رواية عشك أل فراس الفصل العشرون بقلم زينب نور
جسار : بعد مارجع فهد رجع الوضع طبيعي بيوم جنت راجع من الدوام وكلش تعبان وقبلها جان عندي انذار تواجدي على النت قليل باليوم لو ساعة لو ماكو بهاي الساعة اذا اتواجد مرايم ماكو اراسلها ماكو
رجعت بـ12:30 بليل سبحت ونمت التعب كان داكني دك فزيت بـ3 على دكت التيلفون رقم غريب !
جسار:الو
أيڤان:الحكككك يأبن الناس مصيبة وكعت على راسك
جسار:شكو ياستار
ايڤان :مرايم
من سمعت اسمها طفرت على طولي
جسار :شبيها مرايم
ايڤان :باجر خطوبتهاااا جيب اهلك وتعال بسرعةةة ترا ابوها منطيها وباجر العقد وهي كلش تعبانة لو تلحك لو ما تلحك
جسار:جايكم
سديت الخط رجعت اتصلت على صهُيب
جسار:بدل ملابسك وجيب سلاحك وتعال بسرعة وكعد اخوانك
صهُيب:شني شكو ولك
جسار:تعال وانا اكلكم شكو
صهُيب:جايكك
بدلت ملابسي بسرعة زي عربي واخذت سلاحي وطلعت لجاسر كعدتهه
جاسر:خير ولك
جسار:كوم كوم بسرعة ماعندي وكت المراة راح تروح من ايدي
جاسر :اخذوها
جسار:كوووم
رحت لمهند سحلتة وطلعت اول واحد طلع صهُيب ورا محمد وراهم علي واجهه ادم واخوانة
علي:يمعودين شكو
جسار:نروح لصلاح الدين
محمد :عمي مخبل صاحي انتَ مسلحين ورايحين چا والسيطرات
جسار:ماعليكم انا اعبركم بس خل نطلع
طلعوا البقية وصعدنا سيارتنا وطلعنا ولد عمي كلهم 12واحد اخواني ثنين وادم واخوانة المجموع 17 طلعنا من البصرة بـ 5 بينا وبينهم 9 ساعات تقريبًا وصلنا لمنطقتهم بـ 2 الضهر
جسار:هذا بيتهم
اسد: احنه حتى سيد نسينا نجيب
علي:من عدهم
جسار:والمهر هم عليهم احنه علينا ناخذ المراة
الشيخ : اصعدوا سيارتكم وارجعوا يلا
جاسر:شني وين نرجع
الشيخ:ارجعوا لورا لا تسدون الشارع ومن يجون اهل الولد يصير خير
رجعنا لسيارتنا على الشارع العام وكفنا وكعدنا ننتظر شوية واجت سيارة عرفتها هي اجت من الصالون
جسار:اجت
جاسر:اكعد اذا تحركت اكسرك
بـ4 اجت المشية
الشيخ:يلا عيني
دخلت سيارتهم واحنه وراهم بسياراتنا طبكنا ونزلنا كل واحد سلاحة بيدة بس الشيخ لا بيدة سبحتة سلمنا ردوا السلام
ابو مرايم:هذا انتَ
جسار:لا انا
جاسر:عوف تفاهتك وانجب
جسار:يغث
جاسر :اسكت
حجهة وياهم الشيخ مافاد كالوا احنه جايين نخطب والبنية النا وشتردون تسون سووا
محمد: تيلفون واحد هسة اشمر ابنكم بالسجن البنية لابنة ولغيرة ماتصير لو يصير الدم لركب ومانرجع الا وابنة عاقد عليها
ابو مرايم :بكيفكم هي شنو
شاهين :اي بكيفنا واعلى مابخيلكم اركبوا والشيخ هسة يعقد على جسار وبنتكم غير هذا الحجي سلاحنا موجود
ابو مرايم : قانون موجود يسحلكم سحل
اسيد:احنه اهل القانون والنريدة ناخذة خلي ناخذ البنية بالطيب احسن مانستخدم غير اسلوب
راد الشيخ يعقد للولد والها سحبنا اقسام وكلها رمت احترك الجو حركك لحدما ابو الولد كال
_هاي هي وقفوا الرمي البنية الكم
كعد الشيخ يعقد كعدت يمه وابوها عوزة شوية ينجلط خلص الشيخ العقد واخذت الموافقة
جسار:ادخل جوا
علي:تعال ولك تدخل بوصخك
