رواية عشقت طفلة زين وليان الفصل الرابع عشر
في مكان مجهول
_زين الراوي هايجي دلوقتي مش عايزة يحس بأي حاجه
فجأة وصلتلة رسالة من زين
"انا وصلت انت فين؟!"
ضحك بسخرية ثم ارسلة رسالة
"امشي شوية لقدام وهتشوفني"
زين _خليكم انتوا هنا، تعالي يا ماهر معايا
وصل زين للمكان
_اهلا يا زين
زين _انت مين؟، شيل اللي علي وشك وخليني اشوفك
_متستعجلش هاتشوفني، وشال اللي علي وشة
زين بدهشة _ادهم؟!!! انت بتعمل ايه هنا
ادهم بخبث _انا عملت كل ده عشان اقولك مين اللي عايز يخلص منك وعامل حبيبك
زين _تقصد ايه؟!
ادهم: الكلام اللي هقوله صعب يا زين، ثم اكمل بحزن مزيف، انا مكنتش عايز اقولك بس اللي بيحصل مينفعش يتسكت عليه
زين بضيق _اخلص يا ادهم عايز تقول ايه
ادهم _كل اللي حصلك ده بسبب عمرو اخوك، اكمل ادهم حديثة وكان زين مصدوم من اللي بيسمعة
زين بعصبية: انت بتقول ايه؟ انت اتجننت
ادهم بخبث _كنت عارف انك مش هتصدقني بس انا جايبلك تسجيل بصوت عمرو نفسة وهو بيقول كده
زين بعصبية: وريني
طلع عمرو موبايلة وبدأ يسمع التسجيل لزين
فلاش باك
ادهم: ازاي انت اللي عملت كل ده في زين
عمرو: زي م بقولك كده كل اللي حصل لزين انا السبب فيه وانا اللي متفق مع ياسر عشان نخلص منه
ادهم: لا انا مش فاهم حاجه انت تقعد كده وتحكيلي كل حاجه من الاول خالص، بس... ثواني هعمل مكالمة وراجعلك
خرج ادهم برا الغرفة
ادهم بخبث: انا عارف لو قولت لحد من غير دليل مش هيصدقني ف عشان كده هسجلك، ثم اكمل بسخرية، وقعت يا عمرو هههههههه
باااك
ادهم _صدقتني يا زين
زين تعابير وشه اتغيرت
وتكلم بهدوء عكس اللي جواة
_وليه متكلمتش معايا ف البيت
ادهم: مكنتش هعرف اقولك حاجه في البيت عشان عمرو بعد م حكالي كل حاجه اغلب الوقت كانت عينة عليا عشان كده جبتك هنا
زين بتنهيدة _ معني كلامك انك مش عايزة يعرف مين اللي قالي
ادهم: ياريت، اكمل بخبث، انت عارف بحب عمرو قد ايه وبعتبرة اخويا الصغير ف مش عايزة يزعل مني انا عملت كده لمصلحتة
زين مكنش مطمن لادهم بس بيحاول يصدقة
زين هز راسة ومشي
ادهم بشر، اللعب ابتدي، وابتسم بخبث
زين ركب عربيتة
زين _اطلع ع الشركة
بعد شوية وصل زين الشركة والكل كان مبسوط برجعتة
حمدالله علي السلامه يا زين بيه
_الله يسلمك
جمال _الشركة نورت يا زين بيه
زين هز راسة بابتسامة وكمل طريقة
حمدالله علي السلامه يا زين بيه
زين وقف ف نص الشركة وقال
_شكرا ليكم كلكم مبسوط بيكم لانه في الفترة اللي غبتها كنتوا بتشتغلوا كويس وكل اللي في الشركة بلا استثناء هزودله مرتبة.
كل المواظفين كانت مبسوطة وبيدعوا لزين
_ربنا يخليك لينا يا زين بيه
_ربنا يكرمك يا زين بيه
زين _يلا كله يرجع يشوف شغلة
دخل زين مكتبة
زين كان قاعد بيفكر هيعمل ايه ف عمرو
فجأة دخل عمر
عمر _ايه يا عم مش تقول انك جاي
زين بجدية_تعالي ي عمر
عمر _مالك في ايه؟!!
