رواية منتصف العمر الفصل السابع عشر بقلم جمانه السعيدي
مختار....ثاني يوم رحت دكيت الباب عليها
كانت خايفه ومتردد مرتين كالت منو منو
مختار...اني مختار افتحي الباب لا تخافبن ( فتحت الباب ) وكل شويه عينها على الدرج كانت خايفه
مختار....لا تخافين اني اريد اساعدج
نسمه...شلون اساعدني
مختار....اريد اسم زوجج الثلاثي وعنوانه رقم تليفونه اذا عندج وإنشاء الله راح اكدر اساعدج تخلصين منه
نسمه....محد بكدرله بس رب العالمين
مختار...لا تخافين مستحيل يقرب عليج واني موجود
انت منا وهيج ابد لا تطلعين واذا مشوار مهم اني اخذج اي مكان تردي اني اتكفل بلمسواك منا لمن نلكه حل
نسمه...خاف يعرف انتم جلي اساعدوني هلمره يذبحني من صدك بدون رحمه
مختار....ليش هيج خايفه ترا بشر عادي مستقوي عليج لان يعرف ماكو وراج احد يحميج منه بس يشوف اكو ناس وراج صدكي مراح يقرب عليج
نسمه....ولله خايفه خاف انطيك اسمه ويعرف
مختار....مو كتلج انتي بحماي لا تخافين ابد
جمانه السعيدي
اخذت الاسم والعنوان منها
مختار...لاتفتحين الباب خاف يكلج ابو الزباله خطار
يندك الباب ومحد يحجي لا تفتحين الباب هاج رقم تليفوني
بس تحسين اي شي مو تمام اتصلي عليه
واني هم راح اراقب الباب
نسمه....شكرا الله يحفظك
مختار....سجلي رقمي يمج
اخذت رقمي وانطتني رقمها
رجعت للبيت انطيت كل التفاصيل العلي
علي....ابو لجين عنده صديق عميد بلشرطه ولازم مركز شرطه مهم بغداد اني راح اتصل على عمي واشوف اذا يكدر يساعدني
مختار....طمني اذا لكيت حل
علي.. انشاء الله
مختار ...اول شي انطيت تفاصيل عنه للاستعلامات خاف يرجع يجي ممنوع يدخل للمجمع
كتلهم احنا مبلغين علي احملكم كل المسؤليه اذا رجع دخل هنا مره ثانيه
بقيت بقلق حتى باب الشقه عفته مفتوح كل شويه اوصل اباوع وارجع مو خوف منه بس مااريده ياذيها خطيه كلش خايفه منه
تقريبا ساعه ورجع اتصل عليه علي
علي....هااا يابه ايكول كلش بسيطه باجر اخليهم يسحلونه سحل
مختار....اي تمام خليك على تواصل وياهم وانطيني اخر الاخبار
علي...تمام يابه ممكن اذا شفته لا تتعارك ويااا ولله اخاف عليك هذا ماخذ الدنيا بحيله خاف يضربك ويااذيك
مختار....لا تخاف عليه ما يكدرلي
علي....شلون مااخاف عليك شعندي غيرك بداعت حسون دير بالك
مختار....انشاء الله
اسبوع يدورون علي وماكوووو حس اكو علي بلاغ وضم نفسه هذا الاسبوع اني كنت اجيب مسواك النسمه
واطمن عليها
بس هي حيل كانت خايفه مادام هو صار عنده علم الشرطه ادور علي تخاف ينتقم منها
انسان مجرم ماكو بكلبه اي رحمه
جمانه السعيدي
بليل نتواصل بلتليفون حجيتلها قصة حياتي كلها
نسمه....انت مريت بكل هاي الضروف الصعبه ولسه مقاوم
وعادي واني اكول محد مر علي الي مر عليه
اثاري اني ضيمي ما يجيي نقطه بحر من المصايب الي مرت عليك
مختار...ايماني برب العالمين هو الي قواني رب العالمين كان يسدني بكل مره احس نفسي انتهيت
