روايه وحدة شغف الفصل الاول
(الفصل الاول)
هربت من البيت بخوف كبير قبل ما حد يشوف اللي حصل لبست نقاب لتداري ملامحها .. مشت طول الطريق بدموع، مرعوبة ان حد يكتشفها ركبت تاكسي بسرعة يوصلها للمحطة ..وصلت لقطار للقاهرة سرحت طول الطريق وشريط حياتها بيمر قدامها.
فلاش باك #
-ايه المنظر ده يابنتي انتي مش ناوية تخسي بدل ما انتي بالشكل ده..
اتضايقت اوي منها و خرجت بسرعة فحسيت بأهانة ليا .
=ايه اللي بتقوليه ده يا رنا .. حرام عليكي انتي كل مرة تضايقيها كدة اهي مشت زعلانة.
-ماهي طخينة فعلا مغلطتش فيها يعني يا سارة..اف .
كنت بعيط طول الطريق وبفكر انا مش طخينة اوي يعني عشان تتريق كدة هم اللي رفيعيين دخلت البيت لاوضة جدتي جريت عليها اعيط .. جدتها بفزع : مالك يا شغف ايه اللي حصل .
بدموع-انا مش عارفة اعمل ايه يا تيتة كل ده عشان طلعت طخينة دي خلقة ربنا يعني .
=بس كفاية عياط وانسي اللي قالته ربنا مش بيسيب حق حد مهما عدي الزمن .
شغف 20 سنة ذات عيون زرقاء رقيقة وشعر طويل اسود سواد الليل فهي جسمها ممتلئ ولكن يتناسب مع طولها فهي جذابة بطبيعتها .في اخر سنة كلية فنون ، تعشق الرسم فغرفتها مليئة بلوحات كثيرة مبهجة ،تعيش مع جدتها بعد موت والدها ووالدتها تحب عائلتها ولكن دايما تسمع كلام مهين ليها خصوصا من ابنة عمها رنا .
عدي اسبوع
-مش قادرة اخرج بجد ياتيته ، مش عايزة اخرج انا
=يابنتي انتي بقالك اسبوع ماروحتيش حتي الكلية ، وبعدين انا عايزة تشتريلي شوية حاجات مش هقدر انا اروح اجيبهم.
- حاضر يا تيتة هاروح
خرجت من البيت كنت حاسة كل الناس بتبتصلي بسبب شكلي كنت خايفة اوي وانا ماشية ان حد يتريق عليا .
رجعت شغف البيت لقت ناس كتير حوالين بيتها جريت لقت عمها يقف بحزن قربت منه وقالت فيه ايه تيتة حصلها حاجة .. - جدتك ماتت
انا حسيت اني ضهري اتكسر فعلا بقيت يتيمة لرابع مرة ف ماما ، بابا ،جدي واخير جدتي .. انا مليش حد ،يارب انا مش هقدر اكمل في حياتي كدة .
بعد مرور عدة أيام
صحيت علي رنت الفون
-ألو أيوةة يا شغف انا سارة
شغف باستغراب =سارة !! عاملة ايه .حصل حاجة .
=بابا عايزك تيجي عندنا دلوقتي
- حاضر ماشي جاية .
روحت لعمي لقيته طلب مني امضي علي ورق تنازل عن حقي في الميراث ..ساعتها اتصدمت اوي ده طلع طمعان في حقي .فضلت اعيط واترجيته كتير عشان يسيبني اقعد في البيت وميطردنيش وهمضي...مبقاش عندي قدرة أرفض او اعترض.. بعد ما مضيت مشيت مش عارفة هيحصل ايه تاني بعد اللي حصل رجعت البيت فضلت اعيط بحسرة و بكل حاجة بتروح مني بقي معنديش حاجة واحدة حلوة
قومت بسرعة البس الحجاب ..اتفجعت اوي من صوت الخبط اللي عالباب فتحت لقيت..
باك#
فاقت من سرحانها علي صوت ست عجوزة بتهز ايديها - ايوة يا طنط
=بقالي ساعة بكلمك يابنتي انتي كويسه.
شغف بابتسامه مرحة -اه كويسه .. بس سرحت شوية .. قوليلي بقي كنتي بتقولي ايه ومش هسرح تاني .
فضلت تتكلم مع الست لحد ما وصلت قد ايه حست بحنية معاها فكرتها بجدتها .