تنهد زين بحيرة
_والله مش عارف اقولك ايه
عمر بقلق: قول يا زين مالك
زين حكي كل حاجه لعمر
عمر بصدمة وهو مش مصدق اللي سمعة _عمرو يعمل كده!!!!
زين _انا كنت مش مصدق زيك كده لحد م سمعت التسجيل
عمر: ينهار اسود يجدع ده انت اخوه ازاي يعمل فيك كده
زين بعصبية: اهو عمل وخلص يا عمر هنقعد نندب يعني!!
عمر: طب وهتعمل ايه؟
زين بحيرة: مش عارف... مش عارف افكر
عمر: اهدي بس كده وان شاء الله محلولة
زين بهدوء: فكك دلوقتي، قول لياسمين تجيب ملف كمال
عمر: نسيت اقولك صحيح
زين: قول
عمر: هو انت ليه كلمت" علي " وخليتة يجي مع انك عارف انه الصفقة دي كان ممكن اخلصها لوحدي
زين: انا عارف كده، بس انا جبت "علي" عشان الفترة الجاية هحتاجة
عمر _انا مش فاهم حاجه
زين: يعني يا غبي قولتلة يجي وبينتلة ان الدنيا مش هاتمشي من غيرة عشان يشوف نفسة حبتين، وبما اني عليت من شأنه وخليتة يحس ان هو محور الكون، ف هو هيحب يحس الاحساس ده كتير ولما احتاجة ف الشغل اللي جاي ميتأخرش
عمر: اه فهمت
زين: طب الحمدلله
عمر بضحك: بس انت طلعت استاذ
زين بغرور وهو بيعدل ياقة القميص
_اتعلم مني بقا
عمر: طب ليه "علي" بذات؟!
زين: عشان بيتعامل مع "عز الجارحي" وانا عايز اجرب عز في شغل ف هوصلة عن طريق "علي"
عمر بغباء: مش فاهم، مانت لو كنت كلمت عز وقولتلة انك عايز تعمل معاه شغل اكيد مش هيقولك لا دا انت "زين الراوي" هو مش عارف هايتعامل مع مين ولا ايه!!
زين: طب م انا اقدر اعمل كده بس مش عايزها تيجي مني عايز اخلية هو اللي يطلبها.
عمر: وفيها ايه لما انت تطلبها ده شغل!
زين: عشان عز مش سهل ومش عايز ابينلة اني انا اللي عايزة.. و... ولاا اطلع برا مش ناقص غباء امشي
عمر: ااااه فهمت
زين: في اخر الجملة قولتلك اطلع برا مسمعتش اقولها تاني؟!
عمر وهو بيهرش في دماغة
_هو انت تقصدني انا
زين بص حوالية وقال
_هو فيه حد تاني معانا؟ ثم اكمل، يلا ياض من هنا
عمر بضحك: خلاص يعم هخرج هو انا هخرج من الجنة
زين: خد الباب في ايدك
في قصر الراوي
كانت العيلة كلها متجمعة
ليان: هو عمو خالد هايرجع امتي؟
ناصر: كلمتة وقالي انه قدامة كام يوم ويجي، ليه في حاجه؟
ليان، لا بس بسأل عادي
ماريا، سؤالك غريب
ليان بضيق: لا مش غريب ولا حاجه يا ماريا انتي بس اللي مبتسأليش ع حد
ماريا بغضب مكتوم: هبقي اسأل عشان تتبسطي
ليان: ميخصنيش يروحي
ماريا اتعصبت ولسه هتتكلم
جلال: خلاص منك ليها مش ع طول مناقرة كده
ماريا: انت مش شايفها بتعمل ايه يعمو
جلال بحزم: كفاية يا ماريا
سكتت ماريا وكانت بتتوعد لليان
ناصر: ماتيجي نخرج يا جماعة
رقية بفرحة: يلا بينا
ناصر بضحك: طب مش رايحين ف حته
رقية بعصبية مزيفة: والله؟
ناصر: لا طبعا بهزر
ليان: وانا عايزة اخرج خدوني معاكم
ثريا: كلنا هنروح
عمرو: اتفقوا وقولولي
ماريا: وانا زيك يا عمرو
جلال: هتروحوا فين
ناصر: اسمها هنروح فين انت هاتيجي معانا
جلال: لا لا روحوا انتوا
ثريا: محدش هيخرج من غيرك
ليان: صح لو مروحتش محدش هيروح
جلال، يا جماعة....