وجود علي بحياتي انطاني امل اعيش واقاوم
نسمه. فعلا انت انسان قوي
مختار...اذا صار وخلصنا من طليقج وتقدمتلج تقبلين
نكمل حياتنا سوه
نسمه....خل اخلص بلاول مااريد احجي بهذا الموضوع
انت ما تعرف اني شكد خايفه
مختار....صدكي راح نخلص منه
نسمه.. انشاء الله
الصراحه اني هم كنت حذر كلش خاف يكيدلي لو يتربصلي
لان اني ضربته ذيج المره
بهاي الفتره نسمه ابد ما طلعت من البيت تخاف منه
وماتفتح الباب الواحد غيري ابد
مختار....شنو رائيج نزوج وتجين هنا وياي بشقتي هيج نكون سوا واكدر احميج
نسمه...اي حتى اجيبلك مصيبه اخاف عليك هذا اذا سمع هيج شغله يخلص علينا ثنيينه
مختار.. ترا انتي منطيته اكبر من حجمه وهو يعرف انتي تخافين منه لذلك جاي يخوفج
نسمه....حقك ما تعرف مصايبه مجرم هذا ومسنود
مختار..... هلمره راح يعلكونه بس يلزمو محد راح يرحمه
شهرين واحنا كاعدين على نار وخاصه اني اريد اخلص من هاي الشغله بسرعه اريد استقر
اثاري هذا المجرم كمل اوارقه وطلع عن طريق اربيل
التركيا بس حتى يخلص من النفقه وباقي المؤخر
وما يدفع فلس النسمه حتى لا ينسجن
طالع قبل شهر يعني بعد الدعوه الي قدمناها علي بشهر
طالع التركيا الحد ماعرفنا بلصدفه هو عايش بتركيا
وجاي يجهز أوراقه حتى يطلع الاوربا
اي درب الي يودي عسى لا رجع انشاء الله
مختار....مبروك خلصتي منه هاي الدعوه تعممت على كل العراق بس يرجع يلزمونه الضاهر عنده هواي مصايب شرد من العراق سمعت علي بعد دعوتين غير دعوتج
بس يرجع ينام بلسجن
مستحيل بعد يفكر يرجع للعراق
نسمه....لو ماانت جان بعدني ما خلصت منه
مختار...هسه ننتبه النفسنا اني وياج كافي صبرنا هواي .ممكن اعرف من منو اطلب ايدج
نسمه...خل اتصل على اخوي وافهمه الشغله واذا قبل انطيك رقمه
مختار.. انشاء الله خير
جمانه السعيدي
بليل دزتلي رقم اخوها اتصلت علي وطلبت ايدها منه
ماكان عنده مانع بس شكد وصاني عليها
معتز ....اني حسب ما سمعت عنك انسان محترم اريدك أدير بالك عليها وعلى بتها تنطيها المهر الي ماشي عدكم
ترا نسمه جوهره بس هي ماوكعت بلرجل المناسب
انشاء الله تكون انت الانسان المناسب الها
مختار....اخليها بعيوني مو تدلل امشيها على فلوس
معتز...الله يحفظك
حددنا يوم المهر اجت اختها حضرت المهر وعلاوي وزوجته وحسون
حتى صالح حضر المهر حفله بسيطه
فتحنا كامرا واخوها كان حاضر المهر ويانه من خلال الكامرا
كانت طالعه مثل الملاك لا بسه فستان ابيض ضيم وطويل
وشعرها مفتوح كذله حلوه مكياج هادء
المكياج نحاسي بلون شعرها وهي بيضه كنت احسها مثل الكلوب ومشتعل
طالعه تخبل مخليه شال تور على شعرها
كل التفاصيل كانت حلوه كلشي بيها حلو
اني كنت احس نفسي شاب عمري عشرين سنه
كنت احس نفسي اول مره ازوج هيج الزواج حلو
اريد كلشي يخلص بسرعه وانفرد بيها اشبع من عيونها الحلوه ما مصدك هاي الحلوه صارت اليه
