.jpg)
رواية معشوقتي المجنونة الفصل الحادى عشر بقلم ابتسام محمود الصيري
فوزى نزل و دمه كان بيغلى زي البركان
اول ما وصل لقى ويزو تحت البيت
ويزو تمسك باباها : بابا بالله عليك اهدا شويه عشان خاطرى
فورزى زقها : ابعدى عن وشي الساعادي
وطلع يجرى ع السلم
ويزو تجري ورا : يا رب استر يا رب
خبط جامد ع الباب
مدحت بخوف : ده ابوكى
رنا بلا مبالاه : افتح و ايه المشكله
مدحت بنداله : افتحى انتى انا ماليش دعوه ده ابوكى انتى
رنا فتحت
فوزى ضربها ب القلم : انتى اتجنيتى خلاص
ويزه بتحاول تبعده عنها
رنا بعصبيه و دموع : انت بتضربنى ليه ؟عايز منى ايه؟
فوزى لمح مدحت : والله عال و ده بيعمل معاكى ايه هنا
رنا ببرود : جوزى
فوزى بعصبيه : بتتحدينى و تتجوزيه من ورايا
رنا : ما ياما اتحايلت عليك تجوزهونى و انت رفضت
فوزى حاول يهدا عشان مايخسرش بنته اكتر من كده و قعد ع الكرسي بتعب : يا بنتى افهمى ده مش الانسان اللى بتمناه ليكى انتى تستاهلى احسن منه و هو اول حاجه لف ع فلوسك زي ما توقعت
رنا بعقل مغيب : مدحت مالفش ع فلوسي
فوزى بترجي : يا بنتى انا جايلك دلوقتى و فاتح ايدى ترجعى معايا الواد ده انا مش برتاحله خالص
رنا بعند : و انا بحبه و هو بيحبنى
فوزى : و تقدرى تقوليلي واقف بعيد ليه ، ليه خايف يقرب و يواجهنى !
مدحت قرب بخبث : عمى انا ماحبتش ادخل مابنكم دي بنتك
فوزى بيحاول يكتم عصبيته و يوجه كلامه لبنته : ده لو بيحبك عمره ما كان خلاكى تبعدى عن اهلك
رنا : انا اللى طلبت منه
مدحت : يا عمى لو حضرتك حابب تاخد رنا معاك انا موافق بس اهم شي تكون واثق فيا
رنا بتحدى : انا مش هروح مع حد
فوزى بيحاول يتجنب مدحت و مش بيرد عليه : رنا روحي معايا بالذوق
رنا بعند : و انا مش هروح و ورينى هتعمل ايه و لو حد قربلى انا هموت نفسي
فوزي يتعصب و يقوم يشدها : موتى نفسك يا رنا بس تكونى مايته في بيتى انا مش هسيبك لحظه مع الحيوان ده و بيشدها ع السلم
نضال يطلع : ايه يا جماعه صلو ع النبى هو ماله البيت ده كل ما حد يجى يقعد فيه يحصل خناقه
رنا بتصوت : اوعى سبنى انا مش هروح معاكم
ويزو بتعيط
اما مدحت بيتفرج مش اكتر( ما واحد زيه تعبان ده اخره يعمله )
نضال حاول يدخل : يا باشا سيبها بس الكلام اخد و عطا
فوزى بخوف عليها : دي عيله و مش فاهمه بتتصرف ازاي
نضال : اهدا بس صحتك
رنا كانت بتزق ايد باباها جامد و كان هيقع
نضال سنده قبل ما يقع
فوزى بوجع و خيبة امل : بتزقينى يا رنا
رنا بصويت : ايوه ملكوش دعوه بيا بقى
فوزى بوجع في قلبه : ماشي يا بنتى كتر خيرك، بس ع العموم انتى من دلوقتى مش بنتى و اوعي اشوف وشك تانى ،و بيتى تمشي منه و خلي السبع بتاعك يعيشك في القصر اللى بيقولك عليه، و بكره نشوف مين هيضحك ع مين
نضال كان ساند فوزى : حضرتك تعبان
فوزى بتعب : لا يابنى عايز اروح بيتى
نضال دخله البيت اللى قاعد فيه
فوزى بحده : بقولك عايز اروح بيتى
نضال بحنيه : و ما ده برضه بيتك يا باشا اهدا بس كده و انا هعملك كوباية لمون تروق دمك و بكره كل حاجه هترجع زي الاول
فوزى بحزن : اللى اتكسر عمره ما يتصلح بنتى كسرتنى و بتتحدانى عشان واحد واطى حتى مافكرش يقف جنبها
