رواية امتلكني بالاجبار الجزء الثاني الفصل الخاتمة
بعد سنه .
ادهم ابتسم بهدوء و هو بيلعب مع معاذ بحب . معاذ بصله و ضحك . مريم دخلت عليهم بضيق ./ادهم ودي معاذ لـ سهير عشان تغيرله .
ادهم هز رأسه بهدوء و شاله و مشي . ادهم رجع بعد شويه . و بص علي مريم اللي كانت متعمده تتجاهله .
ادهم حضنها من ضهرها بهدوء ./ممكن افهم زعلانه ليه .
مريم بتوتر ./و مين قالك اني زعلانه .
ادهم رفع وشها بهدوء ./يعني التكشيره دي مش زعل .
مريم ضحكت بكسوف و دخلت في حضنه ./ايوه زعلانه .
ادهم ضحك عليها بهدوء ./طب و اللي زعلان من حد يدخل في حضنه كده .
مريم طلعت بضيق ./يعني عارف اني زعلانه .
ادهم بهدوء ./ما هو مش منطقي تبقي انتي اللي غلطانه و تزعلي .
مريم زقته بخفه ./انا مش غلطانه .
ادهم بهدوء ./لا غلطانه لما تقفلي تليفونك و انتي مش معرفاني مكانك تبقي غلطانه . و بقالك اسبوع عامله فيها زعلانه و انا اللي المفروض ازعل مش انتي .
مريم ببراءة ./انت عارف ان اماني كانت محتجاني و تليفوني فصل من غير ما اخد بالي منه .
ادهم./انا مقولتلكيش متروحيش بس علي الاقل طمنيني عليكي و عرفيني مكانك .
مريم هزت راسها ببراءة ./اسفه .
ادهم ابتسم بخبث ./ما انتي عارفه نقطه ضعفي نظراتك دي .
مريم ابتسمت بدلع و دخلت في حضنه بهدوء ./ياسمين كلمتني و قالتلي أنها هتروح لـ اماني انهارده عشان تبقي معاها .
ادهم حرك أيده علي ضهرها بخبث ./كويس اوي عشان حجتك تخلص و متقوليش اصل اماني عايزاني .
مريم بعدت بضيق ./لا ما أنا عايزه اروحلهم .
ادهم حاوطها برفض ./انسي انا مروحتش الشركه انهارده عشان افضل معاكم و انتي تسبيني و تمشي انسي يا مريم .
مريم حاوطت رقبته بدلع ./ خلاص كل ده هيخلص بكره .
ادهم هز رأسه برفض ./انسي بردك .
مريم ببراءة ./عشان خاطري يا ادهم مش هتاخر عليك والله .
ادهم برفض ./اكلم وائل و اخليه يأجل الفرح يومين تلاته .
مريم ربعت ايديها بضيق .
ادهم عدلها بهدوء. /خلاص بلاش التكشيره دي . هوديكي بليل بس ساعتين يا مريم .
مريم دخلت في حضنه بسرعه ./حاضر والله .
ادهم حضنها و غمض عينه بهدوء ..و هو بيفتكر السنه اللي فاتت عليهم و أن مريم و ياسمين بقو صحاب اوي عكس ما كان متوقع .
مريم رفعتله وشها بشك ./في حاجه مضيقاك .
ادهم فتح عينه و هز رأسه برفض .
مريم ابتسمت بهدوء ./هروح اطمن علي الاولاد و انت خلص و انزل عشان نفطر سواء .
ادهم هز رأسه بهدوء . و مريم مشت .
_______________________________________
عند ياسمين .
محمد خرج من اوضته بهدوء ./حلو كده .
ياسمين بصتله بطرف عينيها . و ضحكت بهدوء ./ حلوه اوي عليك .
محمد ابتسم بهدوء ./ما هي عشان اختيارك طبيعي تكون حلوه.
ياسمين ابتسمت بهدوء ./انا جبت الفستان بتاعي انا و مي نفس اللون .
محمد حضنها بحب ./ربنا يخليكي لينا يا حبيبتي .
ياسمين اتنهدت بهدوء ./مين كان يصدق أن بعد كل ده يكون عندي اخ و معرفش . متهيقلي لو حد كان قالي مكنتش هصدق .
محمد ابتسم بهدوء ./خلاص يا حبيبتي انسي اللي فات . و ربنا يخليكم لبعض و يعوضكم ببعض انتو الاتنين .
