رواية ليتنا نلتقي كامله جميع الفصول بقلم جمانه السعيدي
اني زينب علويه بس اني عد
اهلى راح احجيلكم قصتي
ابوي سيد مواليد ٧٠
اتزوج باجي امل ومصار عدهم بس بنيه وحده اسمها ليلى
وبعد عدة محاولات للانجاب
فشل كلشي فقرر بابا يزوج ماما
كان حلمه يصيرون عندا اطفال هواي وخاصة يريد ولد
بعد خمس سنوات من زواجه من باجي امل خطب امي وزوجه
وصرت اني ورا سنه زواج وبعد ما صار شي
ما خله ابوي دكتور يعتب على وكل المحاولات فاشله
يعني خاله امل بس ابنيه وبس
وامي جابتني اني وبس
بيتنا ٣٠٠ متر ومقسوم بلنص نص ام ليلى كاعده بي ونص اني وماما وكل وحده بابها وحدها
هسه اوصفلكم نفسي اني طولي ١٦٠ وزني ٥٥ سمره سمره مو حنطاويه ماخذه سمار ابوي
بس ملامحي حلوه عيوني حلوات وحواجبي ثخان وخشمي عدل وشفايفي حلوات وعندي غمازات شعري اسود وسرح كله اضفره كصيبه واصل النص ضهري
امي بيضه وحلوه وحيل مهتمه بشكلها وعلاقتها ويا ام ليلى كلش زينه
ام ليلى معلمه
واهلها قريبين عليها
يعني الصبح بلدوام والعصر تروح على اهلها وين ميرحون اهلها وياهم اذا يرحون مول او زياره او واجب وياهم
اما اني وماما مانطلع هواي وكلش صديقات
جمانه السعيدي
طبعا بابا مدللني بشكل مو طبيعي اني واختي وشنريد يجينا كبل
من نجحت من صف سادس ابتدائي
لبست بوشيه وعبايه هيج تقاليدنا
اني وماما واختي وباجي كلنا من نطلع لازم بوشيه
جمانه السعيدي
وممنوع انروح لاي مكان وحدنا لازم اني وماما واذا بابا موجود يروح ويانا
بابا خريج صناعه وعندا محل اجهزه كهربائيه وحالتنا والحمد لله كلش زينه
لكن بابا مابطل يحلم يصير عندا ولد
كان دائما يحجي ويكول نفسي يصير عندي ولد يلم كبرتي
من صار عمري عشر سنوات يله بطل يراجع دكاتره المصيبه مابي شي ونسوانه اثنينهن سليمات يا سبحان الله لكن
هاي قسمته بعد شيسوي عل مكتوب
اني بلبيت كلشي البس لان تقريبا وحدنا طول النهار
البس برمودا ثياب قصيره تراكات بس بلطلعه عبايه وبوشيه
بدت احداث حياتنا تتغير من نجحت من صف رابع اعدادي للخامس بلعطله
بيت جوارينا فرغ وشفت بابا مهتم بلبيت جاب واحد صبغه واكو كهربائيات ناقصه جابهن ويعدل بي
طبعا امي شكت بلموضوع حيل
امي ابو زينب شدعوه هلكد مهتم بلبيت
بابا صديقي وصاني على يريد ينزل بي احسن ماينزل واحد غريب شنعرف منه
امي هاااا زين صح الي تعرفه احسن من الي مانعرفه
وبيوم بدت الغراض مالت البيت توصل وابوي واكف على راسهم
نزلو هذا عله كيفكم لاتكسرون الغراض
كان اهتمامه مو طبيعي
ورا يومين اجت مره حلوه تخبل نزلت بلبيت
بس احنا ماشفنا وياها احد وابوي يتردد عليه
جمانه السعيدي
امي ماصبرت انفجرت على بابا
واذا بلمصيبه هاي زوجت بابا مزوجها بلسر وهسه حامل بشهر الخامس
وبيها ولد وبابا جابها قريبه حتى يدير باله عليها
امي انهارت اتخبلت جانت صدمتها جبيره
بدت تكسر وتخرب وتصرخ
باجي امل هم انصدمت بس مو مثل ماما يمكن لان هي ضايكه اللوعه كبل
امي كامت تعيط
واني اعيط وياها خفت حيل على ماما
لحد مافحطت وسكتت
وقررت ماضل بلبيت واني ابجي واتوسل بيها
وهي ماتقبل جمعت ملابسها واني جمعت ملابسي
بابا ماقبل اروح وياها
جمانه السعيدي
بابا اذا ترحين روحي بوحدج بنتي ماتروح وياج
اني هنا تخبلت يعني شنو ما اروح ويا ماما
شلون ابقا هنا بوحدي اني وماما ابد ابد مامتفركين
ابجي واتوسل بماما تبقى وما تروح لو تاخذني وياها
بس اثنينهم قافلين
هي مصممه تروح الاهله
وبابا مصمم اني ما اروح وياها
