رواية فصلية الاربعيني الفصل الحادي عشر زينب جمال
_ بعد ما سمعنه الباب طفر معتصم يفتحه ﻼن من اجه قفله
طلعت جنان وجانت تصيح شـنوُ ليله يميي وشنو تروح يمه هيه كله خلك فصليه
عاط بيها معتصم وسحله سحل
وسد الباب وراح
وانا كعدت ابجي وحدي مدري بس مقهوره
شوي واجه معتصم قفل الباب وجنان ماله حس
معتصم : شبيج بويه ترا بالي يمج خبلتيني
رزان ببجي : مبيھه شي روح يم جنان خطيه
معتصم : يمج ارتاح ما يهمني احد
رزان: ﻼ اردياً حضنته وانفجرت بلبجي
لتعوفنيي وحديي وتخليني ضل يمي
باوع بعيوني وحجه منـوُ كال اعوفج
كمت اشهك واحجي
اخاف يجي يوم وتتخلى عني واضل لو ياخذوك مني ،، شفت بيك الامان ولحب ولحنيه ،، انت ابوي الي عمره ما بين بحنانه ،، حسيت نفسي بنتك من اهتمامك وخوفك وخايفه تعوفني واضل وبعد ما عندي احد
هنا معتصم لمني بحضنه وحضني حيلل
معتصم : محد يعوف روحه ويروح
رزان : اخاف يجي يوم وتذبوني بشارع
معتصم : باوعلي بصدمه وضحكه منـوُ هاذ اليذبج ولج
رزان : مادري
معتصم : شـنوُ هاي ام دميعه موتينه بدموعج وبس تبجين شمالج شو
كومي غسلي وجهج
رزان : تفشلت وهوه يضحك كمت طفرت بلحمام غسلت طبعا غرفته بيها
حمام وهاي رجعت اشرلي على حضنه رحت كعدت وكمنه نسولف
معتصم : راح نطلع لزياره باجر احنه وعمامي ونطلع منشئه
من كال هيج طفرت وكتله صدكككك
معتصم : اييي
رزانن : اروحححح انا
معتصم : ﻼ
رزان : ليش
معتصم بضحكه : لااا يابه ترحين ترحين شون ما ترحين
رزان : فرحتتت كلش ﻼن ڪُـلش ضايجه اࢪيـد اطلع وبعد اسبوع تبدي المدارس وبعد ما اطلع لازم ثالث بس تركت سنه
ثاني يوم حضرت ملابسي وكملتهن واجو عمامه وخواله ولبيت هوسه
نزلت واشوف وحده تخزر بيه
سلمت عليهم ورحت للمطبخ
اجت وحده عمره ٣٠ هيج شي
اشرت عليه وكالت انتي الفصليه
رزان : اي
خمائل : توقعتج
رزان :درت وجهي وكمت اسوي جاي
خمائل ضلت تبسبس ويه النسوان وكساع تسئل على معتصم الي عرفته تصير بت عمه ما مزوجه
وكسع كالت وين معتصم شو ماكو
لحد ما اجه معتصم يسلم شو هاي كامت عدله حجابه وحطت حمره ورتبت وجهه واجهه معتصم وكفت واكلته اكل بسلام
ابد ما حبيته بس سكتت ﻼن هيه بت عمه يجوز هيج طبعها
اجه معتصم حاجاني
معتصم : ها رزانتي محتاجه شي
رزان بضوجه : سلامتك مـاࢪيد شي
معتصم : شبيج كالبه الخلقه
رزان : مبيه
معتصم : مبين كلش
رزان : درت وجهي وسكتت طبعا معتصم جاي ينتبه الي اضوج وهاي بس مغلس
هاي بت عمه شو لازكه بي ومنا نسوانه ﻼ هاي هيه التمت
كاعده اسوي ويه البنات الغده واجت خمائل تحزمت
عود مسويه نفسه نادره وهيه هستوه اجت
المۿم انا كمت اشتغل وجاي اسوي بتمن
جاي احمي مِـاي حار علمود اذبه على المركه بس مكدرت اشيله وحدي واجت خمائل كالت انه اشيله وياج وانا من غبائي كتله يلله مادري بنيته شـنوُ
جاي نشيله ما احس اله الماي انذب عليه
بـعد من يم صدري وجوه حسيته ماع خو رجليه حسيتهن ماعن صرخت صرخه من حلات روحي كمت اركض واصرخ هنا كله طلعت يردون يفهمون شكو