ياسمين دخلت في حضنه بحب ./شكرا يا محمد انك كنت ليا الزوج و الاب و الاخ و كل حاجه ليا .
محمد غمض عينه بحب ./انتي اجمل حاجه حصلتلي يا ياسمين و هفضل احبك لاخر يوم في عمري.
ياسمين غمضت عينيها براحه و دخلت في حضنه اكتر .
______________________________________
وائل كان بيكلم اماني بفرحه . و هو مش مصدق انه في سنه واحده قدرت تملك قلبه و عقله و حياته كلها .
اماني اتنهدت بتوتر ./تفتكر اللي بنعمله مش هياثر عليك بعد كده .
وائل اتنهد بحب ./ايه اللي ممكن يأثر عليا في اني اتجوز اللي بحبها و بتحبني ده اسعد يوم في حياتي يا اماني .
اماني ابتسمت بحب ./صدقني يا وائل انا بحبك اوي . بس عشان بحبك خايفه اكون بحملك حاجه انت مش قدها . ليه تربي ابن مش ابنك . و ليه تتجوز واحده مطلقه .
وائل ضحك بهدوء ./اماني الفرح بكره يا حبيبتي . افهمي بقي اني بحبك و بحب فريد و عندي استعداد اعمل اي حاجه عشانك و عشانه . انتو عيلتي و ربنا يقدرني و اسعدكم .
اماني ابتسمت بدموع ./انت احسن حد شوفته في حياتي يا وائل .ربنا يقدرني و اسعدك .
وائل . /لا انتي هتعيطي و لا ايه . ده بكره فرحنا حتي .
اماني ضحكت بهدوء ./مريم و ياسمين جايين عندي انهارده .
وائل ابتسم بهدوء ./افرحي و اتبسطي معاهم و بكره السواق هيعدي عليكي يخدك انتي و فريد و يوديكم لـ الاوتيل اتفقنا .
اماني بهدوء ./اتفقنا يا حبيبي.
_________________________________________
ادهم شال عز بحب ./عاملي مقموص و سايبني و ماشي .
عز بصله بضيق و مردش عليه .
ادهم قعد و هو لسه شايله ./احنا مش اتفقنا أن انت الكبير و هما صغيرين . يعني انت اللي تخلي بالك منهم مش تضرب دنيا و تخليها تعيط.
عز بضيق. /ايوه بس هي اللي رمت اللعبه الاول .
ادهم بهدوء. /عشان صغيره و مش فاهمه حاجه . نبقي نعمل ايه لما تعمل كده . نبعد عنها شويه لو هتتعصب أو تلعب معاها . هي بتعمل كده عشان تضايقك و تلعب معاها .
عز هز راسه بهدوء . و ابتسم بفرحه لما شاف كاميليا دخلت . و جري عندها ./كاميليا جت .
كاميليا ضحكت و حضنته بهدوء ./حبيب قلب كاميليا انت .
ادهم ابتسم بهدوء ./امتحانك كان عامل ايه .
كاميليا هزت راسها بهدوء ./كويس . هطلع بقي عشان اغير هدومي و اشوف مريم .
ادهم هز رأسه بهدوء . و طلع وراها عند مريم .
ادهم دخل عند مريم و قعد قصادها بتعب ./دي مصالحه العيال طلعت اصعب من معاقبتهم .
مريم ابتسمت بهدوء ./صالحته .
ادهم هز رأسه بهدوء ./عملي فيها مقموص حبه بس اتصالح علي طول .
مريم ضحكت بهدوء ./عز طيب بيتضحك عليه بكام كلمه .
ادهم ابتسم بهدوء ./شدي حيلك كده عشان نجيب اخت تاني لـ دنيا .
مريم بصتله بتحذير ./انت تشيل الموضوع ده من دماغك خالص . انا لولا أن كاميليا و الناني بيسعدوني انا مكنتش هقدر عليهم .
ادهم بخبث ./و مالو يا حبيبتي يساعدوكي تاني عادي .
مريم هزت راسها برفض ./انسي يا ادهم . انا كفايه عليا انت و عيالك و كاميليا .
ادهم ابتسم بخبث ./بكره نشوف .
مريم غمضت عليها بضيق من كلامه . و ابتسمت بهدوء لما افتكرت فرحته بـ معاذ يوم ما اتولد .
________________________________________
عند اماني . كانت ياسمين و مريم وصلو عندها من وقت طويل .
مريم ضحكت و هي بتقلد ادهم ./ساعتين و هاجي اخدك .
