رواية ايلا الفصل الاول
الفصل الاول
الشخصيات
إيلا البحيري... ابنه رجل الأعمال منصور البحيري الوحيدة تخرجت من كليه سياسه واقتصاد ورثت حب الشغل عن والدها عملت في شركه والدها بعد التخرج وناجحه جدا ف العمل رغم صغر سنها 24 سنة ببشره بيضاء وعيون رماديه فاتحه اللون لتظهر جاملها لكل من ينظر إليها من النظره الأولى وانف صغير وفم يشبه حبه الفراوله الحمراء في موسمها وشعر احمر طويل بعض الشيء وجسد طاغي الاثونه تمتلك من الجمال قدر عالي يصل إلى حد الفتنه لكل من يراها وكأنها رسمت على يد فنان بارع ف الرسم وضع كل مقومات الجمال بها
ريان الصاوي.....شخصيه صارمه وجاده جدا ف العمل يملك مجموعة شركات على مستوى العالم للستيراد والتصدير تخرج من كلية التجارة عمره 29 سنة يملك الصرامه والوسامه في ملامحه ببشرة خمريه فاتحه وعيون بنيه حادة في نظرتها وكأن من ينظر إليها يتوهه في كثره عمقها وغموضها بشعر بني ناعم فاتح اللون ودقن بنيه أيضاً وكأنها رسمت على يد فنان وجسم رياضي للغايه فهو يهتم بمظهر جسده (ذير نساء) وهذا ما تطلقه عليه الصحافة فهو الدنجوان اللي عرف نساء بعدد شعر راسه ولكنها ليست معارف سطحيه فقط فهو يفعل كل ماهو هو محرم ورغم كل ذلك ناجح إلى اقصي درجه في عمله تخاف منه بعض الشركات وتضع له ألف حساب
سليم الصاوي.... ابن عم ريان والأقرب إلى قلبه ويعمل معه ف الشركة مرح بعض الشيء تخرج من كليه الحاسبات والمعلومات عمره 29 سنة نفس عمر ريان ببشره فاتحه اللون وعيون سوداء وشعر اسود ناعم وجسد رياضي و ذير النساء الثاني مثل ابن عمه
ليندا... اخت ريان الوحيدة تدرس في الكليه هندسه ف السنه الأخيرة 22سنة مرحه جدا ببشراء فاتحه اللون وعيون عسليه تشبه والدتها وشعر بني فاتح قصير يصل إلى رقبتها تمتلك غمزات تجعل ابتسامتها ساحره تخطف أنفاس كل من يراها وجسد ممشوق وملامح بريئه للغايه تتناقض مع طريقتها التي تتعامل بها مع الغرباء الجاده القويه اللتي تشبه اخاها
ملك.... 24 سنة تخرجت من كلية الفنون الجميلة ببشره خمريه اللون ووجنتيها بها حمره كالون الورد وعيون عسليه وشعر ناعم طويل وجسد ممشوق رياضي بعض الشي فهي تحب الذهاب دائما للعب التمارين تربت مع إيلا طوال حياتها فقد توفت والدتها وهي في سن الرابعة من عمرها وكانت مريم اختها سنتين فاخذهم منصور وميرفت وربوهم مع إيلا نظراً للعلاقه الوثيقة اللي كانت تربطهم بوالدتها ووالدها يسافر دائما يرسل إليهم الأموال من الخارج لا يحب في هذ الحياه سوى المال لذلك ترك بناته ل منصور يقوم بتربيتهم و لا ينزل من الخارج ليراهم سوى كل عده أعوام
مالك النويري.... ابن خاله إيلا 26 سنة ف السنه الاخيره ف كليه هندسة ببشره خمريه فاتحه اللون وعيون زيتونيه وشعر بني كثيف ناعم وجسم يظهر عليه القوه لديه شركه والده شركه النويري للعماره والإنشاءات يديرها هو وأخوه بعد موت والدهما وتعد من اكبرالشركات ف البلد للعماره
جيداء.... اخت سليم الوحيده ايضا وابنه عم ريان( وتحبه منذ طفولتها وهو يعرف ذلك) تخرجت من كليه الألسن 25 سنة ببشره بيضاء وعيون قاتمه سوداء وشعر كيرلي اسود أيضا يظهر على ملامحها الرقه والهدوء قصيره بعض الشيء
منصور البحيري.... رجل أعمال يملك شركه ومصنع من أنجح الشركات 55سنة لا يحب ف الحياة سوى إيلا ابنته وملك ومريم الذي يعتبرهم بناته أيضا
ميرفت..... والده إيلا 48 سنة تخاف على ابنتها من الهواء الطاير تحب سعادة ابنتها وملك ومريم أيضاً
قسمت....والده ريان وليندا 50 سنه زكيه جدا وحكيمه في قراراتها كانت جميله للغايه في شبابها وقد ورثت ذلك الجمال ابنتها ليندا تحب أولادها حد الجنون وتفهمهم من نظراتهم فهي قريبه جدا إليهم
حنان.... والدة سليم وجيداء 52 سنة حنونه وطيبه وكل مايهمها سعادة أولادها
وباقي الشخصيات سنتعرفها من خلال الفصول.....