ويزو بدموع : بابا عشان خاطرى اهدا ، انت شكلك تعبان اووى
فوزى بعصبيه : مشونى من هنا
نضال سنده و ركبه العربيه
**********
عند رنا فوق
رنا بدموع : يالا نمشى من هنا
مدحت بمكر الثعلب : قلبي هنروح فين
رنا : بيتك
مدحت : انا نسيت اقولك انى بعته عشان الصفقه اللى دخلتها و اختى سافرت
رنا بتغيب عقلها : تعالى ننزل في فندق
مدحت يمثل الضيق : رنا انا م ماعيش فلوس للفندق
رنا : انا معايا يالا
ونزلو و راحو ع فندق
نضال وصل ويزو و باباها لحد بيتهم
فوزى في الوقت ده زعل ان مش معاه ولد من صلبه بس ربنا كريم و ديما بيعمل الخير و يقول بحزن : انا متشكر يابنى تعبتك
نضال بشهامه : عيب متقولش كده انتو خيركم عليا
فوزى : شوف واحد زيك مع انه فاقد الذاكره كان ممكن يقعد حاطت ايده ع خده و مكنش نزل يدور ع شغل و يقعد في البيت ببلاش بس انت رفضت و اشتغلت و بتدينى كمان ايجار الشقه مع انى مش محتاجه بس وافقت اخده عشان انت مش هترضى حد يجبي عليك ، عارف ليه عشان باين عليك معدنك كويس و ابن ناس محترمه و ابن اصول عرفو يربو و بتتصرف باللا وعي كراجل شهم
نضال : ربنا يباركلك . بس ممكن يكون حضرتك ظالمه
فوزى بحزن : يابنى انت لسه صغير مدرسة الحياه بتعلم اكتر من التعليم النظامي ، ده شكله عيل واطى و جبان
رنيا تنزل ع صوته و تعرف كل اللى حصل
و تفضل تعيط
و بعد كلام كتير
نضال مشي
**********
عند دانيه الساعه ٨ الباب يخبط سوسن تفتح
سوسن : اهلا و سهلا اتفضلو
على : اهلا بيكى و دخلو
على : سوسن انا عايز اتكلم معاكى لوحدنا
سوسن : ادخلو يا بنات اوضتكم
على : لو في بلكونه يدخلوها و ياخدو شادي
سوسن : اه طبعا فيه خدو ابن عمكم
و قامو البنات و شادي و دخلو البلكونه
سوسن : خير يا على
على : سوسن دانيه مش عايزه شادي
سوسن بحده : هو ايه اللى مش عايزه دي وصية ابوها الله يرحمه لازم توافق
على : سوسن حتى شادي مش عايزها
سوسن : اه قول كده اكيد حضرتك مش هتقدر تقنع ابنك
على : سوسن هما مش عيال و هما ليهم حريه كل واحد يختار شريك حياته.. و شادي معجب ب فريده و انا حاسس ان فريده كذلك
سوسن بحده : و انا لازم انفذ وصية جوزى الله يرحمه و مش هسمح ب اي لعب عيال انت نسيت وصية الميت لازم تتنفذ
على : ابنى اقنعنى ان الوصيه لو ع جواز مش لازم تتنفذ عشان الشرط الاول في الجواز قبول و رضا و الاولاد و لا في قبول و لا رضا
سوسن : و شكلك اقتنعت .. انا بقى معنديش بنات للجواز و فريده لسه صغيره
على : ده اخر كلام عندك
سوسن وقفت و ادته ضهرها
على بصوت عالى : شادي يالا هنمشي
شادي طلع و على ماشى قدامه وهو ماشي وراه
دانيه : مامتى مال عمو زعلان
سوسن بضيق : عايز ماينفذش وصية ابوكى
دانيه بهدوء : بس يا ماما مافتكرش ان فيه وصيه ان حد يتجوز حد
سوسن بعصبيه : بت انتى امشى من قدامى و مفيش جواز ليكم انتم الاتنين و خليكم بقى جنبي
فريده بصدمه : يعنى انا مش هتجوز
سوسن بعصبيه : امشوووو من وشي
دانيه و فريده دخلو الاوضه بتاعتهم
فريده : انا ممكن اموت لو متجوزتش
دانيه : انا مش عارفه اقول ايه ل فادى كل شويه يقولى عايز اتقدم و انا اقوله مش دلوقتى
************
الصبح نايا بتستعد تنزل للقوات الخاصه
