ان شاء الله بس انتي اصبري ،، و بعدين هو ازايي هيجوزناا و احنا معترضين !! مش هيعرف يعملها .
حور وهي تمسح دموعها / ما هو انا جيالك عشان كدة ، لازم يكون موقفنا واحد من الموضوع دة ، ولازم نكون رافضين زي بعض و إلا كدة هيعرف فعلا ينفذ اللي ف دماغو .
عمر بحزن/ معاكي حق ، لازم يكون موقفنا واحد.
حور / كدة تمام ، لو بابا كلمك تاني اديك عرفت هتقول اية تمام .
عمر بنظرة حزينة / ت..تمام .
حور / انا لازم امشي دلوقتي يا عمر عشان متأخرش علي ماما و بالذات بعد اللي حصل .
عمر / ولا يهمك ، خلي بالك من نفسك.
حور بابتسامة/ حاضر ، وانت كمان .
*ذهبت حور وهي متجهه إلي بيتها و ذهب عمر بعدها بدقائق إلي بيته وهو حزين جداً علي مَ حدث معه و ان حقاً حور لا تريد الزواج منه .*
*' ' ' ' ' ' ' ' ' ' ' ' ' ' ' ' ' ' ' ' '*
*في بيت داليا '.*
_كانت تجلس داليا و معها الاء و ملك ويتحدثون في عدة مواضيع ._
الاء / مش غريب يبنات ان البتاعة اللي اسمها حور بقالها يومين مش بتيجي !
ملك / من ناحية غريبة ف هي غريبة دي دحيحة الدفعة يا بنتي .
داليا / تلاقيها مش موجودة ف بيتها ولا غارت ف داهية احنا مالنا !! ادينا مرتاحين من خلقتها .
ملك/ بس علي فكرة انا سمعت صاحبتها نرمين دي وهي بتقول لحد من البنات انها عندها مشاكل الفترة دي .
الاء بشماتة / احسن خليها كدة ف مشاكل إلهي م تطلع منها .
داليا و ملك في نفس الوقت / آمين .
داليا / كل حاجة هتتعرف ف وقتها مستعجلين لية !!.
الاء / علي رأيك هنستعجل لية ؟؟.
*ظلوا يتحدثون بكل وقاحة و شماتة عن حور '*
*" " " " " " " " " " " " " " " "*
*_مر ذلك اليوم والجميع في حالة توتر '._*
*ارتاحت حور قليلاً بعد ان وافق عمر علي كلامها ولكنها مازالت متوترة وخائفة من افعال والدها .*
*أما عمر فكان في حالة لا توصف ولا يعرف ماذا يعمل و كان حزين و يشعر بخيبة أمل كبيرة بعد ان عرف ان حور ترفض الزواج منه '*
*و هدي كانت حزينة جدا و خائفة علي ابنتها كثيراً و خائفة من زوجها '" محمد '" من افعالة القادمة ، وظلت تدعي ربها ان تمرء تلك القصة علي خير .*
*لم يتغير مروان بالعكس ؛ كان يفكر في حور كثيراً وهو لا يعرف السبب و كان لا يعرف سبب معاملته السيئة لأسيل !.*
*قررت أسيل التقرب من مروان اكثر و مراقبته جيداً حتي تعرف ماذا يفعله من ورائها .*
*وجد محمد حل مناسباً ليتزوج كل من حور و عمر و هذا الحل سوف يوافق عليه الجميع سؤاء بالرضا او بالغصب فما هو ؟!.*
*" " " " " " " " " " " " " " " " "*
_فـي الـيـوم الـتـالـي ' حـوالـي الـساعة الـتاسـعـة صباحاً_
```أستيقظت حور من نومها وفتحت عينها و عندما نهضت من علي السرير تفاجئت بـ والدها يجلس علي الكرسي المقابل للسرير```
حور بخوف / ببـ .. بابا !! .
محمد / اخرصي خالص ؛ انتي تسمعي و بس فاهمة ! لو موفقتيش انك تتجوزي عمر ابن خالتك ؛ انا هطلق امك و مش بس كدة هتبرا منك و هرميكي فالشارع رمية الكلاب و مش هسأل عنك ؛ ولو مسمعتيش الكلام يحور ؛ قسماً بالله لاوريكي ايام اسود من قرن الخروب .
