رواية سنلتقي ذات يوم كامله جميع الفصول بقلم مريم
اني شمس عمري ١٩سنه طويله١٦٥ ورشيقه عيوني كبار شعري اسود موكلش ناعم بي كسره حنطيه
عباس عمري ٣٠سنه ادرس حقوق وخريج الكليه العسكريه
متعين ضابط بالمخابرات
الماضي
-----------
قبل عشرين سنه قبل ولاده شمس
ندك الباب ساعه ١٢باليل
فاطمه منو
اني محمد
افتحي الباب فاطمه
اي اجيت
هاي وينك ياحبيبي ظل بالي عليك ليش تأخرت
فتحت الباب
وكع محمد بالكاع ودم يطافر من صدره ومن بطنه ومن رجليه
الدم غرك المكان لزمت مكان نبض ماكو اي نبض
فقدت بقيت اصرخ مثل المجنونه بيت اخو علي من ابو بصفنا سمع صوت الصياح اجا يركض
شاف اخو بالكاع تقرب عليه
كال ميت
ردت فعله كانت بارده
باوعلي وكال انتي قتلتي
هسه اتصل بالشرطه ياخذوج
ماخفتي من ربج
وانتي حاملللل
وهذا صاحبج متفقه ويا قتله وذبه عليج غدرج
ياكلبه تفووو عليج
فاطمه
علي لاتخلي حقدك وكرهك الي يعميك لان ازوجنا دون رضاك انت تعرف كلش زين مواني الي اقتل محمد
علي
لاانتي حتى تاخذين الورث وترحين لصاحبج
حسبي الله ونعم الوكيل عليك شفت ماعندي احد تبليني بقتل زوجي وتطعن بشرفي روح حوبتي وحوبه الي بطني ماتتعداك
اجوي الشرطه أخذوا فاطمه وعلي يسوي نفسه مكسور وحزين
والاسعاف شالوا جثه محمد لتشريح كانت سبب الوفاة
طلقه بصدره وطلقه بطنه وطلقه برجله
ام محمد راحت على علي تعاركت وياه وتهمته بقتل محمد لان جان دائما يتعارك وياه علمود الفلوس
علي كدر يجيب شهود زور وبمساعدة المحامي لبسه براسي عنده فلوس كل شي يكدر يسوي
اني يتيمه ماعندي لااخ ولااخت
سلمت أمري لرب العالمين
جنت حامل بالشهر الخامس
وصدر الحكم عليه بالسجن ٢٠سنه
ونقلوني لسجن -----
هناك كل وحده قصته شكل الي مظلومه والي الظروف جابته والي تسرق والي تقتل-----
اني جنت منعزله دموعي تشرح الظلم الي وقع عليه والحمل هدني هد شلون بيه
وهاي الطفله شنو ذنبه تتبهذل الله لايوفقك علي النسوان بهذا المكان رغم كل وحده مصيبته شكل بس جانن وحده تساعد الثانيه يتقاسمن الاكل ينظفن سويه يتساعدن بينهن بكل شي كأنما عائلة من دخلت عليهم تلكوني هاي الي تسلم وترحب والي تواسيني
بفضلهن كدرت اتأقلم بمكاني جديد واسلم أمري لرب العالمين
اول زياره ام محمد زارتني
جابتلي اكل وشرب ونطتني فلوس كتله عمه والله ماقتلته
كالت اعرف يمه
يجوز بعد ماتشوفيني اني مره جبيره هذا مفتاح 🔑 بيتي يجي يوم تحتاجي واكو صندوك ضامته جوه كاشيه جوه الكنتور صايره الج ولبنتج اذا اجت بالسلامه والبيت سجلته باسمكم حتى من تطلعين تلكين مكان تكعدين بي انتي وبنتج يجي يوم ويبين الحق بنتي اصبري وراحت وصلني خبر بعد شهر ميته باقيه ١٠ايام بالبيت محد يعرف عنه شي والجوارين قايمين بواجبه
النقيب حازم كان هو المسؤول عن السجن بهاي المنطقه هذا الرجل مااكدر انسى فضله عليه الله يرحمه متعاطف ويايه لان جنت حامل وكان يحس اني بريئه
طلعلي كارت اراجع بي للعياده واهتموا بيه لحد يوم ولاده
اخذوني ولدت بالمستشفى وبعده رجعوني للسجن استقبلوني استقبال مسوين عزيمه بسيطه طبعا بمساعده نقيب حازم
والكل فرحان بشمس تنتقل من ايد الى ايد
وبعد ولادتي بشهر صدر قرار بوضع شمس بدار الأيتام
انهاريت من البجي
كلهم يواسوني ويصبرون بيه كل هذا مايفيد قلب الام مايقتنع
النقيب حازم لاتخافين فاطمه اني احله راح اتبنى شمس اخذه وياي للبيت ويا أطفالي
عباس وزهراء امهم متوفيه وبيبيتهم تعتني بيهم
عدهم مساعده كال اني اخليه يمهم من انزل مجاز ومن ارجع اجيبه الج ويايه تشوفيه
