رواية رأيت فيك ظلي ( كاملة جميع الفصول ) بقلم مجهول

مهاب : ونس انا زهقت نفسي نخرج سوا لوحدنا بدون سي أنس ده انا اتخنقت منه 

• ونس : مهاب مسمحلكش تتكلم عن أنس كده انا اللى زهقت منك يابنى مكانتش حته خطوبه دى اللى فالقنى بيها لو مش عاجبك أنس يبقي بلاها الجوازه النيله دى من اولها 

• هنا : اوف بقي يا أنس هو كل خروجه لينا هتكون مع ونس دى كل مره نفسي نخرج ونتفسح ونشف هو من غيرها ودى لازقالنا في كل خروجه انا اللى خطيبتك مش هى 

• أنس : بصي بقي يا هنا انا زهقت من الاسطوانه دى بقي ملكيش دعوه ب ونس ولا تغلطى فيها مش عاجباكى متخرجيش وتخنقينى بقي خروج بدون ونس مستحيل دى حته من قلبي مقدرش ابعد عنها وعمرى ما روحت مكان من غيرها فاهمه 

• أنس : ونوستى حبيبتى مبسوطه 

• ونس : جدا يا أنوسي ربنا يخليك ليا دى احلا خروجه دى ولا ايه تعال نروح نجيب غزل بنات من هناك 

• أنس : ماشي يا حبيبتي تعالى معلش يا مهاب خليك مع هنا وهنروح نجيب انا وونس حاجه ورجعين 

• مهاب بغيط : اتفضلوا ما انتوا جايين لوحدكم 

• هنا : انا زهقت يا مهاب ما تلم خطيبتك عن خطيبى بقي نفسي نخرج لوحدنا نعيش خطوبتنا 

• مهاب : بس والنبي طيب يا هنا علشان مرارتى اتفقعت دى ولا اكننا موجودين معاهم دول منفضينلنا هلى الاخر كأننا هوا 

• هنا : إحنا لازم نتصرف بقي دول خلوها خل خالص 

• أنس وونس من وراهم : لا خل ولا توم يا حبايبي دبلكم اهى اشربوها احنا فركشناكم مع السلامه 

• بس بقي نعرفكم بقي ونس هنقول انها هنا الزاهد بكل تفاصيلها كده 

• وأنس هو خالد أنور للى مش عارفه هحطلكم صورته مع البارت 

• مينفعش نقول ونس بدون أنس لانهم مبيتفرقوش هم الاتنين اولاد عم عايشين مع بعض مع اهلهم في فيلا واحده 

• انس اكبر من ونس بسنه واحده بس مبيفترقوش حتى اول يوم في المدرسه لانس مقبلتش ونس تسيبه واليوم اللى راح فيه المدرسه كان اسوء يوم ليهم في الحياه لان ونس فضلت تبكى لحدما اغم عليها وتعبت لانهم بعدوها عن أنس وأنس بهدل كل المدرسه ومقبلش يكلم حد ابدا حتى المدرسين ف إضطروا إنهم يدخلوا ونس المدرسه مع أنس ف هم مفترقوش يوم واحد في حياتهم بكل تفاصيلها مبيفرقهمش غير ساعات النوم وبس 

• نرجع بقي للبارت تانى 

• ونس : أنس هنقول لهم أيه في البيت دى تالت خطوبه تتفركش يا أنس 

• أنس : يعنى هي أخر وحده يا حجه عادى بقي هنقول إيه 

• ونس : بس والله احسن يا شيخ إننا خلصنا الواد مهاب ده كان لازقه كده ورخم موت 

• أنس : ولا البت اللى إسمها هنا دى برميل رخامه وتناحه قال إيه انت مش بتدلع غير ونس وبتحبش غيرها وعايزانى أبعد عنك قال 

• ونس : نفس اللى مهاب الزفت ده عايزه عيال بارده والله ما تيجى نركب الصاروخ 

• أنس : لا القطار المعلق احلا ومشي في إتجاه القطار يالا يا ونس 

• ونس واقفه ومربعه إيديها 

• أنس رجع وقال ياستى بقولك يالا نركب الصاروخ إنتى بتقفشي على اى حاجه يا هبله 

• فرحت ونس وكملوا اليوم وراحوا اكلوا شاورما وكملوا لف ورجعوا البيت لقدرهم بقي 😂😂

• دخلوا يتسحبوا 

• أنس : بصي يا ونس إنتى تجرى من هنا وانا من هنا وإحنا مشوفناش بعض 

• ونس : وإحنا مشوفناش البومه اللى اسمها مهاب ولا الحدايه اللى إسمها هنا النهارده قشده 

• أنس غمزلها : قشده يا ملبن 

• وسمعوا صوت من وراهم بصوا لبعض وابصوا وراهم لقوا باباها وباباه 

• حسن والد ونس : والله لسه بدرى يا حلوين 

• حسين والد أنس : كنتوا اتأخروا شويه كمان جايين بدرى ليه 

• انس وونس : قلبي عاملين ايه إين الحلويات دى إيه مصحيكم يا ابو الصحاب انت وهو مش عندكم شغل الصبح 

• حسن : إيه اللى تملتوا مع مهاب وهنا ده 

• حسين : خليتوا الناس تتكلم عننا إيه مش عارفين نحكمكم شويه ماشيين على حل شعركم 

• حسن : ملكمش كبير ترجعوله بتفسخوا الخطوبه منكم لنفسكم كده 

• حسين : إنتوا عارفين دى الخطوبه الكام اللى تفسخوا 

• ونس : الله بقي يا بابي ده مهاب ده رخم اصلا انت اللى خليتنى اخطبه وانا مبحبوش 

• أنس : والبت اللى إسمها هنا دى ملزقع التانيه وبتحب على نفسها 

• ونس : وبعدين انت عارف الواد ابو دم تقيل ده اللى إسمه مهاب قال عنك ايه يا سونه يا حبيبى قال باباكى ده شرير 

• حسن : هو قال إنى شرير 😏

• ونس : اه قال انا هتجوزك وابعدك عنه وعز أنس للابد واخدك في مكان بعيد 

• أنس : والبت اللى اسمها هناك دى قالت عنك يا سيحس إنك اب كده مش شديد وبتاع وقامت مشوحه بإيديها كده وانا مسمحش لحد يقلل منك ابدا يا بابا يا حبيبي 

• حسين : كويس إنكم سيبتوهم وإحنا هنعرف نتصرف معاهم دول 

• ونس وأنس : إحنا تعبنا قوى هنروح ننام بقي عندنا شغل كتير بكره في الشغل تصبحوا على خير 

• ابهاتهم : وإنتم بخير 

• وباسوهم وجريوا وهم بيضحكوا علشان خلصوا من الموضوع 

• تانى يوم في الشركه قاعدين في مكتبهم حتى في الشغل قاعدين في نفس المكتب لانهم مبيفترقوش أبدا 

• ونس : واد يا أنس 

• أنس : نعم يا بت يا ونس 

• ونس : متيجى نتجوز ....