كرم حضنها : عايزك تخلى بالك من نفسك
و انا في اقرب فرصه هحاول اتكلم مع مهيمن عليكى
نايا : اوعي يا كرم هزعل منك
كرم : نايا انا خايف عليكى انتى هتتعرضى لكذا قضيه
نايا : ربك كبير ادعيلى
كرم بحب : ربنا يحفظك من كل شر
نايا : الله احلى دعوه ع الصبح و باسته منحرمش منك العمر كله
و حضنو بعض
هاله : لا مش مصدقه نفسي هو ده بجد
نايا بمشاكسه : لا اله الا الله، مالك يا حاجه في ايه بس انتى مش عاجبك حاجه ابدا كده
هاله : بس اول مره اشوفكم مابتتخنقوش مع بعض لا و احضان و بوس
كرم بهزار و ضحك : نايا احنا كده محتاجين نتبخر من العين
هاله ضربته : تقصد عينى انا
نايا بضحك : طيب اخلع انا و اسيبكم تمارسو مهامكم
تنزل نايا و تغير هدومها في البيت اللى تحتهم هو فضى و نايا اخدت المفتاح بتاع الشقه من غير مامتها ماتحس وتروح مركز القوات تقابل فادى و عمرو
نايا قربت منهم : و الله الواحد كان مرتاح من خلقتكم
عمرو بتريقه : لا يا واد و احنا اللى كنا مبنامش و انت بعيد عننا
نايا تحط ايدها ع وشه : خليك في حالك يا شاطر محدش وجهلك كلام
عمرو يزق ايدها : انت اهبل يلا
نايا بحده : لا بحب استهبل و زقته و دخلت قعدت ع كرسي
فادى قعد جنبها : اقسم بالله انتم الاتنين متخلفين
نايا بنرفزه : سبنالك العقل يا عسول
فادي : اقسم بالله مجنون
مهيمن يدخل عليهم و بكل حده يقلع نضارته : صباح الخير
نايا تمسك فادي من ياقة هدومه و بصوت واطى جدا : شايف ام وشه ده بيكهربنى
مهيمن يبص عليه بحده : ما هو واضح انه بيكهرب سيادتك ،اتفضل اقف يا فدائى
نايا و فادي يقومو من ع الكرسي و يقفو انتباه
عمرو بيضحك
مهيمن : شغل الكي جى خلص و لا لسه
الكل ساكت يقول بحزم : تمام يعنى اتكلم
الكل : اتفضل يا فندم
مهيمن : النهارده مش هنطلع ع الساحه هنروح معسكر تانى في الصحرا و هناك التمارين هتتضاعف الكل جاهز
الكل : تمام يا فندم
نايا تبرق : يعنى حضرتك عايز تقنعنى ان كل اللى فات حماده و اللى جاي حماده تانى خالص
مهيمن بحزم : بالظبط كده اللى جاي مش حماده ده عزرائيل نفسه هيكون واقف في وش كل واحد فيكم مستنى امر الله عشان ياخد روحكم
نايا تبلع ريقها : يا حلاوه ، روح يا شيخ الله يطمنك
مهيمن بقوه : حد عنده اي استفسار
الكل : لا يا فندم
مهيمن : الكل ع السطح
نايا تكلم نفسها و تقف مكانها : هو لو حد عنده هيقدر يفتح بقه بصوتك و وشك ده
مهيمن جنب ودنها : شكلك مسمعتش انا قولت ايه
نايا رمشت عينها مرتين بسرعه ورا بعض : انا اهو رايح
كلهم ركبو الهليكوبتر
***************
عند كرم بيكلم مريم في الفون
كرم : فراشتى عامله ايه دلوقتى
مريم برقه : الحمد لله
كرم : خلصتى مذاكره
مريم : يعنى تعرف بعد بكره عندى ايه
كرم : ايه؟
مريم : علم نفس
كرم : لو حاجه وقفت معاكى كلمينى
مريم : ما انت تعالى البيت ذاكرلي
كرم : معلش مش هينفع طول ما مهيمن مش في البيت
مريم : اووك هبقى اكلمك فون و تذاكرلى
كرم : انا كلى تحت امرك
مريم بكسوف : ميرسي
*************
نايا اول ما نزلت من الهليكوبتر
نايا و بهزار : يالهوووى يا لهوووى الشمس Hot ع الاخر
مهيمن : انت لسه شفت حاجه
نايا : انا عايز اشرب فين المايه؟!
