رواية رهينة لضباط الفصل التاسع عشر بقلم مرج البحر
على أرصفة الأمل أنتظر
موعداً مع السعادة..
طال الموعد ولا زلت أنتظر...
.........
باوعت ع سند هو ابتسملي ابتسامه غريبه وتمشه صوب مروه هيه شاافته تخوصرت اله ...
مروه.... هاا رجعت حنيت الها وجبتها مو كلت بعد ما اجييها اشوو راجع وايدك بيها
سند.... راجع وياها بصفتها زوجتي وصاحبت هذا البيت حالها حالج
مروه.... شقصدك قصدددك هاااي صاارت حالها من حالي هاي بنت الي ضيع اختك وخلاها تمشي بدروب الله اعلم شنو ما شنو هسسه جاي تكول مرتي
ام سند... لا تخافين حبيبه سند يتشاقه وياج ما تعرفين من يتشاقه
سند.... لا يمه ما اتشاق نور مرتي وحالها حال مروه وعقدت عليها محكمه وصار الها حق وخليت الها حاضر وغايب
ما اشوف اله ام سند صررخت عاد اني هنا عرفت السالفه انلاصت اما سند فجان خال ايديه بجيوبه ويبتسم ويحجي برود تحسه هو متقصد يحركهن حرك ...
عافهن واجه الي اني جنت بعدني واكفه بالباب لزمني من ايدي كدامهن هنه انصدمن واني صدمتي اضعافهن ...
مشه هو لازم ايدي صعدني الدرج هو يبتسم ومدخل اصابعه بين اصابعي ...
وكفنه ثنينه كدام باب غرفه هو طلع مفتاح من جيبه وفتح الباب وباوع بعيوني وصفن شويه ...
سند.... يلا فوتي يا ملكة قلبي قلباً وقالباً
نور..... هااا
سند..... نكمل حجي جوه تعاي
دخلني للغرفه وسد الباب بالمفتاح باوعت ع الغرفه اثاث جديد ولونها كلش حلو ذهبي ع ابيض .. هو منتجي ع الباب ويباوعلي واني اتحرك ...
نور.... شبيك صافن
سند.... محتار بيج منين الزمج منين حضنج نور انطيني فرصه اصلح الي صار بذيج الفتره
نور.... لا سند ما اريد انطيك فرصه ولا اتعلق بيك ولا تتعلق بيه انته كلت راح ترجعني الاهلي بس تلكاهم فرجوك لا تجبرني اتقبلك
سند.... وعد ما راح اطخج بس فرصه وراح تعرفيني ع اصولي انطيني فرصه ما راح تخسرين شي
نور..... راح اخسر نفسي وتحمل اثم خراب بيتك وبيت مروه واني مستحيل اسوي هيج
سند.... ما راح تخربين بيت احد وراح اعدل بيناتجن صدكيني وحقوقجن ثنينهن محفوضات ها شكلتي
نور..... ما اريد خلينه اصدقاء وبس واني كم يوم ورايحه
سند..... ع راحتج بس يمته ما يعجبج تجين وتردين ارجعج انه مستعد ارجعج وعيشج العيشه التتمنيها
ابتسمت وسكتت وهو عافني وطلع انتجي ع الكنتور وما اعرف شسوي ادري بي كل الي جاي يسوي شفقه عليه ويريد يعوضني حتى اسامحه ...
ويعيش وياي باقي هاي الايام خاف اموت كعدت بالكاع وحضنت نفسي ... ربي مااا ردته يعررف ماا اريده اشووف الشفقته بعيون الناسس ...
مسحت عيوني من سمعت الباب يندك كمت فتحته جانت مروه دفعتني ودخلت ...
