رواية حرب الارحام الفصل الثامن بقلم جمانه السعيدي
بلال....هلو رونه شلونج
روان...هلو خالو الحمد لله كلشي تمام
بلال...اريد اسئلك على زينب
روان...ليش شكووو ما عجبك شغلها
بلال....لا بلعكس مضبوطه بشكل مو معقول شغلها يخبل
روان....لعد ليش تسئل عنها
بلال....اريد اعرف قصتها شنو ما معقوله اهلها مسافرين وعايفينه بيتكم
البنيه مبينه تعاني من مشاكل نفسيه على طول خايفه
ومتحفظه تخاف من الاختلاط
شنو قصتها ليش عايشه بيتكم
روان...راح احجيلك بس لا تحسسها انت تعرف شي عنها
بلال...اكيد
روان....زينب امها وابوها ميتين
بلال....هااا لا خطيه
روان....خل اكمل من عمر ١٢ سنه فقدت اهلها اخذها عمها عاشت بيته
بلبدايه كانو فرحانيين بيها بعدين بدو يقارنونها بابنهم الفاشل الي ترك المدرسه
زوجت عمها بدت تكرها وتضغط عليها بلشغل
بس هي بقت متوفقه ولا استسلمت ابد لمن طلعت صيدليه
زوجت عمها اتخبلت من نجاحها بدت تخطط تاخذ بيت اهلها منها
زوجت عمها وعمها خيروها بين الدراسه او تتنازل عن بيت ابوها الي هو آخر شي تملكه بهاي الدنيا
اتنازلت عن بيت ابوها حتى تكمل دراستها
اول مرحله كلشي تمام هاي المرحله زوجت عمها
بعد مااخذت البيت منها قررت تطردها من البيت
ليش باقيه بيتهم ويصرفون عليها
مالكت طريقه غير تشوه سمعتها هيج عمها طردها من البيت ماعدها احد اجت سكنت يمي
بس هي جاي ادور على سكن رخيص وتنتقل
بلال....خاف مسويه مصيبه انتي متأكده من اخلاقها
روان...على بختك خالو اشك بنفسي ومااشك بيها هاي البنيه دره من الله شكد شريفه وخايفه الله
الف هنياله الي راح تكون من نصيبه
بلال....اني ماشفت منها شي موزين للامانه بنيه ملتزمه
ومحافظه على نفسها
بس شكيت لان عايشه وياكم بلبيت
روان....خالو اطمئن زينب ذهب أأمن وطمئن من ناحيتها
بلال....تمام
روان...خالو ليش مااخطبها اللك
بلال...بعد الي شفته من نهله كرهت الزواج كله احسن شي واحد يعيش عزابي
روان ...نهله اهلها فوك راسه وخربت حياتها بس زينب
ماكو عدها اهل
حبابه وشريفه انسانه محترمه
فكر بلموضوع زينب خوش عروس
بلال....اسكتي اني كرهت الزواج يله في امان الله
بس ابقى احجي وياج راح تقنعيني بلزواج
روان...اي غير احبك واريد مصلحتك مثل زينب مراح تلكه
ابد
بلال....بيباي بيباي
زينب....بعد شهر عمل تعودت على الشغل هنا
وامنت سياره ترجعني للبيت هذا الرجال الجبير ابوعلي
كل يوم اتصل علي من نخلص شغل الصيدليه يجي يرجعني للبيت
احس نفسي مستقره نفسيا الحمد لله على كل حال
اما عن تواجدي بيت ابو روان
بليل بس من ارجع من الصيدليه اروح انام بيتهم
الصبح اتريك واطلع من الجامعه كبل اروح للصيدليه
وهيج يومي يخلص جمانه السعيدي
بعد مكالمة روان وبلال عني الي اني ماعرفت بيها اله بعدين
حسيت بلال بدا ينتبهلي اكثر
ويحاول يخلق مواضيع حتى نحجي بعد ماكنا نخلص الشغل واحنا ما نحجي غير السلام وكم كلمه
بدا يهتم بوجودي اكثر ويسئلني على دراستي
مرات انتبه الكا يباوع عليه
كنت فرحانه بهذا الاهتمام
يمكن لان اني فاقده الحنيه والاهتمام وماعندي اهل
يسئلون عني
يمكن هو بدا ينتبه الوجودي ويحس بيه
مااعرف افسر هذا الموقف ابد
بس المهم اني فرحانه بهذا التغيير بحياتي
بعد اتلث اشهر عمل بلصيدليه
خلصت هاي السنه الدراسيه ونجحت ولله الحمد
الصبح اكعد اساعد ام روان بشغل البيت روان تبقى نايمه
بس اني احب اساعد امها
شكد حنونه وطيبه الخاطر الله
طبعا هي ماتقبل
ام روان....روحي نامي حبيبيتي اني متعوده على شغل البيت
زينب....لا اساعدج
ام روان....لا روحي كملي نومتح انتي تتأخرين بلصيدليه
زينب....اني شكد ممنونه منج انتي احلى ام بلدنيا
تقبلين اكولج ماما
ام روان....اي اقبل افرح اصير عندي بنات ثنيين مو وحده
نشتغل اني وياها ونسولف حلوات سوالفها عبالك بعمري
مو اكبر مني
طريقتها بلكلام مريحه
هذا اليوم بلذات من كعدت وشفتها واكفه بلمطبخ
اجيت وحضنتها من ورا
ام روان....يااا زنوبه هااا ماما
