رواية حور الفصل الاول
*تشرق الشمس في صباح يوم جميل وتفتح تلك الجميلة عيونها ببطئ وتلمع عيناها مع ضوء الشمس `*
حور بنعاس/ يعني حبكت الشمس تطلع دلوقتي ؟! انا لسة عاوزة انام .
_نظرت الي الساعة بصدمة `_
حور بصدمة / يخبر ابيض !! الساعة ٨ !! يعني احنا لسة مش الفجر يعني جاية احس بالشمس قبل الدرس بـ ساعةة !!
*نهضت حور سريعاً من علي السرير و خرجت الي { الصالة }وهي تقول لـ والدتها*
- صباح الخير يـ ماما ، لية مصحتنيش بدري عن كدة مش قولتلك ان انا عندي درس الساعة 9 والدرس بعيد؟.
هدي بضيق / ما تظبطي منبه ! ولا لازم كل حاجة انا اعملهالك ! .
حور بهدوء / ايوة يـ ماما بس انتي عارفة ان انا مش بصحي مع المنبة ؟ ع العموم خلاص انا صحيت عن اذنك هدخل الحمام عشان متأخرة .
هدي / طيب.
*دخلت حور الي المرحاض وهي في حالة ضيق شديد من طريقة والدتها معها و عدم اهتمامها بها ... بعد عشر دقائق خرجت حور من المرحاض و دخلت الي غرفتها لتبدل ملابسها و تذهب الي حصتها مع مُعلم الاحياء " اسلام "*
*جهزت حور نفسها و قد أتت الساعة ثامنة و نصف`*
حور وهي تحدث نفسها / يالهوي اتاخرت اويي .
هدي والدتها / وانتي راجعة هاتي معاكي طلبات البيت اللي قولتلك عليها .
حور / حاضر يـ ماما عن اذنك عشان متأخرة .
*خرجت حور من المنزل سيرعا واتصلت بصديقتها نرمين `*
حور / اية ي بنتي فينك .
نرمين / مش هعرف اجي انهاردة يا حور ، في ضيوف جايين ولازم اكون مع ماما ف ترويق البيت و كدة .
حور بتفهم / ماشي يروحي ، انا هبقي اسجل الحصة و ابعتهالك .
نرمين بحب / ماشي يحببتي تسلميلي .
حور / يالا بايي بقي .
*اغلقت حور معها الخط و ظلت واقفة تنتظر " توكتوك " لكي يأخذها الي مكان درسها `*
حور بغضب في داخلها / ياربييي ، مفيش ولا توك توك معدي !! شكلي هاخدها مشي بس يارب اوصل بدري .
*ظلت حور تمشي كثيرا لأن حقا مكان الدرس بعيد عن بيتها وصلت حور الي المعهد الساعة التاسعة وخمس دقائق "*
حور بخوف / يالهوي دة المستر دخل اعمل اي دلوقتي؟.
*طرقت حور الباب و دخلت ... اوقفها معلمها " اسلام "*
اسلام بغضب / استني انتي رايحة فين !! هو انتي مش عارفة ان مفيش حد بيدخل بعدي الحصة !! .
حور / انا اسفة والله يا مستر بس ملقتش مواصلات انا حتي جاياها مشي .
اسلام بغضب / انا معنديش الكلام دة ؛ ابقي انزلي بدري من بيتك اتفضلي برة .
حور بهدوء وبعض التوتر / يا مستر انا اول مرة اتأخر! و كمان انا اتاخرت خمس دقايق بس ! .
اسلام / انتي كمان بتردي عليا !! انا قولت اطلعي برة .
حور ببعض الغضب/ حاضر طالعة .
```خرجت حور من الغرفة'```
حور بغضب / هو يوم باين من اوله ! اعمل اية انا دلوقتي؟.
_اتي سكرتير السنتر ( يوسف) وقال_
- انتي مدخلتيش لية ؟؟.
حور / عشان جيت متأخرة خمس دقايق ف طردني من الحصة .
يوسف/ طب خلاص روحي وانا هتكلم معاه ونشوف الموضوع دة الحصة الجاية .
حور / ايوة بسـ...
