رواية يعني عايزة تقنعيني ان ممثل مشهور زيه جاي الفصل الاول
(الفصل الاول)
يعنى عايزه تقنعينى انه ممثل مشهور زيه جاى من تركيا مخصوص عشان قولتيله زهقانه يا مراد تعالا نتفسح كام يوم بس عشان اصحاب ؟؟؟! شغلى دماغك بالله عليكى دا حتى اتعلم اللغه العربيه عشانك وكمان اللهجه المصريه وبقا بيتكلم زينا بالظبط . كل دا وتقوليلى انكم اصحاب وانك مش بتحبيه ولا هو بيحبك؟! دا حتى المفروض انه بيصور مسلسل حاليا و المسلسل اتشهر جدا والريتنج بتاعه عالى يعنى شغله مهم جدا وكل يوم مهم بالنسباله . فكرى ولو للحظه
- يوووه يا سمر انتى عارفه انا عندى كام صديق وعارفه كام شخص اعترفلى بحبه ؟! يعنى حتى لو مراد بيحبنى ف هيترفض زى اى شخص تانى . افهمى بقا انا مش عارفه احب اى حد
× طيب و طه الى لما رحتى بلد جدتك كان خالك معاكى فكل خطوه عشان البلد هناك مش امان و طه جه معاه . دا انتى بنفسك قولتيلى انه من سعت م شافك ومقدرش ينزل عينه من عليكى طول اليوم
- عادى يا سمر هو بس كان عاجبه شكلى زيه زى ناس كتير و بعدين انا مشفتهوش غير مره واحده . ازاى هيحبنى من يوم واحد ؟! بقولك اييي انا مليش دعوه بحوارات الحب و الكلام دا . انا واحده عايشه حياتها براحتها و مش ناقصنى حاجه
(اسمى رينا عندى ٢٦ سنه . متخرجه من كليه الطب ف احسن جامعه ف بريطانيا و اتدربت عند كذا دكتور مشهور بس عمرى م اشتغلت بعد التخرج . اصل انا مش محتاجه الشغل . تقدرو تقولو دخلت الكليه ك هوايه مش اكتر . بابا واحد من اغنى رجال الاعمال فالعالم . كل حاجه بعوزها بتجيلى فنفس الوقت دا غير انه حنين جدا معايا وعمرى م بخبى حاجه عنه . عايشه حياتى و بخرج مع اصحابى . كل يوم اصحاب شكل . كذا شخص اعترفلى بحبه بس كنت برفضهم كلهم . اصل كلهم بيحبونى عشان شكلى . مش عشان شخصيتى . سمر دى بقا بنت الداده . الداده مربيانى من وانا طفله و بعتبر سمر كأنها اختى وعايشه معايا هى و الداده فنفس القصر . كلهم نفسهم يشوفونى عروسه بس انا مش بعرف احب حد . ايوا متستغربوش مش بعرف احب اى حد . عرفت ناس كتيير ومع ذلك عمرى محسيت بأى حاجه ناحيه اى حد فيهم )
-ايوا يا مراد . هتيجى بكرا ؟ ماشى مستنياك . هنتفسح فسحه جامده . صحيح هو ازاى انت هتسيب المسلسل بتاعك والمفروض ان كل يوم عليك تصوير ؟!
= اخدت اسبوع اجازه وقلت اتفسح معاكى شويه بس مينفعش اطول اكتر من اسبوع عشان التصوير وكدا
-مااشى هو اسبوع حلو بالنسبالى . باى
اليوم الى بعدو صحيت و فضلت اقرأ فكتب الطب شويه كالعاده لغايه لما وصلتنى رساله من مراد
" انا فالمطار دلوقتى . هتيجى تستقبلينى ولا اى . المفروض انى مشفتكيش بقالى ٣ شهور و ٢٠ يوم "
"كمان حاسبهم بالايام ؟ مش هعرف اجى استقبلك انت عارف اد اى انا مشغوله . هبعتلك الشوفير يجى ياخدك ويوصلك للقصر "
شاف الرساله ومردش ف اعتبرت ان دى موافقه منه
فعلا كان فظرف نص ساعه عندى فالقصر
