.jpg)
رواية معشوقتي المجنونة الفصل الخامس عشر بقلم ابتسام محمود الصيري
مريم بدموع : مافيش يا ماما
حنان : يعنى مش هتقوليلي مالك
مريم بدموع : يا ماما مافيش
حنان تقوم تتصل ع كرم : عامل ايه يا حبيبي
كرم : الحمدلله يا ست الكل انتو عاملين ايه
حنان انا كويسه بس مريم من ساعة ما رجعت من الامتحان و هي بتعيط
كرم : ليه كده ممكن عشان مارحتش اخدتها
حتان : الله اعلم يابنى انا مابقتش فهماها خالص ممكن تيجى تتكلم معاها
كرم : طبعا
**********
في القوات الخاصه
يتحركو و فادي و نايا متسندين ع بعض
فادي : اول امبارح اتخضيت و افتكرتك هتقولى انك نايا
نايا بتعب : و الله كنت ابغى اقول
فادى : و ماقولتيش ليه
نايا تمثل العياط : استحى يعرف اللى بيحبها عامله نفسها راجل
فادي باستغراب : انتى ازاي مستحمله كل ده انا راجل و فيصت
نايا : عشان عملت نفسي راجل .. لا و وقفت وقفت راجل
فضلو يتكلمو كلام كتير لحد ما وصلو المخيم
**********
عند مريم يوصل كرم
كرم : فراشتى عملت ايه في الامتحان النهارده
مريم بزعل انا مش عايزه اروح المدرسه تانى
كرم : و ليه
مريم بدموع : كده
كرم : قولى سبب مقنع و انا مش هوديكى
مريم فضلت تعيط
كرم : مقدرش ع الدموع دي و مسح دموعها و مسك وشها ممكن نتكلم و بلاش نعيط
مريم : البنات بيقولو عليا مش كويسه
كرم : و انتى تسمعى ليهم ليه
مريم عياطها يزيد
كرم ياخدها في حضنه : فراشتى الجميله كل اللي بيتكلمو عليكى بيغيرو منك عشان انتى احلى و احسن منهم كلهم ، ممكن نتكلم من غير عياط و تفهمينى
مريم : كانو بيشاورو عليا و يقوله اللى عامله نفسها محترمه اللى كل يوم واحد بيوصلها و كنت قاعده مستنياك فضلو يضحكو و يقولو اداها بومبة و زهق منك و مش هيجيلك تانى
فادى يمسح دموعها ويضحك : و الله كنت حاسس انهم غيرانين انك محترمه و هما لا انا بقى هجيلك بكره و هخلى كل البنات دي مش تتكلم ، بس دول ممكن يولعو في نفسهم من كتر الغيره
مريم : هتعمل ايه
كرم بحب : دي مفاجأه ، ممكن بقى متعيطيش
مريم تمسح دموعها : حاضر
كرم قام : همشى انا عايزه حاجه
مريم وقفت : خليك شويه
كرم : معلش هقابلك بكره ، و نادى ع حنان ست الكل انا همشي عايزه حاجه
حنان تدخل و تبص ع مريم اللى ضحكتها ماليه وشها و تفرح اووى : ربنا مايحرمنيش منك ابدا و يسعد قلبك زي ما بتسعدنا كلنا
كرم باس ايدها : منحرمش من دعواتك ( سلم ع مريم و نزل)
حنان اخدت مريم في حضنها و قعدو مع بعض
*********
عند دانيه
الباب بيخبط
سوسن : يازفته افتحى
دانيه في الاوضه روحى افتحى يا فيفي
فريده : هي بتقولك انتى
سوسن : يا نيله حد يفتح الباب
دانيه : اهي بتقولك انتى يا نيله سبينى بقى عايزه اخلص الرسمه دي
فريده : انتى ارسمى و انا اقضيها مشاوير
و تفحتح و تنح
