رواية جريمة في قلب عاشق الفصل التاسع
أنصدم كريم عندما راي ملك فاقدة الوعي و ثيابها ممتلئة بالدماء
لحظات صدمة جعلها لا يتحرك
ثم ذهب إليها و قال بصوت مرتجف: ملك ، ملك ، مالك يا حبيبتي ، ملك ردي عليا.
حملها و هبط إلى الأسفل سريعا.
صرخت نادية بفزع و هي تري منظر ملك: ايه اللي حصل يا فندم.
لم يجيب عليها
و ذهب إلى السيارة
صرخ كريم: افتحوا باب العربية بسرعة
حسن : حاضر يا فندم.
تولي حسن القيادة ،دخل كريم ملك و هو بجوارها ، قال : سامح كلم سيف يكون مستني في المستشفى.
سامح بتوتر: حاضر يا فندم، أن شاء الله المدام تكون بخير.
في الطريق
ينظر لها بقلق و توتر و هي غائب عن الوعي و يردد: يارب، يارب ، يارب.
قال حسن: أن شاء الله تقوم بالسلامه هي و الطفل.
قال برجاء: يارب.
وصل كريم المستشفى.
كان سيف في الانتظار مع دكتور ملك بمتابعة الحمل.
وضعها على الناقلة، و أخذوا إلى غرفة الكشف.
مر ربع ساعة كان كريم يموت من الخوف.
قال سيف : اهدا يا كريم ، أن شاء الله خير.
كريم بخوف: مش عارف ايه اللي حصل ، كانت كويسة.
قال سيف: أن شاء الله خير دلوقتي يخرج الدكتور و نطمن.
خرج الدكتور و قال بجدية: تدخل حالا عمليات.
سأل بتوتر: ليه.
الدكتور: ولادة كسرية حالا.
قال برجاء: ملك و الطفل بخير صح.
لم يجيب الدكتور و رحل من امامه.
رتب على كتف كريم و ذهب سيف خلف الطبيب.
سيف بتوتر: في ايه.
رن كريم على مالك و أخبره بحالة ملك.
مني بدموع: يارب يستر
قالت مليكة بدموع: كل ده مالك يجيب عربية.
قالت امل بهدوء: اهدوا يا جماعة أن شاء الله تكون بخير.
مصطفي: يلا مالك وصل.
في المستشفى
مر ساعتين
كانوا على كريم مثل سنوات.
خرج سيف و ملامح الوجه غير مبشرة بالخير.
سأل بتوتر: ملك كويسة و ابني كويس صح.
لم يجيب سيف و سقطت دمعة منه.
قال كريم بابتسامه ممزوج بدموع: ملك كويسة و ابني كويس، اوعي تقول غير كده.
كان سيف في موقف لا يحسد عليه، يعلم منذ ساعتين أن الطفل متوفي و لا يعلم كيف يخبر كريم هذا الخبر.
سأل كريم بتوتر: ملك
أجاب سيف: ملك كويسة
سأل مرة أخرى: ابني
أخذ نفس عميق و قال بحزن: كريم كل حاجه بايد ربنا، ربنا اعطك هدية و دلوقتي يختبرك و ياخد الهدية دي منك، تقول ايه.
أجاب بهدوء شديد: ان لله وان اليه راجعون، ان لله وان اليه راجعون
ظل يكرر الجملة ، حتي انهار كليا من البكاء و جلس على الأرض بضعف و حزن: لا ، لا لا يا سيف ابني كويس صح، أنت بتكدب عليا، ابني كويس ، قولوا انك تعمل في مقلب.
جلس سيف أمامه و حضنه و قال بدموع: ربنا يعوضكم خير. ربنا يصبر قلوبكم، اجمد يا كريم علشان ملك ، اجمد يا صاحبي.
قال بدموع: مش قادر يا سيف اصدق ازاي ده حصل.
قال سيف: كل التحاليل طبيعية ، أمر الله.
نهض سيف و مد يده لكريم و قال بهدوء: ملك محتاجك، لازم اول ما تفوق من البنج تكون جنبها ، يلا يا صاحبي، عندك مهم صعبة.
مسح دموعه و سأل: اقولها الخبر ده ازاي
قال بتحفيز: لازم تكون قوي، صعب على ملك بعد تسع شهور حمل و عملية صعبة و تقوم متلقيش ابنها جنبها.
في غرفة ملك.
كانت ملك مازلت تحت تأثير البنج، و هو يجلس أمامها ينظر لها بحزن، و لا يستطيع منع دموعه.
بدأت تحرك رأسها يمين ويسار و هي مغمضة عيونها.
اقترب منها و مسك ايدها و قال: ملك انتي سمعني
فتحت عيونها بطئ شديد، و بحركة عفوية وضعت يدها على بطنها و سألت بابتسامة هادئة: أنا ولدت صح، هو فين البيبي ، عايزة أشوفه اوي.
لم يجيب ، اغمض عيونه بحزن و هو يبكي، ظنت ملك أن هذه دموع الفرحة.
قالت بابتسامة: أنت مبسوط لدرجة العياط،وقولي شبه مين؟
اصبح يتنفس بسرعة شديدة و هو يحاول يظهر القوة أمامها ، لكن مع كل سؤال ينهار كلياً.
مازلت على يقين أن دموع كريم دموع سعادة
سألت بابتسامة: شبهي و لا شبهك، عارف مش انا حامل تسع شهور و كان رضاعة سنتين، بس نفسي يكون شبهك في كل حاجة حنيتك و شكلك علشان انت جميل اوي يا ابو عبدالله.
نظر لها بصدمة مع حزن شديد و ايضا لسانه مثل المربوط لا يستطيع النطق بحرف.
أكملت هي : أيوة يا حبيبي كنت عاملة ليك مفاجأة ، قررت اسمي ابننا على اسم حماي الله يرحمه،
عبدالله كريم عبدالله السيوفي
حلو الاسم صح.
القي نفسها في حضنها و انهار من البكاء مثل الطفل الصغير.
و اخيرا فهمت ما يحدث ؟ لكن قلبها و عقلها يرفض التصديق.
ترتب على شعرها بحنان و قالت بهدوء : كريم اكيد ابني كويس صح.
لم يجيب و كأنه عاجز عن الحديث.
سألت مرة أخرى و الدموع تتساقط من عيونها: كريم ابني فين ، عبدالله فين.
اخيرا تتحدث من وسط دموعه و قال بصوت مكسور و حزين: ربنا ارد له الاحسن ، عبدالله من طيور الجنة.
سألت و كأنها لا تفهم ، لكن هي تريد اي أمل يخبرها أن ابنها بخير: يعني ايه .
صرخ بصوت عالي مع دموع شديد: ابننا مات يا ملك، مات قبل ما نشوفوا و نفرح بيا، ماتت قبل ما يفتح عينه على الدنيا، ماتت عبدالله ماتت.
كانت نائمة مثل ما هي على ظهرها و هو في حضنها ،
أصبحت تنفس بصعوبة شديدة ، و هي تهز راسها يمين ويسار بالرفض ، نهض سريعاً و قال : اهدي يا حبيبتي ، اهدي علشان خاطري
قالت بدموع: الكلام ده مش حقيقي ، ابني كويس ، ابني كويس ، عبدالله كويس.
و أغمضت عيونها بتعب و إجهاد شديد، و كانت تغمض عيونها و استلمت إلى الغيمة السودة
صرخ بخوف: ملك ، ملك.
