رواية ضاع الحلم الفصل الثاني عشر بقلم جمانه السعيدي
رحمه...بقيت بيت اهلي اول اسبوع امي يوميه تحجي عليه
وابوي من يدخل ومن يطلع يسمعني حجي
بس اني بينتلهم مصممه على رائي
مستحيل ارجع اني ووسام ابد ما نتفاهم
الاسبوع الثاني ابوي اجا عليه حامي
ابوي...اليوم ترجعين عيب من عمج
رحمه..ماارجع اني أخذت قرار هاي حياتي وان اعرف بيها
ابوي...ترجعين مو بكيفج
رحمه...ماارجع تريد تضربني اضربني على الاقل انت ابوي
احسن ما وسام يضربني وهو غريب تريد تموتني هاي اني كدامك مراح اشرد بس رجعه ماارجع
ابوي...عمج حلف راح يخلي يتغير
رحمه..مايتغير هو مايريدني مايتغير ياامه الإسلام مايتغير
امي..... .جربي انتي شخسرانه
رحمه...اضيع عمري اجرب ليش اجرب ويا انسان ما مستعد يتغير علمودي ليش اضيع عمري حرامات
رحمه...كلما يحاولون اهلي اردهم
الحد ماسافر وسام للصين بداية سنه ٢٠٢٠
امي... وسام سافر للصين
رحمه...الله وياا اني وسام مايفرق وياي
امي...منو الي يفرق وياج حسام ترا اني اعرف سوالفج
اذا انفصلت عن وسام مستحيل حسام يزوجج
لا اهله ولا ابوج راح يوافق
رحمه...مااريد ازوج اريد اكمل دراستي واتعين ولله ذابحين نفسكم على الزواج اني مااريد ازوج ارتاحو
جمانه السعيدي
هلمره طول اكثر من شهر كنت اعرف اخباره من حسام
حسام...من يرجع وسام هلمره ابوي يكول نرجع رحمه
رحمه...اني حجيت ويا اهلي ماارجع
اريد اقنع ابوي ارفع علي قضية طلاك
حسام...اي خوش فكره
راسا انتشرت اخبار كورونا وهي اساسا بدت من الصين
الصين بدت تجلي الوفود وتغلق مراكز التسوق
والمواصلات وسوت حجر على الناس
المرض انتشر بشكل مو معقول
الصين بدت تجلي كل المغتربين البلدانهم
وهنا رجع وسام هو والعراقين الي موجودين هناك
حجزتهم الدوله بمراكز صحيه حتة يتأكدون مابيهم شي
بعدين كلمن رجع الاهله
إجراءات روتينيه بس ماكو تدقيق صحي مضبوط بوقتها
اول بداية كارونا الناس جانت كلش خايفه حتى بلشوارع ما
تطلع ابوي واخوي كعدو من الشغل
حتى عمي كعد واحنا دوامنا صار إلكتروني من داخل البيت بعد عشر ايام من رجعت وسام بين علي اعراض المرض اسهال وكحه وضيق بلتنفس
دخلو بيت عمي مستشفى وحسام كان المرافق اله
حالته كانت كلش مدهوره شكد اعتنو بي حتى علاج غالي اشتروله ابره بوقتها ٣٠٠ الف
بس بدون فايده اسبوعين بلمستشفى ومات
مات وسام واني صرت ارمله حتى فاتحه اهله ماكدرو يسون لان أزمة كورونا وحتى الدوله ما سلمتهم الجثه
كان بوقتها الدوله تدفن الجثث
ولله حالتهم تكسر الخاطر خالتي بس تبجي
وعمي حالته حاله اول مره اشوفه هيج مكسور
اني رحت بقيت عدهم ٣ ايام ورجعت للبيت رغم اذيته
اليه بس كلش انقهرت علي من اشوف امه وخواته يبجن علي انقهر رجعت البيتنا
جمانه السعيدي
طول فترة مرض وسام ماكو بينا كلام اني وحسام بس عن صحة وسام ووضعه
من مات انكطع الكلام بينا نهائيا خطيه حسام شكد ضايج علي حقه اخو الوحيد
بيوم السبعه مالته ووكع حسام وبنفس الاعراض
هلمره عمي تخبل ماقبل يدخله مستشفى يكول وسام مات بسبب المستشفى
جابله اوكسجين وعلاج بلبيت
اني طار عقلي مني خفت لا افقد حسام مثل مافقدت وسام
هلمره الضربه توجع
مو بس عليه على امه وابو وخواته
المشكله اني بفترة عده لا اكدر اطلع ولا ادخل بس كنت اطمن علي من امه وخواته
عمي تخبل ضغطه كل يوم صاعد وخالتي صايره شحاله
تمشي وتهلوس ماكو بعقله غير فقدان حسام
اسبوعين وهو حالته مو تمام
