رواية بيت المطلقات الفصل الثاني عشر بقلم جمانه السعيدي
دنياااا زاد انشغال وليد عني وكلش هملني
احس نفسي عايشه بدوامه
الدوام والبيت تعبني حيل
ماكو اي جديد بحياتي مر سنه على زواجنا واحنا
يوم اسوء من يوم
قررت اخلي حد الهاي المهزله
انتضرته لمن رجع
دنيااا اريد احجي وياك بموضوع مهم بيتنا يمته يخلص
وليد اذا تردين بيتنا يكمل بسرعه حركي جيبج
دنياااا شلون يعني
وليد يعني اسحبي قرض على راتبج ابدال ماتنطينه الامج
وبيتنا يكمل
دنيااا راتبي مالك شغل بي انت اول ماخطبتني تعرف راتبي الامي
اهلي ضروفهم صعبه ومااكدر اكطع راتبي عنهم
وليد اسكتي ماكو بيت اكعدي واسكتي لادوخين راسي
دنياااا وليد تعبت انت ماجاي تحس بيه شغل البيت كله عليه اني ارجع مهدود حيلي من الدوام
اريد ارتاح اني شنو ذنبي اتعب هيج
وليد اسم الله على قصر ابوج والخدم والحشم الي بي
دنيااا لا تستهزء انت تعرف وضعي وخطبتني
اني اذا بيتي وحدي انضف ويبقى البيت نضيف
اكدر اطلب اكل جاهز لو احضرلي كم اكله وامشي اموري ببهن
بس هسه طول النهار هوسه ومامفتهمه راسي من رجليه
جاي اتعب حيل
جمانه السعيدي
وليد كتلج انطيني راتبج ويكمل البيت وغير هذا الكلام ماعندي لا ادوخيني
اخذ تليفونه وطلع برا يحجي واسمعه يضحك
نص ساعه ورجع
دنيااا ويه منو تحجي
....ولد صديقي
..صديقك بلوحده بليل
...انتي شنو تحاسبيني
...لا العفووو شلون احاسبك
ياربي هاي شني من ورطه ورطت نفسي بيه
المشكله تليفونه بي رمز ومااكدر افتحه ابد كم مره حاولت بدون فائده
بعدها بكم يوم اندكت الباب العصر
كلهم طالعين بس اني موجوده
فتحت الباب رجال جبير
...شلونج عمي
...اهلا وسهلا
..وليد موجود
...لا طالع
...زين من يجي كليله ابوحسن لكه موجر للبيت
...يااا بيت
...بيتكم هذا الي برأس الشارع الي خلص بنائه بلجديد
...هو موصيك على موجر
...اي يريد موجر زين لان البيت جديد وطالب بي ايجار غالي
...هااا اي هو كالي
...لكيت ولد موضف وزوجته موضفه ويدورون بيت نضيف
دنياااا ...ممكن اتاشرلي علي لان اني ماندله بلضبط
....شوفي ذاك المحل بابه ازرك البيت الجديد الي بصفه
هنه ذني البيوت الاربعه كلهن الكم
الجماعه وارثيهن من ابوهم
بس هذا الجديد باسم وليد توا بنا بناء جديد
وكال اريد موجر
دنياااا اي تمام اني راح اوصله خبر
جمانه السعيدي
سديت الباب وكعدت بلكاع صدكوني كعدت بلكاع
يكول البيت ماكامل بناء استاذ وليد
ويريد ياخذ راتبي ويخلي على كلبه
فوك الايجارات والراتب مالته
كاعد يضحك عليه ويستغلني كل هاي الفتره
اني شكاعد يصير وياي
بقيت اروح وارجع من العصبيه
اني شكد مغفله ولا يوم سئلته عن البيت وين ولا حاولت اشوفه يريد يسكن بي موجر ويأخذ راتبي مني
فوك الإيجار
انتضرته لمن اجااا
دنيااا هلو حبيبي الله يساعدك
...هله هله عطشان اريد ماي
...اي تدلل كلت بكلبي سم انشاء الله بكلبك
...تفضل اخذ الماي وشرب
دنيااا عندي الك مفاجئه حلوه
....يالله ولو انتي مايجي من وراج شي حلووو
...لا تحجي هيج بشرفك
...يله كولي
...اريد انطيك راتبي تسحب على قرض حتى بيتنا يكمل
...ياالله هسه يله كمتي تفتهمين بس شعجب شنو هذا القرار المفاجئ
...اريد بيتي يكمل وأسكن بي
...خوش فكره
...بس اريد اروح اشوفه وين وصل بلبناء وشكد بعد محتاج وقت
.....شنو شنو وين ترحين بيت بعده بس الحيطان
والعمال بي ٢٤ ساعه وين ترحين
من يكمل واخذج اله
...لا بشرفك اريد اشوفه اشوف الخارطه انت موكلت قريب على بيتنا
شو اني مااشوف اكو بيت قريب على بيتكم بعده ماكامل
وليد لا مو اني بعت القطعه الي قر يبه على اهلي وشتريت وحده غيره بغير منطقه
دنياااا ماكلتي هاي السالفه
وليد هسه كتلج يمته تسلميني راتبج هااا بس كله
مادفعين اي شي الاهلج
...اي بس اشوف البيت يله اريد اعرف وين وصل بلبناء
وليد غير وكت واخذج تشوفينه
دنيااا تمام اريد تليفونك احجي ويه امي
وليد ماعندي رصيد
جمانه السعيدي
