رواية ملاكي البرئ الفصل الاول
(الفصل الاول)
في كلية الاداب كانت تجلس مع صديقتها
سارة: ها يا قمر عملتى ايه النهاردة
ملاك بتوتر: اسكتى يا سارة الولد اللى قابلناه امبارح مع صاحبك معرفش جاب رقمى منين ولقيته داخل يكلمنى
سارة: ايوا بقا يعم انا اللى اديته رقمك ، عيشي بقا يا ملاك واتبسطى ، كفاية اللى انتى عشتيه
ملاك بارتباك: تفتكري يا سارة
سارة: ايوا يابنتى عيشى حياتك بقا ميهمكيش
ملاك بتنهيدة: أنا همشي بقا عشان خلصت محاضرات هقابلك بكرا
سارة : مع السلامة يا حبيبتى
قامت ملاك وسابت سارة اللى راحت قعدت مع ولد فى الكافتيريا
سارة: اهه ياعم ظبطهالك عدل الجمايل بقا
أمير: تسلميلي ياقمر
سارة: أنا مش فاهمة بس انت ايه اللى عاجبك فى البت دى ما قدامك الجامعة كلها دى حتى يعنى شكلها مش حلو
أمير: ادينا بنجرب نوع جديد وغمز لها
ملاك مشت تفكر فى حياتها وبعدها خبطت فى واحد
ملاك: أنا آسفة جدا مأخدتش بالى وسابته ومشت ، راحت قعدت على الكورنيش المكان اللى بترتاح فيه وسرحت بذكرياتها لورا
فلاش باك:
تهانى( والدة ملاك): انتى يا زفتة اصحي بقا يا ملاك قال ملاك قال ، انا مش عارفة كنت فين لما سميتك ملاك ، لا شكل ولا منظر اصحى بقا عشان ترتبي البيت اختك زمانها جاية من السفر وعايزاكى تحضري الاكل اللى هى بتحبه
ملاك بكسرة : حاضر يا ماما صحيت اهه
تهانى بتريقة: طب قومى يا روح ماما اجهزى وحضري الفطار وسابتها وخرجت
اتنهدت ملاك بحزن وقامت وقفت قدام مرايتها اللى بتشكيلها حالها دايما واللى شاهدة على ضعفها ودموعها نزلت على حالها دايما بيعايروها بشكها ، ليه بيتعاملوا معاها كدا دى خلقة ربنا هى مش معترضة ابدا دايما بتحاول تقوي ثقتها في نفسها بس اللى حواليها علطول كاسرينها ، حتى ابوها وامها اللى المفروض يشجعوها تكمل بيتريقوا عليها
ملاك لنفسها: يارب انت العالم بحالى يارب عوضنى خير عن صبري دا انا مش معترضة ابدا على قضائك ، يارب نتيجة الثانوية قربت تظهر وفقنى للخير دايما يارب وبعدها اتوضت وصلت وطلعت برا تشوف هتعمل ايه قعدت تجهز الفطار وبعدها طلع ابوها من اوضته
عبدالله بتريقة: اهلا بست الحسن ، حضرتى الفطار ؟
ملاك: ايوا يا بابا اتفضل
عبدالله: طيب خشى جوا بقا لحد ما افطر بلاش تسدى نفسي ع الاكل
ملاك بابتسامة وجع: حاضر يا بابا وسابته ودخلت اوضتها ، هى خلاص اتعودت على الكلام دا علطول اهانة وسخرية من شكلها فقررت تتغاضى عنهم ومتعملش لكلامهم اعتبار
بعد يومين ظهرت نتيجة الثانوية العامة ملاك كانت بتدعى ربنا كتير انه يوفقها ، هى عارفة انها جات آخر فترة وقصرت جامد بس غصب عنها دا بسبب تعب والدتها ( مامتها مريضة سرطان وتعبت فى فترة امتحانات ملاك وساعتها ملاك كانت دايما معاها وسابت مذاكرتها ووقفت جنب مامتها لحد ما عملت العملية وخفت )
ظهرت النتيجة وعلى عكس المتوقع من ملاك جابت مجموع قليل جداا ساعتها انهارت مش بسبب النتيجة لان دا قضاء ربنا لا بسبب تريقة اهلها وجيرانها وكمان خالاتها اللى كانوا دايما بيعايروها بشكلها كمان بقوا بيعايروها بمجموعها وبيقارونها بأختها اللى فى كلية هندسة لحد ما انهارت ملاك وقررت انها هتدخل اى كلية وتثبت نفسها للكل
مرت الايام ودخلت ملاك كلية الاداب فى الاول كانت بنوتة هادية وبتحاول تجتهد عشان تحقق حلمها كانت بتتعرض لتنمر كتير من زمايلها فى الكلية لحد ما زهقت وضعفت وقررت تغير من نفسها ومن لبسها وشكلها وبقت متحررة مش ملتزمة بضوابط الحجات ، اتعرفت على بنتين (سارة وسلمي) واتلمت عليهم وسارة عرفتها على ولاد .