مروه.... اسممعي ولج ما اعرف شنو سويتيله حتى صار يركض وراج ويدور رضاج بس والله وثم والله لخرب حياتكم وخليكم تتمنو الراحه بس ما تلكوها
نور.... خلصتي حجي ريحتي كلبج تفضلي طلعي برا الي بيه كافيني ما محتاجه جهيمج جحيم الي اني بي كافي وافي بس اكفيني شرج وريحي بالج سند الج محد راح ياخذه منج
مروه.... هذا الحجي ما يصرف عندي تردين تسوين روحج المرة الزينه التدور راحت زوجها وقابله تتزوجين ع شرج كلييلي لو انتي بمكاني تقبللين تجيي ع راسسج ضررره
نور..... ما راح اقبل اكيد واني حجيت ويه سند بهذا الموضوع بس يلكه عنوان اهلي الجديد راح اروح ويبقه سند بس الج
مروه.... لا عبالج راح اصدك حجيج هذا الحجي احجي لطفل مو الي صدكيني يا نور انتي الجيتي برجليج للعذاب وذبيتي روحج بي
نور.... تردين تصدكيني اهلا وسهلا ما تردين تصدكين تفضلي طلعي برا راسي يذيني ما الي خلكج
طلعتها وسديت الباب ونزعت حجابي ورحت شمرت نفسي ع الجربايه اااخ راسي فوك ما رجلها طيح حضي ومراوين الويل بذيج الفتره هسه جايه هيه تكمل معروفه ...
انفتح الباب غمضت عيوني سويت روحي نايمه عرفته سند الاجه .. من صوت حذاء .. يريد يروح للدوام ... حسيت بي صار قريب يمي ...
حاولت اهدء نفسي وتوسل بيها ما تفضحني هو مد ايده بعد شعري عن ركبتي وقرب خشممه يم ركبتي .. يشم بيها احس دكات كلبي صارت قويه وكلبي يريد يطلع من مكان بسسبب سرعة الدكات..
غمضت عيوني حيل من حسيت شفايفه طخن بركبتي هو باسني بوسه هادءه وبعد جاب الغطه وخطاني وكعد يم راسي يلعب بشعري ...
كوه لازمه نفسي احس ع ساعه راح انفضح نقذني صوت تلفونه اتصل شخص عليه ...
اخذ تلفونه وجاوب ع الاتصال وكال ايي جاي انضروني بالباب ... باسني من راسي .. وخله خشمه ع خشمي وحجه بهمسس ...
سند..... راح اشتاقلج يا شيب گلبي
عافني واخذ ما اعرف شنو من ميز المرايه وطلع وتركني واني احس النار شبت بجسمي من تصرفاته .. احس نفسي شوبت وعركت ...
كمت طلعتلي ملابس وسبحت وطلعت وخليت راسي وتفكيري بلمساته ... ساعه ابتسم من اتذكر كلامه وساعه انزعج من تصرفاته ...
دك صوت تلفون بارجاء الغرفه فززني من افكار باوعت ع مكان الصوت جان تلفون ع ميز المرايه كمت اخذته .. نفس التلفون الجان عندي شفت المتصل سند جريت نفس وجاوبت ...
نور....الووو
سند.... هلا نور سمعيني خاف تنامين قفلي الباب عليج
نور.... هو اني جنت نايمه وصوت التلفون فززني؟ بس ليش اغفل الباب؟
سند.... ادري بيج جنتي نايمه وعاجبتج النومه هم
نور..... شنو مفهمت؟
سند.... مو موضوعنه النومه موضوعنه غفلي الباب
نور.... السبب؟
سند.... عندي شغل هسه غفلي الباب ونامي نوم العوافي وبليل انه يمج يلا باي
نور..... اي بسس فهمني ليشش
سد الخط بوجهي واني تعصبت رحت غفلت الباب ورجعت نمت ... ما ادري شكد بقيت ناايمه ...
اندك الباب كمت بتعب وفتحت الباب صار كبالي سند باالزي العسكري .. بدون وعي كتله ...