اجه اسد بلل ايدة ماي ومسح شعري عدلة بيدة وعلي جاب عطر ترسني ترس واسيد بدل الشماغ مالتي ورتبة والسلاح اخذوا مني
اسد:هسه عريس نص ستاو
جسار :يالله
دخلت لجوا وهمَ واكفين بالباب هلهلوا امير وياسر ومهند وايمن ومهدي ومالك
رفعت راسها شافتني ضلت صافنة بوجهي ابتسمت وتقدمت الها متجاهل الكل وتسائلت النسوان ومنو هذا ومنو هذا وين ابنه بس ايڤان هلهلت
جسار:مبروك
مرايم :جسار
جسار:روحة لجسار شني خبل انا اعوف واحد مهتلف مثل هذا ياخذج
مرايم :هههه والله ممصدكة
جسار:صدكي يبعد چبدي جيبوا الحلقات
اجت ايڤان جابتهن لبستها الحلقة وهي كذلك صحت على الولد
جسار:هلاهل يحزام ضهري
ماقصروا علكوها علك
جسار:ايڤان جيبي شي غطيها الولد راح يدخلون
جابت مدري شنو ابيض غطتهه والنسوان كلها صارت على جهه دخلوا كلهم اول واحد الشيخ ابتسم وكال
الشيخ :شايف خير ومبارك يراعيها
جسار:يابعدني وعين عيني
سلموا رجعت عليها بستها براسها وكتلها
جسار: الاسبوع الجاي الج احلى حفلة واجيج عريس وكاشخ
مرايم :هاي احلى حفلة
جسار:روحي وغراضها
صهُيب:يلا يمعود التليفونات احتركت حرك
جسار:جاي
الشيخ :مشكورين وما قصرتوا ونعتذر على الصار
ابو مرايم :حياكم الله وانا اعتذر
تقدمت بستة براسة وسلمت عليَ وباوعت للولد
جسار: ان شاء الله تلكي اللي تناسبك
_ شكرًا الله يسعدكم
سلمت عليَ وطلعنا للبصرة بـ 7 بليل الدولي صار بس النا نلعب بيَ بكيفنا وصلنا البصرة الفجر رحنا كلنا لبيت جدي لكينا جدي يتوضى يريد يصلي
الجد:وين جنتوا ولا واحد هنا
رفعت ايدي لابس بيها الحلقة
جسار:رحنا نخطب
الجد:شتخطبون
اسر:بطوط شنخطب غير مراة
الجد:ولكم شني تخطبون مراة لا تخبلوني
الشيخ :كمل وضوئك وانا احجيلك السالفة وانتم ارتاحوا تعبتوا من الطريق
جسار:انا راح اروح لبيتنا
جاسر:جاي وياك
مهند :چا اضل وحدي اخذوني وياكم
علي:وين عايفينك بعرعر
رجعنا للبيت نمت ولضهر كعدت على جكليتة اجت براسي عبالك طابوكة
ام جاسر :مبروك يمه مبروك
جسار :چا يمه هي هيج فشكختيني
مرح:غير تاخذنا وياك
جسار:اي ان شاء الله بالعرس
نور:مبروك منك العيال ومنها المال
جسار:طيح الله حظج عود هاي الجبيرة
نزلت لابوي كان ضايج شوية
جسار:يابه اسف واعتذر بس الطريق طويل واحنه طلعنا بسرعة كلت بس الشباب اخذهم وانتم المره الجاية بعيوني اخذكم
ابو جاسر : بوية هيَ هاي سالفة رايحين على الوادم هداده
جسار:بويه چا تريد يصير بيه مثل محمد شوفة شصاير بيه حتى اكل ما ياكل وهيج بشر مايفيد وياهم التفاهم اخذت اخوتي ورحت وماقصروا
ابو جاسر :والنعم منهم ومنك والف مبروك بوية يوم العرس ان شاء الله
جسار :بوجودك اكيد
مهند : عرسولنا سوا
جسار:شبية تخبلت اعرس وياك
جاسر :شو ريم مالها صوت
مرح:فوك تقرا طالبة سادس
ابو جاسر :الله يوفقها
هوس : شوكت العرس
جسار : بعد ما محددين عندي شچم شغلة اخلصهن ونحدد العرس
طلعت برا لكيت محمد كاعد نفس مكانة كل مرة يكعد بيَ
جسار :شنو ما مليت من هذا المكان
محمد:بيَ ذكريات حلوة
جسار :البيت فارغ شكو مكابلهه
محمد : بعدهي روحها هنا وبعدني انتظر ترجع