شادي : وحشتينى
فريده تفتح بقها
على : ولد قدامى كده عيب . و يبص ل فريده مافيش اتفضلو
فريده :—
على : بنت يا فريده
فريده تفوق : انكل على ازيك اتفضل
فادي : انا زعلان انكل على ازيك و يتفضل و انا ايه
على دخل و لسه فريده و شادي ع الباب
شادي : بقولك وحشتينى
سوسن كانت في المطبخ بصوت عالى : مين يا نيله اللى ع الباب
فريده تتخض من صوت مامتها : حرام عليكى يا شيخه هتموتينى ناقصه عمر .. ده انكل على و بصوت حنين و شاااادي (و تنام ع الباب)
شادي : يااالهوووى ع شادي منك انا حبيته تصدقى و حط راسه هو كمان ع الباب
فريده بهيام و (كانها مش ع الارض حاجه زي سجادة علاء الدين اخدتها و طلعت بيها فوق السحاب و تقول برقه) حبيت ايه
شادي بحب : قلبي عندما اراكى لا ارى اي شئ فأنتى تملكين كل مشاعرى و تسيطرى ع احاسيسي
قلبي انتى الشمس التي تنور لي حياتى انتى القمر اللى بيملا عليا الدنيا هدوء ورمانسيه قلبي انتى العالم بالنسبه لي و عندما تقولى اسمي بعشق نفسى و يكفى ان اعشق نفسى لانكى انتى تحبينى وانا احب اي شئ تحبينه انتى قلبي و روحى يا وردتي الذي اغرزت بزرتها و سقيتها بماء حبي و انعشتها بهواء انفاسي
فريده كانت هتقع سيطرت ع نفسها و سندها بسرعه و اخدها في حضنه : يالهوووى يالهووى كل الكلام ده ليا انا
سوسن تروح لحد الباب : ليلتكم مش معديه بتنيلى ايه يا نيله في حضنه
شادي فضل حاضنها
فريده فضلت تبعد نفسها : لا لا لا اوعي تفهمى غلط .. و تمثل العبط و النعمه ما انا هو اللى بيغرغر بيا
شادي : انتى طلعتى بتبيعى وش ع العموم ، اغرغر براحتى هتبقى مراتى و ام عيالى مغرغرش ليه
على بصوت عالى : شادي ادخل
شادي بعدها عن حضنه و يمثل الخوف و يقلدها و هو ماشى / لا لا لا اوعي تفهمنى غلط .. و النعمه ما انا هي اللى بتغرغر بيا
فريده ضربته ع كتفه
سوسن : عاجبك كده يا على
على بهدوء : اقعدي بس و هفهمك كل حاجه
سوسن بحده : تفهمنى ايه . انا سابق و رفضت الكلام في الموضوع
شادي : بصى يا ست الكل مع انى مش مقتنع ان اتجوز برغبة حد ميت بس لو رغبته اتجوز الانسانه الوحيده اللى قلبي دقلها موافق
سوسن : يعنى هتتجوز دانيه
شادي : اعوذ بالله دانيه مين (و يبص ل فريده بحب و يغمزلها) فريده طبعا
دانيه تخرج من الاوضه و لبسه تيشرت و بنطلون : حد بيجيب في سيرتى
شادي : هو انتى مش بترحمى البنطلون منك خالص حتى في البيت
دانيه : خليك في حالك يا أمور انا كده
سوسن : حد يفهمنى انت تقصد ايه
شادي يبص ل دانيه : يا عم ادريس هاتى اللاب بسرعه
دانيه بضيق : انا ادريس كل الانوثه دي و تقول ادريس . مش جايبه
فريده قامت : هروح انا
شادي يمسك ايدها : لا مقدرش تبعدى عنى ثانيه ، روحى انتى يا ست البنات ويا ام انوثه و ال سي دي اللى هشغله عليه هيبعدك عنى خالص (و يبص لفريده بهيام) و يقربنى منك انتى يا قلبي