نزلت القاهرة مش عارفة تروح فين بس المهم انها تهرب بعيد عن اي حد مهدد ليها .. فضلت ماشية لحد ما وصلت لسوبر ماركت تشتري اي حاجة تشربها ف شغف طول الطريق مأكلتش ولا شربت اي حاجة وهي خارجة خبطت في بنوتة رقيقة جميلة ووقعت
شغف باعتذار- انا اسفة اوي انتي كويسه
شهد =انا اللي اسفة والله انا اللي وقعتك.. انتي كويسه
شهد 17 سنة بنوتة مرحة وهادية في نفس الوقت رقيقة جدا بتحب الناس اللي حواليها طويلة نسبيا شعرها اسود طويل لها عيون بني غامق تميل للسواد ..
شغف وهي خارجة -اه كويسه .. رجعتلها تاني وقالت ،، معلش ممكن طلب سخيف انا اسفة بجد بس لو تعرفي مكان اقعد فيه قريب من هنا او شغل مثلا انا اسفة علي طلبي ده بس انا معرفش حد هنا .
شهد بابتسامة = هو بصي معرفش بصراحة بس ممكن تيجي تقعدي معايا لحد ما اسألك وبلاش تتأسفي كدة كتير.
شغف -شكرا اوي مش عايزة اتعبك بس مش هينفع اجي
شهد = لا يا قمر مفيش تعب انا قاعدة لوحدي دلوقتي تعالي معايا لحد ما تلاقي مكان .. انا اسمي شهد بالمناسبة.
شغف بأمتنان-شكرا اوي ليكي .. وانا شغف .
وصلت لمنطقة شعبية بس شعرت باطمئنان وهدؤء غير العادة مش زي ما بيجي في الافلام .
طلعت شقة في الدور التالت مع شهد دخلت بهدوء واحراج -انتي عايشة لوحدك
= حاليا اه بس انا عايشة مع اخويا بس عشان شغله بيجي كل فترة متقلقيش لو جاي هيقولي قبلها .. اتفضلي دي اوضة فاضية تقدري ترتاحي فيها براحتك .
شغف بحب -متشكرة اوي بجد انا مش عارفة اقولك ايه والله .. انتي انقذتيني
شهد بمرح = شغف احنا بقينا صحاب خلاص و ارتاحي دلوقتي وبعدها متمنعنيش اني اسألك اي سؤال بقي .
دخلت شغف الاوضة فضلت تعيط كتير جدا وترجع تفتكر اللي حصلها
فلاش باك #
قمت بخوف افتح الباب لقيت ناس تبع عمي جايين ياخدوني من بيت تيتة .
شغف بخوف -فيه ايه انتوا عايزين ايه .
واحد رد عليها = انتي ملكيش مكان هنا واتفضلي عنك عايزك بالذوق بدل ما ناخدك عافية
شغف بدموع -طيب حاضر هاجي
في بيت عمها
شغف بدموع وحسرة ورجاء = انا عملتلك ايه وحش عشان تعمل في حياتي كدة .. مضيتلك علي تنازل ومستعدة امشي بس بلاش تجوزني والنبي .. عمي متعملش فيا كدة اعتبرني اي واحدة من بناتك هترصي تعمل فيها كدة
عمها بعصبية - مسمعش صوتك ده لحد ما عريسك يجي.. اتفضلي اقعدي في اي حته النهاردة فرحك ولا عايزاني ارجع في كلامي مع الراجل ..
شغف بدموع وعصبية = حسبي الله ونعم الوكيل حرام عليك تعمل فيا كدة .. سيبني في حالي بقي .
الساعة 8 بالليل
حاولت شغف تهرب من البيت نزلت بهدوء وتوتر ف المكان فيه ناس كتير وجريت بسرعة تجري عالشارع...
باك #
دخلت شهد لشغف - شغف مالك بتعيطي ليه
شغف بتمسع دموعها بسرعة = لا مفيش بس تعبانة شوية ..
شهد =طب خدي البسي دي عشان تنامي براحتك
اخدتها شغف منها وبتقول - ربنا يكرمك يارب مش عارفة اقولك ايه ومش عارفة هرد اللي عملتيه ده ازاي .
شهد = يا حببتي متقوليش كدة احنا اخوات .
خرجت شهد وقامت شغف تغير هدومها ونامت اكتر من 12 ساعة .
شهد في البلكونة- ايوة يا احمد .. انت جاي علطول ازاي .ااا اقصد انت مش هتيجي اخر الاسبوع لسه ..لا مفيش بس بس فيه حاجة عايزة اقولك عليها .
