رواية قصص الحب الفصل الحادي عشر
يقف جاسر وجميلة وشروق أمام بعض
شروق ببرود: شكلك مش عايز الفلوس يا جاسر
جاسر بعصبية: عمري ما اسمح ليكي تذلني قدمك ، أنا ليا فلوس ولازم اخدها
شروق و هي تنظر إلى الفلوس : طيب ما الفلوس قدمك.
جاسر بعصبية: الفلوس اخذها با ايدي مش من تحت رجلك يا شروق.
أجابت بعصبية: شروق هانم يا جاسر
أجاب ببرود : هانم من امت انتي كنتي تفرحي لما اقول اسمك صح
أجابت ببرود: غلط انت اللي كنت تتمني تسمع اسمك مني وكنت ديما تطلب كده، و ديما تقول عايز أروح اكلم اخواتك
فاكر أنا قولتلك ايه وقتها، قولتلك لو أخواتي قالوا لا أنت مش تقدر تصرف على جامعتك و جامعتي ،ولا نسيت يا جاسر آخر مرة اقولك يا تاخذ الفلوس أو تمشي.
نظر جاسر لجميلة التي كانت تتابع الحديث فى صمت وتنظر إلى شروق بحق.
ثم أخذ القرار هو فى حاجة الى المال لأجل ولاده جميلة
نزل جاسر إلى الأرض وأخذ المال ،ونظرت شروق له نظرة احتقار و قالت:
كل يوم لازم اشكر ربنا و اشكرك أنت وجميلة، انكم اتجوزتوا ، علشان عمري ما كنت أقبل أكون مرات واحد ضعيف زيك، حتي لو مش معاك فلوس مش لازم تذل نفسك و تذل مراتك معك ،مبروك يا جوجو عليكي جاسر.
ورحلت شروق وهي تشعر بانتصار.
ورحل جاسر وجميلة وهما يشعرون با الذل و الاهانه
صعدت شروق إلى الغرفة ، كانت سعيدة ليس أنها جرحت جاسر و جميلة بلا لأنها تأكدت أن لم يعد لجاسر أي مشاعر في قلبها
شمس بابتسامة: شروق الحفلة كانت رائعة ، شكرا يا حبيبتي
أجابت بابتسامة : العفو
$$$$$$$$$$$$
مررت بضعة أشهر
على أبطالنا
شروق وشمس مثل ما هما
سامر وسهر مثل ما هما معاناة لمحاولة الانجاب
فارس وفرح حياتهم مستقرة ،وايضا أنجبت فرح صبي.
جاسر وجميله حياتهم مستقرة
وايضا أنجبت جميله بنت.
ويونس وياسمين أصبحوا اصدقاء ويتحدثون دائما في كل شيء..
@@@@@@@
في القاهرة
فى مستشفى والد سامر
تسير سهر فى قسم الخاص للاطفال فهى تخصص أطفال
ركضت إليه فتاة صغيره
حضنتها سهر و ابتسمت لها و قالت : جوري الجميله عامله ايه
جوري: الحمد لله ، وحشتني اوي.
سهر بابتسامه: اضحكي عليا أنا كنت معاكي امبارح.
جوري بحب: أنا بحبك وعايزه اشوفك كل يوم وكل ثانيه
سهر بحب: وأنا بحبك اوي اوي اوي
حملتها سهر وذهبت بها إلى عنبر الأطفال
ركض جميع الأطفال عليها
جاء سامر من الخلف و قال بابتسامه: انتي مش أم لطفل واحد ،انتي ام لكل الاطفال دول ربنا نزل حب الاطفال فى قلبك يا سهر.
سهر بابتسامه: الحمد لله
$$$$$$$$$$$$$
في الحديقه الخلفية ل المستشفى
وأخيرا بعد فترة تجمع الاصدقاء مع بعض لأجل زياره دكتور مريض كان يدرس لهما فى الجامعه.
منذ فتره لم يتحدثون مع بعض
قالت شروق: ياه والله زمان يا شباب.
سهر: عندك حق احنا كلنا قطعنا بعض.
سامر: ولا مقاطعه ولا حاجه مشاغل الحياه
فارس: كنا طول عمرنا مشغولين فى الدراسة لكن كنا
مع بعض دائما
فرح: والله عندك حق يا فارس حصل كده بسبب ناس خاينه
يونس: اه هما خاينين ندمر صداقتنا بسببهم
اقتراب جاسر عليها ومسك فى رقبته و قال بصوت عالي جدا:
كفايه بقا كفايه ايه احنا عملنا جريمة محدش له دعوه بينا فاهمين
فصل فارس بين يونس و جاسر..