في حفلة كبيرة في إحدى الفلل فتاة ترقص وتمتلكها الفرحه بجنون.....
ميرفت... إيلا اهدي شويه ياحبيبتي بقالك كتير بترقصي علشان ماتتعبيش وبعدين الناس تقول ايه اتجننت...
إيلا بضحكه عالية.... يعني هيقولوا ايه يعني يا مامي هو انا كنت عزماهم على كتب كتاب ماهما عارفين انها حفلة طلاق وبعدين هما عارفين اني فرحانة وكمان مافهومش حد غريب....
ميرفت بضحك.... انا مخلفه بنت مجنونة ياخواتي
لتقاطعهم ملك
إيه يا ريري ده وقته كلام سبيهالنا بقى يلا يا إيلي الناس كلهم بيسألوا عليكي.....
ثم ذهبوا للحفلة مره اخرى.....
سامر بابتسامة.... تعرفي ان احلى حاجه عملتيها هي الحفلة دي بعد الجوازة النكد دي.....
لتتذكر إيلا ما حدث لها في تلك الجوازة وتقول... انا لو أطول اعمل كل يوم حفلة من هنا لحد ماتخلص شهور العده كنت عملت كدة لكن خلينا النهاردة نرقص ونتبسط.....
ليقاطعهم مالك
إيه ده انا شايف ان في خيانة يعني المفروض أن الحفلة دي جماعية وانتوا جايين هنا عمالين تتكلموا لوحدكوا....
سامر....وانت عايز ايه يا رزل ما البنات مالية الحفلة وبينادوا عليك كمان...
مالك بمرح... لأ انا عايز بنت خالتي يلا يابنت خالتي علشان نرقص
لتأتي مجموعة من الشباب والبنات ويقولون في صوت واحد... يالا يا إيلا علشان نرقص انتي مش عامله الحفلة علشان نتكلم عايزين نتبسط....
ليذهبوا ويتراقصون على صوت الاغاني الصاخبة ويستمتعون وفي وسطهم إيلا.....
بعد بعض الوقت أوقفت إيلا الاغاني للحظه ووجهت حديثها لكل من في الحفلة.... ياجماعة انا النهاردة فرحانة جداً فقررت اني اتجنن واجرب الشمبانيا لأول مرة ف ياريت تشاركوني ف التجربة دي لأن طبعاً انتوا عارفين انا بحبكم قد ايه وبحب دايماً انكوا تشاركوني كل حاجة... لتكمل موافقين ولا اية؟؟
ليهللوا جميعاً في صوت واحد..... فين الشمبانيا
ملك بصوت عالي وضحك..... معاكي ع الفساد أيتها الايلا
ليبدأ الخدم في توزيع الشمبانيا على جميع من في الحفلة وبدأوا يفتحونها ويشربون ويهللون مع الاغاني العالية....
كان ماجد يتحدث مع منصور لتأتي إيلا إليهم.....
إيلا.... ايه يا سي ماجد بقى سايب الحفلة وواقف تتكلم هنا مع بابا
منصور بضحك.... لأ انا هاسيبكوا خالص وهاطلع ارتاح شويه لحسن دماغي صدعت منك انتي وصحابك.....
إيلا ل منصور.... بقى كده ماشي ماشي
بعد أن ذهب منصور ماجد بابتسامة وفرحه داخلية.... مبروك يا إيلي
إيلا... الله يبارك فيك ده انا....
ليقاطع حديثهم احمد ويقول ايه ياتري بتنموا على مين بقى ف الحفلة....
إيلا وهي تضرب احمد في كتفه.... ننم ازاي يعني انا عازمة صحابي علشان ننم عليهم وعموما الحق عليا ان هو كان لسه بيقولي مبروك وانا كنت بقوله عقبال احمد خلاص انا هارجع ف الدعوة وهاسحبها....
احمد بضحك.... يانهار اسود دي ساميه لو سمعتك بتقولي كدة هاتيجي تقتلنا كلنا دي مفتريك وانا عارفها....
هي مين دي اللي مفترية..... لينظروا لصاحبه الصوت
سامية.... ها مين دي بقي اللي مفترية يا سي احمد.....؟؟
احمد... ياحبيبتي بحكيلهم على المديرة بتاعتي ف الشغل ما انتي عارفة انها مفترية....