_وفي تلك اللحظة وصل معلم الفيزياء ( مروان )اللي السنتر و دخل ببعض الثقة وجاذبيته القوية `_
مروان / صباح الخير يـ يوسف، هاتلي كشف سنة تالتة معلش ضروري.
يوسف / حاضر ي مستر ، خلاص يا حور روحي وانا هتكلم مع مستر اسلام وانتي بعد كدة متجيش متأخرة .
حور / يا يوسف انا مجتش متأخرة انا ملقتش مواصلات و جيت مشي و كل اللي اتأخرتوا خمس دقايق وهو اكيد مشرحش حاجة فيهم يعني !!
مروان بتدخل / هو في اي يا يوسف؟.
يوسف/ مستر اسلام مرضاش يدخلها عشان جت بعدية .
مروان بتفكير / طب تعالي معايا .
*اتجهت حور مع مستر مروان للغرفة التي يعمل بها اسلام`*
مروان / معلش يا مستر اسلام لو هعطلك بس عاوزك ضروري .
اسلام بابتسامة / مفيش مشكلة خير يا مستر مروان !
مروان و هو يشير الي حور / دلوقتي البنت اللي انت طردتها دي ملهاش ذنب ف حاجة ؟ هي ملقتش مواصلات وجاية مشي يعني كويس اوي انها متأخرتش عن خمس دقايق! وبعدين هي معايا من سنة اولي و علي طول مواعيدها مظبوطة واكيد برضه معاك كدة ! ف معلش دخلها و هي اكيد مكنتش تقصد .
اسلام / عشان خاطرك انت بس يا مستر مروان بس بعد كدة مش هقبل ايي عذر .
مروان بابتسامة/ وانا متشكر لتفهم حضرتك ، يالا ادخلي يا !!! اسمك حور صح ؟.
حور بابتسامة/ اه .
اسلام / حصل خير يالا اتفضلي ع الحصة و افتحي صفحة 7 .
حور بإيماء/ حاضر .
*دخلت حور الي الحصة واتجه مروان الي حصة الصف الثالث واكمل اسلام شرحه `*
*" " " " " " " " " " " " " " " " " " " " " " " " " " " .*
*ع الناحية الاخري كان ذلك الشاب الوسيم يفتح عيونه العسلية ببطئ شديد وينهض من عليالسرير " نعم فهو عمر يا اعذائي `*
عمر وهو يحدث نفسة / اتأخرت اويي و رايا كذة حاجة يا تري حور راحت الدرس ولا لا؟ .. اكيد راحت هي برضة مش بتحب تغيب كتير.
*ابتسم عمر لمجرد انه تذكر تلك الفتاة المرحة الذي يعشقها سراً .*
*دخل عمر الي المرحاض و قام بتبديل ملابسه للذهاب الي الجامعة`*
عمر بابتسامة / صباح الخير ي ست الكل .
رباب ( والدة عمر ) / صباح الخير يبني .. انت اية اتاخرت ولا ايي .
عمر / لا يحببتي متقلقيش لسة فاضل وقت ع المحاضرة الاولي .. المهم .. مش عاوزة حاجة اجيبهالك معايا ؟!.
رباب بابتسامة / لا يحبيبي عاوزة سلامتك.
عمر بابتسامة/ سلام ي ست الكل .
*• • Stop • •*
*_والد عمر متوفي من و هو تانية ثانوي و عمر عايش هو و والدته بس وهما كل حاجة لبعض ._*
*والدة عمر امرأه حنونة دائما تقف بجانب ابنها وهي ايضا تكون اخت هدي ( والدة حور) ولكن عكس اختها في معظم الصفات """.*
*• • Back • •*
_نزل عمر من بيته و اتصل ب رفيقة ذياد `_
عمر / اية يعم روحت ولا ايي ؟.
زياد / لا يصحبي هو انن اقدر ! انا مستنيك تصحي ، هتلاقيني مستنيك فمكان كل مرة .
عمر باستغراب/ انت قاعد هناك من امتي ؟.
زياد / كنت بفطر و قولت اقعد استني سعدتك .
عمر بابتسامة/ ماشي يصحبي عشر دقايق بالكتير و اكون عندك.
زياد/ خلصاا ماشي.