قاطعة ناصر
: خلاص هاتيجي يعني هاتيجي
جلال: خلاص طالما مصممين كده هاجي وامري لله
كلهم فرحوا
ناصر:قوموا اجهزوا انا عرفت هنروح فين
عند زين
زين: حضري الاوراق وهاتيهم
ياسمين:حاضر، مستر علي ومستر كمال بيستنوك يا زين بيه
زين: تمام هاتي الاوراق المطلوبة هناك
ياسمين: امرك يا زين بيه
دخل زين مكتب الاجتمعات
زين: مساء الخير
كمال: زين بيه حمدالله علي سلامتك
زين بابتسامة: الله يسلمك
علي: الحمدلله انك بخير يا زين بيه
زين: شكرا يا علي، اتفضلوا اقعدوا
ياسمين نادي عمر
_حاضر يا زين بيه
في قصر الراوي
ليان بسعادة _كلنا جهزنا يلا نخرج
جلال _في حاجه
ناصر _في ايه
جلال وهو بيكتم ضحكتة_زين قال محدش يخرج غير لما اجي
كلهم اتضايقوا بسبب قرار زين
ماريا : يعني هنخرج ولا لا
جلال بنفس النبرة_مش عارف
ناصر بضيق: اصلا مين قاله
ليان: مهو... مهو... ااا
ناصر: مهو مهو ايه؟
ليان بتلعثم وهي بتبلع ريقها: ما هو زين كلمني و... كان بيسأل علي عمرو.... واا... انا من غير قصد....قولتله اننا هنخرج
ناصر بضيق: اقول عليكوا اي بس
عمرو بخوف: وهو كان بيسال عليا ليه؟
ليان: معرفش
رقية: هو فين ادهم مختفي من الصبح
ثريا وهي بتخبط باديها علي راسها: صحي بدري وقالي انه هيخرج ويتأخر وقالي اقولكم بس انا نسيت
ناصر: خرج راح فين؟
ثريا: مش عارفه
ماريا: طب انا زهقت
ليان بلهفة: زين جه
ناصر بعصبية مزيفة: اي يا استاذ متعطلين عشانك
زين ببرود: وايه يعني
ليان: هنخرج؟
زين سكت شوية وبعدين اتكلم
_والله انا كنت ناوي اخليكم تقعدوا، بس لقيتكم لبستوا واتشيكتوا ف اخرجوا ماشي
جلال: الله الله يا زين بيه
زين: حبيبي يا بابا
جلال باستغراب: هو ايه اللي حبيبي انا كنت لسة هشتم
زين بضحك: حبيبي برضو
ضحك جلال وقال
تعالي معانا طيب
زين لا اخرجوا انتوا
ناصر: لا هاتيجي خلاص
ليان: ايوه ي زين تعالي
رقية: تعالي هتقعد لوحدك ليه
زين: كلكم صممتوا علي اني اجي معاكم؟
الكل _اه
زين: وانا مش جاي هه
ماريا: تعالي معانا يا زين غير جو
ثريا: ماريا عندها حق يلا
زين: طب اغير هدومي واجي
الكل بفرحة: مستنينك
بعد شوية نزل زين
جلال: كل ده تاخير
زين بغرور: اتاخر براحتي
ماريا: بس ايه القمر ده يا زيزو
زين حب يغيظ ليان
زين: مفيش قمر غيرك يا ميرو
ماريا بفرحة: ميرسي يا زين
ليان كانت متغاظة بس مبينتش كده لزين
ليان لعمرو: يلا يا موري نستناهم برا
عمرو: فهم انها بتغيظ زين
_يلا يا قلب موري
زين في سرة: وحياة امك لاربيكي
العيلة كلها خرجت
زين: عمرو وماريا يركبوا مع بعض
جلال: وانا وناصر وثريا ورقية مع بعض
ليان كانت بتبلع ريقها
ليان بصوت مهزوز: وانا هركب مع مين
زين ببرود: معايا
ليان بلعت ريقها وسكتت
ماريا: وانا عايزة اركب مع زين
عمرو: امشي يا ماريا واسكتي
زين استناهم لغاية م ركبوا العربيات ومشيوا
زين: اركبي يلا
ركبت ليان العربية ومتكلمتش
زين مشي بالعربيةوليان كانت قاعده بتفرك في ايديها
زين بخبث: مالك خايفة من حاجه ولا ايه
