رواية المجنون العاقل الفصل العاشر بقلم جمانه السعيدي
بكر...هذا اليوم ابد ماحسيت شلون خلص
كنت سعيد الدرجه ماحسيت بلوقت ابد بعد ما طلعت شهد وعمتها منير جابلي الجوازات كامله
اخذتهن وخليتهن بلمكتب
رجعت للبيت تغديت ونمت كعدت المغرب على صوت حنان تقري بحمودي حمودي السنه ثاني ابتدائي
غسلت وصليت وطلعت كعدت بلحديقه
لان حنان جاي اجهز الاكل تعشينا وشربت جاي
رجعت حنان تقري حمودي والتلفزيون مشتغل طالع مسلسل
حنان تباوع شويه وتقري حمودي شويه
طلعت كعدت بلحديقه طلعت تليفوني
رقم شهد انطيته اتصال
اول رنه ماردت والثانيه الحجيه كالت الووو
بكر...شلونج يمه انشاء الله زينه
الحجيه...هله ومرحبا هله بيك منو انت
بكر...اني بكر من الجوازات الصبح جنتو يمي
الحجيه....هله يمه هله بيك شلونك
بكر...الحمد لله بس حبيت اطمنكم الجواز كمل وباجر يوصلكم
الحجيه...الف رحمه على والديك انشاء الله بميزان حسناتك
بكر...هذا رقمج حجيه لو رقم شهد
الحجيه....لا هذا رقمي احنا ماعدنا بس هذا التليفون بلبيت
نخلص بي شغلنا شهد ماعدها تليفون
بكر...اي هاي هي باجر الجواز عندج
الحجيه...رحمله والديك مشكور
جمانه السعيدي
بكر سديت التليفون توقعت شهد ترد عليه
بس عجبتني اكثر لان ماعدها تليفون ولا ترد على رقم غريب
ثاني يوم طلعت متأخر تقريبا تسعه ونص
كبل رحت على العنوان الي اخذته من شهد تقريبا نص ساعه او ٤٠ دقيقه يله وصلت
من دخلت بلشارع اتصلت
بكر...صباح الخير حجيه
...هله يمه هله بيك
بكر...خل تطلع شهد لان مااعرف بيتكم وين بلضبط
...اي هسه تطلع عليك
بكر...وكفت بنص الشارع منطقه شعبيه واغلب البيوت قديمه
بقيت واكف شويه طلعت شهد لا بسه حجاب وعبايه
فتحت الباب
كانت قريبه شغلت السياره ورحت عليها
نزلت واني بكامل قيافتي العسكريه
بكر...صباح الخير
شهد...صباح الخير ليش كلفت نفسك وأنت جاي
علينا ولله هذا هواي علينا
بكر..لا مو هواي هاي الأصول .مو كتلج اني اعرف ابوج
شهد...بس ماكتلي وين تعرفه اني هم احس شايفتك هوواي بس وين مااذكر
بكر...بس اني اذكر اني داخل بيتكم وماكل وشارب عدكم
شهد...لا ماكو هيج شي يعني مو الهلدرجه
بكر...ماكل وشارب ونايم وسابح بيتكم بعد شتريدين
شهد...لا جاي تضحك عليه لان اكول اني شايفتك
بكر...طبعا هاي الوكفه بلباب موحلوه ممكن اتصل عليج
واكولج اني شلون داخل بيتكم وماكل من زادكم
شهد....اذا تتوقع اني ارمله ووحيده وماعندي احد تكون غلطان مو لان ساعدتني علمود الجواز
تتخطى حددوك وياااا
شكرا لان ساعدتني ولحد هنا وكافي
اني مو من هذا النوع شوف غيري
بكر...ولله مجاي اجربج اني كنت عايش بيتكم لمدت شهر كامل وجنتي انتي تخلين الاكل كدامي
اني اكثر واحد اعرف اخلاقج من جنتي بنيه
مو هسه من كبرتي وصرتي ارمله
شهد....هذا الكلام مايمشي عليه فهمت لو لا
بكر...اكو مجال ادخل بيتكم واحجي وياج لو تقبلين
اتصل عليج واحجيلج اني شلون داخل بيتكم قبل ١٧ سنه
تقريبا انتي اختاري المكان والوقت الي يعجبج
