رواية جحيم الا وعي الفصل التاسع بقلم حبه الفراوله
علياء : اتصلت بحسام مبروك يا عريس ايه المفاجاءه ديه .
حسام : لسه محاصلش حاجه .
علياء : كده علي طول من غير حتي ما تشوفها .
حسام : انا حاولت كتير معاها معرفتش اكلمها عجبتني تربيتها خصوصا انها ابيض .
علياء : طب بص انا هقولك علي حاجات وانت حر عايز تكمل كمل .
حسام : حاجات ايه؟
علياء : بابا صعب مش هتعرف تتعامل معاه ولا انت ولا ابوك حتي ولما بيزعل بيلغبط ويشتم انصحك بلاش طاوعني.
حسام : قصدك يعني لما كلمني في الموبيل ! ده طبيعي انا لو لاقيت حد بيعاكس اختي هعمل اكتر من كده بصراحه عجباني تربيه هاجر اوى بنت متربيه .
علياء : ابعد عن الموضوع ده انا بنصحك انت لسه ما تعرفش حاجه .
حسام : هو انتي مش ذي اختك ليه ايه الغل ده عيند فيكي انا مكمل .
علياء : براحتك بس ابقي تعالي قابلني لو كملت .
اتصلت ام حسام بريم
ريم : السلام عليكم مين ؟
ناديه :و عليكم السلام انا ام العريس حسام مدام ناديه .
ريم : أهلا وسهلا .
ناديه : ابني معجب بهاجر اوى وان شاء الله نحدد معاد مع الاستاذ محمود ونيجي نخطبها.
ريم : تنورونا ربنا يصلح الحال بس هوه جاي يخطبها من غير ما يشوفها ولا هيه شافته ؟
ناديه : طبعا هنعقد مع بعض قاعده تعارف الاول بس انا قلبي ارتاح لكم وهيجي معايا الحاج مصطفي ابو حسام برده. نتعرف علي استاذ محمود .
ريم : تشرفونا واللهي ربنا يصلح الحال.
بعدها بيومين
محمود اتصل بحسام يحدد معاه معاد يشوفه وطلب منه اول مقابله تبقي في الكافتيريا قريبه من بيت محمود.
في الكافتيريا.
حسام : أهلا بحضرتك انا مبسوط اوي اني قاعد معاك اسمحلي اقولك يابابا.
محمود:طبعا انت من دور علياء .
قاعد محمود مع حسام يفهم منه تفاصيل حياته وبحكم خبره محمود في الناس حس منه أنه طيب ومحترم وأهله ناس كويسين .
وإنه في اخر عام دراسي وشغال وهوه اللي بصرف علي تعليم نفسه وأنه مجتهد ولا ليه في سيجاره ولا قاعده قهاوي من البيت ل الشغل للمعهد اطمن محمود وحدد معاد يعمل قاعده تعارف مع أبوه وأمه.
ريم : ايه رايك يا محمود ؟
محمود : لا الولد كويس انا حددت معاد ييجي معاه أبوه وأمه نتعرف علي بعض وحتي بنتك تشوفه ولو تمام نبعت نسأل علي عيلتهم وعليه تمام كده.
ريم :ربنا يتمم بخير يا هاجر اخيرا هنفرح ربنا يسترها عليكي يابنتي .
علياء : اتصلت بحسام مبروك يا عريس اخيرا هنبقي نسايب.
حسام: لسه ربنا يسهل.
علياء: طب بابا بيقولك ابعتلي نمره ابوك علشان عايز يتكلم معاه هوه قالي كلميه انتي.
حسام : حاضر هبعتهولكم دلوقتي .
علياء : تسلم يا عريس
وفعلا بعت النمره لعلياء
علياء اتصلت بابو حسام
علياء : سلام عليكم ورحمه الله وبركاته انا علياء اخت هاجر العروسه .