حور بصدمة و دموع/ حرام عليك بقي .. انت اية .. لية عاوز تعمل فيا كدة ؟ دة انا بنتك ؛ انت بتكرهني كدة لية عاوزة افهم .. ليهه عاوز تخلص مني بالسرعة دي !! .
محمد بغضب / اسمعي يبت انتي مش وقت الدراما بتاعتك دي فاهمة ! معاكي لحد انهاردة بليل وقت تفكري و تقنعي عمر بالموضوع و إلا هتشوفي منيي ايام سودة .. فاهمة !!
*دخلت هدي في تلك اللحظة '*
هدي بصدمة/ محمد !! عاوز اية تاني بعد اللي انت عملتوا دة .
محمد / جاي بيتي يا ست هانم ولا عندك مانع ؛ علي العموم انا همشي اصلا ، مش طايق اقعد معاكو جتكم الأرف .
*خرج محمد من البيت بكل غضب و لكن كان سعيد لأنه يشعر ان خطته ستنجح .*
_عـنـد حـور و والـدتـهـا' هـدي..._
هدي بقلق/ قالك اية يـ حور !! كان عاوز منك اية قوليي .
حور بتوتر / هيكون عاوز اية يعني يـَ ماما ، بيحاول معايا تاني ف موضوع جوازي من عمر .
هدي بلُطف / متقلقيش يحببتي مفيش حاجة من دي هتحصل ؛ انا مش هسمح له يجربك علي حاجة زي دي .
حور بقلق وتفكير في كلام والدها / ربنا يستر يـ ماما .
*عـانـقـتـهـا والدتها بكل حب و حنان و بادلتها حور العتاق و بعد دقائق معدودة ابتعدت حور عنها وهي تبتسم '*
حور بإبتسامة / اية يا ست ماما هنقديها احضان طول اليوم ولا اية ؛ انا لازم انزل اقابل نرمين عشان بقالي كتير مشوفتهاش ولا بروح السنتر لازم اعرف اخدوا اية .
هدي بابتسامة وهي تمسح دموعها / ماشي يبنتي ؛ انزلي و خلي بالك من نفسك .
حور بإبتسامة/ حاضر يحببتي .
*وقفت حور و اتجهت إلي المرحاض و قامت بفعل روتينها اليومي و قامت بإرتداء ملابسها التي كانت مكونة من بنطال بوي فريند من اللون التلجي و سويتشيرت من اللون الابيض و كوتش ابيض و رفعت شعرها كعكة و انزلت بعد الخصل من شعرها علي وجهاا و كانت في قمة الجمال .. وبعدها خرجت من البيت بعد ان اتصلت بـ رفيقتها نرمين ليتجهوا الي السنتر سوياً لحضور حصة الفيزياء'*
*بعد حوالي عشر دقائق من نزول حور ، تقابلت مع نرمين ؛ و عانقتها نرمين عناقاً حاراً و حور كذلك '*
نرمين / وحشتيني اويي بجد .
حور / انتي اكتر والله العظيم .
نرمين بقلق / كان في اية يبنتي كل دة !! كل ما ارن عليكي مترديش !! اية اللي حصل معاكيي ؟.
حور بحزن / مش عارفة احكيلك اية ولا اية بجد تعالي نمشي و احكيلك فـ السكة .
نرمين / يالا .
*ظلوا يمشوا الاثنان متجهين الي السنتر و حكت لها حور كل شيئ حدث معها حتي عندما استيقظت ووجدت والدها '*
نرمين بصدمة / احييه بجد ! ازاي عم محمد يعمل كدة ! .
حور بدموع / تخيلي يا نرمين ابويا عاوز يخلص مني بالطريقة دي !! انا بجد معرفش عملتلوا اية !! .
نرمين وهي تضم صديقتها / إهدي يحببتي ؛ عارفة ان الموضوع صعب بس هيعدي والله ان شاء الله و تلاقي كلام باباكي كلو تهديد و مش هيعمل حاجة عشان خاطري اهدي احنا خلاص قدام السنتر و مينفعش حد يشوفك كدة خالص .
حور وهي تمسح دموعها / معاكي حق .. بس بابا مش بيهدد يا نرمين ، انا عارفاه استحالة يكون بيقول كدة و خلاص .
نرمين / استهدي انتي بس بالله و المفروض تروقي كدة دة حتي مستر مروان جوه .
ضحكت حور / يااه تصدقيي انا كنت ناسية الحوار دة !! كويس انك فكرتيني .
نرمين بضحك/ طب يالا ندخل بقي ولا اية !