استمر الحال هذا
كان حازم يجيبلي شمس ويامن يداوم
الكل يفرح بيه تلعب وتضحك كأنما هذا بيته
بعمر ست سنوات سجل شمس بالمدرسه
عباس اكبر من شمس ١١سنه وزهراء صف ثالث ابتدائي لحد ماخلصت الابتدائيه بيوم تخرج وصلنا خبر استشهاد نقيب حازم خلال عمليه على مجموعه من الارهابين
جابوا شمس بقت فتره يمي بالسجن
وبعده رجعوا اخذوه مني مسوؤل السجن الجديد ماقبل كال هاي مسؤوليه لازم ترجع للدار
سبحان الله هذا الرجال شايل قساوة الدنيا كله عكس نقيب حازم
الحاضر
-----------
ندكت بابنا
فاطمه من يجي هسه
شمس يما انتي تعبتي ارتاحي اليوم طلعتي من السجن والمرض هد حيلج
هذا اكيد عباس مايرتاح اذا مايجي يشوفني
ماما شمس شيلي فكره الانتقام من عمج علي لخاطري اني سلمته بيد رب العالمين
شمس يما اني عشت بدار الأيتام اسوء ايام حياتي
انهزم اجي يمج بالسجن فتره يفتحولي الباب ويدخلوني لان يعرفوني ويرجعوني للدار جنت انام بلا اكل يومين وتلاثه
لمن كبرت شمروني من الدار للشارع لان بلغت السن القانوني الي لازم اعتمد بي على نفسي
نحرمت من دراسه وتلطمت بالشوارع وساكنه الأرصفة ابيع مي وكلينس
وعباس دبرلي هذاالمكان اعيش بي ا شلون تردين اعوفه اكل حقنا يوميه اوكف يم بيتهم
اشوف
بنته تاليا تروح للكليه اخر موديل سياره ولبس وعطره يفوح
يطلع ابنه إيهاب والخدم يركضون وراه وهو يصيح عليهم وشايف نفسه واني حال اضيم حالي وانتي شبابج الي راح بالسجن
مارح اخليهم يتهنون لازم ارجع حقنا بالورث وادفعه ثمن الجريمه الي ذبه براسج
ركضت افتح الباب
تفضل عباس شرايد ماعندك شغل غيري
ضربني على راسي
دفعني ودخل
عباس ولج لسانج شطوله ام الوسخ موزين اجيت اشوفكم
شمس لا رحم الله والديك مكلف نفسك ماطلعت منك تجي
عباس احبج شمس اني قدمت على دورة الضابط وكملت كليه الحقوق حتى اساعدج وارجع حقج وحق امج
شمس اني مااريد ادخلك بمشاكلي عباس انت ابن ناس وأهلك معروفين روح عيش حياتك وزوج اختك ماعده غيرك
خلى ايده على شفته اسكتي
انتي اختي الصغيره اقصد مثل اختي ومسؤوله مني
شمس تعرفين كلش زين اني احبج ومارح اتخلى عنج لحد مااموت
وبعدين يله امشي سويلي عشا عفتهم واجيت اتعشى وياج
شمس اطلع روح لبيتكم يله
صاحت ام شمس
شمس عوفي الولد
لااطردي يمه
أريده
شمس تفضل يله
عباس شفتي غصب ماعليج باقي
خاله فاطمه شلونج
الحمد لله يمه زينه
ماانسى ومااوفي
صاحت ام شمس
شمس عوفي الولد
لااطردي يمه
أريده
شمس تفضل يله
عباس شفتي غصب ماعليج باقي
خاله فاطمه شلونج
الحمد لله يمه زينه
ماانسى ومااوفي
ابوك ووكفته وياي
اريد اطلب منك طلب انت تعرف ايامي معدوده بهل دنيا المرض اكلني وشمس خايفه عليه
ديربالك عليه حتى لو تطردك ابقى وياه واحميه
عباس لاتوصيني مارح اتركه صح عنوديه وراسه يابس حتى شغل مااريده تطلع بس ماترضى تكول انت مامكلف بيه حتى تصرف عليه نجبرت اقبل لان كالت حتى البيت هذا مالك مااكعد بي
شفتله شغله بمول مارضت
كلبي يحترك من اشوفه كاعده على الشارع وتبيع مي وكلينس وجكاير والرايح والجاي يباوع عليه
فاطمه ابني عباس
عمه ظالم ومايخاف الله توقع كل شي يطلع منه ديربالكم
عباس باوع بساعته تأخر الوقت لاتخافين خاله
ان شاءالله اني اترخص
شمس ها وين ؟
عباس مو صار ساعه تكولين روح
حكت راسه ابتسمت
ها اي وباجر لاتجي
عباس اني رايح
في امان الله
بعد ماراح عباس ندكت الباب مره ثانيه طلعت اشوف منو قبل مايفتح الباب ندفر الباب عليه شهكت