شهد...انت عود تحجي صدك لان راح تخبلني بكلامك لو تريد تضحك عليه
بكر...انتي اصدكين اذا حلفت بلأمام علي مو انتم الشيعه تحلفون بلامام علي
جمانه السعيدي
شهد...وشعرفك اني شيعيه
بكر...مو كتلج اني اعرفج واعرف اهلج
شهد...بدون حلفان لان الي يحلف بلامام علي جذب ماتعرف شيصير بي
بكر...مكالمه وحده واذا ماعجبج كلامي احضري اسمي من التليفون واني بعد مراح ازعجج نهائيا
شهد...نشوف يكولون المي يجذب الغطاس
بكر...خلاص اتفقنا اتصل عليج بليل ونحجي
شهد...تمام
بكر...تفضلي هاي الجوازات
شهد...شكرا تعبناك
بكر...تعبج راحه
بكر صعدت ورجعت للدائره شكد فرحان لان رجعت شفتها مره ثانيه
بعمري مافكرت اني وياها ممكن ننجمع بعد كل هاي السنيبن
شكد عنيده وقوبه لو وحده غيرها جان كالت اي خل اصادقه واخذ منه فلوس اني شخسرانه
بس شهد غير اني من اول مره شفتها حسيتها غير
كملت الدوام ورجعت للبيت
حنان...هلو حبيبي
بكر...هلو ام حمودي
حنان...من البارحه احسك مو على بعضك ليش
بكر...شلون يعني
حنان....صافن وسرحان وتضحك بينك وبين نفسك
رغم اني ماجنت اشوفك هيج
من يوم ازوجنا لليوم وانت عابس والكلمه تطلع منك بلكوه
بكر...مافهمت شنو تردين بلضبط
حنان...لا بس ضحكنا وياك خل نعرف شنو الشي الي جاي يضحكك
بكر...بطلت بعد مااضحك ارتاحيتي
راح ادخل أنام لحد يكعدني
دخلت نمت بلغرفه وللمغرب يله كعدت
سبحت لبست تراكي وصليت كعدنا نتعشى كملنا
حنان..اريد اروح الأختي ام زيد شويه باجر حمودي ماعنده دوام
بكر...اي بدلي اوصلج
وصلتها البيت اختها ورجعت طاير للبيت حتى احجي ويا شهد براحتي
بس وصلت رنيت عليها
شهد ...الووو
بكر...هلو شهد شلونج
شهد...الحمد لله
بكر...فارغه نحجي
شهد...بس اكلك ليكدام اي تجاوز ممنوع تحاول تحجي حجي زايد ممنوع تحاول تالف قصه تضحك عليه بيها
احضرك واذا حاولت تتواصل وياي
اروح افضحك بلدائره فهمت لو لا خاف عبالك ارمله ووحيده وكلت فرصتي اضحك عليها
لو اجرجرها بلكلام اني اهم شي عندي سمعتي وعرضي
فهمت لو لا
بكر..على كيفج مو هيج الحجي
اني اذا اريد وحده اتسلى بيها عبالج شنو قحط نسوان
يوميه كم وحده بوحده تعرض نفسها عليه
وتتوسل بس كون اقبل بيها شي موظفات وخريجات
وشابات بلعشرين
يعني معقوله اعوف ذني كلهن واركض وراح
مو كتلج اني اعرفج واعرف عائلتج
شهد...زين احجي شلون تعرفني وتعرف عائلتي خلصني
بكر...الضاهر كلامي وياج سببلج ازعاج اني اسف
راح أسد التليفون وبعد مااتصل نهائيا
شهد...اني وضعي مايقبل احجي ويا اي واحد واخذ وانطي
اني عندي خوان مااريد انزل راسهم
ولله شنو كاعده بعيد عنهم اللعب بكيفي
بعدين اني كل هذا الوقت محافظه على نفسي
مااريد اي احد يجي يضحك عليه ويضيع كلشي
جمانه السعيدي
بكر...زين اهدي وسمعني زين
شهد...اسمعك احجي
بكر....اني داخل بيتكم سنة ٩٣ وماكل وشارب بيتكم
شهد ...شلون فهمني شخصيه مثلك شلون دخل بيتنا
اريد اعرف
بكر...اي مو بهاي شخصيتي بغير شخصيه
شهد.شلون يعني غير شخصيه جنت متنكر مثلا
