رواية رهينة لضباط الفصل السابع عشر بقلم مرج البحر
بعض المواقف ! لايُعاقب عليها القانون"
لكن ! تُعاقب عليها الأيام حين .. تدُور "
.........
كلها منتضره محمد يحجي متحمسين نسمع اخبار عن سكينه من بعد 14 سنه ... من جان يتوقع يوم من الايام راح نلتقي ويلتم شملنه ...
محمد.... سكينه ساكنه كربلاء وهيه مطلقه وعدها ولد واحد ورجلها يدز الها نفقه كل شهر واماجره مشتمل ع كدها هيه وابنها
ام فاطمه..... يممممه بنيييتي كووووم محمد جيييبها هنااا اهلها عاااايشي وتحتاج الغرررريب
محمد..... يمه ما متاكدين هيه لو مو هيه والبنيه صاحبة مشاكل بالمنطقه وكل عركها علمود ابنها وصووتها يلعلع بشوارع
مجتبى..... ليش ما نروح ونتاكد بنفسنه من صحت الكلام الي نقلو الك ونكطع الشك باليقين
محمد..... هو ناوي اليوم اروح الكربلاء وحل السالفه بس الموضوع صعب حيل ويمكن سكنيه ما تعرفني بس اذا اخذنه امي تعرفها
مجتبى.... يمه اذا ما عندج شي روحي وياه ولا تخافين البنات اني باقي يمهن ما اعرفهن
ام فاطمه..... شسووويت بينه يااا حيدرر اللله لا ينطيك الصححه والعااافيه دمرررتنه دمااار ضيعت بناااتي وحده ورا الثاانيه
صارت امي تدك ع رجلها بقهرر ما الومها الي سوه ابوي بيها اكبر وجع يممكن اتركه الزمن وما يطيبه ..
بيومها قرر محمد وامي يرحون الكربلاء ومنها امي تزور صاار الها 40 سنه ما زايره ولا شايفه الزيارة راحو امي ومحمد وحميده راحت ترتاح ...
واني رحت ع مجتبى طلبت اخذ تلفون اريد اطمئن ع روحيه شلون صار وضعها هو مكال شي واني رحت ركض جبت الورقه الي مسجله بيها رقمها ودكيته بنقال مجتبى واتصلت ...
مجتبى صعد ينام وكالي من اخلص مخابر خلي ع الشحن ... اتصلت اول مره يتصل ومحد يجاوب مرتين ثلاثه بالرابعه انرفع الخط وجاني صوت رجال
- الووو
فاطمه..... الو خويه احم اكدر احجي ويه روحيه
بقيت ابلعم ما اعرف شلون طلعت من عندي هاي الكلمات اول مره احجي ويه رجال من لاحظت نفسيي شحجيت بعدت التلفون من اذني وفصلت الخط ...
وكعدت ع القنفه رجليه يرجفن اني شلللون اسوووي هيييج باوعت ع الدرج وطكيتها ركضه لغرفة مجتبى جان نايم ع بطنه من دخلت عليه بقوه صاوت الباب طلع صوت هو كام مفزووع واجه يركص عليه ...
مجتبى...... اسم الله ولج فطيم شبيييج وجهههج اصفررر صدييقتج بيها شي
هزيت راسي بلا اريد اجمع الكلمات حتى اوصفله الموقف المخزي الي خليت نفسي بي هو كل شويه يكلي شبيج ...
نزلت دموعي بسرعه وبجيت هو خطيه تعصب عباله شوف شصاير بس هدء شويه ولزمني من ايديه ثنينهن وكعدني ع الجربايه هو كعد مقابلي ركبه ونص ولازم ايده ...
مجتبى..... خيتي شبيج شجاج توني خليتج جوه شمحلاتج فهميني حاجيتي صديقتج وبيها شي تردين اوديج الها تشوفينها
فاطمه.... لا بس والله مو قصدي اسوي هيج ما ادري شلون حجيت والله مجتبى صارت بدون قصد
مجتبى.... شنو هيه الصارت بدون قصد؟!
دنكت راسي خجلانه وما اعرف منين ابدي وخاف لو احجيله يموتني كلبي كام يدك سريع وما اعرف اخذ ونطي وجهي تغيرت ملامحه وصرت ارجف ...