دانيه راحت عنده و مسكت وشه بص ليها شادى بصه غريبه : ايوه انا جايه عشان كده بالظبط هو انت لما تبصلى او تكلمنى تبص البصه دي و اما راسك تتحرك ل فريده الاقى النظره اتغيرت لسهتنه و محن هو انا رحتى معفنه ولا حاجه مقروف منى اووى كده ليه
شادي : انتى دانيه اما هي حبيبتى اخاف ابصلها و انا فاتح عينى تجرحها
دانيه بعصبيه : لا انا كده اتشليت و مشيت
سوسن كانت هتمووت و تقوم تضرب بنتها بس قامت و شاطت رجلها جامد و فريده و لا هي هنا سرحانه في عين شادي
سوسن بغيظ : اه يا نيله و الله ل اضربك بالشبشب لما يمشو
دانيه جابت اللاب : اهو اتفضلو
شادي نزل عينه بالعافيه من ع فريده و اخد اللاب و شغل السي دي
دانيه بعين فيها دموع : ده بابا
فريده عنيها دمعت : ملحقتش اشبع من حنانه عليا
شادي قفل السي دي و راحلها مسح دموعها بأيده : ممكن ما اشوفش دموع حبيبي تانى
فريده هزت راسها بالموافقه
سوسن بعصبيه : لا بقى لا بقى كده كتير في ايه يا ابو شادي ما تلم ابنك شويه و لا اقولك كل اللى عنده معزه يحابي عليها و بصوت عالى فريده ع اوضتك
فريده تقوم : حاضر
شادي يمسك ايدها و يبص ل سوسن : طنط بعد اذنك خليها قاعده و انا هحاول امسك نفسي
سوسن تبص بصة توعد ل فريده و بغيظ
شادي : طنط لو سمحتى ، و غير كده هي لازم تسمع الفيديو ده
فريده لسه واقفه
شادي : عشان خاطر عمو الله يرحمه
سوسن اقعدى يا نيله
شادي يبص ل فريده بهيام : حد يبقى معاه القمر ده و يقوله يا نيله
سوسن بنرفزه : و انت قلت خليها تترزع و مش هتبصلها و لا تكلمها تانى
شادي : انا قلت هحاول
على : شادي تعالى اقعد جنبي و شغل الفيديو
شادي قعد جنب فريده و شغل الفيديو و حط اللاب ع الترابيزه
على : اهلا بالغالى فينك يا راجل مختفى فين
محمد : على انا تعبان اووى و عملت اشاعات و طلع عندى كانسر في المخ
على بزعل : لا حول و لا قوه الا بالله
محمد : على لو حصلي اي حاجه بالله عليك خلي بالك من بناتى دول امانه معاك و ياريت تجوز دانيه ل شادي هما بيحبو يلعبو و ياكلو مع بعض لازم شادي يتجوز
سوسن : ايه الجديد ما هو قالى كده
على : اسمعى للاخر
محمد : لازم شادي يتجوز حد من البنات عشان يبقى راجل البيت و يخلى باله منهم و لو اتجوز دانيه يقف ل جوز فريده لو زعلها او جه عليها و لو فضل يتجوز فريده يبقى يقف ل جوز دانيه لو زعلها او جه عليها و قفلو الفيديو
دانيه كانت فرحانه جدا
اما فريده و شادي مسكو ايد بعض ( و نظرات تكفى عن اي كلام هكتبه )
على بفرحه : نقول مبروك يا سوسن
سوسن بفرحه : لولولولولولولولي
في اللحظه دي شادي اخد فريده في حضنه و لف بيها
سوسن خبت و شها : انا هعمل نفسي ما شفتش حاجه