سامية... اه والله يا إيلا ده بيحكيلي عنها أنها مطلعة عينه
إيلا بضحك فهي تعلم أن له مدير وليست مديرة وإنما يحب دائماً أن يتصنع لها الحكايات الخرافية.... ان يا سامية ما انا عارفة ماهو حكالي انا وماجد....
ليضحكوا ثلاثتهم....
لتقاطعهم مريم
انتي تعبتي من الرقص ولا ايه يا إيلا....؟؟
إيلا بتحدي.... هي مين دي اللي تعبت ده انا هارقص النهارده للصبح
لتذهب معها وترقص إيلا وتتمايل وسط مجموعة كبيرة من الشباب وهم يلتفون حولها.....
في مكان آخر كان ريان يشاهد كل ذلك على اللاب توب الخاص بيه في مكتبة وكأن قلبه يمزق بسكين حاد وتحرقه نار الغيره كأن بداخله بركان على وشك الانفجار إلى أن أغلق الأب توب وبدأ برمي وتكسير كل شيء أمامه فوق المكتب ليحطم كل شيء بداخل الغرفة وأصبحت حطاما وكأنه أصبح في حالة جنونيه لا يسري لها....
في فيلا البحيري بعد أن انتهت الحفلة....
إيلا ل ملك.... بطلي رغي وكفاية بقى علشان هاموت وانام يلا تصبحي على خير....
لتدخل غرفتها وبدلت ملابسها وجلست على الفراش لترجع بالذاكرة للخلف قبل 3 أشهر وتتذكر كل ما حدث معاها.....
فلاش باااااااااااك (طويل شوية)
في شركه البحيري يدخل ريان الصاوي بهيبته ويتجه نحو السكرتيرة....
ريان.... أوضه الاجتماعات فين...؟؟
السكرتيرة بتأكيد.... ريان بيه الصاوي
ريان بجد وبحده.... ايوا
السكرتيرة.... اتفضل معايا يا فندم منصور بيه ف الاجتماع مستني حضرتك....
ليدخل ريان غرفه الاجتماع ويجد أن الكل في انتظاره..
منصور بابتسامة.... اهلا يا ريان بيه اتفضل
ليجلس ريان على المقعد الخاص بيه ويتحدث بجد نبدأ الاجتماع......؟؟
ليقاطعه منصور.... معلش يا ريان بيه هانستني خمس دقايق بس لحد ما رئيس مجلس الإدارة ييجي....
ريان بحده..... والمفروض اننا نساني واحد مستهتر مابيحترمش مواعيد الاجتماعات المهمة اللي زي دي ونتعطل احنا......
منصور.... احنا هانب.......
وقد قطع كلامة صوت إيلا وهي تدخل وتقول...انا متأسفه جداً ع التأخير
لينظر إليها ريان وهو في حالة ذهول....
ليقطع ذلك صوت منصور وهو يقول.... إيلا رئيس مجلس إدارة الشركة وبنتي.... كان يوجهه هذا الحديث ل ريان
إيلا بابتسامة... معلش بعتذر جدا ع التأخير
ريان.... محصلش حاجة
منصور... طيب يلا نبدأ الاجتماع
ليبدأ الاجتماع وظل ريان يتابع تلك الفتاة التي تتحدث في الشغل ببراعة وتفهم فيه جيداً رغم صغر سنها إلى أن تم عقد الشراكة بين شركة البحيري وشركة الصاوي بعد بعض المفاوضات في بعض البنود الخاصه بالعقد وانتهى الاجتماع.....
منصور.... انا مبسوط جداً أن بقى فيه شغل بينا وان شاء الله مش هايكون فيه خلافات... وكان يوجهه حديثه ل ريان
ريان..... ان شاء الله
ليستاذن ريان ويذهب إلى شركته
وظل طوال الطريق يفكر في تلك الفتاة التي لا يعرف ما الذي يميزها إلى هذه الدرجة ولكن ليس جمالها هو من جعله يفكر فيها بهذه الطريقة
فهو عرف نساء جميلات للغايه فهو الدنجوان الذي عرف نساء من جميع أنحاء العالم
ولم يترك امرأة اعجبته الا وقد فعل معاها علاقة إنما تلك الفتاة يجد فيها سحر خاص لم يشهد مثله من قبل....
ظل يفكر إلي أن وصل شركته..
في شركة البحيري يجلس منصور في مكتب إيلا ويتحدث معاها....
منصور بفرحة... أخيراً عقد الشركة ده تم
إيلا...... انا ماكنتش احب ان حد يدخل معانا شريك ف الشركة ابدا بس انا وافقت علشان عندنا نقص جامد ف السيولة الفترة دي بسبب مكن المصنع الجديد....