نور.... طالع حلوو
سند... ههههه عيونج الحلو اول مره انعجب بروحي بعد كلامج
نور... هاا لا مو قصدي انته حلو قصدي الملابس هاا اي الملابسس حلوات
سند.... هههههههه شبيج توترتي وصرتي تذبين خيط وخيط
نور.... والله اني ما اعرف نفسي شكاعد اكو
سند.... هسه تفوتيني تخليني بالباب
نور... ليش تفوت ما عندك غرفه؟
سند.... هاي غرفتي غير
نور.... شنو هاي غرفتك؟ جا اني وين غرفتي؟
سند... هيه هاي هم غرفتج
نور.... اني وانته بنفس الغررفه رااح ننامم؟
سند.... اي ليش تخافين خاف بليل اتحول مستذئب اذا من هالناحيه اطمني راح اكون مستذئب عاقل وكعد راحه ما اسويلج شي
نور.... مستذئب شنو؟
سند.... اسولفلج ياها من اسبح ورتاح
نور... ما اريد روح نام يم مروه خطيه هسه عبالها جاي اخذك منها؟
سند.... يا سالفة مروه الما تخلص اشو وخري
دفعني ودخل سديت الباب هو راح للكنتور طلع ملابس وراح للحمام اني كعدت ع الجربايه انتضره مستحيل انام سوه بنفس الغرفه اني وياه ...
طلع من الحمام ينشف بشعره وخال المنشفه ع خصره وعضلات جسمه بارزه من غبائي صرررخت صرررخه ....
نور.... يمممممممممممه
سند..... اششش اششش شبيج
سد حلكي بيده واني عيوني ع صدره اجتاحني الخجل وصخنت دفعته بسسرعه ودرت وجهيي عنه ...
نور.... انته ما تستحي شلوون تطلع هيج
سند... استغفرالله
عافني وراح للحمام بدل وطلع ينشف بشعره اني بسرعه رحت دخلت تحت الغطه وغطيت نفسي وحتى راسي اريد اتحاشه ما اريد اباوعله ...
حسيت بي رفع الغطه واجه يمي وخله وجهه بوجهي تحت الغطه فزززيت وتبعدت بدون ما احسس وكعت من الجربايه ...
نور.... ااااخ
سند.... يلفاهيه شبيج فزيتي عبالك شايفه حرامي اشو تعاي هو هذا حضي ما يجيب بس الفاهيات وما يفتهمن شي وتعال يا سند علمهن من جده وجديد
جان مادلي ايده ويحجي دفعت ايده وكمت وحدي وجريت المخده ونمت بالكاع بدون غطه ...
ونطيته ضهري ... انشمر عليه عليه غطه غطاني كلني دفعته عن وجهي واريد اصيح بي بس فاجئني من شفته خال مخدته ونايم بصفي ..
نور.... جاي تسوي؟
سند... والله عجبني اجرب نموت الكاع حلو لو مو حلوه تكسر الضهر لو مريحه
نور.... ترا اني شارده منك انته تلحكني
سند... مو يكولون وين ما تلكه راحتك اركض عليها وانه لكيت راحتي بصفج وجيت اركض
نور.... اشو اني مسامعه بهذا الحجي؟
سند.... لا تسمعينه ما يفيدج بس عندي ستفسار زغير
نور... تفضل؟
سند... انتي ليش تربعتي بنص كلبي وخذتي الحصه الاكبر من المحبه بس الج
نور..... اريدد انام نعساانه
جريت الغطه وغطيت نفسي وابتسمت جوه الغطه .. نمت صفح ونطيته ضهري ما حسيت غير حضني من ضهري وخله راسه بركبتي ..
كزبر جسمي وتفعته من عكسي ... انضرب بصدره جاان يعضنيي من رركبتي ...
نور..... اخخخ وجعتني
سند... ليش انتي ما وجعتيني اكو وحده تضرب هيج ضربتج ضربت رجال
نور.... تستاهل ليشش متقررب مني هالكد
سند.... عاجبني الغرفه غرفتي وين ما يعجبني انام اذا عندج خلي لصبح هسه نعسان
نور.... بعد عنيي جاي تضايقني
سند.. كلها ايام وتتعودين ع هذا الوضع
نور.... ما اريد اتوعد ع شي بعد عني سند
سند.... ما راح ابعد واعلئ ما بخيلج اركبي
غيدني بحضنه قوي واني ادفع بي ماكو ميحس دراني عليه .. وضمني ع صدره حيل ... صررت ادفع بي قووي وبكل قوتي اضربه ع صدره ... رفعني من خصري وضغط عليه وخلاني فوكه ...