مجتبى..... فاطمه لا تختبرين صبرري شنو مسوويه وهيج خايفه وترجفين احد متحارش بيج لو مضايقج من ترحين للمعهد
فاطمه.... لا واللله مو هيج والله
مجتبى..... متزاعله ويه صديقتج؟
فاطمه..... لا ما متزاعلين
مجتبى..... جا شنو مسوويه لا تخلين بالي يروح بعيد احجيلي شبيج حتى اعرف شلون افكر وشلون احجي وياج
فاطمه..... خايفه منك خاف تفهمني غلط
مجتبى.... انتييي ترربية هااشميه ما تغلطين لو غلطتي معناها بدون ما تنتبهين بس فطوم غلط عن غلط يفوق وانتي جبيره وفاهمه ما اكو داعي افهمج مو ترا اني كبرت بين ايديج وتربيت ع تربيتج وعرفج ما تنزلين روسنه احجي
جان حيل هادء ويحجي وياي وبحنيه بوقتها حسيته هو الجبير واني الزغير رغم اني اكبر منه كتشفت مجتبى متغير حيل وثقافته ودراسته ما راحت عبث جنت متررده احجي بس تشجعت وقررت احجي ..
دنكت عيوني ع ايدي وحس نفسي مسويه جريمه فركت ايد بيد وتوتر سطرني ... بدون ما خلي عيني بعينه واني منزله راسي حجيت ...
فاطمه..... اليوم الصبح من انتضرنه الخط يجي روحيه تخربطت
مجتبى..... اي وهذا الي مخوفج؟؟
فاطمه..... لا بس من هيه رادت توكع اجه الي ياخذنه بالخط وشالها وخذها لسيارة واني والله بدون ما اعرف شلون حجيت وياه
مجتبى.... فطيم ع كيفج فهميني شحجيتي وياه؟
فاطمه.... هو جان عصبي ويحجي ع روحيه فاني بدون قصد والله وابو فاضل كتله هسه مو وقت احساب وعتاب خلي ناخذها للمستشفى
مجتبى..... عين العقل انتي ما سويتي شي حجيت هيج من خوفج ع صديقتج
فاطمه..... بس هو ما فهم قصدي هيج وصار يصيح عليه
مجتبى.... افااا اخوانج موجودين وجود يصيح عليج ما عاش الي يقهرج وانتي اليوم علمود صيح عليج ما تردين غده وما تشتهين
فاطمه..... اي بس والله ما جان قصدي احجي
مجتبى.... كتلج مصار شي ارتاحي وحميده تعرف بهاي السالفه مو
فاطمه.... اي سولفتلها
مجتبى..... وهيه تطمطملج حلو صايرات وحده تضم لثانيه
ابتسمت هو ضحك ورفع شعره ليفوك واشرلي ع الباب باوعتله بستغراب ...
فاطمه.... شبيك
مجتبى.... حجيت وفضفضتي وطلعتي الي بكلبج بعد شكو مكابلتني وكاعده يلا ع نوم
فاطمه.... موو اني هاا بعدني ما مكمله حجي
عقد حواجبه وكعد بصفي ع الجربايه وعيونه بيهن خوف اني رجعت شويه ليورا ...
مجتبى..... احجي شكو بعد ما حجيتي؟
فاطمه.... مو هسه من خاابرت روحيه طلعلي ولد
مجتبى.... اي
فاطمه.... واني كتله اريد روحيه وبعدها سديته بوجهه
مجتبى..... ههههههه زين تسوين وهذا الخلاج تجيني جنج وحده داعشيه داخله ع المعسكر
فاطمه.... ههههههه انته مسامحني مو
مجتبى.... فاطمه انتي ما مسويه شي غلط ها اولا ثانيا احب حرصج ع الخطأ وما تحبين تسوينه واحب تحجيلي كلشي يصير وياج حتى بعدين ما نطر نزعل من بعض وتخرب اخوتنه
ابتسمت وكمت هو حضني وباس راسي واني الفرحه غامرتني لان تفهمني والحمد الله عرفت نفسي ما مسويه خطأ ...
مجتبى..... تلفوني ناسيته جوه؟
فاطمه.... ياااا اي من العجله والخوف الي صارالي نسيته
مجتبى..... هههههه خررب روحي اخذي وحاجي صديقتتج وجيبي اريد اخاب جود اتعارك وياه
فاطمه.... لا مجتبى عيببب شنو تخررب صداقتكم من وراي
مجتبى..... لا لتخافين ما تخرب بس اسويه كرصت اذن حتى ما يزعل اميرة خوانها بعد
فكيت حلكي من الابتسامه وهسه يلا حسيت بشعور عندج سند بالحياة هو اجمل سند الج ... نزلت وشووف روحيه متصله فوك العشر اتصالات خابرتها جاوبتني بسرعه وهيه عصبيه ...