و بعد وقت نزلها و فضل باصص في عنيها كأن الكلام اتحجر
دانيه راحت ليهم بفرحه : مبروووك
ولا حد فيهم رد
دانيه : ايه الاحراج ده
على حضنها : الله يبارك فيكى يا قلب عمو عقبالك
دانيه بثقه : قريب اووى يا عمو
سوسن بحده : و ايه الثقه دي كلها يا زفته
دانيه : احم احم الله بقى يا ماما
سوسن : انت جبت من فين الفيديو ده صح
على : انا فضلت افتكر في كلام محمد بس اللى كان مسيطر ع عقلي في الاول دانيه ل شادي عشان طول الوقت كنا بنقول كده و الفكره خلاص سيطرت ع العقل و لما قعدت افتكر كلامه افتكرت ان الشركه بتاعتى فيها كاميرات و تسجيل صوت و طبعا لقيتها بسهوله عشان عمرى ما انسي تاريخ اليوم ده ، و انا عارف مهما كنت هاقولك اللى في السي دي مكنتيش هتقتنعى جبتهولك تشوفيه بنفسك
سوسن : ربنا يريح قلبك يارب
قرأو الفاتحه
على : نستأذن احنا و ان شاء الله في اقرب فرصه هنعمل الخطوبه
سوسن : بس ع شرط
على : أؤمري
سوسن : مافيش جواز غير لما تخلص كليتها
على : سبيها لظروفها
سوسن بتصميم : بس ده شرطى
على : و انتى عاجبك حالهم كده انا اخاف اسيبها معاه لوحده دقيقتين و ع العموم سيبيها ع الله
سوسن : شادي اوعدنى انك تكون راجل و ماتلمسش فريده غير في بيتك
شادي : ايه اللى بتقولوه انتو الاتنين ده اصلا فريده حبيبتى و عمرى ما هأذيها و لا هقرب منها و انا بحبها و اكيد هخاف عليها و عمرى ما هضيع فرحتها ابدا غير لما تلبس الابيض و يتعملها احلى فرح
على : ايه رأيك يا سوسن استريحتى دلوقتى
سوسن تحضن شادي : مبروك يابنى
شادي يحضنها جامد و يبعد عنها يبوس ايدها : الله يبارك فيكى و في عمرك يا ماما
سوسن (في اللحظه دي عنيها دمعت طول عمره نفسها في ولد يبقى ابنها و يقولها يا ماما حضنته جامد ) ربنا ما يحرمنى منك ابدا
دانيه : ايه الجو التراجيدى ده و ربنا هعيط
شادي مسك دبدوب و رماه عليها : لا ماعيطيش
على : يالا يابنى بقى
شادي راح ل فريده : هبقى اكلمك و اطمن عليكى خلى بالك من نفسك
فريده : بحبك
شادي اللى حصله في الوقت ده جاب مايه كتير فجأه تلج و كان نفسه يدخلها جوه قلبه اخدها في حضنه جامد : بموت فيكى
على بتحمحم باحراج : احنا كده هنتضرب كلنا يالا يا زفت
دانيه من غير قصد : نعم يا عمو
على : مش اقصدك انتى اقصد النيله
فريده بهزار : بتنده يا انكل
على بغيظ : اقصد البلوه بتاعى
الكل ضحك
شادي بضحك : شكل مامتك معديه
على شده و مشي و فضل طول الطريق سرحان
اما سوسن اول ما نزله مسكت الشبشب و طلعت تجرى وراها
فريده وهي بتجري : اهدي يا منار اعصابك يا ام صلاح و كانت خفيفه نطت بسرعه فوق الدولاب .. ع فكره هعملك محضر عدم تعرض عشان بقيتى تهبى شبه البابور
سوسن : ماشي اشوف وشك ع الارض
