 |
رواية عوده الحب الفصل الثامن عشر بقلم رودي
وقفنا المرة اللي فاتت عند اليوم اللي قلب الكل فيه اتقلب…
♡♡♡♡♡♡♡♡♡♡♡♡♡♡♡
في بيت علي
دخل علي الشقة بخطوات سريعة ووشه باين عليه الصدمة، مريم جريت عليه:
مريم بقلق: في إيه؟
علي: أنا لازم أروح مكان… رحاب وفرج عملوا مصيبة!
مريم: رحاب! دي ما كانت اتحبست؟
علي بوجع: لأ، خرجت بكفالة… بس المرادي هيخلصوا على اللي باقي من حياتنا.
نزل علي بسرعة، وهو بيكلم رقم محفوظ عنده باسم "ياسر"
علي: لازم نتصرف دلوقتي… الصور دي متفبركة بس خربت كل حاجة!
♡♡♡♡♡♡♡♡♡♡♡♡
في شقة أميرة وهدير
هدير لسه قاعدة في أوضتها، دموعها لسه على خدها، بتفتكر اللي حصل، مش قادرة تصدق إن كريم مد إيده عليها.
أميرة وقفت قدام الباب:
أميرة بهدوء: يا هدير، افتحي يا حبيبتي
هدير بصوت مخنوق: سيبيني لوحدي يا ماما، أنا خلاص مش قادرة
أميرة: يا قلبي أنا معاكي، مهما حصل، مش هسيبك
هدير فتحت الباب وبكت أكتر في حضن أمها
هدير: كريم ضربني يماما…
♡♡♡♡♡♡♡♡♡♡♡♡
في بيت نُهى (والدة لين)
لين نايمة، ملامحها مجهدة، ونُهى قاعدة جنبها، مش قادرة تنام.
نُهى في سرها: بنتي مكسورة… اللي حصل ده كبير، ولازم أعرف الحقيقة.
وفي نفس اللحظة… الباب خبط
نُهى قامت بسرعة، فتحت لقت علي
علي: مساء الخير يا خالتي
نُهى بقلق: انت مين؟
علي بهدوء: انا كريم صاحب حازم وكمل كلامو
علي: لازم أكلم لين… الموضوع كبير أوي، في ناس لعبت في حياتكم ومش هسكت
نهي بسغراب في نفسها : ناس مين
♡♡♡♡♡♡♡♡♡♡♡♡
في مكان مجهول
المجهول كان قاعد قدام صورة لهدير، وقال:
المجهول: قربت يا بنتي… قربت تعرفي إن أبوكي عايش ومش تخلى عنك، قربت تعرفي مين السبب في بعدي عنكم
وكان علي ورا الباب، سامع كل حاجة، ووشه فيه وجع سنين
علي بصوت مكسور: ليه مخبي عنها يا عمي؟
المجهول (أبو هدير): كنت خايف… بس خلاص، جه وقت المواجهة
♡♡♡♡♡♡♡♡♡♡♡♡
في فيلا المنشاوي
كارما قاعدة في أوضتها، بتفتكر لحظة لما عمر شالها بحنية
كارما بدموع خفيفة: هو بيحبني بجد؟ ولا ده كمان هيتغير زي الباقي؟
وفي الوقت ده عمر بيبعت لها رسالة
"أنا جنبك… دايمًا وهفضل أحبك حتى لو العالم كله شك"
كارما بصت في الموبايل وابتسمت، لأول مرة من يومها الصعب
♡♡♡♡♡♡♡♡♡♡♡♡
في بيت حازم
كان قاعد بيشرب سيجارة وعنيه على الصور
حازم في نفسه: مستحيل تكون لين كده… مستحيل!
وفجأة صوت داخلي في دماغه بيقوله "إنت ظلمتها!"
رما الموبايل وقام جري، رايح على بيت لين
♡♡♡♡♡♡♡♡♡♡♡♡
ملحوظة
(الظلم بيرجعلك، والحقيقة عمرها ما بتستخبى… والموج بيغرق اللي ظالم)
---
---