روحيه.... ويييين جنتي اتصل ما تجاوبيين وهذااا رقمن متاصله منه
فاطمه..... رقم مجتبى اخوي اني خابرتج اطمئن عليج شلون صرتي وليش رد عليه ولد
روحيه.... اني شفته رقم غريب انطيته لخوي جاوبج بس تعاي اكلج ليش سديتي الخط
فاطممه....والله ستحيت شلون هيج حاجيته
روحيه....هههه فديت اليستحون صدك اكلج اليوم عمي خبصني بيج بس يسئلني ما شفتيها ما راسلتيها ما طمنتي عليها صاير بيناتكم شي ما اعرفه
فاطمه.... شيصير مثلاً بس تلكينه حاس بتنيب الضمير لان صيح عليه
روحيه.... هههههه اشو اني شكد يصيح عليه ما يوم فز ضميره واجه شاافني
فاطمه.... ههههههه انتي تمونين عليه بس اني صدك كلش ضجت من عمج وباجر ما اروح لا تمرون عليه
روحيه.... لا ولج ليش ترا عمي من يتعصب ينسه نفسه لا تسويها سالفه فطمطم لا تعوفيني وحدي بالخط
فاطمه.... هههه شبيج راح تبجين ما راح اعوف الخط بس امي واخوي راحو لكربلاء واني لازم ابقه يم مرت اخوي حامل ما تكدر تسوي شي واخوي عنده محاضرتين ما يكدر يفوتهن
روحيه.... اذا هيج الحجي ريحتيني ع راحتج واني زينه بس لان عندي تيفو فتخربطت
فاطمه.... عساج سالمه وما بيج غير العافيه
بقينه نحجي شويه وسديته منها وديت التلفون لمجتبى جان رايح بسابع نوم خليته يم راسه ع الشحن وطلعت وطفيت الضوه ....
رحت الحديقه وكعدت ع القنفات الي بيها وبالي يم امي ومحمد وصلو لو بعدهم ...
مر الوقت وكمت اسوي عشه وحميده ما خليتها تسوي شي قوي حملها متعبها كلش وهيه هسه بنهاية السادس ...
دخل مجتبى جايب صمون حار وعلاكتين وحده الي وحده لحميده فتحتها وبتسمت جانت حلويات وكرزات ...
صبينه عشه وتعشينه وخلصنه سويت جاي كعدنه ناكل واتصل محمد ع مجتبى جاوبه وكااام مفزوووع من مكانه ....
..........
خفت من شكلها وهيه مخليه العصا ع صدري وعيونها مخنزره عليه تحسسني كاتله اهلها .. بعدت العصا من صدري ودفعتني بيها دفعه قويه ...
الحجيه..... اسمعي ولج ما ادري منين جايبج سند وساتر عليج والحجي الحجه ما يمشي عليه ولا قنعني تكعدين كم يوم وتلفين من وجهي بدون ما يدري سند
هزيت راسي والعبره خانكتني عافتني ومشت مشيت وراها ودخلت التفتت عليه ورفعت العصا تاشر ع باب الغرفه ...
الحجيه.... هذايج الغرفه كعدي بيها ولا تراويني طولج لحد ما اشوف شنو سالفتج شارده لو ناهبينج
دخلت للغرفه واني كارهاا سند هوو جابيني هنااا وعاافني يم هاي العجيز ... جانت الغرفه عباره كنتور طلاكتين ومندر ابو النفر ... فتحت الكنتور جان عباره عن اغراض قديمه ...
كعدت ع المندر وجريت نفس فتحت ارداني جنت مخليه التلفون بيها فتحته جان نفسس التلفون الطانياه بذيج الفتره ...
سديت الباب خاف تجي الحجيه مالي خلك اتعارك وياها واني لازمه نفسي عنها كوه ما اريد اتجاوز عليها وقلل ادب ...
فتحت التلفون وصرت اتصفح بي كل شويه ادخل ع شي وطلع منه جان اليوتيوب بي فيديوهات منزلها الي هو ...
سند علمني شلون الكه الفيديوهات المنزله وشلون انزل وحفض الفيدوات الاريدهن ...
دخلت ع فيديو جان تعليم الاحرف بقيت اباوع عليه وكل شويه اعيد الفيديو وردد وياه ...
استمريت اكلب بالفيديوهات جان منزلي قران سورة المؤمنين وسورة ياسين وسورة الملك وسورة نبأ وسورة الواقعه ...
ابتسمت واني اشوف منزلي قران كلبت بالفيديوهات الباقيه مسرحيات مقاطع مضحكه ... عفتهن وطفيت التلفون وخليته تحت المندر ...