فريده بهزار : ماميتى وشي عمرك ما هتشوفيه ع الارض ممكن تشوفى رجلى كل تعبيراتك فاشله
سوسن بغيظ : اعمل فيكى ايه و فضلت ترمى عليها حاجات
فريده : اي اي اي
********
يوم جديد
في القوات الخاصه
مهيمن شاف نايا قبل الطابور
مهيمن : انت ليه ما بقتش تتكلم معايا بعد التمرين
نايا بقرف : اعتبره كده نوع من انواع الهروب من الواقع المتهالك
مهيمن : انت شكلك زعلان منى
نايا بتريقه : اطلاقا انت حد يزعل منك يا باشا ده انت شويه و هتأكلنا التراب
مهيمن بأبتسامه : تصدق فكره .. (و بحده ) ع طابورك يا فدائي
نايا بتكلم نفسها في سرها : يخربيت جمالك وريحتك اللى ع الصبح بتدوخ
مهيمن : النهارده هنعدى تحت سلك شائك و حواجز حديد و ليزر بس هنعمل تمارين الاول
نايا بغيظ : حد يسكت الراجل ده لارزعه بوسه ياخد فيها ٣٦ غرزه
فادي بهزار : لو هتسكته و يبطل اوامر فينا روحي
نايا : طااه سبنى عليه اوعي حد يمسكنى سيب يا فادي
فادي بضحك : يخرب عقلك هو حد مسكك روح يالا روح و بيزق فيها
نايا بخوف : ايه يا جدع لقتنى منفعل هدينى
فادي بضحك : لا لا روح روح يالا روح
مهيمن بحده : خلصت ضحك انت و هو ولا لسه و بص ل نايا شايف انت بتعمل ايه و اما اعاقبك بتزعل
نايا بثقه : مين ده اللى بيزعل ده انا كلى مخاطر
مهيمن بتحدى : بس انت مش قد مخاطرى
نايا بغرور : انا بقرقش مخاطر
مهيمن اخد نفس و بصلها بصت تحدى: تمام
نايا بخوف و بهزار : لاء لاء بصتك مش عجبانى ، لاء لاء وكمان اخدت نفس ، لاء لاء وبتقولى تمام لاء لاء
مهيمن بهدوء : غنى براحتك خالص ده انا هظبطك مخاطر انهارده
نايا / ما انا لازم اقلق من الهدوء بتاعك ده لان بيكون وراه عصفه ، انا و الله من الصبح قلت بصتك مش مريحانى ، باشا باشا هو انت هتعمل فيه ايه ، باشا يا باشا قولى بس هتعمل فيه ايه باشا يا باشا والنبي لترد عليا
مهيمن ولا بص عليها يالا نبتدى تمارين و فضلو يعملو تمارين يطلعو ع حبال و ينزلو و يطلعو ع عماره و هما ماسكين حبل و حاجات كتير
مهيمن : كله يجمع هنبتدى نتدرب ازاي نعدي اي حواجز ، تعالى يا نضال
نايا عملت نفسها مسمعتش :—
مهيمن بحده : نضال تعالى
نايا تبص وراها : يا اخوانا اللى اسمو نضال يرد الا ده زعله وحش اووى
مهيمن راح عندها ومسكها من هدومها : المهم انك عارف زعلي وحش ، بقولك تعالى مجتش ليه
نايا حطت ايدها جنب ودنها و فضلت تصقف : كابتن انا شكلى اطرشت مش سامع حاجه الحقونى انا مش سامع حاجه
مهيمن بحده : اتعدل
نايا بتمثيل الطرش : مش سامع حاجه مش سامع حاجه ماتحولش
مهيمن بصوت واطى و بص ل عسكرى : هات حبل و اربطه من رجله و الكل يتدرب عليه النهارده
نايا : باشا كنت عايزنى صح اتفضل اتفضل شوف كنت عايز منى ايه و بصت للعسكرى خلاص يا سمعه الباشا كان بيهزر ، و بصت ل مهيمن خلى بالك انت عنيف اووى