اجه معتصم وشافني بحاله كبل طفر عليهه وشالني وكام يصيح جيبوو عبايتههه
وانا ابجي واصرخ روحي فرفحت تفرفح بعد كلش كلت راح اموت ﻼن الوجع فضيع
ذبو عليه العبايه وركض بيه للمستشفى وطريق كله يتحسب ويغلط ويلعن لحد ما وصلنه ونزلني الدكتور كال لازم نكشطه يعني مدري شـنوُ بس يوخرون الجلد لحترك
انا سمعت هيج وكمت اصرخ اڪثر
مثل الطفل تمرمرت تمرمر لازمه بمعتصم واصرخ وابجي
دخلنه لغرفه واجه الدكتور كال
الدكتور : ۿسۃ بسُرعـه نخلص
رزان : مااااااااااا ماريددد خلوني اموت
معتصم : اهدي بابا اهدي انه يمج
معتصم حضنييي حيل وكال لدكتور بلش
هنا روحي راحت كمت اعض بمعتصم واصرخ وابجي رجيت المستشفه رج
احس روحي راحت كلت ربي اخذني ﻼ تخليني هيج تمنيت اموت بهلحضه
ومعتصم يهدي بيه ويحضن لحد ما خلص الدكتور انا انتهيت كبل غفيت
كعدت لكيت لافين جسمي كله من صدري لحد رجليه ڪُـلش
جان معتصم جايب اكل
كتله مـاࢪيد
معتصم : شو اكلي
رزان : لعبانه نفسي من المستشفى خنطلع واكل
معتصم : بعيوني ۿسۃ نطلع ودللي
طلعت ووجع موتني
وصلت للبيت كله خانسه وتتحمدللي السلامه وانا منتهيه
شالني معتصم وصعدني فوك بغرفتنه
وجابلي اكل بسُرعـه اكلت ونمت ﻼن تعبانه رُوحـي رايحه من البجي
كعدت ب١٠ بليل عشطانه وجوعانه كمت ابجي ودخل معتصم
معتصم : هاي شـنوُ الحلو كاعد
رزان ببجي : هستوه كعدت
جان لابس ملابس الدوام ومبين هستوه جاييي ،، اجه يمي وذب السويج علميز
وكال شبي الحلو زعلان
رزان : ما بيه
شغل الضوه
رزان : جوعانه
معتصم : ۿسۃ اجيبلج اكل
رزان : اريد ماي
معتصم ۿسۃ اجيبلج
كام بدل وهاي ونزل جابلي صينيه وكعد يوكلني
رزان : جنت بدوام
معتصم : ايي
رزان : جا يمت رحت
معتصم: من جبتج ونزلت أدبت خمائل وشوي انطيت درس للبيت ورحت
رزان : ولا سمعت
معتصم : احسن انتي تعبانه عليمن تسمعين
رزان: كملت اكل وراح ينزل الصينيه
طبعا علساس اليوم بليل نروح بس من صارت السالفۃ تعارك وياهم معتصم وكنسلو الروحه
ضل معتصم يعتني بيه وكل اسبوع نروح لدكتور وبدت المدارس بس ماكدر اداوم
كضيته بجي
بهل فتره تعلقت بمعتصم كلش
وجابلي فون وخله بي بس رقمه وبس هوه اخابره ﻼن عنده انذارات ويبات
من يروح اكعد ابجي عليه
معتصم : يلا بابا راح اروح ديربالج على نفسج واكلي زين
رزان : تمامم
راح بس شـنوُ متتت بجي عليه لحد ما غفيت وكعدت ب١ مشتاقتله وابجي
خابرته كبل
معتصم : الوو
رزان : ها
معتصم : ها بويه شبيج
رزان حجيت وطكيته بجيه : يمتههه تجي
معتصم : ولج بويه شبيج مساع رحت ولله لو بيدي اعوف ابو الشغل واجي يمج بس شسوي غير ملتزم
رزان : تعال عوف الشغللل
معتصم : هاي هيه بس يطلع الفجر يمج انه
رزان : سديت الاتصال وبعدني ابجي لحد ما غفيت وره كم ساعه كعدت على واحد يبوس بخدي
فتحت عيوني هاذ معتصم فرحتتتت هواييييي
يبعد شيباتي انتي
شوي وسمعت شي طك باوعلي ووخر
باوع من جوه الباب اكو خيال
فتح الباب ماكو احد بس اكو غرفه متروكه بيها حركه
راح فتح الباب وهنا كانت الصدمه الغير متوقعههه ....
شكرا لزيارتكم عالم روايات سكيرهوم