سند.... ناامي وبدون وكااحه ترا اصير اوكح منج
نور..... ما اريدك تحضني بعدد عنبيي
سند.... مو خوش سالفه وانه هسه لازم اضوج وبعد عنج مو؟
نور..... اي
سند.... لا تحلمي احلام اكبر من واقعج الشي اليجذبني الج ما تقبلين اتقربلج ومن تصير السالفه عناد انه احب اكسر اعنادج وخليج تتقبلين غصبن ع راسج
نور.... اني مو مثل ما مفكر بيه اني صدك ما راغبتك ولا اريدك ولا احب قربك الي
سند.... حلها سهل يوم ورا يوم تتعودين وبعها انتي تطلبين مني احضنج وبوسج
نور.... مستتتحيل ما راح اسووي هيج حباب بعد عني سند والله جاي تضايقني بتصرفاتك
سند.... انه مو حباب انه سند واذا حضني يضايقج فعادي انه احب اضايق الاحبهم
منين ما افوتله يطلعلي بموضوع اضرب من موضوع حاولت احرر نفسي منه ما كدرت ... ومنا اني النوم بعيوني ونعسانه ... استسلمت للامر الواقع وبقيت بحضنه لحد ما غفيت ...
كعدت الصبح ع وجههي كبال وجهه هو حاضني ونايم وياي ع نفس المخده ... بعدت ايده من خصري بهدوء وكمت هو رايح بسابع نوم ...
دخلت سبحت وفتحت الكنتور جانت الملابس تارسه الكنتور اشكال والوان بقيت صافنه هذان ملابسمن مخلينهن هناا ...
سند.... صبااح الخيرر
درت وجهي عليه ورديت ... صباح النور
سند.... نزلي سويلي ريوك جووعان صار الي كذا يوم ما ماكل من طبخ ايدج
نور.... هذاان الملابسس المن؟
سند... المن مثلاً هو اكو غيري وغيرج بالغرفه
نور... قصددي ملابسس البنات هذان المن؟
سند.... هااا نسيت اكلج هذان الملابس جبتهن الج
كام واجه يمتشه بتجاهي هو يبعد شعره عن عيونه واني توترت ورجعت ليوره لزكت بالكنتور هو صار مقابيلي وخله ايده منا ومنا ...
سند.... هذا جهاز عروس حالج حال العرايس الباقيه امه عن العرس فلاتخافين نسوي بعدين ع ما يرتاح بالي ويهدء الجو المتوتر نعرسس
نور.... بس اني ما اريدك
سند.... مو مشكله انه اريدج مو ضروري انتي ترديني يكفي انه احبج واذا عليج انتضرج تحبيني
عافني وطلع كلبت بالملابس اشكال والوان حتى احتار شنو البس وكلهن يججنن .. طلعت فستان بنفسجي من يم الصدر ضيك ووتحت الخصر عريض ..
لبسته وصرت اباوع ع نفسي بالمرايا كاعد عليه فرد كعده عبالك يعرف قياسي ... لبست حجاب اسود ونزلت ... شفت سند ومروه كاعدين يحجون ع صفحه ومروه عصبيه ...
عبرتهم ورحت للمطبخ سويت الريوك وكملته واول واحد اجه سند كعد وبعدها اهل البيت التمو سند سوالي مكان يمه اجيت وكعدت ...
هو يجيب ويخلي كبالي ساعه كيمر ساعه بيض ساعه يشيل استكانت الجاي مالتي ويشرب منها ويهمسلي ...
سند... اشو جايج اطيب من جاي خلي نبدل
ويبدل استكانتي ويه اسكانته وكل شويه ماخذ وحده خبلني وخبل الكاعدين ع السفره ..
خلصو وكمت اعزل بالسفره وكمت اغسل بالمواعين اجت مروه تخوصرت وكفت كدامي ...
مروه.... لا تفرحين هواي بهذا الدلال كلها كم يوم وراح يصر بشش وتنشمرين شمرت الحيوان
نور.... اليعجبج سوي واني انتضر افعالج ع احر من الجمر وهسه اذا تسمحيلي اريد اخلص وراي غده
هيه تعصبت وطلعت من المطبخ وركعت الباب وراحت اني بقيت افكر بكلامها خاف هاي صدك تسويلي سالفه لا ع البال ولا ع الخاطر ..