حور / يالا .
*دخلوا الاثنان الي السنتر ووقفوا قليلا ليسجلوا حضورهم '.*
يوسف ' السكرتير / بتغيبي لية يا حور من غير إذن ! .
حور / انا اسفة بس كان عندي ظروف و مكنتش عارفة استأذن .
يوسف '/ تمام .. ياريت الغياب بعد كدة يبقي بإذن و تسألي زمايلك اخدوا اية عشان يتذاكر زيك زيهم .
حور / حاضر .
*سجلت حور حضورها ، وكان متجهه إلي القاعة ، ولكن كانت لا تنتبه ف اصطدمت بشخص ما و كانت ستقع ولكن امسكها من خصرها قبل ان تقع .*
نظرت له حور بصدمة و ابتعدت عنه سريعاً/ مس.. مستر مروان !! .. انا اسفة بجد مخدتش بالي .
مروان بجمود ولكن داخلة عكس ذلك/ ولا يهمك يـ حور ، المهم انتي كويسة.
حور بخجل/ ا.. اهه ، عن اذنك عشان ادخل .
_كانت نرمين تكتم ضحكتها بصعوبة كبيرة علي مَ يحدث ...._
*' دخلت حور و نرمين إلي القاعة و كانت حور في قمة الخجل مما حدث .*
حور بإستغراب / انتي بتضحكي علي اية !! .
نرمين بضحك / عليكيي هههه.
حور/ دة لي بقي ان شاء الله ! شايفة ان الموضوع يضحك اويي دة منظري كان خرا .
نرمين / ولا خرا ولا حاجة .. انتي اصلا مخدتيش بالك و هو كمان المفروض ياخد باله من اللي حوالية ولا اية !! .
حور / ونبي يـَ نرمين اسكتي .. انتي شوفتيه مسكني ازاي !! هو ازاي يعمل كدة !! .
نرمين / هو اكيد مكنش يقصد يمسكك كدة ، و تلاقية اصلا مخدش باله مين اللي بيقع ؛ هو عمل رد فعل طبيعي ان لما يلاقي حد هيقع يلحقوا ، بدل ما يسيبك تقعي و حد يضحك عليكي .
حور بضحك / ونبي اسكتيي بقي عشان وربناا قلبي عمال يدق من ساعتها ، احنا فـ اي ولا فـ ايي !! .
نرمين/ حاضر يختي هسكت ، عملتي الواجب صح ؟.
حور / اه طبعا هو انا اقدر معملوش ، هو البومة كريم دة هيسيبني ف حالي لو معملتوش !! .
نرمين بضحك / علي رأيك ، تعالي نراجعوا سوا طيب .
حور / يالا.
_ظلوا الاثنان يراجعون واجبهم بكل جدية '_
*" " " " "*
```فـِ الخارج عند ' مروان .```
*خرج مروان من السنتر ليقف قليلا في الهواء '*
*كان يبتسم عندما يتذكر ما حدث '*
مروان فـِ داخلة / لية كنت مبسوط كدة لما شوفتها !! ولا كأني بقالي سنة مشوفتهاش ، اية اللي بيحصل معاياا دة !! .. بس تصدق ، طلعت حلوة اوي لما تتكسف .. هي اكيد اتكسفت برضة بعد اللي حصل ، بس انا برضة مكنش ينفع ملحقهاش ، اكيد مكنتش هسيبها تقع !! ايوا يا مروان انت عملت الصح ، بس ايي دة !! انا مالي اصلاا شاغل نفسي باللي حصل لية !! و انا بعمل اية برة اصلاا !! انا اخش جوة احسن و اشوف شغلي .
*دخل مروان الي السنتر مرة اخري ولكن احساسه بالفرحة لا يفراقة لأنها جائت الي السنتر و خاصةً حصته '*
*" " " " " "*
*كان في ذلك الوقت عمر في بيته و لم يذهب إلي الجامعة*
*كان نائم علي سريره و ينظر إلي السقف و يفكر كثيراً .*
عمر في داخلة / طب هي لية محبتنيش !! هو انا ناقص حاجة ! للدرجة دي معاملتي ليها خلتها تشوفني اخ بس !! بس كان نفسي تحبيني يا حور زي مَ حبيتك ، دة انتي جيالي تقوليلي نرفض سواا ، ياه لو في طريقه اتجوزك بيها و انتي موافقة .
*قطع شرودهه دخول والدته الغرفة '*
رباب باستغراب/ مالك يا عمر !! مروحتش الجامعة لية يا حبيبي ؟.
عمر بكدب / معنديش محاضرات انهاردة يماما فقولت اريح شوية ف البيت بدل مَ اضيع الوقت برة .
رباب / تمام يبني ؛ قوم بقي عشان تفطر .
عمر / حاضر يماما هفوق كدة و اجي افطر .
رباب بإبتسامة / طيب يبني .
*خرجت رباب من الغرفة و هي تشعر بشيئ ما يحدث مع ابنها ولا تعرفه '.*
*اتجهه عمر الي المرحاض و قام بفعل روتينه اليومي كالعادة .. و اتجه الي الطاولة لكي يتناول الفطار مع والدته '*
*" " " " " "*
_في السنتر عند حور '_
*كانوا قد وصلوا الثلاث عقارب ' ملك ، الاء ، داليا ' وينظرون من خارج القاعة إلي حور بكل حقد .*
داليا بغيظ / اهي الهانم شرفت .
الاء /اموت و اعرف مكانتش بتيجي لية !.
ملك / مستعجلة لية .. كلة هيتعرف ف وقته .
الاء / بس باين علي شكلها ان في حاجة ، و حاجة كبيرة كمان .
داليا/ كلوا هيتعرف متقلقيش.
*دخلوا الاثنان إلي القاعة بكل غرور'*
داليا بصوت مرتفع / كان في ناس كنا مرتاحين من اشكالهم ، بس اهم شرفوا تاني .
*ظلوا يضحكوا الثلاثة بسخرية ثم اتجهوا الي اماكنهم '*
نرمين بغضب لحور / انا مش فاهمة انتي ازاي ساكتالهم باللي بيعملوا دة !!.
حور بهدوء / هعملهم اية يعني يا نرمين ، سيبيهم يهاتو كدة مع نفسهم ؛ لو رديت عليهم و بينت ان انا مضايقة هيفرحوا ؛ بس طول م احنا ساكتين هما هياكلوا ف نفسهم اكترر م بياكلو فيها اصلا .
نرمين بغيظ منهم / ايواا بس....
*قطع كلامها دخول معلمهم ' مروان ليبدأ الحصة ف سكت الجميع لتبدأ الحصة ..*
*بدأ مروان بالشرح وهو معظم الوقت عيناه لا تقع من علي حور و البعض لاحظ هذا الشيئ ولكن لم يدققوا في هذا الامر .*
داليا بغيظ و هي تمهس ل ألاء / هو المستر مالو مركز معاها كدة .
الاء بهمس/ مش عارفة بس دي مش بصة مدرس لطالبة عندو .
داليا / قصدك اية !! .
تدخلت ملك بصوت منخنفض / قصدها ان دي نظرات اعجاب .
داليا بصدمة/ اية الهبل دة
*قاطعهم صوت مُعَلمهم 'مروان .*
مروان بجمود / قوموا اقفوا انتوا التلاتة .
داليا بمكابرة / نقف لية !! احنا معملناش حاجة ! .
مروان بزعيق / قولت قوموا اقفوا .
*وقفوا الثلاثة وهم في قمة الغضب '*
مروان / حد فيكوا يقولي انا كنت بقول اي !! .
الاء بتوتر / ح..حضر..حضرتك.. احم .. كننت .
مروان بغضب / انتوا لسه هتهتهوا !! اطلعوا برة انتوا التلاتة يالا .
ملك / نطلع برة لية يعني هو مفيش غيرنا بيتكلم !!.
مروان / انتي لو محترمة هتعرفي ازاي تردي علي مدرسك ، اطلعوا برة ... يا كرييمم .
*دخل كريم ' سكرتير مروان .*
مروان لكريم بغضب/ التلاتة دول ملهومش حضور الحصة دي ولا ف اي مجموعة تانية و تكلم اولياء الامور ؛ و الحصة الجاية يجوا مذاكرين .
كريم /تمام .. يالا برة .
*خرجوا الثلاثة بكل غضب من القاعة وهم يلعنون معلمهم ، و محرجون من شكلهم امام زمائلهم '*
*' ' ' ' ' ' '*
_- كانت تجلس اسيل مع رفيقتها ' نورهان وهي تجهز لشيئ ما ..._
*' ' ' ' ' ' '*
*بعد مرور ساعتين ، انتهيَ مروان من الشرح و قبل ان يخرج من القاعة دخل يوسف وقال... '*
- في آنسة عاوزة حضرتك برة ضروري .