جسار :البنية تزوجت وعلى ذمة رجال ثاني مايصير هيج تحجي
محمد : هي تزوجت بس اني شيقنعني
جسار :الله كريم
بليل اجتمعنا كلنا بيت جدي لـ 12 طلعنا كعدنا بالحديقة بس الشباب
جسار:طلعنا تفاكنة وصار الفشك حنه
وتزامطنا ويَ اهلها بليلة الملچة
ابوها يريدها للغير كل ضنة
مايدري بچيله اخذ روحة
انتزامط والشماتة سنونها مكشرة
لسنها الباردة صبحت متوشرة
من كثر المذنب ذاك سوينا السلف نشرة
اي الحد طك اصبع ومن مرينا عليَ
كعدنا نقرا درامي
اسد:مر شامت وعافوك صاح وجزاني
ساعتها خر نكاط دم من اذاني
اسر :ينشدني ولفي الشال لساك تحبنة
كتله بمصر يعكوب شم ريحة ابنة
محمد :شدعي على حادي النوگ حبيتة بيدة
ومارضى يدلي بدار ولفي الجديدة
الجد: شعراء العصر الحديث كوموا ناموا
اسد: اليوم حاجين ما انام
الجد: احجي بدون صوت
صهُيب:بالإشارة شباب
ضلينا كاعدين لـ 3 الفجر صلينا ونمنا مرت الايام الوضع طبيعي ومرايم رفضت انُ ارجع اسويلها حفلة او شي ورا فتره قرروا انُ يحضرون لعرس صهُيب الكُل كان فرحان الا صهُيب كان ضايج بشكل مو طبيعي لدرجة بيوم الحنة راح لدوام
اسد:هذا مخبل شبي يعني ناس جاية من غير محافظات تسئل على العريس
علي:شنسويله يعني كال الضهر اجي
اسد: والحسن شاخط
ابو فهد :اخوكم ما اجه
اسد :الضهر يجي
ابو فهد :لا حول ولا قوة الا بالله
علي:جسار لا تصفن
جسار: صافن بيك
علي:عجبتك
جسار:من زمان
علي:انجب لك كلشي ولا الشرف
جسار:ههههه عود هذا المؤمن
راهب:يامؤمن اللسانة ينكط تبن
شوية ودخل فؤاد سلم وكعد يمنا
فؤاد:يوم عرسك
جسار:بوجودك
فؤاد:ان شاء الله اول الحاضرين
علي: ابوك الشفية وين شو ما شفنا طولة
ابو ادم :السانك ترا اخوي
علي: فرق بين الورد والعاكول
ابو ادم :كوم اريدك بشغلة
راح علي ويَ خاله لـ 2 اجهه صهُيب سلم وصعد فوك
الشيخ :واحد منكم يصعد ورا لا ينام كلشي اتوقع منة
محمد: متأكدين يحبها ! تصرفاته تحجي غير شي
اسد: ماكو شي راح اصعد ورا اشوفة
الشيخ راح لديوان واسد صعد ورا واحنه ضلينا كاعدين حنة البنية العصر والحنة مال الشباب بليل والعرس راح يكون بالقاعة فقط كرايب ماكو شخص غريب على حسب كلام العريس
علي: امير وين
امير:هاااا خير
علي:وجعااا حتى وجعاا تعال شيل وياي الثلج
امير:شيشيله الثلج
علي: تعاااال فضنييي
اسيد: عصب عصب روح لا يفلشة براسك
امير : ضابط بيَ حيل زايد چا مثلي كوه امشي
ياسر :شوكت اعرس وانا اكعد وانتم تشتغلون وعلي اذلكم
راحوا امير وعلي يشيلون الثلج امير شال الثلج وشمرة لان ثكيل اجهه على رجل علي وكان حافي
علي:انعل يومككك رجليييي
جسار:هههههه تأذيت
علي:يضحككك على ضيمي رجلي كسرتها اكو مطي يشمرة هيج
امير : چا ما تؤخر طلع دم بعد محد تاخذك
علي:وخر من وجهي لا والكفل زينب اسحلك سحل
امير يباوع على علي وميت من الضحك
جاسر:تأذيت
علي:لا مابيه شي
بـ4 نزل صهُيب لابس اسود بأسود
محمد:دخيلك يالعباس ياهو ميت خالي شمالك تسودنت لابس اسود بيوم الحنة
صهُيب:وشتريد اللبس برتقالي لو ابيض جني مطهر
جاسر:اكسر الاسود بغير لون وبعدين انتَ مو تلبس زي عربي