مهيمن ضحك بصوت عالى و بقى فيه صده صوت ل ضحكه
نايا بتبص حوليها : فيه ايه بيضحك!انت بخوفنى ولا ليه؟
مهيمن : بص انت هنا في الصحرا يعنى اتصرف بنفسك
نايا بعدم فهم : لا افهم اكتر
مهيمن يربع ايده و بلا مباله : هنا و لا فيه اكل و لا شرب
نايا تبص حوليها : لا فيه اكل اهو فراخ يعنى هتبيض بيض و هناكل و فيه شتلات بطاطس يعنى اهو هناكل
مهيمن يقلدها : و عندك كمان صبار و راك اهو يعنى هتشرب
نايا تبلع رقها : من الصبار
مهيمن : انت قلتلى انت خريج ايه
نايا بعفويه : علوم
فادي يخبطها
نايا تقلب الموقف هزار : يعنى شايفنى لابس لبس شرطه و متشوه و واقف في صحرا هكون خريج ال A.U.C
مهيمن بضيق : عارف انت لو تشتغل قد ما بتتكلم كان زمانك اكفأ ظابط
نايا بهزار : انا و لا عايز ابقى اكفأ ولا اخيب انا عتشان عتشان يا عالم
الفرقه كلها ضحكو عليها
مهيمن : عتشان؟ طب روح اشرب و يبص للفريق .. الخيم دي عايزها في نص ساعه تكون اتنصبت
كل الفرقه قلعت القميص و الفلنه
نايا : هار اسوح يا فادي هعمل ايه انا
فادى : لابسه تيشرت من تحت
نايا : اه
فادي بهزار : طيب اقلعى القميص يا شيخه و اوعي تتكسفى زينا زيك
نايا بحده : احترم نفسك
فادى بجديه : و الله ما باين فيكى اي معالم ل انثى اقلعى و خدى راحتك
نايا تكلم نفسها الحمد الله انى لابسه مشد و تبص ل فادى : تفتكر محدش هيلاحظ
فادي : طيب تصدقى ان انا عضلات صدري اك..
نايا قاطعته : اسكت
فادي بتصميم يقول الملمه : اكب.
نايا ضربته : قلت اخرس اخرس خالص
و قلعت القميص و فضلو يعملو الخيمه
و كان مهيمن بيعمل الخيمه بتاعته
نايا كانت ماسكه مطرقة و بتدق و فادى كان ماسك الوتد نايا نزلت ع ايده
فادى بألم : اااه و ساب الوتد و الخيمه وقعت كلها ع عمرو
نايا طلعت تجرى بضحك : و الله ماقصدش
فادى و عمرو بيجرو وراها
نايا بهزار : صلو ع النبى يا رجال المخاطر
فادي ماسكها وشالها و جري بيها و رماها في بركة مايه فيها قذورات و ريحتها تقرف
نايا بعصبيه : انت بتستهبل و الله ما هسيبك
عمرو كان واقف بيضحك نايا اتغاظت و شاطت المايه برحلها و دخلت جوه بقه عمرو و قال بعصبيه : انت اهبل يلا
وفضلو يتخانقو شويه و يهزرو شويه
مهيمن كان بيبص عليه و بيبتسم
بعد نص ساعه
مهيمن بحده : جاهزين يا رجاله
الكل ماعدا نايا : تمام يافندم
نايا بتعب و تبص للفريق : تمام ايه عايزين ناكل بلاها شرب
مهيمن ببرود : اوك تعالى
نايا بخوف : هتضرب
مهيمن : عايز تاكل تعالى
فتح بقه و كسر بيضه ع طرف سنانه و اكلها
مهيمن : يالا تعالى
نايا بلعت ريقها بقرف و مسكت فادي : هو يقصد يأكلنى كده
فادي هز راسه : و لو اعترضت ممكن يأكلك الكرتونه كلها
نايا تمثل العياط : انا ايه اللى جابنى هنا
مهيمن يشاور ب ايده : تعالى
نايا راحت : باشا انا كنت عايز اعترف اعتراف صغير
مهيمن : طيب كل الاول
نايا بجديه : ما انا هعترف مخصوص عشان القرف زاد اووى،، انا مش نضال
فادي تنح و فتح بقه
