رواية بائعة الخضار الفصل الثامن عشر بقلم محمد طه
_نهاد بهدوء وبرود..حسين راح يجيب أغلي مشروب فى القهوه (ويبصلها ببرود) أقعدي واقفه ليه
_لبنى بتوتر..لأ ما يصحش أقعد قدام سعادتك (وبدأت إنها تلطف الجو لأنها ذودتها معاه)
_لبنى بهدوء..معقوله سعادتك اللي جاي تسلم البضاعه بنفسك..بقلم..محمد طه
(نهاد يطلع سيجاره ويولعها ويبص على جسمها من فوق لتحت)
_نهاد بمكر..أيوه أنا اللي جاي بنفسي أعاين البضاعه
_لبنى بخجل من كلامه ونظراته..خد بالك من كلامك يا باشا
_نهاد بغضب..إنتي بقالك نص ساعه بتس،لخي فيا..
كنتي أخدتي بالك من كلامك (ويطفي السيجاره ويقوم يقف عشان يمشي) حساب البضاعه كله على حسابي..إعتذار عن الغلطه الغير مقصوده اللي حصلت (ويبص على جسمها تاني) وبلغي المعلم إن البضاعه ما عجبتش الباشا..بقلم..محمد طه
(وف اللحظه دي يدخل حسين ومعاه صينيه كبيره عليها أنواع مشروبات كتير)
_حسين..أنا جبت كل المشاريب اللي على القهوه..
عشان الباشا يختار منها
_نهاد..أقعد اشربها أنته والمعلمه بتاعتك (ويسيبهم ويمشي)
_لبنى بغضب وصوت واطي..البضاعه ما عجبتش..
والله أنته قليل الأدب..ولولا إنك إبن الباشا الكبير..أنا كنت علقتك على باب المقر..لحد ما يبانلك صاحب
_حسين يقطع سرحانها..أعمل إيه ف المشاريب دي يا معلمه
_لبنى بغضب وصوت عالي..هوا أنته لسه واقف..
غور يلا من قدامها
******************
_(من أمام قسم الشرطه)_
(المعلمه رضا والهام ومازن راحوا قدام قسم الشرطه وقابلو المحامي هناك والهام بدأت تحكيله على كل حاجه بالتفصيل..والمحامي طمنهم إن القضيه ف صالحهم..وأخدهم ولسه هيدخلو القسم يتفاجئو بخروج الحاج مسعود من القسم)بقلم..محمد طه
_الحاج مسعود بغضب...حرام عليكم أتبهدل بسببكم البهدله دي..بقى دا جزائي إني بنفذ وصيه صاحبي ولا هوا خير تعمل شر تلقي
_الهام..والله يا حاج مسعود إحنا ما لينا ذنب..أخت الحاج طاهر هيا اللي أتهجمت علينا وكان معاها شباب وكانوا عايزين
_المعلمه تقاطعها..يا حاج مسعود هما فعلا ملهمش ذنب..وهما جايين يسلموا نفسهم..لأنهم هما المجني عليهم
_الحاج مسعود...لا يسلموا نفسهم ولا يتعبوا نفسهم
_المحامي بإستفهام..إزاي يا حاج مسعود..طيب وجريمه الق،تل اللي حصلت
_الحاج مسعود يفاجئهم..لأ..ما هوا الواد ما طلعش مي،ت..وإلا ما كانوش خرجوني
_الهام بفرحه..الحمدلله..الحمدلله..يا فرج الله..
ألف حمد وشكر ليك يا رب
_المعلمه..حضرتك متأكد إن الواد عايش
_الحاج مسعود يؤكد..وجودي برا القسم دلوقتي..