ازوجنا بشقتها وعلي وزوجته وحسون باتو بشقتي بليلته
جمانه السعيدي
من صرنا وحدنا ضاع كل الكلام من شفته وياي بنفس المكان نسيت الحجي كله
واخيرا بعد خمسين سنه يله كدرت استقر واعيش حياتي مثل الناس ما تتخيلون شكد احبها
شكد فاهمتني احسه بعمري ابد ماحسيت اكو فرق ١٨ سنه بينا عاقله وفاهمه وتحبني شكد ادور خاطري
تصرفاتها هاي خلتني مجنون بيها
وبتها تخبل سوالفها حلوه مثل امها
اخيرا خلصت من الوحده وصار عندي عائلتين مو وحده
عائلة علي ابني وعائلة نسمه وبتها
ربك من يعوض البشر يعوضه بكرم مفرط ماله مثيل
جمانه السعيدي
احنا حاليا عايشين بشقتي باقي الشقق بلعماره كلها انسكنت صار خمس سنوات مزوجين اني وياها
كلش متفاهمين ولله الحمد
قبل سنتين اجاني اتصال
....الو انت مختار
مختار.. اي نعم تفضلو كان صوت نسائي
....احنا من دار العجزه
مختار....اي تفضلو بيش اكدر اخدمكم
.....امك موجده هنا وتريد تحجي وياك
مختار.......امي اني امي ميته
.....امك او زوجت ابوك اسمها هديل
مختار....هديل بدار العجزه
....اي تريد تحجي وياك صار فتره ندور على رقمك
هاي المسكينه صار كم شهر تبجي ليل نهار
وماكو على السانه غير تريد نحجي وياك
مختار.... انطيني اياها
...تفضلي هذامختار يحجي وياج
هديل....اهييي اهييي مختار
مختار....نعم هله شلونج ليش تبجين
هديل....شمروني بدار العجزه صار سبع سنوات ومحد يسئل عني محد يريدني لا الولد ولا البنيه
اني مريضه وكبرت بعد مااكدر اليل والنهار ابجي اني ضلمتك هواي
مختار....انت وين اجيج اذا تردين اخذج للطبيب
هديل....بعد كبرت عمري عبر ٧٥ ومريضه لاالولد ولاالبنيه
يردوني حتى ما يجون يسئلون عني
اني احس منيتي كربت اني ضلمتك هواي مااريد منك شي بس تسامحني يايمه ماانام اليل مريضه وتعبانه
مختار....اني راح اجيج ليش مااتصلتي عليه من زمان
جان جايبج عايشه وياي هنا واني اداريج
هديل....هيييي هيييي كلامك هذا يتعبني اكثر
اني شكد ضلمتك تعرف اني مره سممت الاكل ردتك تموت بس انت طلعت احسن مني اهييي اهيي سامحني
مختار....مسامحج راح اجي اطمن عليج باجر انشاء الله
رحت ثاني يوم من شفتها كلبي انمرد كبرانه ضعفانه
كلش حالتها حاله تبجي الكافر شلون هيج عايفينها
توسلت بيها تجي وياي بيتي بس ماقبلت لزمت ايدي وباسته تتوسل بيه اسامحها
اخذتلها وياي اكل وفواكه وكلنس وملابس
شهر اني اروح وارجع عليها احسن علاج اخذتها
اروح ااكله بايدي
كلما تشوفني تبقى تبجي كلما اداريها تبجي
اخر شي كالت حتلو انت تسامحني اني مااكدر اسامح نفسي
انت احسن من ولدي الي شمروني وماسئلو عني
الله يرضا عليك دنيا وااخره ويبارك بيك
قبل خمس سنوات بدت قصة مختار بدا حياته الجديده
الله يسعده وبهني يكول عمري قبل خمس سنوات مااحسبه
اني هسه عمري خمس سنوات وبس
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