واني صافنه فززيت ع شخص حضني عرفته سند درت وجهي باوعتله هو صافن عليه ..
سند... شبيج؟
نور.... خاف اكلك وتجذبني
سند... ليش اجذبج احجي خلي اسمعج
نور.... مروه جاي تهددني وكل شويه جاتني بتهديد شكل كمت اخاف منها
سند.... لا تخافين ما تكدر تسوي شي عوفينه من مروه شنو راح تسوين غده
نور.... انته شنو مشتهي
سند... اويللي هسه احس روحي صدك جاي ادلل
نور... هههههه سئلتك شنو تريد غده الدلال شعليه
سند... مو المره اذا تهتم برجال اول شي تداري بطنه ومشتهاته وباقي الاشياء لاحكين عليها
غمزلي وجر خدي بصابعه وطبع بوسه بين خدي وشفتي وبعد ... تهت بتصرفاته احس كلبي صار يدك سريع ...
سند.... سويلي مركة باميه مشتهيه
هزيت راسي هو ضحك وطلع سويت باميه جان اكو مجمدينه بس طلعتها وحمسته ... وكملت الغده ع حسب الاصول ... وكاعده اسوي مقبلات وزلايط اجه سند من برا بملابس العسكريه ...
وكف ع راسي ياكل من السلطه ويوزع بتسامات ... اني ما حجيت اي شي لا سلام عليكم ولا الله يساعدك اريد اتحاشه الحجي وياه ... تقرب عليه وخله شفته قريب من اذاني وهمس ...
سند.... مشتاق الكلشي بيج اكلج طولج لسانج كلماتج احس نفسي هسه يلا رجعت بيه الروح استعجليلي بغده جوعان اريد اضوك طبخ هل ايادي
بعد ولزم ايديه وباسهن ثنينهن وطلع اني من الصدمه ما كمت اعرف شلون اتنفس ولا اعرف اسوي اي شي طفرت بسرعه غسلت وجهي وجريت نفس ورتاحيت وهدءت نفسي ورجعت اكمل السلطه ...
اول مره يجتاهني هذا الشعور احس نفسي عايشه حالي حال النلس الطبيعيه ... كمت حضرت الغده هم سند سوالي مكان اله بصفي تكعدين وكدام اخوته يريد يوكلني بس اني رفضت اكل وهمسته عيب هو هم تفهم وما سوها بعد ...
خلصنه غده وصبيت الهم جاي واني جاي اغسل بالمواعين اندك الباب قووي وصوت صيااح من برا وصوت طلق رجفت من صوت الطلق وكلها كامت تصيح شنوو صااير طلع سند وخوانه للباب ...
عشرر دقايق بسسس وسممعنه صوووت سعددد صااااح بعلو صوته خوووويه ....
..............
اجه الولد ويباوع ع روحيه وروحيه من شافته خافت وجلبت بيه واني هم مثلها جبانه هم خفت وجود ما بين جنه راح يتاخر ...
شكل الولد مو راحه بس ابد ما باوعلي جان تركيزه ع روحيه ... تقرب علينه وجرر روحيه من وره ضهرري ...
روحيه..... شبيييك اترركني واللله بسس يجي عمي ويشووفك هنااا يمووتك بااارضك
- عمج ما يكدر يسوويلي شي واذا المره الفاتت رفضتين هالمره راح تقبلين ورجلج فوك راسج
روحيه.... والله ما اقبل بييك اانته انساان مرريض شلوون تريدني اقبل بيييك وانته جميع الامررض الموووزينه عندددك
- وعد من هذا الشاارب اذا خليتج تروحين الغيري وهذا حبيب الكلب سلام افندي شيلي من بالج ما خليكم تتزوجون لو ادخل اعدام
اسمعهم يحجون واني ارجف شنو هذا مجرم عنده عادي يروح عدام احس ريجي نشف شنو جاي يصير هنا وروحيه تعرفه لو شنو ...