*اغلق عمر معه الخط وركب سيارته و اتجه الي المكان الذي يجلس فية زياد ( كافيه دائما يجلس فيه عمر و زياد).*
*- وصل عمر الي الكافيه بعد حوالي سبع دقائق `*
عمر / اية اتاخرت عليك؟.
زياد / لا يسطا .. بس مالك شكلك مش عاجبني .
عمر / مش عارف ي زياد والله بس مخنوق شوية .
زياد بتفهم / عشان بنت خالتك صح ؟.
عمر / ايوة ، بجد مش عارف اعمل اية مش عارف اقولها ان انا بحبها ولا لا انا اللي مخوفني اصلا انها تكون مش بتحبني و مجرد ان انا ابن خالتها و زي اخوها فاهم .
زياد / معتقدش لان انتوا صحاب من فترة طويلة يا عمر .. ممكن يكون عندها مشاعر تجاهك بس هي مش ظاهرة دلوقتي لان اكيد هي مشغولة بحياتها و حاجات تانية فاهم ، ومش فاضية للكلام دة دلوقتي .. اهم حاجة انت ركز ف دراستك واللي في الخير يقدمه ربنا .
عمر بابتسامة / ونعم بالله يصحبي .. يالا عشان منتاخرش اكتر من كدة .
زياد / يالا .
*ركب زياد و عمر السيارة و اتجهوا الي الجامعة `*
_____________________________________________
*في بيت حور `*
محمد ( والد حور ) / هي فين الهانم .
هدي / راحت الدرس من الساعة تمانية ونص.
محمد / طيب اعمليلي كوباية شاي و اعملي حسابك انها مش هطتلع الرحلة اللي اتكلمت عليها امبارح.
هدي باستغراب / لية يا محمد؟.
محمد بتحكم / مزاجي كدة .. هي مش تتفسح و اخواتها قاعدين خليها تقعد تذاكر افيد .
هدي بايماء/ طيب بس لازم تراعي انها ف ثانوية عامة برضة و محتاجة ترفية .
محمد بغضب / بقولك اية يا هدي بلا ترفيه بلا زفت انا قولت مفيش زفت رحلة و خلاص اتفضلي اعملي كوباية الشاي عاوز اتنيل انزل .. قال ترفيه قال .
*دخل والد حور الي غرفته ليبدل ملابسه و اتجهت هدي ع المطبخ لتحضر له الشاي `*
*Flash Back `*
*رجعت حور من الدرس و جلست مع والدتها و والدها لتحدثهم عن الرحلة التي اعلنوا عنها في السنتر `*
حور بهدوء/ ماما ... بابا .
محمد بضيق / خير .
حور / المعهد بتاعنا عمل رحلة للطلاب الشاطرين وانا منهم و قالوا ع المعاد و الدفع انهاردة .. ممكن اروح.
محمد بتحكم/ لا .
حور بحزن / لية يا بابا دي رحلة مع المدرسين بتوع المعهد وأصحابي يعني مش هكون لوحدي ! .
هدي / حور في ايي هو مش ابوكي قال لا !! يبقي خلاص .
حور بحزن شديد / بابا لو سمحت فكر علي الاقل في الموضوع مش لا و خلاص .
*سكت محمد قليلا ثم قال `*
- هفكر الاول و بعدها نشوف .
حور ببعض الفرح / شكرا ي بابا .. عن اذنك بقي اكمل مذاكرتي .
*اتجهت حور الي غرفتها وهي شبه سعيدة لان والدها ع الاقل سيفكر ويوجد امل انه يوافق `*
*Back `*
______________________________
*بعد مرور ساعتين انتهت حور من حصة الاحياء `*
حور وهي تحدث نفسها / مستر مروان عمل معايا حاجة حلوة اويي انهاردة ، انا هلم حاجتي واطلع اشكره .
*خرجت حور من الغرفة و اتجهت الي الغرفة التي يجلس فيها مُعلمها مروان ولكن لم تجده .*
حور باستغراب / يوسف لو سمحت .. هو فين مستر مروان ؟!.
يوسف / لسة ف الحصة يحور بيقول لتالته ثانوي الواجب و طالع .
حور / تمام هستناه .
*خرج مروان في تلك اللحظة و ذهب يوسف ليتابع عمله `*
حور بتوتر / انا جيت عشان عاوزة اشكر حضرتك بجد شكرا علي اللي انت عملتوا معايا .