وخليت راسي ع المخده بطني كامت تغرد من الجوع بس ما بيدي شي استحي اكلها لحجيه اريد اكل ...
بقيت افكر منا فكره ومنا فكر لحد ما طرني النوم ونمت كعدت الصبح ع عصصا الحجيه تضرب بيها بخاصرتي كمت لميت شعري بهمال ...
نور.... صباح النور حجيه
الحجيه.... صباح الضيم وضلايم اشوو كومي سويلي لكمه اكلها جايبتج هنا بس للنوم وخده
سكتت وكمت دلتني ع المطبخ سويت الها ريوك بيض سلك لان ما يصير عليها دهون ... واني هم خليتلي بيضه وياها سلك وكعدنه نتريك ...
هيه ما حجت شي وتاكل واني هم اكل ومستحيه منها ... وخايفه بعد هذا سكوتها مصيبه اكبر من هذا السكوت ...
او يمكن هذا العدوء ما قبل العاصفه .. خلصت ريوك والحجيه خلصت شلت المواعين وجاي اغسل بيهن واندك الباب صاحت عليه الحجيه اروح افتحه ..
تمشيت لللباب واني انشف ايديه بدشداشتي فتحت الباب جانت البنيه سارة وياها ولد هو سلم عليه وراح واني وسارة دخلنه ...
الحجيه تلكت ساارة بالهلاهل عبالك ما ادري شنو صاير وحده باوست الثانيه وساره باست الحجيه من راسها وايدها ...
وكعدن يسولفن وسارة تتمضحك بتموع ... دخلت للمطبخ وعفتهن سويت غده ومديت راسي ع الحديقه وشفت محد بيها ...
طلعت من باب المطبخ وتمشيت صوب الحديقه واني حافيه شفتهم زارعين ورد بس حديقتهم كلش زغيره وبنصها نخله جبير وسعفااتها كبار ...
رفعت راسي اباوع عليهن بتمعن وع الجو وع شكل السمه ... وين جنه وين صررن جانت عاازت الضوه عازه بس هسه كلشي نكدر نشوف بدون تغيد ...
تمنيت امي وفاطمه وياي ويشوفن هالغيوم وضوه الشمس الي محرومين منه ... فززني من صفنتي صوت سارة وهيه واكفه وراي التفتت عليها ...
سارة.... الجو حلو مو؟
نور.... اي كلش حلو بس حيل مشتاقه الاهلي
سارة.... حقج اني اهلي قريبين عليه وكل شويه اشتاقلهم شلون انتي مسافرين وعايفينج عند ناس غربه
نور.... ان شاء الله ما يطولون ويجون ياخذوني
سارة.... الي فهمته من الحجيه انتي حفيدة حجي مرتضى
ابتسمت ورديت.... اي حفيدته بس انتي والحجيه تعرفون جدي اشو اني ولا مره سامعه عنكم
سارة.... هو جدج اكو شخص ما يعرفه صيته واصل لاخر محافظه وكلها تحجي بي وبكعدات وكرمه وطبية اصله
نور.... مجنت اعرف توه دريت منج لان اني مشايفته بس اهلي يحجولي عنه
سارة.... اهاا انتي هم عندج خوان وخوات
سولفت الها مثل ما وصاني سند وهيه تاخذ وتنطي بالحجي حسيتها تريد توصل الشي معين وتدور ودور وترجع ع نفس الموضوع ....
هيه بقت تسولفي عن اهلها واني استمع الها وما انطيت ردت فعل قويه ...
كطعت كلامها وتشرردت من اسوالفها بحجت الغده وسه لحكتلني وصارت تسولف وياي بالمطبخ ...
وطول اليوم هيه مجلبه بيه ودك سوالف بس اني جنت حريصه بالحجي وياها كلش هواي بدام سند حذرني منهن معنها ما يتامنن ...
هو يعرفهم وعايش وياهم ... خلص اليوم بطلاع الروح وهيه راحت والحجيه تحجي وياي عدل وبحنيه سبحان مغير الاحوال ...
الصبح جانت شي وهسه شي ثاني طلعت التلفون جان سند متصل عليه واني ما اعرف شلون اتصل هو ما علمني ...
بقيت افتر بالغرفه واكل باضافري اريد احجيله انقلاب الحجيه وسارة الي تفتح مواضيع وياي ما سامعتهن بحياتي ولا مطرقه الهن ...