- اسمميني تروحين منا ع ابوج وتكليله موافقه بابن خالي فهمتيي لو اعيييد
روحيه..... اي راح اوافق بس عوفني الناس جاي تباوع علينه
- راح احذرج اذا حاولتي تلعبين من وراي موتج قبل موت سلام يصير
دفع روحيه وراح اني ركضت ع روحيه كومتها وهيه عيونها حمر من العصبيه ... نكثت ملابسها وكفت عادي ولا كنو صاير شي اجيت اسئلها عن هذا الولد منين تعرفه بس من شفت حالتها سكتت ...
اجه جود علينه وشكله متعصب وعصبيته قاطات من عصبيه روحيه ... صعدنه وهو يباوع ع روحيه وروحيه ركعت باب السيارة ركع ...
روحيه.... بسس فهمنيي هذااا شلون اندل مكاان المعهد شلوون إله عيين يجيي يحااجييني بعد د السواه بيه ومنو كله سلام خطبنيي
جود.... شوكت اجاج؟
روحيه.... قبل ربع ساعه تقريباً
جود.... دواه عندي هذاا ما يتأدب إله ينكتل كتله اخت الموت يلا يجر عدل لا تفكرين بالموضوع ويخليها يمي حجيت ويه ابوج وراح يرفضه
روحيه.... وسلام من سمع شكال
جود.... بعد مصر يخطبج وابوج حاجيله السالفه كلها ابن عمج استر عليج هو عرف كلشي هسه ما اكو شي مضموم ولا تخافين من شي
روحيه.... الحمد لله بابا حجاله جنت خايفه احجيله
جود.... اي وإذا سلام ما يريدج احنه ما مستغنين عنج جاي افكر شلون راح افارك هذا الوجه الحلوو
كرصها من خدها وهيه ضحكت اني جنت اسمعهم وعيني ع الجامه ... وصلوني للبيت جاي انزل جان مجتبى واكف يحجي بالتلفون نزل جود سلم عليه واحد سلم ع الثاني اني خليت ودخلت ..
تلكتني امي سلمت عليها وصعدت فوك بدلت ملابسي وخلصت ونزلت ... كعدت اساعدهم بالغده .. جنت كاعده بصف حميده .. ادنيت عليها وهمست
فاطمه.... شعجب سكينه واكفه الطباخ
حميده.... ما اعرف من طلعتو وهيه نضفت البيت ولمعته وهسه ما تقبل احد يسوي الغده غيرها
فاطمه.... وفلاح وين ما إله حس
حميده.... محمد خذه وياه يفترون بالمنطقه
فاطمه.... الله يسترها ويتعودون علينه ونتعود عليهم
حميده.... راح تجي نبأ هيه ورجالها ع الغده
فاطمه... صدك ااف احس نفسي اريد اطير
حميده.... والله لمت الأخوات حلوه وما تتعوض
فاطمه.... وانتي هم اختنه
حميده.... فدوه الكلبج فطوم احن منج ما اكو
بقيت اسولف اني وحميده عن يومي وما جبت الها طاري الولد اخاف روحيه ما تقبل احد يدري بهذا الموضوع واني هم ما عليه بيهم ...
إذن كمنه صلينه وخلصنه واندك الباب طلعت نبأ ورجلها اجو ونبأ شافت سكينه وسكينه شافت نبأ اشو هذان اتحاضنن وصارن يبجن ...
اني فكيت عيوني ع وسعهن من الصدمه سكينه صارت تعاتب نبأ ويبجن وامي تبجي وياهن ...
اشرلي محمد هذا شبيهن رفعتله اكتافي بمعنى ما اعرف شبيهن ... رحنه اني وحميده نحضر الغده ونحجي بموضوع لقائهن الغريب ...
حضرنه كلشي وكعدنه ناكل واني عيوني ع نبأ وسكينه منسجمات وياخذن وينطن بالحجي .. اجت الأفكار بالي ليش؟ سكينه من سلمنه عليها ما جانت لهفتها علينه مثل لهفتها ع نبأ؟
امي تسولف ويه سكينه ونبأ ومحمد ورجل نبأ من جهه ومجتبى خال بنات نبأ وحده بحضنه والثانيه بصفه ويوكل بيهن واني وحميده وفلاح ساكتين ...
خلصنه غده وجان الاكل كلش حلو تعجبت من طبخ سكينه شكد طابخه بحياتي مصاير طبخي حلو هيج ...
وديت الهم جاي وحميده استرخصت راحت لغرفتها واني رحت اغسل مواعين ...
خلصت غسل ورحت يمهم رجل نبأ ترخص وراح لبيتهم وعاف نبأ تبات يمنه ... وهيه وسكينه ضحكهن وشقاهن واصل لسابع جار ويباوعلي ويضحكن حيل ...
سكينه... يمه ابوي بيا محافظه شمر نور هالمره
نبأ.... صدك يمه ما اكو أخبار عنها شلونها ما لونها
محمد.... لو سامعين أخبار عنها شافاتنه باقين كاعدين وهم ما نكدر نروح نجيبها ابوي إلى سوه بتهم مو شويه
سكينه.... شنو السوه كسر الها رجل ايد كلشي ما بيها اني لو بإمكانكم ما ادللها هذا الدلال الله يعلم شنو أهلها مسوين بنور ميته عدله
ام فاطمه....اذا احنه نسوي مثل ما يسون هما محد راح يعيش بخير واني عندي إيمان قوي بنتي عايشه وبعدها تتنفس الهو النتنفسه
نبأ.... يمه تردين الصدك محد سوه سويايتكم جايبه شريجتج ومكعدتها بنص بيتج وتسرح وتمرح ع كيف كيفها لا حسيب ولا رغيب ما مقبوله منج
محمد.... شتردن تسوي تطرد البنيه لان ابوي تزوجها هيه من اجت دكت بابنا تريد احد يسترها إذا چنه ما نسترها منو يسترها
ام فاطمه.... محمد وليدي ع كيفك ويه خواتك ما كالان شي لا تتعصب
محمد.... لا يمه انتي ما جااي تشوفين شلون يحجن شبيجن مااتت الرحمه بكلووبجن ار روح اناام احسسن إلي وانته فلاح كوم ادرس وراك مدرسه باجر سويت نقلك لهنا
سكينه.... عوف ابني براحته شوكت ما يعجبه يدرس خلي يدرس لا تفرض عليه الدراسه كوه منو كلك تنقله يمكن ما يريد يداوم
محمد.... حجيج خلي الج احجايه كلتها باجر راح يروح للمدرسه ماا امشي بكيف النسوان فلاح سمعت شكلت
فلاح.... صار خالو راح اداوم
سكينه تعصبت وتاشر لأمي تحجي محمد ابد ما جان عصبي بس اليوم ما اعرف شبي خزر سكينه وصاح ع مجتبى يلحكه وطلعو وفلاح صعد لغرفته ...
ام فاطمه.... شبيجن وياه اخوجن
نبأ.... يمه ترا محمد ما عاجبه جيتنه الكم ولا عاجبه كعدت سكينه يمكم شنو هالتصرفات متعصب ويصبح عوزه بس يوكول النا اكشن طلعت برا
سكينه.... ما جبيرتهم يجون ياخذوني جنت معززه مكرمه بيتي اطب وطلع كافيه خيري وشري
طول الكعده بس اسمع وما أشارك بشي ونبأ ترفع وسكينه تكبس وامي الخطيه وكاع برأسها تحب بناتها وتحب ولدها والواضح سكينه تريد تفرض كلامها هنا وتحرك كلب محمد لأن مشه كلمته ع ابنها ...
غيرت امي الموضوع وافقت وياهن تاخذهن للخطوبه باجر وهنا كيفن ونبأ كلمت جابت خيط وتحف لسكينه ... وامي فرحانه بجيت بناتها ...
احسهن ما طايقاتني ودهن يكتلني وسكينه من تلكاني اباوع عليهن تخزرني .. كمت صعدت الغرفتي مية الف فكره فكره اجت بالي ليش يتعاملون وياي بهل جفاء شنو مسويتلهن ..