..منو قصدك ابو اركان اعرفه زين لو سامي الحداد
مات من زمان لو سالم لو جمعه المخبل اعذرني
ذوله اكثر ناس كانو يدخلون بيتنا بذاك الوكت
بكر....جمعه المخبل
شهد...شنو شنو شنو جمعه المخبل انت تضحك عليه
مو كتلك لا تستهزء بعقلي
بكر...اني جمعه المخبل اني كنت امثل دور جمعه المخبل
شهد...نشغت وضربت صدري يمه تحجي صدك
بكر...اي الدوله كلفتني بمهمه اجسس على العالم
شهد...لا يانذل دخلت بيتنا واكلت من زادنا وانت تضحك علينا صدك انسان ناقص
روح الله لا يبارك بيك على هاي الدكه الله يحركك
مثل مااحتركت الحكومه
بكر.. ممكن تسمعيني شراح اكول لو بس انتي تعرفين تحجين جمانه السعيدي
اني مااذيتكم وانتي السبب اي انتي السبب
اول ماشفتج عجبتيني وكرم ابوج الله يرحمه وياي
خلاني اتخاذل عن هاي المهمه
وارجع اسلم نفسي للحزب انحكمت ونسجنت لان ماكدرت
اوصل اي معلومات عنكم
انمنعت سبع سنوات من الترقيه بسسبج
شهد...اني شكو
بكر...من اول مادخلت بيتكم وشفتج وكعت على عيني
ابوج كان كريم وياي وستضافني بيته
وتحمل حجي الناس وحجي اخوانج علمودي
ماكدرت ااذيكم اني ما متعود ااذي اي احد
قررت اسلم نفسي للحزب واني مستعد الاي عقوبه
قدمت نفسي حتى احميكم
الرساله الي لكيتها اني شمرتها عليكم حتى احذركم
من العيون الي عليكم
هسه فهمتي لو لا
شهد...لا مجاي اصدك مو معقول انت جمعه مو غيرك
بكر...عشت اسوء ايام بذيج الفتره
البارحه من سمعت اسمج تخبلت ابد ماصدكت
ممكن الصدفه تجمعنا مره ثانيه بعد كل هاي السنيبن
شهد....اي ولله انت من حذرتنا حركنا كلشي بلتنور
وثاني يوم داهمو بيتنا الحزب
بس كلشي مالكو
مع ذالك اخذو ابوي وخواني
بقينا مفرفحين اني وامي امي راحت للمختار ادخل
نامو بلسجن ليله وطلعو
ابوي شكد بقه يدعيلك اقصد يدعي للي شمر الرساله
وحذرنا بذاك اليوم
بكر...اني كان ممكن اواجه اسوء مصير بس رب العالمبن لطف بيه
شهد...اسفه حجيت عليك لان كلبي خلصان ولله هذا الحمل هواي عليه
كلشي ماشفت بحياتي لا رجال بقا وياي
ولاحصلت جهال والنوب حمل عمتي عميه واني محتاره
بيها
مرات من اضوج افكر اعوفها واهج
بعدين العن الشيطان واكول منو الها مسكينه
يجوز اني ما مكتوبلي الحظ بلدنيا
بلكت احصل الجنه بلاخره
بكر...تقبلين نزوج
شهد...نعم شنو
بكر...سمعتي زين نزوج
شهد...تحجي صدك
بكر...لا اشاقا هههه ههه اضحكي بابا اني مو زغير عمري
٤٠ يعني عاقل وفاهم
شهد...انت مزوج
بكر...اي مزوج وابني عمره ٨ سنوات
شهد...ليش تزوج بعد
بكر...لان احبج قبل جنتي الحب الممنوع الحب المستحيل
بس هسه انت جبيره واني جبير وثنيبنه عاقلين
ممكن نقرر هيج قرار
ونعيش باقي عمرنا سوا هاا شكلتي
شهد.. فاجئتني
بكر...ماكو احلى من المفاجئات من امس واليوم من شفتج حاس نفسي رجعت مراهق
شهد....وزوجتك
بكر....اني مااكدر اعوفها ولا اعوف ابني
شهد....لا شنو تعوفها طبعا لا
بكر...كل وحده بيت وحدها هااا شكلتي
شهد....افكر وارجعلك خبر
شكرا لزيارتكم عالم روايات سكيرهوم
