رواية بالحجاب تجملت الفصل الاول بقلم مجهول
يالهوى ياماما انا مش قايلالك صحينى الساعه ٧ علشان انا بلبس فى ساعتين
قومى يا اختى لسه الساعه ٧ بس انجزى وصحى اختك الموكوسه التانيه علشان اعمل الاكل ما ابوكى يروح الشغل
حاضر ياماما
(صح نسيت اعرفكم انا تبارك فى سنه تانيه طب بشرى قصيره مش طويله انسانه عاديه جدا ملامحى حلوه بردو عندى غمازتين بيبانوا لما بضحك محجبه الحمد لله ودى ماما عندها ٤١ سنه محاميه بس بقت بتشتغل مدرسه قرأن لانها اخدت دوره نور البيان وفاتحه حضانه كمان عندى اخت عندها ١٥ سنه شبهى تقريبا وعندى اخ اكبر منى عنده ٢٤ سنه وغلس شويه بس امور وخاطب بنوته عسوله اسمها بسمله صح نسيت اقولكم اختى اسمها فاطمه واخويا اسمه عبد الله وماما اسمها منى ووعندى بابا اكبر من ماما بسنتين بس عنه ٤٣ سنه وهو محامى بردو وكمان امام مسجدبس هى دى اسرتى يا لهوى هروح اصحى اختى لحسن نسيتها بدل ماتضيع عليها المدرسه
)
تبارك: فاطمه اصحى يا الله علشان تروحى المدرسه يا الله يابت هروح لبس علشان اروح الجامعه
فاطمه: يخربيت غلاستك يا شيخه سيبينى انام بقى
تبارك: هنادى بابا يجيلك بالحزام
فاطمه:خلاص هقوم انتى اخت مش جدعه اصلا
تبارك: سيبنالك الجدعنه يا اختى
روحت اوضتى ولبست دريس كاشمير وطرحه بيضه وجزمه سوده و طلعت لقيت ماما محضره الفطار وقاعده هى واخواتى وبابا ومستنينى علشان نفطر
بابا:ما فيش يوم تصحى فيه بدرى ابدا
تبارك:جرى ايه يا حاج ما انت عارف انى بموت فى الروايات وكنت سهرانه علشان اخلص الروايه بتاعه امبارح بس يا عينى البطله ماتت والبطل جاله سكته ومات وراها كان طيب بس ياالله بس الاقى واحد غيرو
بابا: ياالله يا اختى اقعدى افطري بدل ما تلاقى نورا بتنادى عليكى دلوقتى
تبارك:ماشى انا جعانه جدا
بعد ما اكلت وخلصت نص الاكل لوحدى تقريبا اصل انا كائن بيموت فى حاجه اسمها اكل
تبارك:بجد ياماما الفطار كان تحفه تسلم ايدك
ماما:بالهنا والشفا ياروحى
لقيت التليفون بيرن اكيد يعنى ما فيش غيرها نورا
تبارك:سامو عليكوا
نورا:وعليكم السلام يالله يا ابله علشان نروح الجامعه دقيقتين بالضبط لو ما لقيتكيش تحت هسيبك وامشى
تبارك:جرى ايه بالراحه عليا طب ده انا حته كيوت وبسمع الكلام
نورا:انتى هتقوليلى يا اختى ياالله بس علشان ما نتاخرش
تبارك:بخ ايه رأيك كملت حاجه
نورا:لا خالص بقولك سمعتى بيقولوا فى معيد جديد هيدينا السنادى
تبارك: ما تعرفيش هيدينا ايه
نورا: لا واللله ياالله يا خبر النهارده بفلوس بكره يبقى ببلاش
تبارك: اه والله احنا وصلنا على فكره يالله نروح نشوف علينا كام محاضره بالضبط
نورا:يا الله يالهوى عندنا اربع محاضرات
تبارك:ياستى عادى فكك هيعدوا بسرعه ما تقلقيش
بعد ما دخلنا المدرج وخلاص المعيد دخل وانا مابصيتش عليه ولا نورا برضوا
نورا:بت يا تبارك مش ده جاركم الى سافر من سنتين المانيا
تبارك:تصدقى هو طب اسكتى بقى لحسن ده عصبى جدا ولو خد باله اننا بنتكلم مش بعيد يطردنا بره خالص
نورا: ماشى سكت اهو
بعد ما خلصنا المحاضرات واحنا طالعين خلاص من الكليه نورا كتبها وقعت من غير قصد وهى نزلت تلمها وانا بردو نزلت اساعدها لقينا مجموته شباب جايين يعاكسونا وواحد منهم بيقول هو القمر بيطلع بالنهار ولا ايه
تبارك:لا ياروح امك ده عزرائيل هو الى بيطلع بالنهار
الشاب:اوبا ده القمر صوتوا حلو وشرس
تبارك:اوريك حلاوته بجد وفجأه لقيت مستر احمد الى هو المستر الجديد جيه واخدهم وخلاهم يعتذروا مننا
نورا:الله يخربيتك يا شيخه فضحتينا كنتى سيبتيهم ومشيتى وكبرتى دماغك
تبارك: المره الجايه ان شاء الله بت يانورا حفظتى العليكى فى القران علشان امى هتشوشونا لو لقيتنا مش حافظين
نورا:ايوه الحمد لله حفظتوا وانتى حفظتى الى عليكى
تبارك:ايوه بس عاوزه اراجع علشان فى حته بتلغبط فيها
نورا:طيب يالله بقى نروح نتغدى فى اى مطعم علشان بقالنا كتير ما اتغديناش بره ونتصل على اهلنا ونقولهم ونبقى ماناخرش علشان نلحق نراجع القران
تبارك:ماشى يالله عارفه اكتر حاجه بحبها فيكى ايه
نورا: ايه
تبارك:انك جدعه وعلى طول بتساعدينى فى امور دينى وما بتخلينيش اعمل حاجه تغضب ربنا ابدا عارفه بجد انتى اجمل اخت فى حياتى كلها انا بحبك اكتر من البت فاطمه الى فى البيت دى
نورا:وانا بحبك جدا جدا يا تبارك
ملحوظه: كل ده وهما بيتمشوا علشان المطعم مش بعيد اوى عن الكليه ماشى نرجع تانى
نورا: وانا كمان بحبك جدا جدا يا احلى اخت واحلى صاحبه فى الدنيا كلها
تبارك: احنا شكلنا زودنا المحن المرادى مش كده
نورا:ايو حاسبى يا تبارك
الفصل الثاني من هنا