= بصى انا جيت بس عشان اسلم عليكى . انا هنزل ف اوتيل قريب من هنا لكن طبعا مش هينفع افضل هنا فالقصر
شديته من دراعه
- تعالا بس دا انا اخترتلك احسن اوضه ضيوف عندنا
وقتها بابا كان نازل من فوق
مراد اتوتر
= عمى متفهمش غلط انا قلت ل رينا ان ميصحش افضل هنا بس هى مصره . انا هاخد شنطى و هروح ل اقرب اوتيل زى م قلت ل رينا
فجأه بابا ضحك
مالك اتوترت كدا ليه و وشك بقا احمر . متقلقش بنتى رينا بتحكيلى كل حاجه ومش بتخبى عليا اى حاجه وانا اصلا واثق فيها و مربيها صح ف سايبها تعمل الى عايزاه . هى صحيح اول مره تعزم حد من اصحابها انه يبات ف القصر خصوصا لو اكتر من يوم بس عادى متقلقش مفيش مشكله عندى . نورت
و حط ايده على كتف مراد
انا مضطر امشى عشان ورايا ميتنج مهم . مع السلامه يا ولاد
- باى يا بابا
- شفت ازاى بابا لطيف
= فعلا لطيف وغريب فنفس الوقت
-طيب يلا بقا تعالا اوريلك اوضتك
= هو انتى فعلا اول مره تعزمى على حد انه يبات عندكم فالقصر ؟
- انا عزمتك عشان انت مشهور وكدا والناس هتعوز تتصور معاك و الصحافه تمشى وراك و موال كبير . فهمت بقا انى عزمتك عشان مش عايزه وجع راس من الصحافه
سكت ٥ دقايق
= تمام .. فهمت
سبته باقى اليوم يرتاح
* وقت العشا*
× يا رينا مراد مش راضى ينزل يتعشى معانا . بيقول انه هيتعشى ف اوضته
- عادى يبنتى يمكن مش بيحب ياكل قدام حد . ولا انتى حبتيه يا سمر 😉
× بس يهبله انا بس جيت اقولك الى ماما قالتهولى وبعدين انا مشفتهوش غير المره دى بس
- بس اعترفى انه عجبك هاا 😉 الواد مز بصراحه . يلا بقا ربنا يهنى سعيد ب سعيده
ضربتنى على كتفى
× بطلي هبل بقااا يا رينا قولنا مفيش الكلام دا
- طيب ماشى سيبيه ياكل ف اوضته براحته احنا كمان هنقوله معلش تعالا اتعشى معانا ؟!
×عندك حق ...
*اليوم الى بعدو*
صحيت ٨ الصبح كالعاده
- اى يا سمر هو مراد لسا مصحيش ولا اي
× ايوه لسا نايم
-هما الممثلين المشهورين كسالى ؟! انا افتكرته هيصحى قبلى
× هقول ل عم حسن يصحيه و يحضر الفطار بالمره
-لا انتى قوليله يحضر الفطار وانا هصحيه
سمر بصتلها ب استغراب
- يلا يا سمر عايزين نفطر بقاا
رحت ناحيه الاوضه الى هو نايم فيها
خطبت ٣ مرات بس مردش
انا هدخل بقا وامرى لله
دخلت وفتحت الستاير
و رحت عنده وبدأت اهزه
- قوم يا كسوووول قوووم
بردو مردش عليا ولا كأنى بهزه حتى
رحت جبت كوبايه ميه ساقعه و كبيتها على وشه
قام مفزوع
=فيه ايي اى حصل . فيه حد مات؟!
بعدها بصلى و استوعب الموضوع
كنت وقتها ميته على نفسى من الضحك
= طيب بذمتك حد يصحى حد من النوم كدا وبعدين ازاى تدخلى اوضتى وانا نايم . فين الخصوصيه يا هانم
- انا خبطت ٣ مرات و انت مردتش
بصيت عليه وقتها عشان اكمل كلامى بس استوعبت انه مش لابس قميص او تيشرت حتى
بصيت للناحيه التانيه بسرعه
- انت نايم كدا ليه
= عادى انا بحب انام كدا انتى مالك
-طيب انا خارجه
= ياريت
رحت عند السفره
صحيتيه و عملتى الى فدماغك ؟!