باااك
ملاك على الكورنيش قاعدة بتفتكر ازاى كانت حياتها ودلوقتى بقت عاملة ازاى وقعدت تعيط لحد ما لقت حد بيقدم ليها منديل
..: اتفضلى يا آنسة انتى بتعيطى ليه
ملاك والدموغ مغيطة عيونها: شكرا جدا بعد إذنك وقامت وسابته ومشيت روحت السكن بتاعها اتغدت وقعدت تلعب فى فونها لحد ما لقت رسالة جاية من الواتس من الرقم اللى بعتلها الصبح قررت تسمع كلام سارة وتكلمه ، مرت الايام وزاد كلام ملاك مع أمير وضحك وهزار لحد ما بقى الكلام غير مرغوب فيه قررت تنهى كلامها معاه
بعد مرور شهر على كلامهم سوا
ملاك قاعدة فى كافتيريا الكلية ولقت بنات قاعدين مع بعض بيتكلموا فى أمور دينية لفت انتباهها بنت معاها فى الدفعة قاعدة معاهم قامت وراحت ليهم
ملاك: هدي ممكن اتكلم معاكي
هدي باستغراب: ازيك يا ملاك ، اتفضلى يا حبيبتى
ملاك بتوتر: ممكن نتكلم على انفراد
هدى: طبعا يا قمر بعد اذنكو يا بنات
هدي مشيت مع ملاك
ملاك: هو أنا فعلا قمر زى ما قلتى؟؟
هدى بابتسامة: أنتى أحلى من القمر كمان ها يجميل كنتى عوزانى فى ايه
ملاك بتوتر: هدي أنا كنت بكلم ولد ، مش واحد بس بصراحة معظم الولاد بيدخلولى برايفت بحجة المحاضرات وريكوردات الدكاترة لانى نشطة اوى على جروب الدفعة زى ما انتى عارفة بيبقى مجرد كلام وهزار والله بس لقيتهم بعد كدا بيلمحو انهم عايزين يتكلموا مع بنات فى الدفعة وواخدينى انا واجهة ليهم كرهت نفسي اوى ورفضت الموضوع دا بس لقيت أمير دا اللى هو أكتر واحد اتكلمت معاه بيقولى هاخدلك اسكرينات وانزلها على جروب الدفعة وافضحك واقول لسارة صحبتك انك بتقولى عليها كلام مش حلو
هدى حضنتها وبدأت تهدى فيها: طيب اهدى يا حبيبتى خلاص انتى عرفتى غلطك بلاش تكملى فيه
ملاك: أنا مش عايزة أكمل بس خايفة بعد ما قالى كدا
هدي: متقلقيش أبدا من الموضوع دا هو لو عمل كدا هيبقى بيفضى نفسه هو كمان بس أنا نفسي اطلب منك طلب
ملاك: اتفضلى
هدي: بصى يا ملاك حرام تبقى بنت زى القمر وتبقى مصاحبة بنت اصلا بتتكلم مع ولاد وكل البنات عارفاها ومحدش بيتكلم معاها وانتى بدأتى تتطبعى بشخصيتها والكل بدأ يبعد عنك فحاولى تقللى كلامك معاها
ملاك: انتى فعلا عندك حق أنا هبعد عنها
بعد يومين من الحوار دا دخلت هدي ومعاها ملاك الكلية بيهزروا وبيضحكوا مع بعض
على الجانب الاخر
كانت قاعدة سارة ومعاها سلمي صاحبتها ومعاهم أمير وكذا شاب تانين
سارة بضيق: هي دى يا أمير اللى هتعرف تسيطر عليها
أمير: انتى عارفة انى عملت اللى عليا وهددتها مهمهاش برضو فكك منها بقا
سارة: مستحيل اسيبها فى حالها
سلمي: حرام عليكى يا سارة انتى متغاظة منها ليه ما تسيبيها
سارة: أنا اتغاظ من دى انتى مش شايفة الفرق اللى بينا ولا ايه انا ايه وهى ايه
سلمي وقفت واتكلمت بعصبية: أيوا انتى غيرانة منها يمكن تكونى احلى منها بس هى افضل منك في الشخصية او ما دخلت الكلية وكانت فى حالها ومجتهدة والولاد بدأو يتكلموا معاها ويسألوها ع محاضرات وغيره وانتى الحقد ملأ قلبك حرام عليكى سيبيها فى حالها فضلتي وراها لحد ما خلتيها نسخة منك ربنا يسامحك وسابتها ومشت
أمير: فكك منها هى كمان دي عملالى فيها ستنا الشيخة بالخمار اللى هي لسة لبساه دا مش عارف انا ايه لمك على الناس دى
سارة: يولعوا هما الاتنين خلى هدي اللى هى ماشية معاها تنفعها.