مروان بإستغراب/ مين دي ؟.
يوسف / معنديش فكرة .
مروان / تمام انا كدة كدة خلصت .
*خرج مروان من القاعة و الطلاب يخرجون بعدهه .*
نرمين / هتروحي علي طول ولا هتعملي حاجة الاول ؟.
حور / لازم اقابل عمر و احكيله علي اللي حصل عشان المرة دي بجد انا مش عارفة هعمل ايي .
نرمين / تمام ، يالا نطلع .
*خرجوا الاثنان من القاعة و تفاجئواا بـ..*
*" " " " " " "*
_فـي بـيـت دالـيـا '...._
داليا بغيظ / انا مش فاهمة احنا عملنا اية عشان يطردنا و يخلي منظرنا زبالة بالشكل دة !! .
الاء بغيظ/ محسسني ان احنا بس اللي كنا بنتكلم يعنيي !! زماان الست حور دلوقتي فرحانةة فينا .
ملك / اه يختي زمانها بتقول ان حقها اتاخد من غير مـَ تعمل حاجة .
داليا بزعيق/ ااااااهه ،، انا بكرهكك يا حور بكرهككك ... اصلا احنا اطردنا بسببها ،، دة احنا كنا بنتكلم عليهاااا ،،، انا بكرههاا بجد .
الاء / هيجي يوم و نردها اكيد .
*كانوا الثلاثة يلعنون حور وهم في قمة الغضب و الغيظ منها وخاصةً داليا '*
*" " " " " "*
*خرجوا الاثنان من القاعة وتفاجئو بـ فتاه تضم مروان بكل قوة ومروان يقف مصدوماً مما تفعلة خطيبته ' أسيل '*
*نظر مروان ناحية حور و عندما رآئها تنظر إلية ابتعد عن اسيل سريعا .*
حور بسرعة / يالا نمشي يا نرمين .
نرمين/ يالا فعلا .
*خرجوا الاثنان بسرعة من السنتر ...*
*نظر مروان لـ أسيل بغضب كبير ثم امسكها من معصمها بقوة و سحبها لخارج السنتر'*
أسيل بآلم / اه ، سيب ايدي يا مروان في اي !! .
مروان بغضب/ في اي !! هو انتي شايفة ان اللي اتتي عملتيهه دة عادي يعني !! انتي ازاي تيجي لحد هنا و ازاي تحضنيني اصلاا !!! احنا لسه مخطوبين ياا هانم .
أسيل ببرود / في اي يا مروان !! بلاش اجي اطمن علي خطيبي ، كنت واحشني فحضنتك مش حوار يعني !!
مروان و هو يتمساك حتي لا ينفجر غضبا فيها/ امشي من هناا يا اسسيل دلوقتي.
اسيل بغضب / امشي !! يعني انا جيالك لحد هنا و انت بتقولي امشي !! .
مروان بغضب / انا مطلبتش منك تيجي هناا ... دة مش مكان نتقابل فيه .. دة مكان شغل يا أسيل ،، اتفضلي امشي دلوقتي .
*نظرت له أسيل بغضب كبير ثم قالت..*
- طيب يا مروان انا همشي ، بس خليك فاكرهاا .
*ذهبت أسيل من امامة و ستشيط غضباً من تصرفات مروان معهاا '*
مروان بغضب وهو يحدث نفسه / غبية ... و انت اغبي منها يا مروان .
*رجع مرة اخري الي السنتر وهو يتلاشي جميع نظرات الموجودين بعد ما حدث و دخل يجلس في الغرفة '*
*" " " " " " " "*
*بعد ما ذهبت حور و نرمين من السنتر لم يتحدثوا في اي شيئ بل كان الصمت يعم المكان '*
نرمين / هتفضلي ساكتة كتير يا حور ؟
حور / عاوزاني اقول اية يعني يا نرمين.
نرمين / من ساعة ما طلعنا من السنتر و انتي ساكتة !! انتي مضايقة عشان اللي حضنت مستر مروان !.
حور بهدوء / و انا هضايق لية يعني يا نرمين اصلا عادي ، و انا هستني اية من مدرس لياا اصلا !! تلاقيها خطيبتوا ولا اختوو الله اعلم .. و كمان عاوزة اقولك حاجة بس للعلم .. انا مش بحب مستر مروان انا معجبة مش اكترر و بعدين ف اللي انا بمر بيه دة معنديش وقت اصلا اعجب بحد او احبة ف عادي يعني .