ساعتين من القلق وخاف بعد ما يتصل عليه رجع اتصر وهنا ارتاح كلبي وكفت اباوع من الباب وفتحت التلفون وجاوبت ...
سند..... الوووو وينننج بيييج شي صااير شيي احجي اتصللت عليج مااا جاااوبتي انه هسههه عشرر دقايق وجاااي
نور... بهمس ... جنت كاعده يمهن ما ادري بالتلفون ويين جااي واذذا شاافتك الحجيه تفضحنه سنددد خايفه ما اريد ابقه هناا
سند.... اسمعي انه هسه بالطريق جاايج من اوصل طلعيلي من باب الحديقه الوراني وجيبي كل غراضج ما اكدر امن يمج يم عمتي اكثر من هيج
نور.... ليش شنو صااير فهمني
سند.... هذا الحجي مو وقته من ادك عليج اطلعي نور لا تفكرين بشي بس فكرر انو انتي اذا تبقين لباجر بيت عمتي حتمال محد يشووف الثاني بعد
نور.... غير افتهم ليش
سند.... من اجي اخذج اشررحلج
سديت التلفون منه واني كلشي مجايبه وياي غير التلفون وثوبين سند مشتريهن الي قبل لا نطلع من المستشفى ...
بقيت انتضر وعيوني ع التلفون اتصل عليه طلعت من الغرفه اتسحب نفس الحرامي فتحت باب البيت مغفول ... مشيت لباب المطبخ فتحته وطلعت للحديقه ...
اتمشه واني خايفه ضلمه وصوت الكلاب عالي ... فززيت ع دكت التلفون وفتحته جان يجيني صوته
سند..... يلا وين صررتي
نور.... ما اندل منين الباب؟؟
سند.... اخذي الحديقه كبل اكو برميل ماي وبصف البرميل اكو باب اطلعي منه
تمشيت واني مخليه التلفون ع اذاني وسمع صوت انفاسه العاليه شفت البرميل باوعت من ع يمينه شفت الباب فتحته انفتح بسرعه طلعت جان اشوف سيارة سند كدامي ...
فتحت الباب وصعدت هو بسررعه حرك السياارة وجر ايدي وقربها من شفايفه وباسها بوسه قويه ...
جريت ايدي منه بسررعه هو ما حجه شي مشت السيارة مساافه طويله واني نعست وغفيت واحنه كلمه ما حاجين ...
كعدت ع سند يكعدني فرركت عيوني بتعب وباوعتله هو الجكاره بيده ويطلع دخلن من خلكه ..
سند.... يلا تعاي هنا امن الج
نور.... انته جاي تسوي اني ما مسويه شي حتى اشررد ليش جاي تاخذني منا وترجعني منا ليش ما تاخذني وياك
سند.... تعاي هسه وسولفلج جووه ما اكدر اسولفلج بنص الشاارع
باوعت بنايه عاليه والواضح ششقق نزلت هو طلع صايه من السيارة ونطاني ياها جانت الدهشداشه شوه ضيكه لان هو جايبها الي اني ما البس هيج ..
اخذت الصايه لبستها ودخلنه ... هو ما ادري وين راح وكلي كعدي هنا انتضريني ع ما اجي ... كعدت ع الكراسي هو شويه واجه ..
بيده مفتاح لزمني من ايدي وصعدنه جانت الشقه الطابق الثالث ... فتحت الباب ودخلنه اول ما دخلت درت عليه ...
نور.... بعددد ما استحمل الجاي يصير انته وين تريد توصل تاخذني من بيت وترجعني من بيت شنو الي صااير وليشش جااي تتتهرب مني
سند.... السالفه جبيره ويراد الها تهدين تحت اعرف احجي وياج بيها والله ما حاب التبهذل الي احنه بي بس كل الجاي اسوي المصلحتج
نور.... هوووو اكو اكبررر من سالفتي واذاهاا اريددد اخلصصص عفتني يم مره موو زينه وتوصي بيه ما احجي شي كدامهن وسويتني حفيده بت حجي مرتضى الي ما ادري منين طلعلي ورطتني بعدد شنووو عندك ترريد تسووي
سند.....كل الجاااي يصيررر حتى مااا اريدج تتاذين انتييي رووحي مااا اكددر اعيشش من دوونج
حضني هووو يحجي واني صررت ابجي وناششق صدك تعبت محد جاي يحس بييه الى متى هذاا الشي راح يستمررر ...
اندك الباب دفعت سند وفزززيت منو يجي بهذا الوقت المتاخر السااعه جانت 3 اله ربع ...
شكرا لزيارتكم عالم روايات سكيرهوم
