رواية كده رضا الفصل الاول
الفصل الاول
_مهو بردو يا ماما مكنش ينفع تروحي تكتبيلها ع الواتس انك عايزة تخطبي بنتها ليا
=يوه هو انت مبيعجبكش حاجة ابدا
_يا ماما طيب دلوقتي هما اتنين
=اه
_انا هخطب انهي واحدة فيهم
=هتخطب رضا
_مهما الاتنين رضا
=يعني ايه
_بصي هفهمك انا عايز أخطب رُضا
=ايوا منا قولتلها عايزين نخطب رضا لمصطفى
_يا ماما ما انتي محددتيش
=ولا ولا متقرفنيش روح قولهم انت
_الحق عليا اني قولتلك شكرا يا ستي
.......
=واد يا مصطفى ..انت يا ولا
_نعم يا حاجة
=ردت يا واد
_قالتلك ايه
=قالتلي تشرفوا فاي وقت
_يا رب تبقى رضا اللي فبالي
=ولا متهبلنيش معاك يعني ايه رضا اللي فبالي ..انت غلطان ف العنوان؟
_ما انتي مش هتفهميني
=ماشي يا اخويا ربنا يهديك ويكملك بعقلك
........
رُضا:انا اللي هقعد مع العريس
رِضا:لا أنا اللي هقعد معاه
رُضا:واشمعنى انتي
رِضا:واشمعني انتي انتي كمان
هدى:بس يا بت انتي وهي متكلوش دماغي ..احنا نعمل قرعة ونشوف مين اللي هتقعد
رِضا:خلاص انا هحلها ... هي قالتلك عايزة تخطب مين فينا
هدى:قالتلي رضا
رُضا:مهو حرام بردو أما خناقاتك اني و ستي تيجي على دماغنا ..احنا ذنبنا إيه إن ستي عايزة
تسمي رُضا وانتي عايزة تسمي رِضا
هدى:امال يعني اخليها تمشي كلامها عليا ..دا انا كنت هتطلق فيها اصل متعرفيش ستك .. ده لولا ستر ربنا وأنكم جيتوا تؤام كانت حصلت مصيبه
رُضا:والله انتو حواراتكوا كترت وانا مش فايقة ... بقولك ايه .. انا نقعد انا مع العريس علشان اتجوز واخلص منكم
رِضا:به به مقولنا هعمل قرعة ..
........
وجه اليوم المحدد للرقية ...
مصطفى :يا رب تبقى رضا اللي فبالي ..
سعاد:بس بقى دكتور ايه بس اللي دماغه لاسعة كده
...بعد ما راحوا ....
احمد:نورتونا والله
سعاد: ده نورك يا حاج
هدى:ازيك يا مصطفى ..
مصطفى: الحمد لله
سعاد:والله احنا يشرفنا أننا نطلب ايد بنتك الدكتورة رضا للدكتور مصطفى ابني
مصطفى وهو بيغمز لمامته: يا ماما رُضا
سعاد وهي بتبرقله :اسكت هاه .. اسكت
هدى:طبعا ده يشرفنا أننا نناسبكم
احمد:وانت تعرف رضا منين
مصطفى:معى معايا ف الجامعة هي صيدلة وانا طب بشري بس انا عمري مكلمتها انا بس اللي اعرفها حتى هي يمكن متعرفنيش
هدى:ده احنا يشرفنا .. ده سعاد صاحبتي من ايام المدرسة هههههههه ... بس فرقتنا الأيام بس لما اتجوزنا وكده ..
سعاد:إن شاء الله نبقى أهل يا حبيبتي
سعاد: أُمال فين العروسة
هدى:جاية اهيه بتلبس بس
....فى الاوضة .....
رُضا:بصي انا وانتي هنلبس نفس الفستان وانتي اخرجي الاول بالعصير ... وبعد شوية خشي دخلي الكبايات وانا اعمل القهوة وأخرج بيها ..اشطا؟