- بس بقا يبنتى دا انا اتكسفت حته كسفه . دا مكنش لابس قميص ولا تيشرت حتى
سمر قعدت تضحك
تستاهلى عشان تسمعى كلامك تانى مره
وقتها طلع برا عالسفره
= معلش اتأخرت عليكم
وفنفس الوقت بابا جه
احلى حاجه بحبها ف يومى هى لمتنا وقت الاكل
عامل اى يا مراد ارتحت فنومك ؟
= اه تمام يا عمى
وبصلى
=بس فيه عصفوره كدا فضلت تزن على دماغى وصحتنى بالعافيه
وقتها بصيت فالارض 😂😂
وبابا كمان فهم و فضل يضحك
واحنا بنفطر جه ل بابا اتصال مهم
تمام هسافر امريكا بكرا . لا متأجلوش الميتنج . المشروع دا مهم جدا بالنسبالى وعايز اخلصه ف اسرع وقت . سلام
- بابا انت هتسافر ولا اى
معلش يا حبيبتى انا عارف ان وعدتك افضل الاسبوع دا ف مصر بس المشروع دا مهم بالنسبالى
-ولا يهمك يا بابا
كملنا اكل و بعدها ب ١٠ دقايق بالظبط رن موبايل بابا مره تانيه
ايوه يا ماما . عايزه رينا تيجى تزورك ؟ انا قولتلك يا ماما كذا مره تيجى تعيشى معانا فالقصر بس انتى الى مصره تعيشى فالبلد . طيب ابعتى اخو ريهام ( مامت رينا ) عشان يكون معاها فكل خطوه عشان البلد عندكم مش مضمونه
- فيه اى يا بابا
يا رينا جدتك بتقول انك مزورتيهاش من بدرى وانك لو مرحتيش النهارده تزوريها ف هى هتفضل غضبانه مننا لغايه متموت . هى هتبعت عبدالرحمن يجى عشان يكون معاكى فكل خطوه وانتى هناك
-مش لازم يا بابا انا هيكون معايا مراد . مراد هتيجى معايا صح
= اه طبعا . مفيش داعى يا عمى تخليه يجى
-انتو متعرفوش البلد دى ازاى ناسها وحشين ف خليه يروح معاكم احسن
-ماشى يا بابا طالما هتكون مرتاح
خلصنا فطار و بابا سافر الساعه ١٠ الصبح . استنيت للضهر انا ومراد عشان عبدالرحمن يجى لان بابا مرضيش يخلينا نتحرك من غيره وانا وعدته هروح معاه
عالضهر عبدالرحمن بعتلى رساله
" معلش يا رينا بس انا مش هعرف اجى . جالى مشوار مهم ف اخر لحظه . انا بعت رساله لاصحابى الى بثق فيهم عشان اشوف مين فيهم فاضى يجى معاكى مكانى و طه قال انه مستعد يجى معاكى "
× مش مشكله يا رينا خلي طه يجى معاكم وخلاص
فعلا طه جه و رحنا بلد تيته
زورتها و قضيت معاها اليوم . مراد و طه كانو مستنين برا بيت تيته مرضيوش يدخلو
+ انت تعرف رينا منين ؟! حاسس انى شفتك ف مكان قبل كدا
=اه انا ممثل . عارفها من 7 شهور تقريبا
+ اها
= انت متضايق من حاجه؟
+ لا ابدا بس الاحسن انك تبعد عنها
= ليه . هى بتعض ؟!😂😂😂
+ يخربيت رخامتك ياخى
= وبعدين بصفتك مين بتقولى ابعد عنها . دا انت صاحب خالها مش اكتر
+ هكون خطيبها وجوزها المستقبلى ان شاء الله
مراد فضل يضحك عشر دقايق متواصلين
+ اى الى بيضحك للدرجه دى
= اصل انت شكلك متعرفش رينا كويس . انت شفتها مره واحده بس صح
+ اه قابلتها مره واحده بس عرفت ازاى
= اصل فيه كتييير زيك كدا حبو رينا عشان شكلها بس . حبوها من اول مره قابلوها فيها يعنى بس كلهم كان مصيرهم الرفض
+ معتقدش هترفضنى . انا صحيح مش غنى زيها و بشتغل شغل بسيط بس انا هبهدل نفسى فالشغل طول اليوم عشان احققلها الى هى عايزاه
= صدقنى حتى لو بهدلت نفسك واشتغلت ٢٤ ساعه مش هتقدر تحققلها حاجه . المرتب الى انت بتاخده فالشهر رينا بتصرفه ف يوم او نص يوم كمان . وبعدين ليه متأكد كدا انها مش هترفضك ؟ انا مش بحبطك بس رينا مش هتقبل ب وضعك الا لو بتحبك جدا . و هى للاسف مش بتحبك
+ طيب ماشى ... انا هروح نص ساعه اجيب كام طلب للبيت وجاى
قضيت اليوم مع جدتى و بعدها بصيت فالساعه كانت ١٠ بالليل
= يا رينا باباكى منبه عليا ان اوصلك البيت بدرى خصوصا ان لسا الطريق طويل
- متخافش يا مراد . طه موجود وانت كمان موجود وبعدين البلد اهى عاديه اومال بابا ليه مخوفنى منها
رحنا لاقرب نادى من بيت تيته نقعد فيه شويه
- اخلع الكاب دا يا مراد . حرام عليك لابسه طول اليوم
= اصل فيه واحده قالتلى انها مش عايزه وجع دماغ من الصحافه
- انت زعلت منى وقتها ؟ انا اسفه بجد يا مراد . اخلعه بقا اكيد اتصدعت منه
بعدها بنص ساعه جت بنت ناحيتنا
¥ هو انت الممثل مراد ف مسلسل رائحه الفراوله ؟؟!