شروق بابتسامه: براحه على نفسك شويه
وقفت جميله أمام شروق
جميلة بحقد: تصدقي عمري ما كرهت غيرك فى حياتي
أنصدم الجميع من هذه الجملة
حتي جاسر و لكن ليس أحد مثل شروق و سألت بعدم فهم:بتقولي كده علشان جاسر
قالت ببرود: من قبل جاسر من وأحنا اطفال وأنا بكرهك ، بكرهك لدرجه أني حاولت اقتلك ،فاكره وانتي سبعه سنين انتي وقفه فى الشارع و لقيتي حد زقك قدم عربيه كنت أنا.
كادت تسقط شروق لكن مسكتها سهر و قالت بصدمة: بتقولي ايه.
جميله بحقد: ايوه أنا
اللي طول عمري بنت الخادمه بتاعتك وانتي الهانم اللي باخد الهدوم القديمه منها ،أنا اللي لما أخواتك يدفع ليا فلوس المدرسه يذلوا ابوي بيها، أنا اللي ديما ضعيفه و جبانه و فقيره، وانتي قويه و شجاعه و غنيه ،أنا الكل شايفه اني تابع ليكي وانتي الكل فالكل.
أنا اللي كنت لازم اسالك على اي حاجه قبل ما اعمله انا يا شروق انا اللي ديما الناس تقول ازاي شروق الالفي تكون صاحبت بنت الخادمه بتاعتها
أنا يا شروق اللي ديما محدش شافني الكل شايف شروق الالفي، شروق الالفي
وصرخت بصوت عالي:
شروق الالفي بس مفيش حد تاني مفيش جميله اللي تطلع الاولي كل سنه لكن محدش شايف غيرك انتي و بس ،كان لازم اكرهك كان غصب عني لازم اكرهك ،وعلى فكرة مش اهلنا اللي غصبوا علينا الجواز أنا اللي حطت الفكره في دماغهم، كنت ديما اقولهم جاسر مخلي بالو مني جاسر يدافع عني جاسر عمل كذا وكذا ليا جاسر جاسر جاسر لحد ما هم توقعوا أننا نفع لبعض أنا خدت منك جاسر واخد منك كل حاجه
أنا حبت جاسر قبلك ولما لقيتك تحبه قولت اسيبك تتعلقي بيا وبعدين اخذه ويونس كان مجرد لعبه.
كان الجميع يسمع الحديث في بصدمة، مش شروق بس اللي اتخدعت في جميلة ، الكل اتخدع فيها.
شروق بدموع: كل ده وأنا شايفه أنك اغلي انسانه على قلبي ،كل ده يا جميله وأنا مش حببت حد فى الدنيا قدك يا جميله، كل اللي تقولي ده مش مني من الناس، لكن أنا كنت ديما مش اسمح لحد يقول عليكي نص كلمه، كنت على استعداد اخسر اي حد علشان خاطرك انتي ،ليه يا جميله ليه تصدقي انا مش عندي كلام اقولوا بجد حاسه ان كياني اهتزاز من كلامك ، ليه يا جميله ليه قولي بس ليه ،لو كنتي قولتي انك تحبي جاسر عمري ما كنت اعترضت طريقك ،أنا بجد ندمانه أن عرفت فى يومك
وغادرت شروق المكان قبل أن تنهار أمامهم...
يونس بابتسامه استهزاء: الصراحه معنديش كلام اقوله اللي يخليكي تغدري بصديقه الطفوله وكل الحقد اللي في قلبك ده يبقي مفيش كلام اقوله.
و نظر إلى جاسر و قال : مبروك يا جاسر، و شكرا انك انقذتني من جميلة..
وغادر يونس.....
فرح بغضب: كان عندي حق لما قولت مش خايفه غير منك انتي تكوني خاينه يا جميله.
فارس: يلا يا فرح ،مبروك عليك يا جاسر على رأى يونس..
وغادر فارس وفرح
سامر بصوت عالي: خاين و حقود مع خاينه و حقوده مكس رائع.
سهر بحزن: ليه الحقد ده يا جميله.
وغادر سامر وسهر
يقف جاسر وجميله وجه لوجه
جاسر بهدوء: عندك كلام تقولي
جميله بدموع: جاسر أنا
ضربها بالقلم بقوة...
جاسر بصوت عالي جدا: اخرسي فاهمه اخرسي
مش عايز اسمع صوتك انتي خاينه فاهمه خاينه,
يلا يا جميله احنا نسينا أننا فى مستشفى
غادر جاسر وجميله خلفه.