أكبر دليل على إن الواد عايش..لأنه لو كان ما،ت
كنت أنا اللي هشيلها..بقلم..محمد طه
_المحامي بإستفهام..قولي يا حاج مسعود..الواد طلع عايش إزاي
_الحاج مسعود..الظابط قالي إنهم لما أخدوه على المشر،حه..أكتشفو إنو مش مي،ت..ف عملوله صدمات كهربه وحطوه على أجهزه لحد ما بدأ يستعيد وعيه
وقالي كمان إن اللي حصله ده..حصله نتيجه إصتدامه بقوه ف حاجه صلبه..ف خلاه قطع النفس وفقد الوعي..وهما دلوقتي بيحققو مع الواد عشان يقفلوا القضيه
_المحامي..لأ..القضيه لسه مش هتتقفل دلوقتي..
أخت الحاج طاهر والواد اللي أنكتبله عمر جديد ده والواد اللي كان معاه..كلهم لازم يتعاقبو
_الهام تقرب من الحاج مسعود..إحنا آسفين يا حاج مسعود.. على اللي حصلك بسببنا..بس والله إحنا لما شوفناه مي،ت خوفنا ومشينا
_الحاج مسعود..خلاص يا بنتي اللي حصل حصل..
المهم دلوقتي إنتي عارفه البيت..يبقي تعالي عشان أسجلهولك بأسمك..عشان أشيل بقي الحمل دا من فوق أكتافي
*******************
_(فيلا الصباغ)_
_رضوان ينادي على ميرفت..ميرفت..ميرفت
(ويعلي صوته) ميرفت..ميرفت (ويروح يقف قدامها)
هوا إنتي مش سمعاني وأنا بنادي..بقلم..محمد طه
_ميرفت بهدوء..هوا أنته مش شايف إن أنا مجنونه..
خلاص بقي أتعامل معايا على إن أنا مجنونه
_رضوان بغضب..ما أنا لو هتعامل معاكي على إنك مجنونه..مكانك مش هيكون هنا..هيكون ف مستشفى المجانين
_ميرفت بهدوء..خلاص يا أبو نهاد..خودني على مستشفى المجانين
_رضوان بهدوء ويحط إيديه على أكتافها..ولما هنروح نخطب لإبنك ويسألونا عن أمه
_ميرفت باتساع عنيها من الفرحه..إبني
_رضوان بهدوء..إبنك نهاد يا ميرفت
_ميرفت بغضب..نهاد مش إبني..نهاد إبنك أنته
(رضوان لسه هيرد عليها..يحس بنغذه جامده ف قلبه وميرفت تسنده لحد السرير..وتجيبله كوبايه ميه وبسرعه تتصل بالدكتور)
******************
_(عند الهام ومازن)_
(المحامي عمل اللازم كله..وخلص القضيه لصالح الهام ومازن..وأتهم أخت الحاج طاهر بالأعتد،اء والتحر،ض على هتك عرض فتاه..والظابط أمر بضبط وإحضارها)..بقلم..محمد طه
(وهما راجعين على السوق..المحامي أصر إنو يوصلهم وركبت المعلمه قدام
والهام ومازن ركبوا ورا)
_(وهما ف الطريق)_
_مازن ببراءه..الهام..مازن عايز يعمل حمام
_الهام بطريقه كلامه..أمسك نفسك لما نوصل
_مازن..الهام عارفه إن مازن ما بيعرفش يمسك نفسه
_المعلمه..هوا مازن عايز إيه يا الهام
_المحامي..لو عايز يشرب فيه ميه أهيه..وفيه سندوتشات كمان
_الهام بإحراج..لأ..دا عايز يعمل حمام
(والمحامي يقف على جنب وكانوا على طريق صحراوي)..بقلم..محمد طه
_الهام...الخفيفه ولا التقيله يا فاضحني
_مازن ببراءه..مازن بيقعد واللي ينزل ينزل هههههههه
_الهام بإبتسامه..طب خد الأزازه دي..وروح ورا الصخره اللي هناك دي وأعمل اللي تعمله
(ونزل مازن وأول ما راح ورا الصخره فضل يصرخ)
_مازن بفزع وخوف...فيه ميت..فيه ميت..
فيه ميت...............