زينب....محتاجه احضنج اريد احس بلحب والحنيه
ام روان...حبيبتي انتي
دارت وحضنتني باستني وكامت تمسح على راسي
ماسيطرت على دموعي كمت ابجي
ام روان...ليش تبجين حبيبتي انت حلوه وشاطره
لا تبجين الي مثلج تفرح
قهرتي كل الضروف الصعبه ونتصرتي وجاي تكملين دراستج
غيرج جان انحرفت وكالت الضروف
بس انتي شلون محافظه على نفسج الله يوفقج حبيبتي
جمانه السعيدي
رحت العصر للصيدليه بقينا ننتضر بلال
اتأخر مااجه
اتصل بلال على عماد
بلال....الو عماد اليوم اني مااجي عبودي مريض واريد اخذه للعياده ايجوز اتأخر
انت اقفل الصيدليه من تخلصون شغل
عماد...اي صار تدلل طمنا على عبود
زينب...ضجت متعوده اشوفها واحجي وياا كل يوم
مو حلوه الصيدليه اليوم لان هو ماكو
بعد اذان المغرب اتصلت علي
زينب...هلو دكتور شلونك
بلال...هلو زينب انتي شلونج
زينب.. الحمد لله طمنا على عبدلله
بلال...دخلو مستشفى عندا ابره بلمغذي ايجوز ساعه
او اكثر ونطلع التهاب بلامعاء
بس اني مااكدر اجي للصيدليه تعبان ارجع للبيت
زينب...سلامته الف سلامه اذا تحتاج مساعده اتصل عليه
بلال...الله يسلمج ديري بالج على نفسج
سمعت هاي الكلمه طرت من الفرح بس بنفس اللحظه
كلبي انقبض
جاي احجي وياا بلال وعيني على الشارع
من كال بلال ديري بالج على نفسج اني عيني على الشارع
فرحت بس بنفس اللحظه شفت رياض ابن عمي
فات من الشارع
من شفته كلبي انقبض
مااعرف هو جاي متعمد منا يفوت لو بلصدفه
يدري اني اشتغل بهاي الصيدليه
لو لا شافني من فات لو ماانتبهلي
حتى اللحظه الحلوه مااكدر اتهنى بيها ابد مو وقته رياض
يطلع بهاي اللحظه
طارت فرحتي رجعت اخاف واقلق
هذا مجرم كلشي يسوي بسلا شافني هنا شلون
ليش وين مااروح المصايب تركض وراي
مو صار اثلث اشهر ما شايفه خلقته ومرتاحه
يارب مايكون شافني
يارب ما يطلع بحياتي من جديد
بقيت ضايجه طول الوقت بس لان شفت رياض فات من الشارع
بس يحاول يقرب عليه لو يدخل الصيدليه اتصل بلشرطه
بعد ماخاف منه ابد
جمانه السعيدي
خلص شغلنا اليوم ماكدرت اترك الصيدليه من وقت لان بلال
ماوجود
الساعه ١١ عماد قفل الباب
طلعت تليفوني اتصل على ابو علي
اتصلت مرتين
امشي بلشارع لازمه تليفوني واتصل
ثالث مره رد عليه
زينب...هلو عمو اني خلصت تجي تاخذني
ابو علي...السياره عاطله اليوم مااكدر اجيج
زينب.. لا فدوه عمو
ابو علي....ولله الصبح تشتغل مثل الورد العصر طلعت لكيت المحرك عاطل
ومن العصر الهذا الوقت اني بلتصليح
زينب....يااا شلون بيه ليش ماكلت من وكت جان اتصرفت
ابو علي...مشغول بتصليح السياره
زينب....استغفر الله الله وياك
قفلت التليفون كلت اني ليش خايفه
شنو قابل راح ياكلوني اهلي التكسي
بلكت الله يوكعني لواحد خير اكيد اكو ناس زينه
اني بعد جبيره واعرف اتصرف
ااجر اي سياره وارجع للبيت امشي واباوع اريد تكسي
اي سياره ااجر وارجع للبيت
طلعت التليفون اتصلت بروان
روان.. هلو زينب
زينب...هلو رونه شفتي الدكه الناقصه
روان...شكو
زينب...ابو علي سيارته عاطله مايجي اليوم
روان....يااا اجري تكسي وتعاي قابل شكو عليج
بابا نايم جان دزيته يجيبج
وخالي بعده بلمستشفى وياا عبودي
زينب....ولله اضوج من اصير بهيج موقف
روان.. ماعليج شي كولي بسم الله بلكت يطلع شايب مثل ابوعلي بوجهج اجري وتعاي كبل للبيت
يله اني منتضرتج
زينب....انشاء الله خير
نفس الشارع الي امشي بي اكو مسافه بي ضلمه
اسمع صوت جلاب اني كلش اخاف من الجلاب
امشي واحاول ابين اني قويه
دخلت للجزء الاضلم من الشارع
وصلت نصه تقريبا مااحس اله واحد يركض سريع
لابس الثام على وجها
طبعا هو خاتل يم الحايط يعني اني قربت علي هو كمز عليه بسرعه خاتل بصف دنكه مال باب بنص الشارع
وصل يمي خله وصله على وجهي دفعته
بس هو
لزمني حيل واجا واحد ثاني لزمني وياااا ماكدرت اعيط
لان اني ما متوقعه هيج راح يصير وياي مجرد اشتميت
الوصله فقدت وبعد ماعرف شنو الي صار وياي
شكرا لزيارتكم عالم روايات سكيرهوم