صهُيب:بليل اللبس عربي وخروا عن وجهي ترا مالي خلك نفسي
اسيد: ادري جابرينك لا تعرس عمي
اجه جدي وعمي ابو فهد وراهم علي صاح على صهُيب
علي:هااا ماتتت المراة لابس اسود
الجد :خلوا براحتة لا يبطل
علي: لو لابس فسفوري
صهُيب:علي اسكت عني
علي:هههه وعلي جنك ارمل
طلع صهُيب وراح لليل سوينا الحنة وثاني يوم العرس تم على خير والوضع كان جدًا طبيعي
ام جاسر :يمه جسار اريد اشوف عروستك
جسار:بخدمتج اخذج الهم وشوفيها
مرح:عليكم الله اخذوني اشوف مرت اخوي
جاسر: استچني
ام جاسر:وانتَ يمه شو طولت شوكت ناوي تخطب
جاسر:خلي ازل تخلص السادس واخطبها يمه مو وكتها هسه البنية تدرس
نور:اخذوني اني اختك الچبيرة
ام جاسر : اي وبلكت بيبيتك تروح ويانة وانا وياك وننور
مرح:وانييييييي
مهند:محد يحترمج انتِ
مرح:الي الله
جسار:مانطول نروح الصبح نرجع العصر
جاسر:والله حسستني صلاح الدين ورا بيتنا شبيك بابا
جسار:نطلع بليل نوصل الصبح ونطلع الضهر نوصل هنا بليل
نور:يمة تكسرت
مهند :اروح وياك اشوف مرت اخوي
ابو جاسر :شعدكم فزعة اخذ اختك وامك وبيبيتك اذا تروح وتوكل واتفقوا على العرس وكمل شغلك هناك وتعالوا حتى وراك نتفرغ لجاسر
مهند:انجلبتوا كل ساعة معرسين
جاسر :انجب ولك
ثاني يوم الحجية كالت اروح صادف يوم اربعاء انطيت خبر لمرايم انُ احنه جايين توكلنا وصلنا الهم بـ 10 ونص الصبح
نور : استقبلونا بالباب رجال چبير ويا ثنين ولد سلمنا ودخلنا اجت مراة متوسطة العمر وراها ثنين بنات سلمنا عليهم وعرفنا عروستنا كُلش حلوة اسمها مرايم واختها مريم
ام مرايم :شرفتوا ونورتوا صلاح الدين
الجدة : منوره بأهلها وناسها الطيبة
شوية واجت مرايم كالت تعالي يمنا بالغرفة كمت وياها هي ومريم وبعد بنات ثنين هم خواتها رنيم ورنين بس مطلعن
كعدت تعرفت عليهن وهنه هم مرايم سئلتني عن عائلتنا وعاداتنا وتقاليدنا هواي شغلات
مرايم:هم تزوجون مراة ثانية لان اني سامعة اغلب الشيوخ يثنون
نور:هههه لا من هالناحية اطمئني مراة وحدها ويكتفون ماكو ثانية
مرايم:يمه هسة ارتاح كلبي
بـ 4 العصر رجعنا وامي كانت حيل فرحانة بيها
جسار:ذوقي حلو مو
ام جاسر:يخبل يمه خلقة واخلاق
جسار:الطيور على اشكالها تقع
نور: اخلاق اي خلقة منيلك
جسار:هذا انا الحلو
نور:اجلح وعيونك مدري شنو لونهن منيلك بعد
الجدة:عيونك جنهن بزار
جسار:هااا هاي عيوني التسحر سحر
ام جاس :تخبل يمه جنك العافية
نور:منو تحمد العروس غير امها
الجدة:القرد بعين غزال وانتَ لا غزال ولا قرد جنك غورلا
جسار:زهيرة ونويرة انزلن من السيارة خلًا بس امي
الجدة :انت انزل نويرة تسوق
نور:يمه مطالعة طريق عام
جسار:ياهو علمج
نور:بوقت داعش من التحقتوا كلكم جدو علمنا السياقة ورمي السلاح احنه البنات كلنا
جسار:فروس مطلع عينجن سياقة وسلاح والله يالله
نور:وان شاء الله ادخل كلية عسكرية
جسار:لا هاي هيَ اللبس حجاب امي واكعد
ام جاسر :دكعدي يمه تصيرين جنج زلمة
نور:ما اسمحلكم العسكرية تخبل
جسار: حقج ماشايفة الضيم
نور:هيَ الدنيا كلها ضيم واريد لو عسكرية او ادلة جنائية