@@@@@@@@
وصلت شروق إلى الفيلا فى القاهرة مع السائق الخاص و الحراسه الخاصه
نزلت من السياره وهي تستند عليها لانها، لا تقدر على الوقوف وأيضا تمنع دموعها من النزول، حديث جميلة هز كيانها, عمر كامل بينهم ضاع..
دلفت إلى الفيلا كان شمس يجلس في الصالون
شروق بصوت مهزوز : السلام عليكم ورحمه الله وبركاته
كان ينظر إلى اللاب توب ،اجاب دون النظر إليها: وعليكم السلام ورحمه الله وبركاته
كانت تصعد إلى الاعلي، نظر لها و سأل : انتي كويسة.
و كنا هذه كانت الجملة التي هدمت حصون شروق وانهارت من البكاء ، جلست على الدرج و هي تبكي، ركض شمس إليها.
سأل بتوتر: مالك
شروق بدموع : تعبانه اوي اوي
شمس بهدوء: اهدي يلا نطلع فوق و احكي مالك
صعدت شروق مع شمس و جلست على الفراش و هو بجوارها، قصت له ما حدث
شروق بدموع: والله العظيم مش زعلانه على جاسر زعلانه على اختي ايوه كنت أعتبر جميله اختي ،مش عارفه ليه كانت تكرهني
عارف كان حسين ديما يزعق ليا و يقولي ازاى بنت الخادمه تكون صاحبتك كنت اقوله انا بحبها ومش عايزه حاجه من الدنيا غيرها ، تخيل كنت أساعدك أم جميله فى شغل البيت علشان خاطر جميلة حسين شافني مره خدني حبسني فى الاوضه أسبوع علشان مش اعمل كده تاني، كانت هي عندي بالدنيا ، مش عايزة حاجة غيرها، وعملت كتير عامله أعصر دماغي واقول عملت ايه علشان تكرهني كده
والله العظيم يا شمس لما جاسر اتجوز جميله قولت مش مشكله بس كان مع اي واحده تانيه مش جميله ليه تكرهني يا شمس أنا وحشه صح مش استهل حد يحبني صح، هي جميلة بص للفلوس، أنا واحدة مشتوفش أبوي و امي، عمري ما قولت الكلمتين دول لحد، مش عايزة فلوس ، عايزة يكون لي اب و ام زي اي حد، أنا اتحرمت من أكبر نعمة في الدنيا، يشهد ربنا اخواتي عمرهم ما قصروا معي، بس برضو كان في حاجة ناقصة، أنا وحشة علشان كده محدش يحبني..
وانهارت من البكاء بصوت عالي جدا
اخذها شمس فى حضنها ويرتب على شعرها وظهرها
قال بحنان: هوش هوش اهدي اوعي تعملي في نفسك كده علشان اي حد فاهمه ،اهدي انتي تستاهلي تتحبي وكل حاجه حلوه فى الدنيا تكون ليكي فاهمه ،هي تحقد وتغير منك لانك احسن منها يا حبيبتي
بلاش تجيبي اللوم عليكي
هي كان بيان فى عينها أنه تكرهك ، لكن انتي من كثرة حبك ليه مش كنتي شايفه اهدي اهدي.
قالت بدموع: لو كانت طلبت اي حاجه كنت وافقه من غير ناقش بس ليه ، أنا عامل ارجع الذكريات، مكنتش بحب جاسر، كان اعجاب في فترة مراهقة، هي اللي كانت تتعمد تكلم عليه كويس قدمي، كمان كان تتطلب من السواق كل يوم نوصله معنا، كانت تعلقني بيه علشان تاخده، ليه كل ده، ليه يا شمس.
أجاب بهدوء: تكرهك و نفسهم تاخد منك كل حاجة لأنها من وجهة نظره شايفة أن عندك كل حاجة.
قالت بحزن: أنا محرومة من أهم حاجة اب و ام.
قالت بحنان: كفاية يا حبيبتي ، محدش يستاهل تعملي في نفسك كده...
بعد بكاء طويل فى أحضان شمس نامت شروق وظل شمس ينظر لها بحزن
$$$$$$$$$$$
عند يونس
يرن على ياسمين
ياسمين بهدوء: ازيك يا يونس
يونس بحزن : الحمد لله بخير يا ياسمين، بس أنا مخنوق اوي
ياسمين بحزن: مالك حصل حاجه لما شوفت جاسر وجميله
يونس بحزن: هو حصل بس مش ليا
ياسمين باستغراب: مش فاهمه
قص يونس مع حدث ل ياسمين فهمي تعلم كل شيء عن الاصدقاء من يونس.