ليان بصوت مهزوز: لا ها... هخاف من ايه
زين: مني مثلا
ليان بنفس النبرة: وهخاف منك ليه
زين: مش عارف بس الاحسن انك تخافي، من خاف سلم
ليان سكتت ومتكلمتش
زين: وقف بالعربية
ليان وهي بتبلع ريقها
_وقفت ليه
زين بخبث: م اقف عادي يبنتي هو انا هخطفك
اكمل زين حديثة وهو بيفتح باب العربية
انزلي
ليان هنروح فين
زين بخبث: تعالي بس
مشيت ليان مع زين
ليان بخوف: ايه المكان ده يا زين
_ده مكاني المفضل
المكان كان عباره عن شقة صغيرة مبنية بالخشب علي طريق شبه مقطوع الشقة عباره عن اوضة وصالة ومطبخ وحمام وكان فيه مكان صغير قدام باب الشقه مليان ورد
ليان: جايبني هنا ليه
زين بابتسامة: حبيت اوريهولك انتي تالت شخص يعرف المكان ده
ليان هديت شوية
مين الاتنين التانيين
زين: عمر وامجد
ليان: كنت متوقعة
زين: طب ادخلي ادخلي
ليان بانبهار: المكان حلو اوي يا زين
زين بهدوء: هروح اعمل قهوة تشربي؟
ليان: كده هنتأخر
زين: متقلقيش
هعملك قهوة معايا
ليان هزت راسها بابتسامة
بعد شوية خرج زين ومعاه القهوه
زين برفعة حاجب: كنت ناوي ازعلك علي اللي عملتية بس هعديهالك المرادي لكن المرة الجاية صدقيني هتزعلي مني
ليان وهي بتبلع ريقها: تقصد ايه
زين بحزم: قصدي انتي فهماه كويس يا ليان
ليان سكتت شوية وبعدين اتكلمت
_وانت طريقتك مع ماريا كانت مش عجباني
قرب زين من ليان
ليان وقفت من مكانها واتكلمت بخوف
ليان_في اي يا زين
زين كان بيقرب منها وهي بترجع لورا
زين بابتسامة خبيثة: بتغيري؟
ليان بصوت مهزوز: ها... لا هغير ليه
زين وهو بيقرب منها
_امال اسمي ده ايه
ليان خبطت في الحيطة وزين كان لازق فيها
ليان بدموع: زين انا عايزة امشي
زين: ليه م احنا قاعدين
ليان: اتأخرنا يا زين
زين حط ايده علي وسطها
_هنقولهم اي حاجه
ليان زقتة بعيد عنها وخرجت بسرعة
زين خد مفاتيح العربية وخرج وراها
زين بابتسامة : علي فكرة سبتك بمزاجي
ليان ابتسمت ومتكلمتش
ركب زين العربية ومشي، كانوا طول الطريق ساكتين
بعد شوية وصل زين وكانوا كلهم بيستنوه
الكل_
اتأخرتوا كده ليه؟!!
ليان ملامح وشها اتغيرت وزين لاحظ كده
زين: كان في زحمة في الطريق
جلال: طيب هنعمل ايه دلوقتي
زين: هناخد لانش وهننزل في الجزيرة اللي في البحر وناكل اكلة سمك حلوة كده وبعدين هنطلع اللانش تاني وهفسحكم في البحر هيصوا
العيلة كلها كانت مبسوطة ومتحمسين اوي
عدي اليوم
وكانوا كلهم مبسوطين وزين قرب من ليان شوية وماريا كانت متغاظةجداً، رجعوا القصر وكانوا فرحانين باليوم وعايزين يكرروه تاني
_جلال: اليوم كان جميل يا زين
والكل ابتدي يقول رايه
زين: خلاص يا جماعة عشان فصلت بكره نكمل الحكايات الحلوة دي
وكل واحد راح علي اوضتة
في مكان تاني
_ايوه انا هسافر خلاص مبقتش قادرة استحمل بعدها ده لازم اعرفها كل حاجه
_انتي متاكدة انها هتسمعك
_مش عارفه بس ان شاء الله هتسمعني
_الموضوع معداش عليها بالساهل لازم تكوني مجهزة نفسك لاي رد فعل منها
_ان شاء الله خير
_هتسافري امتي؟
_بعد بكرة