مروان بابتسامة لاول مرة تراها حور / لا مفيش شكر ولا حاجة ايي حد مكاني كان هيعمل كدة يا .. يا حور .
حور بنظرة لامعة / مش عارفة اقول لحضرتك ايي بس شكرا مرة تانية .. احم .. عن اذنك بقي عشان معطلكش.
مروان بابتسامة/ اتفضلي .
*ذهبت حور و ركبت تاكسي لتذهب الي البيت`*
*- اما مروان فكان يجلس ويقول في داخله `*
- حور معايا من سنة اولي و انا كل دة معرفش اسمها حتي اول مرة اتعامل معاها ، ماشاء الله شكلها محترمة و ملهاش فلمشاكل .. بس بس اية يا مروان مالك بكل دة .. انا هدخل الحصة و كفاية كلام ف الموضوع دة .
*دخل مروان حصته ل الصف الاول وكأن لم يحدث شيء `*
________________________________________________
*رجعت حور الي بيتها وهي تشعر بالضيق عندما تجلس في المنزل وسط عائلتها الذين يعاملونها بطريقة تضايقها `*
هدي / جبتي الحاجة ؟.
حور بتذكر و خوف / انا اسفة والله يا ماما نسيت اجيب الحاجة بسبب اللي حصل معايا و ....
قاطعتها هدي بغضب / ما انتي لو مركزة ف اللي بقولوا مش ف التلفون و القرف اللي فدماغك دة كنتي جبتي غوري علي اوضتك و خلي بالك مفيش رحلة مع السنتر اللي كنتي قايلة عليها ... امشي من وشي .
حور بدموع/ ايوة بس لي !.
هدي بزعيق / خشي جوة مش عاوزة اسمع صوتك .
*دخلت حور الي غرفتها وهي تبكي بغزارة وجلست علي الارض `*
حور في داخلها والدموع تملأ قلبها و عيونها / انا مش عارفة هما بيتعاملوا معايا كدة لي !! يارب بقي !! يارب والله تعبت .. اموت نفسي طب !! يارب اعمل اية بقي !! تعبت والله تعبت .
*رن هاتف حور في ذلك الوقت و كان "عمر " الذي انتهي من محاضرته الاولي و اتصل بها '.*
اجابت حور وهي تبكي بشدة / ا .. الو .
عمر بقلق / مالك ي حور في اي؟ بتعيطي لية ؟.
حور بدموع/ تعبت يا عمر والله تعبت كل شوية زعيق و خناق ف البيت لحد ما هموت والله ... اعمل ايي طيب .
عمر بحزن وقلق / طب اهدي و قوليلي اية اللي حصلل .
حور بدموع / يا عمر ماما طلبت مني ان انا اجيب ليها حاجات و انا راجعة من الدرس بس انا والله نسيت .. اليوم اصلا من اوله كان زفت .. روحت الدرس متاخر و المستر مكنش راضي يدخلني بس الحمدلله مستر الفيزياء اتكلم معاه و دخلني الحصة و كان عندي امتحان والامتحان زي الزفت دة غير الزفتة داليا اللي مش بتبطل تلقيح عليا .. روحت وانا مش شايفة قدامي اصلا و نسيت اجيب الحاجة و اول ما دخلت فضلت تزعق فيا و كمانن مرضوش يطلعوني الرحلة !! انا مش فاهمة هما بيستفادو ايي لما يعاملوني كدة ؟؟.
عمر بحزن شديد/ عشان خاطري يحور اهدي .. انا مش هينفع اتكلم معاكي ف التلفون .. اعملي حجة ايي حاجة و حاولي تنزلي ف الكافية اللي تحت البيت عندكو انا همشي دلوقتي من الكلية واجيلك .
حور وهي تمسح دموعها / حاضر يعمر .. هقولها ان نرمين مستنياني تحت و خلاص .
*مسحت حور دموعها وخرجت من الغرفة وقالت `*
- انا نازلة لنرمين اديها حاجات الدرس عشان كانت غايبة .
محمد ( والدها ) ببرود / مع السلامة .
*نزلت حور دون ان ترد عليهم `*
" " " " " " " " " " " " " " " " ".
*في الجامعة عند عمر `*
عمر بسرعة / زياد انا همشي ها .