مصطفي : عليكم السلام ورحمه الله وبركاته اهلا يابنتي
علياء: كنت عايزه اعرف حضرتك موضوع صغير بس قبل موضوع الخطوبه ده.
مصطفي: اتفضلي يابنتي .
علياء : ....بس امانه عليك ماتقول لبابا حاجه لحسن يموتني.
مصطفي : في ايه يابنتي .
علياء : حسام ابنك طيب جدا وهو مش فاهم بابا وانا خايفه عليه .
مصطفي بقلق : من ايه اتكلمي علي طول.
علياء : بصراحه بابا وحسام مش هينفعوا مع بعض ده راميني في الشارع انا وامي واخد الشقه اتجوز وخلف وما بيصرفش عليا انا متبهدله ياعمو واللهي وكل ما اروح عندوا مراته العقربه تخليه يطردني وملناش حته نعقد فيها انا وامي المريضه اتجوز عليها ورمانا انا وهيه في الشارع .
مصطفي : اتصدم حد يرمي بنته في الشارع .
ده راجل ده بلاش منها الجوازه دي اومال هيعمل في ابني ايه .
محمود كلم حسام علشان يحدد معاه معاد ييجوا يتعرفوا علي بعض.
مصطفي كلم مراته ناديه وحسام وعرفه بالبنت علياء قالت ايه علي ابوها وأنه لا يمكن يحط أيده في ايد واحد رمي بنته ومراته في الشارع علشان واحده تانيه ورفض يكمل الموضوع.
حسام أصر وقال لابوه الكلام ده ظلم البنت ديه كانت عايزاني اعرفها اصلا بخويا الكبير علشان جاني مره المعهد . وعجبها وفضلت تكلمه وهوه رافضها وبقيت تروح له الشغل ولما شوفت انا صورت اختها علي الموبيل طلبت منها رقمها وحاولت اوصلها باي طريقه فشلت وأبوها اللي هيه بتتكلم عليه ده مش مخليها عايزه حاجه لا يابابا انا عايز اكمل.
مصطفي : طب سيب الموضوع ده دلوقتي لما تخلص دراسه.
تاني يوم
ناديه اتصلت بريم
ناديه : اخبارك ايه ياحبيبتي
ريم : الحمد لله معلش يا مدام ناديه احنا في الساحل انا والاولاد وعلياء كمان بنصيف اسبوع كده ونازلين علشان يعني لو جايين .
ناديه بعياط : .....
ريم : في حاجه يامدام
ناديه : علياء اتصلت بالحاج مصطفي واتكلمت علي ابوها عليكم كلام مش كويس وهوه وابنه والعين مع بعض ممكن ناجل الموضوع ده شويه واللهي انا حبتكم بس الوضع يهدأ شويه
ريم :انصدمت وهيه تبكي علي حال جوزها وبنتها .
شافها محمود مالك في ايه حكيت له اللي حصل جاب محمود علياء
محمود : انتي كلمتي الحج مصطفي.
علياء : اه كلمته
نزل القلم والضرب علي وشها وقلها انا هكون عند حسن ظنك ياولاد تعالو هنا علياء الخدامه بتاعت البيت اي شغل هيه المسؤوله عنه في البيت مافيش نزول بحر حتي هتنامي علي الارض لوحدك انا لازم اعيد تربيتك واعرفك يعني ايه راجل في البيت .
محمود: احنا نازلين البحر اجي اشوف الشقه دي سنجت عشره نضافه وغسيل ومسح وكنس سمعه ولو جيت مالاقتش حاجه مش عجباني همسح بيكي الأرض ونزل محمود واخد العيال معاه وسبها.
جم اخر النهار لاقي علياء مش موجوده في البيت وسايبه رساله في ورقه بابا انت ظلمتني وانا نازله مصر دلوقتي وبكره هسبتلك اني مظلومه وان طنط ريم هيه السبب في اللي حصل ده حسبي الله ونعم الوكيل.
شكرا لزيارتكم عالم روايات سكيرهوم