اماني ضحكت بهدوء ./ما هو حقه يا مريم . من ساعة ما ولدتي و انتي مشغوله مع معاذ و قبلها كنتي تعبانه في فترة حملك . مستكتره عليه يوم يقعده معاكي من غير ما تنشغلي عنه .
ياسمين هزت راسها بهدوء ./اماني عندها حق . بس مفيش مانع لو سبته شويه ما هو فرح صحبتك بردك .
مريم . /اهو شوفتي حتي اخته بتقولي عادي .
اماني بهدوء ./ انا عن نفسي مش ورايا حاجه النهارده . ده المفروض تسيبوني لوحدي عشان اعرف انام قبل دوشة بكره .
ياسمين بضحك ./هي دي منظر عروسه فرحها بكره . نوم ايه يا بنتي .
مريم بضيق مصتنع ./اماني شكلها مكنتش عايزانا . و عموما انا جايه عشان اخد فريد .
اماني اتنهدت بهدوء ./مريم مش هوصيكي علي فريد . خلي بالك منه و انا هحاول مطولش عليه .
مريم ابتسمت بهدوء ./ والله متخفيش عليه هيبقي معايا و مع الاولاد . و كل يوم هخليه يكلمك اتبسطي انتي و متنكديش علي جوزك بقي.
ياسمين ابتسمت./انتو هتقلبوها نكد لا روقي كده ده انتي عروسه .
اماني ضحكت بدموع . و فضلو قاعدين مع بعض .
_________________________________________
تاني يوم ...
ادهم حضن مريم من ضهرها بحب ./انا شايف أن بلاش نروح الفرح انهارده .
مريم لفتله بضيق مصتنع ./ و يهون عليك زعلي.
ادهم اتنهد و ابتسم بهدوء ./لا طبعا .
مريم دخلت في حضنه بهدوء ./كل يوم بنام و انا خايفه ليله واحده تتكرر من اللي حصلنا زمان .
ادهم اتنهد بتعب و حضنها بحب ./اللي حصلنا زمان انتهي يا مريم خلاص . بلاش خوفك يتملك منك تاني . دلوقتي عايزين نعيش حياتنا و لـ اولادنا صح .
مريم هزت راسها و ابتسمت بهدوء ./ ربنا يخليك لينا يا ادهم .
ادهم ابتسم و خرجها من حضنه بهدوء ./و يخليكي ليا يا اجمل حاجه في حياتي .
مريم ابتسمت بهدوء ./ طيب مش يلا عشان هنتاخر كده .
ادهم هز رأسه بهدوء ./يلا يا حبيبتي.
--------------------------------------------------------------------
في الفرح .
اماني ابتسمت بتوتر . وائل مسك ايديها و ابتسم بهدوء ./كفايه توتر بقي .
اماني هزت راسها و اتنهدت بهدوء ./ مش عارفه هروح من غيره ازاي .
وائل ابتسم بحب ./والله يا حبيبتي من بكره هجبهولك و ينام في حضنك كل يوم بس انهارده اهدي كده . في حد يبقي عامل كده في فرحه .
اماني ابتسمت بهدوء و مسكت ايده بحب ./ربنا يخليك ليا يا حبيبي.
وائل باس ايديها بحب . و وقف حضن ادهم بحب .
مريم حضنت اماني بفرحه ./ اجمل عروسه شوفتها الف مبروك يا حبيبتي .
اماني ابتسمت بهدوء ./الله يبارك فيكي . فريد فين .
ادهم ابتسم بهدوء ./ركزي في فرحك يا عروسه و فريد معانا متقلقيش و هنجبهولك في اخر الفرح .
اماني اتنهدت براحه لما شافته من بعيد . و هزت راسها بهدوء .
ادهم سحب مريم من ايديها و مشيو .
مريم ابتسمت بفرحه ./ياسمين جت اهي هي و محمد .
ادهم ابتسملهم من بعيد ..لحد ما قربو عليهم . و سلمو علي بعض .
ادهم ابتسم بحب لـ مي ./ايه يا مي مفيش حضن لـ خالو .
مي هزت راسها ببراءة و حضنته بسرعه .
محمد ابتسم بهدوء ./دي مصدعانا من امبارح . مورهاش سيره غير عايزه اشوف خالو عايزه اشوف خالو .
مريم ابتسمت بحب ./ما هو لو تسيبهولنا يومين كده .
ادهم باس مي بحب ./دي حبيبة خالها .
مريم شاورت على الترابيزه اللي قدامهم ./فريد و دنيا و عز هناك روحي العبي معاهم .