دخلت للغرفه ودزيت رساله الإيمان كتله اتصلي على وليد وكولي اريد احجي ويه دنيااا
ايمان ولو مافتهمت ليش بس ميخالف
رحت يم وليد حبيبي احضر العشى
راسا دك تليفونه
وليد هاج ايمان تريدج ليش دكت عليه تليفونج شبي
دنيااا مخلص شحن
اخذت التليفون وهو وكف بصفي يخاف اشوف الرسائل
دنيا عندي حجايه بيني وبين اختي ليش واكف هلى راسي
وليد خلصي بسرعه اريد تليفوني
دخلت بلغرفه وقفلت الباب
وليد ليش سديتي الباب
دنيا كلمه وهسه اطلع
طلعت من المكالمه ودخلت على الواتس لكيت مصايب بينه وبين هاي الموضفه وحتى صور خليعه دازتله
وبعد اكو وحده ثانيه غيره
بسرعه طلعت تليفوني هو كام يدك بلباب اريد تليفوني
اني كمت احجي واصور بلرسايل بلتليفوني
ا...اي ايمان مو وليد يريد تليفونه بعدين اخابرج
واني كاعده اصور المكالمات
فتحت الباب ورجعته التليفون اوي شبيك خبصتني خبص
هو اليوم حجيت من تليفونك
وليد كلتي الامج على الراتب
دنيااا اي وصيت ايمان تكلله
ثاني يوم رحت اسئل على املاكهم طلع عدهم محلات
واربع بيوت اماجرات
وبيتنا كامل من كلشي ويخبل من بره
ورحت للمستشفى اسئل على راتب وليد طلع لا ساحب قرض ولا شي راتبه كامل
وكل الي اسئله عليهم يكوول أصحاب أملاك بس بخلاء كلش
بيش ورطتي نفسج يادنيا
جمانه السعيدي
بعدها اجا وكال تعاي اشوفج بيتنا حتى تتأكدين
شلون بعده ماكامل وبعد هواي يله يخلص
مشينا تقريبا اربع شوارع واشرلي على بيت من بعيد يشتغلون بي عمال وكال هذا بيتنا
اني اعرف هو يجذب عليه
كتله خل ندخل بي من جوه نشوفه
وليد ماتشوفين العمال يشتغلون يروح يوكع عليج شي
غير مره نجي وتشوفينه من جوه
دنيااا هاي هي تمام
وليد موتجين تسئلين من وراي عيب الكل يعرفني هنا
رجعنا للبيت واني اكول هم خاين وهم جذاب وهم بخيل
كل الصفات السيئه بيك
شني من حظ عليه
ثاني يوم رجعت المكان العمل وسئلة العمال بيت منو هذا
كالو بيت حجي جاسم عرفته يكذب عليه اختار بيت بعدا ماكامل حتى ياخذ الراتب
اليوم الي بعده طلبت اجازه كتله اطلبي اجازه اريد انضف البيت
هو راح واني جمعت كل ملابس والشغلات الي جايبته وياي
وذهبي واوراقي كلهن
وطلعت من البيت وصلت الاهلي لكيت بس غفران
غفران شكو ليش جايبه كل ملابسج
دنيااا راح اطلك
خليتهن ورحت للمحكمه ورفعت علي قضية طلاك ووكلت محامي يدافع عني
جمانه السعيدي
رجعت لكيت امي جايه هي وسميه وايمان
امي بس شافتني اني وملابسي عرفت اني راح اطلك
امي ماالومج ابد لاختيار كان غلط من البدايه
رجع للبيت ومالكاني اتصل عليه
دنياااا بدون كلام زايد طلكني
...شنو طلكني
..مثل ماسمعت طلكني اني مستحيل اعيش ويه انسان كذاب وبخيل وخاين
...انتي شكاعد تخربطين امج غيرت عقلج علمود الراتب
...امي وعتني من البدايه بس اني غبيه
...ارجعي احسلج لا تعرفين شراح اسوي
...شتربد تسوي سوي رفعت عليك قضيه بلمحكمه
...اي انتن متعودات كلجن مطلكات
اصلا اني من سئلت بلمنطقه كالو بيت المطلكات
...المطلكات اشرف منك ياعار خل يكولون مطلكات لان رفضن يعيشن ويه أشباه الرجال مثلك
جمانه السعيدي
شكد حاول يرجعني ابد ماقبلت
يريد يرجعني مو حبا بيه لا حتى لايدفع الحاضر والغايب
ولا يخسر الخدامه الي جابه البيتهم
حصلت الطلاك مع كل حقوقي ونقلت من المستشفى إلى مستوصف قريب على بيتنا حتى مااشوفه بعد وانقهر
سميه تخرجت وتعينت وصارت شخصيته قويه مومثل قبل
ايمان تخرجت مدرسه وبلعقود تعينت
غفران عايشه علمود جهاله وبعد عدها امل حازم يرجعها ويربي جهاله وامه ابد ماعايفتهم وغفران عدها راتب رعايه والنفقه واحنا نساعدها بلمصرف
امي تقاعدت لان تعبت من التنضيف بلمدرسه
واني اداوم
اذا تجينا قسمه زينه نزوج بس هلمره لازم يكون الاختيار
صحيح
المطلقه مو انسانه فاشله المطلقه انسانه رفضت تعيش ويه انسان فاشل يدمر حياته
موعيب المراءه تطلق وتبدي حياة صحيحه من جدبد
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