زياد باستغراب / تمشي اي يبني دة احنا يدوب خدنا محاضرة واحدة !! .
عمر / مفيش وقت يزياد هقولك كل حاجة بعدين.
زياد / طيب طيب خلي بالك من نفسك .
عمر / حاضر .
*ركب عمر سيارته سريعا و اتجه الي الكافيه الذي تجلس فية حور `*
عمر بخوف / اتاخرت عليكي.
حور وهي الدموع تملأ عيناها / لا .
عمر بحزن/ اقعدي طيب عشان نتكلم .
حور بايماء / حاضر.
_جلسوا الاثنان ع احد الطاولات ""._
عمر بحزن وهدوء / بصي يا حور انا كل مرة بقف مع اهلك و انهم خايفين عليكي مش اكتر بس بجد انا مستغرب اوي من اللي بيحصل .. انتي نسيتي و عادي يعني كلنا بننسي و مامتك مكنش لازم تعمل كل دة بصراحة .. انا شايف ان تحت البيت عندكو كذة سوبر ماركت يعني لو اخوكي نزل مكنش هيحصل حاجة وهو برضة مش صغير عشان تخاف علية .
حور بحزن / يا عمر انا كل اللي فارق معايا .. المعاملة دي معايا انا بالذات لية ؟ لو ضغط وكدة و ظروف !! يعني هي الظروف دي مش بيطلعوا ضغطها غير عليا انا !! والله مش فاهمة انا عملت اية بجد .. دة غير الرحلة اللي كنت متحمسة اويي ان انا اطلعها مع صحابي و المدرسين و اغير جو .. مرضاش يطلعهالي .. بالله عليك في بني ادمة تستحمل كل دة !! دة غير ان انا مقصرة ف مذاكرتي بسببهم و درجاتي بقت وحشة اوي الفترة دي .
عمر / لا يا حور اهم حاجة مذاكرتك .. بصي انا مكنتش عاوز اقولك كدة بس لازم اقولك .. ايي حاجة تحصل منهم كبري دماغك منها و اهتمي بمذاكرتك ولو عاوزة تفضفضي مع حد ف انا موجود يا ستي بس عشان خاطري كبري دماغك من كل دة و حاولي ترميه ورا ضهرك انا عارف انه صعب ف الاول عشان دول اهلك بس مع الوقت هتتعودي ع كدة و هما لما يلاحظوا كدة هيعملوكي حلو ان شاء الله .
حور / ان شاء الله .. شكرا بجد يا عمر مش عارفة من غيرك كنت هعمل ايي .
عمر بابتسامة / شكرا !! مفيش شكر بينا يحور في ايي ؟.
حور بضحك وهي تمسح دموعها/ تعالي بقي احكيلك ع حاجة .
عمر بابتسامة/ احكي بس استني نطلب حاجة نشربها .
*نده عمر علي الويتر وقام بطلب اثنين من عصير التفاح لان حور تحبه كثيرا ``*
عمر بابتسامة/ احكي بقي يا ستي `
حور بابتسامة / انهاردة حصل معايا موقف حلو اويي ف السنتر بعيد عن انا كنت مش هحضر الحصة بس بجد اللي عملوا معايا مستر مروان حاجة حلوة اويي .
عمر ببعض الغيرة / احم .. هو عمل اية بظبط .
*حكت له حور علي ما فعله مروان لكي يدخلها الحصة وما فعلته هي بعد الحصة عندما ذهبت لتشكره ``*
عمر باستغراب/ طب والله كويس مش قتم اهو زي ما كنتي بتقولي .. اية بقي اللي فرحك مش فاهم .
حور بابتسامة و عيون لامعة / باخد معاه من اولي ثانوي و دايما بيلفت نظري بصراحة بلبسه و شكله و اناقته و حلاوته و كاريزمته و اخلاقة و كل حاجة و كنت متغاظة اوي انه مش عارف اسمي.. بس انهاردة عرفوا فبصراحة اللي حسيت بيه انهاردة هو ان انا...
*اتي الويتر و قطع حديثهم ووضع العصير ``*
عمر وقد كان سينفجر من الغيرة / كملي .
حور بابتسامة/ حسيت ان انا معجبة بيه .
عمر/ ............!