منصور... عموما ماهو داخل بنسبة مش كبيرة اوي يعني واي قرارات مايقدرش ياخدها ف الشركة غير بموافقتنا
وبعدين العقد مدته سنة ونص يعني مش كتير ده غير أنها مش اي شركة دي شركة من شركات الصاوي أكبر شركات للاستيراد والتصدير ف الشرق الأوسط كله و ده طبعاً مكسب لسمعة شركتنا.....
إيلا... طب كفاية كلام ف الشغل لحسن انا هاموت من الجوع وتعبت وعايز اروح......
منصور.... وانا كمان والله يبقى يالا نروح
في المساء في فيلا الصاوي يدخل ريان ويجد والدته....
ريان... مساء الخير يا أمي... يقول ذلك وهو يقبل يدها
قسمت بابتسامة.... مساء الخير يا حبيبي
ريان بتساؤال... امال ليندا فين...؟؟
قسمت.... راحت عيد ميلاد سارة ما انت عارف
ريان.... اه صح ده انا ناسي طب وانتي ماروحتيش معاها ليه هي مش سارة عزمتك...؟؟
قسمت... حسيت بشويه تعب كده فقلت بلاش اروح
ريان بخوف..... ليه مالك فيه ايه اطلبلك دكتور
قسمت.... لأ ياحبيبي دول شوية صداع ماتخافش اوي كده
ريانالف سلامة عليكي يا ست الكل
قسمت... الله يسلمك يلا بقى علشان نتعشي مع بعض
ريان... لأ انا شبعان انا مش محتاج غير اني انام علشان اليوم كان طويل ومتعب....
قسمت بحزن مصطنع... يعني انا مستنياك ومارضتش اكل تقوم تقولي انك شبعان وعايز تنام خلاص انا مش هاكل وهنام كده....
ريان بحنان.... خلاص هاكل معاكي ماقدرش اسيبك تنامي كده
فهو رغم قسوته وشدتة مع الجميع إلا أنه يحب والدته كثيراً ولا يحب أن يضايقها..
قسمت بفرح.... ايوا كده كده انت ابني حبيبي
ريان باستغراب.... ايه ده يعني لو مش هاكل معاكي مش هابقي ابنك حبيبك....
قسمت... لأ طبعا حبيبي ونور عيني كمان ما انت عارف انا ماعنديش أغلى منك انت واختك ف الدنيا دي....
ريان.... ربنا يخليكي لينا ياست الكل ويلا بقى لحسن انام وانا قاعد جمبك كده.....
قسمت... حالا ياحبيبي هاخليهم يحضروا العشا
في صباح اليوم التالي في شركة الصاوي وبالتحديد في مكتب ريان تستأذن مني السكرتيرة لتدخل المكتب....
مني... دي الأوراق اللي حضرتك كنت طالبها امبارح و مستر ادهم بيبلغ حضرتك انه موافق على السعر اللي حضرتك طلبته وبيقولك حدد معاد علشان ييجي يتفق معاك ويخلص الثفقة....
ريان... طب شوفي المواعيد وحددي معاه معاد الأسبوع ده
مني.... تمام يافندم
ريان... سليم جه ولا لسه
مني.... جه من نص ساعة يافندم
ريان... طب ابعتهولي دلوقتي
مني.... حاضر يافندم بعد اذنك
ليتابع ريان فحص الأوراق التي بيده وبعد خمس دقائق يدخل سليم عليه...
سليم بمرح.... ياصباح المزز اللي ف الشركة... ليكمل بتساؤال...
شوفت قسم الإدارة العامة بتاع البنات متظبطين النهاردة ازاي...؟؟
ريان... انا مش فايق للكلام ده دلوقتي اسمع هاديلك اسم بنت عايزك تعرفلي كل حاجة عنها من اول ما اتولدت لحد اللحظة دي....
سليم... ايه ده انا مش فاهم انا شغال ايه هنا مدير العلاقات العامة ولا ايه بالظبط انت ياعم انت مش هاتشوفلك حد للمواضيع دي...
ريان بجد.... سليم اخلص وعايز المعلومات دي النهاردة قبل ما امشي من الشركة انت فاهم...
سليم.... حاضر ياعم بس اتعامل معايا براحه وبلاش تتحول والنبي
لينظر اليه ريان بنظره غاضبة...
سليم بخوف... قولتلي اسمها ايه
ريان.... إيلا منصور عبد الرحمن البحيري
سليم باستغراب.... البحيري!! ايه ده مش دي شركة البحيري اللي انت مضيت عقد شراكة معاها امبارح....؟؟
ريان... ايوا هي
سليم... ومين إيلا دي بقي بنت صاحب الشركة...؟؟ بس بصراحة اسمها حلو اوي واكيد هي حلوة زي اسمها...
ريان بحده..... سليييييم
سليم بخوف..... اعتبر المعلومات ف ايدك... وخرج من المكتب