مهيمن مسكها من هدومها و زقها في الارض : اتفضل عدى السلك الشائك ده
نايا بخوف : هو بيكهرب
مهيمن بنرفزه : اللهم طولك يا روح عدي يا نضال
نايا : طه انا بسأل سؤال بيكهرب
مهيمن من غيظه شاط رجلها عند السلك الشائك
نايا اتكهربت : اااه
مهيمن ببرود : كده جاوبت عليك ، اتفضل عدى
نايا : تمام يا رجاله شاهدين بيكهربنى و بيعذبنى هبقى اكتب ورقه و تمضو عليها
مهيمن راح عندها
نايا : باشتنا هدى اعصابك انا هعدي اهو ااااه يا حستى يانا ياما
و كل شويه تتكهرب
مهيمن بيشرح عليها : لازم تنزل نفسك تحت خالص و تزحف ع بطنك و ايدك قدامك
نايا اتكهربت في رجلها
مهيمن : و رجلك تنايمها خالص ع الارض حضرتك موقفها ع طراطيف صوابعك ليه
نايا طلعت : انا عملت دماغ جوه حكايه
مهيمن : اتفضل ادخل تانى
نايا تساور ع الفريق كله : و ربنا وربنا في غيري
مهيمن : محدش غيرك بتاع مخاطر عدي لازم اشرح عليك عشان كله يعدى صح من غير مخاطر و بص للفريق صح يا رجاله
الكل : صح
نايا بصت عليهم و فضلت تمسح دقنها : ماشي ماشي هستناكم بره
الكل ضحك
مهيمن : بطل هزار و انزل
نايا فضلت تعدي و كل ما تتكهرب يقولها تانى
نايا بنرفزه : ع فكره انا بقيلى اتنين فولت و انور
مهيمن ببرود : انزل خدهم عيازك نجفه متحركه
نايا بعصبيه : و ربنا ده ظلم
و فضلت تعدى لحد ما متكهربتش
نايا بفرحه : ايه ده متكهربتش متكهربتش لولولى متكهربتش ماتكهربتش
الكل فضلو يضحكو عليها
مهيمن كان واقف مبتسم
نايا بصتله : الابتسامه الصفرا دي مش مريحانى
مهيمن ببرود : اصل عايزك تعدى في دقيقه
نايا : لا بتهزر قول انك بتهزر
مهيمن شاورلها بأيده ع السلك
نايا بضيق لكن مش قادره تتنفس : طب ازاي يعنى في دقيقه
مهيمن قلع تيشرته و ادا ل نايا تايم بتاع الوقت و نام في الارض و عدي السلك كله في نص دقيقه
نايا بضحك : ده متكهربش لا و كمان اقل من دقيقه
مهيمن : اتفضل
نايا باعجاب : تصدق عاجبنى اووى اداءك و شكلك حلو و انت فدائى و انا انبسط في دور القائد
مهيمن قاطعها و اخد التايمر : اخلص عدي
نايا بتكلم نفسها من غير صوت : ليه يارب خلتنى اخبط فدائى ليه ماكنش القائد لا لا بعد الشر عليه ليه ميكونش اللوا اهي اهي اهي و نزلت
و بعد اربع مرات عدت في دقيقه و الكل بقى يعدي
بعد اربع ساعات
مهيمن : يالا هنجرى باسلحه تقيله كل واحد يروح يجيب سلاح
الكل راحو جابو سلاح تقيل معادا نايا جابت مسدس
مهيمن : جاهزين (و بص ع نايا شاورلها ) تعالى هنا ياخربيت سنينك و ياخربيت اللى جابك هنا ايه اللى في ايدك ده مسدس ابن اختك
نايا بضحك : انت تعرف ابن اختى دي عندها ولد حكايه
مهيمن بستغراب : اختك مين دي؟
نايا تمثل الجديه : انا معندش غير واحده
مهيمن اتصدم : ولد ! ولد ايه ؟
نايا : ابن اختى نايا