ياسمين باستغراب: ازاي هي با الحقد ده كله
يونس بحزن: أنا صحيح اكتشفت اني كنت لعبه فى ايد الهانم بس شروق صعبانه عليا اوي بجد.
ياسمين: ربنا معها
يونس: يارب
أخذت نفس عميق و سألت: حست ايه لما شوفت جميلة..
أجاب بهدوء: ولا اي حاجه
ياسمين بعدم تصديق: والله
قال بهدوء: اه والله صدقي بقا اني ب.
قاطعتها ياسمين و هي تقول بصوت عالي : بلاش تكمل قولتلك مش عايزه اسمع الكلمة دي ، قولتلك عمري ما أكون مسكن.
يونس بهدوء: وأنا قولتلك عمري ما أعمل زي شروق ودمر نفسي ودمر شخص ملوش ذنب ،أنا بحبك بجد..
أغلقت ياسمين الخط
وتذكرت أنها منذ أول يوم اعجبت با يونس لكن هي لا تثق في الناس فوار ،
أصبحت هي ويونس في فترة قصير اصدقاء ويتحدثون دائما فى كل شيء وقص له يونس كل شي عنه..
و في الاسبوع الماضي
تدلف ياسمين إلى مطعم
بعدما رن يونس عليها وقال أنه فى مشكله
ركضت ياسمين وهي تموت خوفا عليها
دلفت لتجد المطعم عبارة عن بالونات ورود ولا يوجد أحد
وجدت يونس يقف ويبتسم
ياسمين باستغراب : فى ايه
يونس بحب: بحبك وعايزه اتجوزك
ياسمين با ابتسامه سخريه: والله بسرعه دي فى كام شهر بس ايه لحقت تنسي جميله اللي طول ما انتي فى البنج مقولتش غير اسمها ،اصدق ازاى أنا بقا
قال بحب: تصدقي لأني بحبك
ياسمين بعصبية: تمام وأنا مش بحبك لو سمحت خلي علاقتنا من هنا وجاي شغل بس.
غادرت المكان وهى حزينه أنها تخسر حبها لكن هى لا تريد أن تكون مسكن ، هي لم تحبه بل تعشقها لكن تخشي أن يقترب يونس منها حتي ينسي جميلة .
$$$$$$$$$$
في الفندق الذي يوجد بها جاسر وجميلة
يجلس جاسر على الأريكة
وتجلس جميلة على الأرض وتمسك أيده
و قالت بدموع: والله عملت كده علشان بحبك ومن وانا عيله صغيره، ايوه بحبك من زمان وانت كنت ديما تتكلم عن شروق كنا مفيش غيرها كان لازم اغير منها يا جاسر سامحني سامحني اسفه انا بحبك اوي
جاسر بغضب: انتي انسانه حقيره و زباله خاينه خاينه يا جميله خاينه
جميله بدموع: ايوه خاينه بس بحبك بحبك علشان خاطري سامحني علشان خاطري سامحني ،وعلشان خاطر بنتنا سامحني علشان خاطري يا حبيبي أنا بحبك
جاسر بعصبية: ابعدي عني دلوقتي يا جميله و نكلم لما نراجع الصعيد
ابتعدت عنه بحزن
@@@@@@@@
فى الصباح
ذهب الاصدقاء الى المقابر لأن توفي الدكتور
بعد الانتهاء من الدفن
ذهب الجميع وتبقي الاصدقاء فقط
كان كل منهما يركب سيارته
و جاسر وجميله التاكسي
وفجاه ظهرت سيده ترتدي توب اسود فى اسود
كان شكلها مخيف جدا
السيده بصوت عالي جدا: لعنة قسم الصداقة.
نظر له الجميع ودخل الرعب فى قلبهم من شكلها وطريقتها
السيدة بصوت واطي و مخيف: كسر قسم الصداقه له لعنه ولازم حد يدفع ثمن كسر القسم ده.
نظر الجميع با استغراب
أشارت إلى يونس و قالت: فاكر القسم يا يونس.
قال يونس بتوتر: عرفتي اسمي منين.
لم تجيب على سؤاله
السيده بصوت عالى جدا وهي تسير وتعطيهم ظهرها : اللعنه تصيب حد فيكم ومهما حصل لازم تصيب حد فيكم حتي لو رجعتوا زي الاول لعنه القسم تكون جحيم عليكم كلما ، مكنش لازم تقسموا و أنت كل واحد فيكم في قلب غل و حقد ..
ونظرت لهم و قالت بصوت واطي: شروق وسهر وفرح وجميله و جاسر وفارس وسامر ويونس ،جهزوا نفسكم للجحيم بسب لعنه كسر القسم.
واقتربت منهما وووووو