جسار:مسترجلة روحي ادلة حتى وياي
الجدة:وياك شني
جسار:راح ارجع ادرس ادلة
نور:ليش ماتدرس قانون
جسار:مو صلح انا ويا
وصلنا البيت بليل من التعب مباشرةً نمت من ازوج صهُيب ريم تعبت صرت اشوفها حيل تعبانة بس مبيدي شي عليها هو تزوج وشاف حياتها
ريم من النوع اللي تكتم حزنها وتخفي حتلو بيها شي مراح تحجي بسهولة ولا ادكول بيه هيج وهيج الى ان توصل مرحلة الانهيار يلا تحجي وشوية وتغير الموضوع والمقابل يحس انُ رجعت مبيها شي بس هي بالعكس
نور:ترحين لبيت جدو
ريم :لا مالي خلك لهاي الحية
نور:ختولي شعليج بيها صهُيب بالدوام وهي اذا مموجود متنزل تضل معلكة فوگ
ريم :اعرف حظي بس اروح يصير شي خليني كاعدة
نور :براحتج هوس ترحين
هوس:اسر موجود
نور:مدري
هوس:اروح
نور:يلا
نزلت لمرح اخذتها ويانة ورحنا اول ما دخلنا من الباب الخلفي دخل صهُيب سلم وكال
صهُيب:ريم ليش ماتجينا
مرح:من سوالف مرتك العوجة
كرصتها وسكتت
صهُيب:محاجيتها بشي
هوس:لالا معليك بمرح لا حاجية ولا شي
صهُيب:مرح ماتجذب
مرح:ايي والله ابد ولا اجذب
نور: معليك بيها صهُيب سوالف بنات وتخلص
هز راسة ودخل جوا باوعت على مرح خزرتني وكالت
مرح:والله اللي تحجي اروح ورا واحجي الاول وتالي الجلبة الحقيرة جنها صخل
نور:السانج
كعدنا جوا يم بيبي وجدو جانوا يمنا علي واسد والشيخ وردة كاعدين غزل وعسل وعمتي وامير بالسوك وشهد نايمة وازل وعمي يم بيت ابو ادم وصهُيب ومرته فوك شوية وسمعنا صوت صهُيب وغفران زوجتة عالي
علي:اهوووو شلون بهل السالفة هاي كل ساعة عركة
الجد :رجال ومرتة بينهم وكلشي يصير
علي:اي بس مو هيج اجي تعبان اريد انطمر صوتها بأذني شهل طيحان الحظ هذا
اسد:يرادلهم باب عازل الصوت يلا تفگ
شهد وهيَ تنزل :اهوو صهُيب وغفران يكعدون الميت من كبره
الشيخ: بسكم عاد رجال ومرتة وتنحل بينهم
علي:هي هم مراة هاي
الشيخ :علييي
علي باوع على الشيخ وسكت شوية وصار هدوء نزلت غفران مثل العادة المكياج طووخ والعلج بحلكها طبعها اجوائها ولبسها يختلف عنه تمامًا مو استنقاص او اكره بس هي ابدا متتوالم ويانة
غفران :مساء الخير
الكل:مساء النور
غفران : جمعة خير ان شاء الله
الجدة : شمالج ويَ الرجال كل ساعة متعاركة
غفران :مشاكل عائلية مااريد احد غريب يدخل
شهد:احجيييي عدل لا اكوم امسح الغرفة بيج احنه مو غرب وغصبًا عليج ندخل افتهمتي
غفران : على كيفج لا يطكلج عرج
وردة:روحي اصعدي لغرفتج بلا مشاكل
باوعت علينا وهزت ايدها وراحت محد حجه شي الكُل سكت وبين الكُل ضايج منها بس ساكتين شوية ورجعنا لييتنا وهيج مرت ايامنا طبيعي غفران كانت حقيرة بشكل وخاصةً بعد معرفت انُ صهُيب يحب ريم صارت تتخبل من عدها
بيوم من الايام يوم جمعة ومثل عادتنا نجتمع بيت جدو بس صهُيب كان مموجود لاول مرة نزلت غفران ويانة كل مرة متنزل اذا نجتمع
ازل :نزلت سندريلا
ام فهد :اسكتييي
ازل:صايرة عضم بلعومي
سلمت وكعدت باوعت على ريم وكالت كدام الكُل
غفران :بعددج تحبين صهُيب وتردينا
صهُيب: غفرااااان
..................