هدي وملاك قاعدين في المحاضرة قبل الدكتور ما يدخل وهدي لاحظت إن في واحد بيبص على ملاك كل شوية فقررت تسألها
هدي: هو أنتى بتكلمى حد
ملاك: حد ازاي يعنى
هدي: قصدى يعنى دلوقتى انتى مرتبطة بحد.
ملاك: لا والله محصلش ، حتى بصي في ولد بعتلي على الواتس امبارح بيقول انه عايز يتعرف بس أنا مردتش عليه وعملته بلوك
هدي بابتسامة: حبيبتي الشطورة ركزى بقا في المحاضرة الدكتور دخل اهه.
الدكتور دخل وشرح المحاضرة وملاك كانت بتسجل ملاحظاتها وهدي ملاحظة نظرات الولد ليها بس طنشت ومحبتش تشغل بالها .
المحاضرة خلصت وخرجت ملاك وهدي عشان يروحوا وقف واحد فى طريقهم
هدي: أيوا حضرتك عاوز ايه
جاسم: لو سمحتي أنا ممكن بس أخد من حضرتك
المحاضرة اللى سجلتيها لانى داخلت متأخر وملحقتش أكتب واركز مع الدكتور
هدي: مفيش مشكلة يا أستاذ اتفضل خد المحاضرة اهه وهدي بعتتله المحاضرة وأخدت ملاك ومشيت
هدي: يا ساتر يارب بني آدم رخم
ملاك: ربنا يسهله ملناش دعوة بحد تعالى نقعد
هدي: ماشي يا عم الجميل قوليلى بقا
ملاك: نعم عايزانى اقولك ايه
هدي: بما إنى اكتشفت اكتشاف عبقرى وهو اننا مع بعض فى نفس المدينة الجامعية ايه رأيك نبقي نسهر مع بعض ونذاكر ونهزر
ملاك بابتسامة: موافقة طبعا
هدي: خلاص يا قمر لما نرجع بقا من السفر نبقي نسهر سوا يلا دلوقتى عشان نلحق ناخد حاجتنا ونسافر
ملاك: لا أنا مطبقة الاسبوع دا مش مسافرة
هدي: ليه يا كوكو دا انتى من زمان منزلتيش
ملاك بتوتر : مفيش عندي مذاكرة وعايزةأخلصها عشان امتحانات الميد تيرم
هدي: ملوكة انتى هتضحكي عليا أنا
ملاك بدموع: مبحبش أسافر ، كل ما أروح الاقى الجيران بيقعدوا يبصولي نظرات استهزاء وتعالى وبسمعهم بيتريقوا علي شكلي ، وبلاقى اهمال من اللى في البيت خلينى هنا أحسن
هدي ضمتها لحضنها: قطع لسان اللى يقول عليكي كلمة دا انتي ست البنات كلهم، ومتزعليش يا كوكو من أهلك تلاقيهم بس بيبقوا مشغولين ولا حاجة بس اللى المفروض تكونى فاهماه وعارفاه انهم بيحبوكى أكتر من أي حاجة في الدنيا
ملاك بلهفة: يعني هما بجد بيحبوني
هدي: طبعا يا روحي ، يلا بقا أنا كمان مش مسافرة وهنخرج النهاردة سوا ونقضيها ايه رأيك؟
ملاك: لا يا هدي سافري انتى أنا خلاص بقيت كويسة كمان عشان مامتك وباباكي ميقلقوش
هدي: أنا مش عايزة أسيبك لوحدك
ملاك بابتسامة: متخافيش عليا أختك راجل بس انتى متغبيش بس عليا عشان هتوحشينى
هدي: قلب أختك انتى والله ، من عنيا أنا هروح بس أطمن عليهم وارجعلك علطول يا جميل عشان نذاكر ونلعب ونخرب الدنيا سوا .
ملاك ضحكت بصوتها كله: أنتى مصيبة يا هدي
هدي بصدمة مصطنعة: أنا دا أنا طيبة خالص ، يلا بقا يا قمر عشان منتأخرش
الاتنين اتحركوا من مكانهم ومش واخدين بالهم من العيون اللى مرقباهم ، هدي سافرت بلدها وملاك روحت السكن ناامت علطول بعدين صحيت بليل أكلت وقعدت تكلم هدي تطمن عليها جالها رسالة من رقم غريب
صليتي؟