مرت الضهريه واني كلها بغرفتي ما طلعت ولا كعدت يمهن ولا وصلت ... صار العصر نزلت رحت للحديقه اجت حميده بطنها واصله لحلكها ..
فاطمه.... مساء الخير
حميده.... مساء النور دريت بيج هسه الكاج كاعده هنا
فاطمه.... جا بعد وين اروح
حميده... شنو قررت تلبسين باجر بخطوبه؟
فاطمه... أي شي ما يهمني
حميده.... شبيج صوتج معاجبني مريضه
فاطمه.... لا بس جاي افكر باجر ما اروح للخطوبه مالي نفس بيها
حميده.... الله عليج تعاي تدرين بيه استحي اروح وأمج لزمت عليه اروح وياها وستحيت اردها
فاطمه.... اوووف حميده والله ما الي نفس بس الخارج راح اروح تدللين
حميده.... حبيبتي ربي يحرسج
ابتسمت وبقينه نسولف بعدها صارت دنيه مغرب دخلنه جوه اني صعدت الغرفتي كبل توضيت وضوء ما قبل الصلاة ونتضرته يأذن ..
إذن صليت وخلصت ونزلت دخلت للمطبخ احضر العشره لكيت نبأ وسكينه يسون ويسولفن ما تدخلت بشي ولا حجيت عفتهن وطلعت رحت الغرفه امي احجي وياها ..
جانت تقرأ قرآن خلصت السورة وصدقت باوعتله بحيره احجي لو ما احجي ...
فاطمه.... يمه انتي جاي تشوفين تصرفات سكينه ونبأ لو لا
ام فاطمه.... شبيهن خواتج جنهن العافيه
فاطمه.... جاي يتعاملون وياي بطريقه عجيبه نافرات مني ويخزرني نبأ ما جانت هيج بس اشو من اجت سكينه صارت هيج وحتى سلام عبرتني ما سلمت عليه
ام فاطمه.... يمه تتوهمين التعب مأثر عليج انتي ما تحجي من تحجين وياهن راح يحجن وياج
رغم حجي امي ما قنعني بس قررت امشي عليه والي يصير خلي يصير راح اخذ ونطي بالحجي وإذا ما شفت نتيجه منهن اواجهن وعرف السبب ..
عفت امي ورحت يم حميده بغرفته نسولف عن باجر وهيه انطتني ملابس منها حتى البسهن باجر ... صبو عشه وطلعنه نتعشه ... وخلصنه عشه ... وكعدنه كلنه نشرب جاي ونسولف بعد ما غسلت ألمواعين ع السريع حتى اجي اسولف وياهم ..
سوالف عاديه عن الطبخ وشنو أنواع البهارات وحجي شامل ... كام مجتبى الغرفته ومحمد اخذ فلاح حتى يراجعله بشوفه درس لو لا ... تعارك هو سكينه لأن سكينه ما تريد فلاح يدرس بالجباري ومحمد عناء بيها يريد يدرسه ..
بقت سكينه تفور من العصبيه وتدردم وتحجي ع محمد وتغلط آخر شي ... امي كلتلها اني احجي وياه وخلي يعوف ابنج براحته يلا سكتت ..
حميده هم كامت ترتاح واني بقيت بالي اشاركهن الحجي حتى اعرف شنو موضوع الابتعاد عني وما يحجن وياي معقوله بصدفه ... أمي باجر خميس ولازم تقر ختمه بس راح تروح ويانه للخطوبه فقررت تسوي الخاتمه الليله ...
عافتنه وراحت تقرأ قرآن ... نبأ بناتها نايمات .. سكينه ونبأ يسولف ما معبراتني عاد اني حجيت حبيت افتح موضوع وشاركهن الحديث ...
فاطمه.... باجر شنو راح تلبسن بالخطوبه؟
سكينه... وانتي شعليج بينه
فاطمه.... غير اختجن واسئلجن
نبأ.... بحياتج ما راح تصيرين اختنه
انصدمت من كلام نبأ شنو بحياتي ما راح اصير اختهن شنو يعني ... ردت احجي بس سكينه جاوبتني ع سؤالي قبل لا انطق بي ...
شكرا لزيارتكم عالم روايات سكيرهوم