ابتسم = ايوه
¥ متتصورش انا بحبك اد اى . انت امور و تمثيلك حلو اوى
=شكرا دا من زوقك
¥ ينفع اتصور معاك صوره
= اه طبعا
صورتهم و بعتلها الصوره
¥هو انت ازاى بتتكلم عربى
= اتعلمت العربى عشان صحبتى الى شايفاها جمبى دى . تقدرى تقول انى بعتبرها بيست فريند
¥ ينفع اخد صوره معاكم انتو الاتنين
- انا معنديش مانع عادى
= تمام يلا نتصور
وفعلا اتصورنا وبعتلها الصوره بعدها مشيت
- اى الزهق دا بقااااا
تعالا نلعب صراحه . اهى زجاجه ميه هنلفها و نلعب الصراحه التقليديه
الزجاجه لفت وكان قمتها عند رينا و قاعها عند طه
- عمرك حبيت ؟
طه فرح لان فالعاده السؤال دا لما حد بيسأله بيكون مهتم يعرف انت بتحب حد او لا
+ ايوه
لفو الزجاجه تانى وكانت قمتها عند طه وقاعها عند رينا
+ عمرك ارتبطتى ؟
- بص لو قصدك ارتباط غير رسمى زى الارتباط الى طالع موضه الايام دى ف لا انا رافضه الفكره دى لانى شايفه ان اقل حاجه يقدر الواحد يعملها عشان يثبت انه فعلا بيحب البنت انه يدخل البيت من بابه . وبعدين انا اصلا لا برتبط رسمى ولا غير رسمى
لفو الزجاجه و كان قمتها عند رينا وقاعها عند مراد
- اى اصعب احساس ف وجهه نظرك
= اصعب احساس انى اكون بحب شخص جدا بس هى شايفانى مجرد صديق . شايفانى واحد بتتسلى وتضيع وقت معاه وخلاص . اكون شايفها بتهزر وتضحك وتخرج مع غيرى و اسكن ومقدرش اعمل حاجه . مقدرش اقولها عالحقيقه لانى خايف اخسرها
وقتها رينا حست انه بيتكلم عليها
٥ دقايق صمت
بعدها مراد قام من مكانه وضرب شاب بالقلم لدرجه انه وقع عالارض
= بتصورها ليه ها ؟! وكمان من غير اذن منها حتى ؟!!! دا اى البجاحه دى
رينا قامت ومسكت ايد مراد
- سيبه يا مراد انا عادى معنديش مشكله ان حد يصورنى وبعدين انت بقيت اوفر وبتتدخل فحياتى جامد وانت حتى ملكش الحق . مراد احنا اصحاب وبس ولا يمكن نكون غير كدا . انا مش بحبك يا مراد مش بحبك افهم بقا
وقف دقيقتين كأنه مصدوم بعدها سابهم ومشى
بعدها فجأه قام طه و وقف على ركبته ( زى الافلام )
وطلعلها خاتم فضه
+ تقبلى تتجوزينى يا رينا ؟ لو وافقتى ف انا هروح من بكرا اتقدم لباباكى رسمى . و اوعدك ان هبهدل نفسى فالشغل كل يوم عشان اقدر احققلك الى عيزاه
مع ان رينا رفضت شباب كتيير الا انها حست ب احراج . مكنتش عايزه تحرج طه خصوصا انه اقل منها بكتير فالمستوى و كانت خايفه انه يفتكر انها رفضته عشان مستواه بس هى فالحقيقه رفضته عشان مش بتحبه
مشيت وسابته ومشيت وهى بتعيط
مكنتش عارفه بتعيط ليه
بس ليه لازم يوم حلو زى دا ينتهى كدا
مسكت تليفونها و رنت على مراد بس كان موبايله مغلق
بصت حواليها شافت انها فمكان غريب
فيه ناس سكرانه فكل حته وفيه زباله فكل مكان . كانت خايفه جدا بس كملت مشى على امل انها تلاقى مخرج
فجأه حاوطها مجموعه من الشباب السكرانين وبينهم واحد بيقولهم
₩ هى دى البنت الى صورتها فالنادى يجدعان . شايفين جامده ازاى
€ عندك حق متيجى معانا يا قطه
خافت جدا وفضلت تجرى بس الكعب اتكسر
خلعت الهيلز من رجلها و فضلت تجرى وكان فيه زجاج فالارض دخل فرجلها
مسكت موبايلها و اتصلت بمراد . بردو مغلق
بعتتله رساله صوتيه وهى بتعيط جامد
"مراد الحقنى يا مراد انا فمكان غريب وحواليا ناس غريبه . بيجرو ورايا و رجلى دخل فيها زجاج ارجوك تعالا انقذنى "
كانت لسا هتكمل كلامها بس واحد فيهم اخد منها تليفونها