ماكو علاج ماجابو ماكو شي ماسسو بس يرجع يتعافى
كنت ادزله رساله كل يوم وانتظر يرد عليه بس هو بوضع ما يسمحله يرد عليه لان الفايروس سيطر على الجهاز التنفسي مريت بااسوء ايام بحياتي
هلمره صدك تعبت تعبت حيل ماخليت دعاء ولا صلا
اليل والنهار ادعي يكوم بلسلامه
واحد وعشرين يوم يله شويه تحسنت حالته
بس هم بعده مايكدر شهر كامل شويه صار احسن
الحمد لله والشكر
كليوم ادزله رساله شلونك يرد عليه زين كلمتين مو اكثر
الحد ما تحسنت حالته
بس وضعي وضعه مايسمح نحجي مثل قبل
حسام حيل متأثر بموت وسام والمرض اثر علي ازيد
اني كنت مقدره وضعه الصحي وصابر ومتحمله
امتحنه إلكتروني ونجحنا اني ويااا
من بعد هاي الازمه حسام صار انسان ثاني
شال شغل ابو كله على راسه لان عمي وضعه الصحي موزين من بعد موت وسام
جمانه السعيدي
ماكو بينا اني ويا كلام بس نسئل عن بعض كل كم يوم
وخاصه هو صار مشغول بلعمل
عمي كان معتمد علي كليا كلشي بأيد حسام
اني الصراحه عاذرته الي مر علي مو قليل ابد
بدت السنه الثانيه حسام ماكان يداوم كل الايام
رتب وضعه ويا الاساتذه يجي وقت الامتحان فقط
بس اني كنت اداوم كل يوم
شكد حاسه بوحده بدونه
دزيتله رساله
رحمه...عندي سوال محيرني بعدك تحبني
حسام...اكيد احبج بس وضعي تغير مو مثل قبل ضغط العمل ووضع ابوي الصحي والدوام
كل هاي ضغوطات عليه وحياة جديده بلنسبه اليه ما متعود عليها قبل احاول ارتب وضعي
ماعندي وقت احتاج انام وارتاح ممكن تقدرين وضعي
اني فقدت اخوي اخوي الوحيد ماعندي غيره
اعتقد هذا شي مو سهل ابد
رحمه...خلاص اني مقدره وضعك
شويه شويه بدت ترجع علاقتنا بس مو مثل قبل
نحجي شويه قبل لا انام ومو كل يوم من يفرغ نحجي سوه من كلامه حسيته كبر وصار عاقل
طريقته بلتصرف والكلام تغيرت
مرن سنيين الكليه وتخرجنا اني وياااا
فات على وفاة وسام ٣ سنوات اني الصراحه هواي يجوني خطابه على سمعت ابوي بلمنطقه
بس اني كنت ارفض منتضره حسام
ما الحب إلا للحبيب الاولي
ام حسام...يمه حسام شمنتضر اريد افرح بيك اني مريضه ومااكدر مثل قبل
ابوي...اي بابا خل امك تشوفك عروس
حسام.. اني عندي عروس
ام حسام...زين نتوكل ونروح نخطب
حسام...اني اريد رحمه
ام حسام...زوجت اخوك
حسام...اي اني احبها قبل لا يزوجها وسام سبب كل المشاكل بينهم هو حبها اليه هي بيوم عرسها كالت اني احب
بس ماكلت منو ولهذا السبب وسام شد وياها
امها تعرف اني احبها وهي تحبني بس شدة ويانا وماقبلت تساعدنا حتى امي هم تعرف
ابوي...ولله رحمه خوش بنيه والنعم منها ومن اهلها والي تعرفه تحسن من الي ماتعرفه نتوكل على رب العالمين
امك باجر تروح تحجي ويا اهلها
ثاني يوم اجت خالتي وفتحت الموضوع وياا امي
امي فرحت بس اجا ابوي حجت ويااا
ابوي...خل تجي رحمه اسئلها
رحمه...هااا بابا
ابوي...بيت ابو وسام طلبو ايدج الحسام هلمره اريد اسمع الرد منج مو تكولين غصبتوني
رحمه...بكيفك
ابوي...يعني شنو موافقه
رحمه...اي موافقه
سوينا خطبه بسيطه حسام غير ديكور الفوك وجاب غرفه تركيه ملكيه
ازوجنا بلفندق بقينا يومين ورجعنا
زواجنا جان سنة ٢٠٢٣ حاليا عدنا ولد البنات ازوجن
اني منتضره التعيين حسام صار الكل بلكل بلشغل
اني وخالتي حيل متفاهمين
الحمد لله على كل حال
ان بعد العسر يسر ان بعد العسر يسر
بعد ماضاع حلمي رجع اتحقق الحمد لله والشكر
من صبر ضفر
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم