رواية كان حبيبي الفصل الثامن عشر
وصل أحمد ومعه الحراس الي منزل مريم ولكن لم يجد احد فأمر حراسه ان يبحثوا عنها في كل مكان واما عند انجي ومريم فقد خبئتهم سعاد والدت كريم ومازن داخل القصر
مريم بقلق/انجي يعني احنا لما نيجي نستخبي منه نستخبي في بيته
انجي /دا أكتر مكان أمن لينا مستحيل يتوقع ان احنا في الفيلا بتاعته
مريم /انا عايزا اشوف بنت جوري
انجي بابتسامه/هنشوفها بس مريم يا تري كريم حالته اي دلوقتي
مريم بضيق/ربنا يكون في عونه
اما عند كريم فحالته كانت سيئه جدا حتي دخل مازن اليه
مازن بحزن/كريم ليه دخلت الاوضه دي
كريم بدموع/داليا دايما كانت بتناديني بس انا ال مكنتش واخد بالي هي كانت اول حب في حياتي كانت روحي انا كنت مستعد اسيب الدنيا كلها علشانها انا كنت بدعي ربنا كل يوم علشان تفضل جمبي ولما اكتشفت انها بتخوني وقتلتها بقيت اعاقب نفسي وكل البنات ال بصاحبهم مش بحس بالذنب وانا بضيع منهم مستقبلهم وشرفهم انا اتغيرت بسبب ال حصل من بعد ما كنت بهتم بالموسيقي ومش بعمل اي حاجه غلط بقيت اشرب واصاحب وادمر اي حد يحاول يتحداني انا اتحولت لشيطااان الكل بيخاف مني بقيت واحد مغرور وبارد وبالرغم اني حبيت انجي بس متغيرتش انا كنت بتغير معاها بس حتي انجي هتموت وانا مش عارف هي فين ياريتني اقدر اشوف داليا ولو دقيقه واحده كنت ركعت تحت رجليها واترجيتها علشان تسامحني ياريتني اقدر اموت واروحلها
مازن بدموع/بعد الشر عنك يا كريم متقولش كدا انا مليش غير وماما كمان ملهاش غيرك انت عارف ان انت ابنها الغالي واخويا البطل ال علطول تنقذني عايز تسيبني
كريم وهو يحتضنه ويبكي/انا عايز اروح عند داليا عايز اعتذر منها عايز اشوفها ولو مره واحده
اما عند جوري فكانت لا تبالي بأي شئ سوي صغيرتها وظلت تتحدث معها
جوري بسعاده/بنتي تعرفي ان انتي مستقبلي وحياتي انتي بنتي وبنت كريم الشرقاوي هتبقي اغني بنت في الدنيا والكل هيغير منك مستحيل يحصلك زيي وتقعدي تبصي لزمايلك وتغيري منهم مش هتشتغلي وتتعبي علشان تعرفي تعيشي وتكوني محتاجه حاجه ومتعرفيش تجبيها انتي هتبقي مصدر سعادتي كريم هيقربلي بسببك وكمان هيحبني وهبقي معايا فلوس كتير وحياتي هتبقي سعيده وهخلي مريم متحتاجش اي حاجه خاالص
نزل كريم ومازن الي تحت فكانت والدته ووالده يجلسون
أحمد بحزن/كريم انت كويس
كريم بتجاهل /ماما ابعتي حد من الخدم ينظف الاوضه ال فوق
سعاد /اي اوضه يا حبيبي
مازن بضيق/اوضه كريم القديمه
سعاد بابتسامه/حاضر يا حبيبي مقولتش هتسمي حفيدتي الحلوه اي
كريم بحزن/داليا هسميها داليا
احمد بغضب/نعم داليا اي ال هتسميهالها لا مستحيل
كريم بحده/انت حد طلب رأيك حد سألك اصلا بتتكلم بصفتك اي
احمد بعصبيه/بصفتي جدها
كريم بغضب/جدها اي جد انت فشلت تكون أب هتنجح ازاي تكون جد عايزني اسيبلك بنتي علشان تعلمها ازاي تجرح وتظلم وتكدب عايز بنتي تطلع حقيره وزباله عايز بنتي تعرف ان جدها مجرم
سعاد بحده/عيب يا كريم تكلم باباك كدا
كريم بسخريه/مييين تعرفي هو عمل اي داليا مكنتش خاينه يا ماما هو ال خطط لكل دا خلاني اقتلها و اقتل ابني ال في بطنها معها انا قتلت مراتي وابني بسببه
سعاد بصدمه/انت عملت كل دا
أحمد بعصبيه/ايووووووا انا عملت كدا علشان انقذ ابني وارجعله ليا
مازن بحده/انت مبقاش ليك ابن دمرت حياتنا وحياه كريم انهاردا الحفله مش عايزبن نشوفك نهائي
ذهب مازن وكريم وفي المساء بدأت الحفله ونزل كريم مع جوري وابنته الصغيره وكانت جميع الصحافه موجوده فرأي كريم خيال انجي وذهب بسرعه ليبحث عنها حتي وجد مازن
كريم بضيق/مازن انا شوفت انجي
مازن /وانا يا كريم شوفت مريم انا كنت فاكر اني بتهيألي بس انا كدا اتأكدت هما في الحفله
كريم بحده/خلي الحراس يقلبوا الحفله عليهم بس بهدوء علشان الصحافه
طلع مازن واخذ المايك وتحدث الي الموجودين
مازن/اهلا بيكم وبنشكركم انكم قبلتوا دعوتنا وجيتوا تشاركونا فرحتنا بحفيده عيله الشرقاوي بس في رسالة عايزا اوجهها لشخص بتمني يكون شايفني دلوقتي
ردد مازن كلمات الاغنيه
انا من يوم ما سيبتك والدنيا بتمرجحني بتشيلني وتحطني وعماله تطوحني .... لو لسه زعلان مني انا اسف سامحيني .....حنن قلبك عليا متكسرش نفسي....طول ما انت مش مسامحني انا مش هسامح نفسي طول ما هو انت ليك فيا اكتر ما ليا في نفسي ............الناس فاكرا ان انا مرتاح ومقضيها غني وافراح بس انا ظهري انتني من كتر ما شايل فوق هموم وجراح ....كل ما بعدك بيطول بشوف الجرح علي اصول انت بجد لازم ترجعلي انا مش عايش انا مقتول ........الدنيا بتخلينا نعمل حاجات واحنا مضطرين ساعات بتخلينا نغلط في حق ناس عندنا غالين ....انا اسف حقك عليا علي كل ال عملتوا معاك انا مش عايز حاجه من الدنيا دلوقتي غير بس رضاك .....انت بجد لازم ترجعلي انا مش عايش اما مقتول ...
انتهي مازن من اغنيته وظلت مريم تبكي وقررت ان تظهر فركض مازن اليها وحضنها وتحدث بدموع/انا اسف سامحيني
مريم وهي تبكي/انت غبي ليه عملت فيا كل دا
مازن بدموع/انا اسف اسف سامحيني
مريم ببكاء/انا بحبك يا غبي
مازن بسعاده/وانا بموووت فيكي والله
ذهب كريم فوجد غرفه داليا مفتوحه فدخل ووجد انجي بداخلها
كريم بسعاده/انجي انتي قدامي
انجي بدموع/انا لازم امشي
كريم بحزن/لا يا انجي بلاش تسبيني انتي كمان انا عارف اني غلطت كتير وغلطت مع داليا بس والله مش ذنبي تعرفي انا سميت بنتي داليا انجي بلاش تعذبيني انتي كمان كفايه العذاب ال انا فيه انا هوديكي اكبر مستشفيات في العالم كله علشان تتعالجي وتبقي كويسه هعملك اي حاجه انتي عايزاها بس بلاش تسبيني انتي كمان
انجي ببكاء/كريم انا بتعالج وكل الفترة دي كنت عند مريم واحنا ال بعتنا لمازن التسجيل بس انت دلوقتي اب ولازم تعيش مع أم بنتك
كريم بحزن/هو انا مكتوب عليا افضل عايش في عذاب طول عمري عذاب داليا وعذابك انا ليه بيحصل معايا كدا
انجي ببكاء/داليا احنا كلنا ظلمناها
كريم وقد تساقطت دموعه/والله ما كان ذنبي انا غلطان وشخص حقير وهفضل طول عمري اندم علي ال عملته ربنا هو ال قادر يرحمني من العذاب دا وياخدني عند داليا
انجي بلهفه/بعد الشر عليك متقولش كدا
كريم بدموع/انجي انا والله عمري ما نسيت داليا دي كانت حب عمري وكل تصرفاتي وشربي وعلاقاتي بالبنات كانت علشان اعاقب نفسي واعاقب كل البنات انا كنت مفكر ان البنات اغلبهم خاينين مش عارف هعرف اعتذر منها ازاي والله كل دا مكنش ذنبي
انجي وهي تمسح دموعها/كل حاجه هتبقي كويسه
وفجأه سمعوا اصوات صراخ من الخارج فذهبوا بسرعه وانصدموا مما شاهدوا