نرمين باستغراب/ اومال ساكتة لية ؟.
حور بتفكير / كنت بفكر في حل للموضوع المنيل دة بتاعي انا و عمر بس زي العادة موصلتش لحاجة .. ف زي ما قولتلك هروح اقابله و نشوف هنعمل اية بقي .
نرمين / متقلقيش ، ان شاء الله كل حاجة هتتحل .
حور / ان شاء الله .
*مسكت حور هاتفها و اتصلت بـ عمر وأجاب عليها بعد لحظات '*
حور / ازيك يـَ عمر عامل اية ؟.
عمر بصوت قد يكون مسموع / تمام الحمدلله وانتي عاملة اية ؟.
حور بإستغراب / انا كويسة بس انت مال صوتك !!
عمر بكدب / لسهه صاحي من شويةة بس .
حور / ممممم ... طب انا عاوزة اقابلك ضروري .
عمر / تمام ، انتي فين دلوقتي .
حور / انا لسة مخلصة درس و قريبة اوي من الكافية اللي بنقعد فيه .
عمر / تمام روحي استنيني و انا عشر دقايق بالكتير و اكون عندك .
حور / تمام ماشي ، يالا عاوز حاجة .
عمر / عاوز سلامتك .
*اغلقت معه الخط '..*
نرمين / كلمتيهه .
حور / اهه .
نرمين/ اومال مالك في اية ؟.
حور بتوهان/ معرفش بس حاسة عمر في حاجة ،، صوته متغير اوي و مش صوت حد لسة صاحي زي ما قالي .
نرمين / لما تشوفيه إسألية بس ان شاء الله يبقي كويس .
حور بقلق / ان شاء الله .. همشي انا بقي عشان متأخرش .
نرمين / تمام .
*ودعوا بعض الاثنان و ذهبت حور '*
نرمين بحزن/ انا بس اللي عارفة عمر مالوا يا حور ، انا مش عارفة ازاي انتي مش حاسة انه بيحبك .. ياريت لو تقولها يا عمر .. بجد انا مش عارفة اية اللي بيحصل دة .. ربنا يقدم اللي فيه الخير .
*رجعت نرمين الي بيتها '...*
*" " " " " " "*
*عند مروان '..*
*كان يجلس في الغرفة و كان يشرب السيجارة بكل غضب .*
مروان بغضب في داخلة / اللي عملتو اسيل دة مش هيعدي بالساهل ، اللي عملتوا دة هيطلع علياا كلام ملوش اخر ،، انا طول عمري مدرس و لياا اسمي و سمعتي و مكانتي جت هي من حضن واحد خلت اللي يسوا و اللي ميسواش يتكلم علياا !! دة غير حور اللي شافتني بالمنظر دة !! .. اووفف بقي اسكتت ، انت كل اللي هامك حور و بس !! مالك من ساعة ما شوفت البنت دي و انت مش علي بعضك فيه اية يا مروان ، ركز ف شغلك احسن ... انا مش هعرف اكمل اليوم بعد اللي حصل ... كررريييم .
*دخل كريم ' سكرتير مروان..*
كريم/ ايواا .
مروان / ألغي كل مجماميع انهاردة .
كريم بإستغراب و لكن لم يهتم / حاضر .. عن اذنك .
*خرج كريم من الغرفة ثم خرج مروان و ركب سيارته و اتجه الي احد الكافيهات ليجلس مع نفسه قليلاً '*
كريم / يوسف .. ابعت علي جروب السنتر ان مستر مروان لغي كل المجاميع انهاردة .
يوسف بإستغراب / تمام ،، بس هو اية اللي حصل .
جلس كريم / والله ما اعرف ،، هي من ساعة ما خطيبتو جت هنا و حضنتوا وهو مش طايق نفسه .
يوسف/ اي دة هي دي خطيبته !!
كريم / اه انت متعرفهاش !.
يوسف / لا .. بس استغربت لي مقالتش انها خطيبتو لما جت !!
كريم/ يا عم ملناش دعوة بقي يتصرفوا مع بعض .
يوسف بضحك / علي رأيك خلينا ف اللي احنا فيه .
*_" " " " " " "_*
*كانت حور تجلس و تنتظر عمر في الكافية و بعد قليل من الوقت نظرت ناحية الباب و تفاجئت بـ....*