مي هزت راسها بفرحه و مشيت .
ياسمين ابتسمت بهدوء ./ هنروح نسلم علي العرسان و نجيلكم .
ادهم هز رأسه بهدوء . و محمد سحبها من ايديها و مشيو .
مريم ابتسمت بهدوء ./اخيرا قدرنا نتهني بحاجه بعيد عن دوشة العيال.
ادهم ابتسم بهدوء ./لا و هما مش معانا خالص .
مريم هزت راسها بهدوء .
ادهم سحبها لحضنه بخبث ./علي ما اعتقد ان علي بال ما نروح هيكونه تعبو و نامو مش كده .
مريم بعدت أيده بتوتر ./ ادهم الناس .
ادهم سحبها لحضنه بضحك ./يا حبيبتي انتي مراتي والله .
مريم ربعت ايديها بضيق مصتنع ./ ادهم .
أدهم ابتسم بهدوء ./ لا افردي وشك انا مش قد زعلك ده .
مريم ابتسمت بهدوء ./ طب بس بقي عشان ياسمين جايه .
ادهم تمتم بضيق ./هو انا و لا اعرف اكلمك هنا و لا في البيت .
مريم ضحكت عليه بهدوء . ياسمين قربت منهم بخبث ./شكلنا كده قطعنا حديث مهم .
ادهم ابتسم بخبث ./مهم اوي .
مريم ابتسمت بتوتر ./لا عادي احنا مكنتاش بنقول حاجه .
محمد ابتسم بخبث . و حاوط وسط ياسمين بهدوء ./لا شكلنا قطعنا عليهم فعلا .
ادهم هز راسه بموافقة ./ انت بتفهم صح علي فكره .
محمد ضحك بهدوء./طب يلا يا حبيبتي نروح نرقص عشان نسيب عصافير الكناريا مع بعض شويه .
ياسمين ابتسمت بهدوء ./يلا يا حبيبي .
و مشيو . مريم بصت لـ ادهم بضيق ./عجبك كده احرجتني .
ادهم ابتسم بحب ./ يلا نرقص يا حبيبتي.
مريم بصتله بطرف عينيها بضيق . ادهم ابتسم بهدوء ./لا يا حبيبتي انا مش بديكي وقت تفكري يلا .
و سحبها من ايديها بسرعه و راحو يرقصو .
---------------------------------------------------------------------
فات شهر . كله احداث جميله علي ابطالنا .
ادهم كان قاعد في الشركه بضيق و مستني مريم تكلمه . بس اليوم عدي من غير اي مكالمات منها . و فضل قاعد لـ نص الليل . و بعدين مشي بضيق .
بعد شويه كان ادهم وصل و كان كله نايم . ادهم طلع اوضتهم و اتنهد بضيق أن مريم مكلمتوش و لا فضلت صاحيه .
ادهم دخل اوضته و شغل النور . و بص علي السرير اللي كان فاضي باستغراب ./اومال مريم فين .
ادهم فضل يبص حواليه باستغراب . لحد ما مريم دخلت الاوضه بهدوء ./ادهم انت جيت .
ادهم اتنهد بضيق ./اه كنتي فين .
مريم ./كنت مع معاذ صحي من شويه و كنت بنيمه .
ادهم هز رأسه بهدوء و دخل الحمام . مريم فضلت تبص عليه بخبث لحد ما طلع . ادهم بص عليها بهدوء و قعد علي السرير . مريم قعدت جمبه بخبث ./في حاجه حصلت في الشغل يا حبيبي .
ادهم هز راسه برفض . مريم بهدوء ./اومال مالك مضايق ليه .
ادهم بضيق ./مفيش . مريم مسكت ايده بـ براءة ./يمكن مثلا عشان فاكرني ناسيه عيد ميلادك . ادهم بصلها بهدوء ./يعني فاكره . مريم هزت راسها بحب ./اكيد طبعا فاكره هو انا ممكن انسي يوم زي ده .
ادهم ابتسم بهدوء ./اومال ايه عدم الاهتمام ده .
مريم ببراءة ./يمكن عشان اضايقك شويه .
ادهم قربها منه بهدوء ./طب و انتي قد اللي عملتيه ده .
مريم ابتسمت ببراءة و دخلت في حضنه بهدوء ./كل سنه و انت معايا يا احلي حاجه في حياتي .
ادهم ابتسم علي برائتها و شدد علي حضنه منها بحب . لحد ما راحو في النوم .
تمت .
