رواية العزف على الحان الانتقام الفصل الرابع عشر بقلم يارا محمد
ماهر بصدمه و زعيق
تجارة ممن*وعه انت بتتكلم جد بتشتغل مع الماف*يا.
منذر: دي الحقيقه يا ماهر وانت قولتلي أنها اخدت فرع الشركه ف البرازيل وللاسف هي سلمتها لشخص معروف بالشغل الغير قان*وني لقبه العنكبوت الاسود بس اسمه مش نعرفه هو روسي الأصل بس بيتكلم اكتر من لغه وبتتعامل معاه من سنتين بس .
ماهر كان مصدوم من اللي بيسمعه و ازاي اتعرفت عليه و اشتغلت معاه .
ماشي يا منذر شكرا تعبتك معايا هبلغك بالجديد عندي كل شويه وهسلمها ليك بعد ما اضمن سلامه ابني .
عند توليا كانت قاعدة ع الشباك وماسكه مج القهوة جه من وراها وسئلها .
جين: ويا تري بقي بتفكري ف مين غيري مينفعش تفكري ف حد غيري .
توليا بضحك
متخافش مش بفكر ف حد كنت سرحانه ف اول يوم اتقابلنا فيه .
Flash back
توليا بعد ما سابها ماهر خرجت من البيت بالفستان وهي بتبكي بحرقه والدنيا كانت ضلمه ومفيش حد غيرها كانت بتبكي بصوت عالي بس فجاه كشاف عربيه سودا نور بشكل عالي وهي وقعت واللي كان ف العربيه نزل بسرعه .
انتي كويسه وبتعملي ايه بفستانك الابيض ده ف الليل وجوزك فين قومي .
قومها وهي مش حاسه باللي حواليها وبصتله
توليا ببكاء وحرقه
سابني علشان واحدة تانيه أنا بعترف اني متملكه وصعبه بس حبيتوا مش كفايه أبوه اللي قتل اهلي وبيستغلني هو سابني فضل عليا زميلته وسابني.
جين : وبتبكي المفروض تاخدي حقك كوني قويه ومحدش يقدر يرفضلك طلب انتي بتقولي أن والد جوزك السبب ف موت اهلك هو يقربلك.
توليا: عمي بيكون عمي وقتل اخوه علشان الطمع وعلشان كان متجوز ع مراته بنت الناس وفضل عليها واحده تانيه مش من مقامه بيعاقبوني وبيستغلوني علشان بنت واحدة عاديه مش من الأكابر .
جين: خلاص اتمردي وعاقبيهم انتي اسلبي حقهم ف الراحه كوني الشوكه اللي ف ضهرهم ومش بتخرج غير بالدم .
توليا: و تفتكر ده هينفع هاخد حقي ف الآخر .
جين: و حتي لو ما اخدتيش حقك ع الأقل دوقتيهم العذاب بقيتي احسن دلوقتي .
توليا فاقت وبصت حوليها لقت الدنيا ضلمه ومع حد غريب ف الشارع
انت مين وبعدين بتعمل ايه هنا ف الوقت ده .
جين: مش مهم أنا مين المهم عندي عيونك مش يزعلوا وبعمل ايه شغل خاص بيا تحبي اوصلك بيتك.
توليا : لا هعرف اروح وحدي شكرا لانك سمعتني و اسفه اني ظهرت ف طريقك بالشكل ده .
توليا مشيت وهو كان هيمشي بس رجع ف كلامه مشي وراها لغايه ما وصلت بيتها وابتسم ومشي راح شقته بس أمر حد يجيب معلومات عنها بعدها تعدد ظهوره قدامها و ارتاحت ليه وهو كمان مبسوط بشوفتها لغايه ما قرر يحكي ليها عن حقيقته وقرارها وتوليا قررت أن تكمل معاه حتي لو كان ايه وبقي يساعدها ف تكوين شخصيه جديده سهل عليها اي حاجه .
Back
توليا: أنا بشكرك انك ف حياتي يا جين لولاك كان لغايه دلوقتي حليم بيستغلني شكرا مرة تانيه .
جين بابتسامه
مش تشكريني انتي مش تستاهلي اللي عملوه فيكي تستاهلي حياة احسن من كده صح من مصادري ف المخابرات الظابط منذر بلغ ماهر بكل حاجه عننا لازم تخلصي ف اسرع وقت .
أما ماهر دخل غرفته ولقي رينا سرحانه ومعاها لبس ابنها قعد جنبها وحط أيده ع كتفها وهي حست بيه وبعدت عنه .
ماهر: ليه الجفا ده أنا مش استحق منك كل ده .
رينا
لا انت تستحق اكتر صدقت اني ممكن اقتل عمي وحبستني واتهنت منكم كلكم كنت مستنيه تدافع عني أو مش تصدق ده بس انت عملت العكس ولما طلعت براءة بنت عمك خطفتني وخلتني مش حاسه بالدنيا واخر حاجه ابننا اللي مش ليه ذنب اخدته مني ومش عارفه اعمل ايه من يوم ما رجعنا واحنا مش مبسوطين وموافقتك ع الجواز منها بعدها ترجع ابني كنت مستنيه تموتها تعذبها علشان تقول مكان ابني بس اللي حصل العكس قولتك ابني يرجع وننفصل .
ماهر
طيب هيحصل اللي عايزاه أنا مش هجري وراكي تاني علشان تسامحيني يوم الفرح ترجع ابني و هطلقك .
ماهر ساب الاوضه ورزع الباب وراه و رينا انهارت ع الأرض وكتمت صوتها علشان محدش يسمعها .
توليا : جين انت محتاج الشركه ف حاجه
جين
لا ليه السؤال ده
توليا .....
شكرا لزيارتكم عالم روايات سكيرهوم