قمر : صرت بينة وبين الحايط باوعت عليَ فؤاد
فؤاد:شهل الجمال وين جان عني
قمر:وخرر عني
فؤاد:اروح فدوة للعصبية انا
حاولت اوخر عنه بس مكنت اكدر صارت الدمعة بطرف عيني وهوَ مستمر بكلامة الحقير لحد ما اجهه علي سحلة من ورا من ياخة قميصة دفعة على الحايط واني وصرت ور وخنكة خنك
علي:لك انتَ متبطل هاي سوالفك النكسة مثلك
فؤاد:وانتّ شعليك مرتك اختك
علي:اييي مرتي وغصبًا على راسك وحق عمة السادة اذا شفتك بعد توصلها لو تباوعلها عيونك اشلعهن ودير بالك توصلها انهيك وعلي انهيك
هذا اختنك وضل يكح وعلي مستمر بأيده على ركبتة خنكة حيل
قمر:راح يموت اتركهه فدوةة
باوع عليه ورجع باوع على فؤاد ابتعد عنه وعدل ملابسة وكال
علي:امشي ولي منا
فؤاد:اندمك
علي: اكبر بوخة انتَ
فؤاد طلع وهوَ التفت عليه وكال
علي:وانتِ شعندج طالعة هنا
قمر:عبالي شهد هنا
علي:شهد صعدت لغرفتها روحي يمها يلا واذا شفتي بعد شخص هنا لا اطلعين
قمر:مادري بيَ اني طلعت لان شهد كانت هنا
علي:تلكيها فوك
صعدت لشهد وجسمي بعده يرجف لكيتها تمشط ويمها ازل
ازل:يمه شبيج
قمر: امداج شهد
شهد:يمه اسم الله ليش
كعدت حجيتلهن الموضوع وذني عافن كُل الموضوع وركزن على كلمة مرتي
ازل :يا مرتة
شهد : شفتي خيه طلعت مرتة
قمر:امداجن صوجي احجي
ازل:اخونا واكع
شهد:چفي على وجهه
ازل : احم احم
قمر:والله العظيم اكطع النعال على راسجن
سمعنا صوتة من جوا عاليي يرعد
شهد:بس لا تعاركوا هو وبابا
نزلنا لجوا هوَ كان كاعد على الدرج يشرب جكاير وابو واكف كبالة والبقية كاعدين
ابو فهد:فؤاد عندي خط احمر
علي:ادوسة بسطالي واعبر وشتريد تسوي سوي
الجد:كافيييي بسكممم انتَ ماكفيت من سوالفك كافي عوف الولد بحالة
چنه واكفيين على اخر باية من الدرج وهو كاعد على خامس وحدها
اسد:ترا ملينا كل ساعة صيحة وخبصة كافي
علي: حاجي ابوك خل يفك ياخة عني وبعد لا تسمع لا صيحة ولا خبصة
ابو فهد:افك ياخة عنك من تصير أدمي وتمشي عدل وتعوف العناد وتترك الماضي
علي: اذا اضل دقيقة يمك بعد انفجر بيك
صعد لغرفتة وابو نزل عليَ دك غلط احنه ترخصنا وطلعنا
قمر:كُل منروح يتعاركون
ام مهيب :ابو ميتفاهم الولد كاعد وهوَ دخل عليَ غلط وسب وهو چبير مو صغير
سكتت محجيت شي ابوي كال حضروا لعرس مهيمن وغياث قبلهم بكم اسبوع خطب وازوج صهُيب مفرحت ابد لان مو هي اللي نتمناها كانت حقيرة ويَ الكُل حتى وياي رغم ما اروحلهم هواي بس من اروح تذب سمها عليه مكنت ارد اكتفي بالتجاهل حتى متصير مشاكل
اجه يوم زواج غياث ومهيمن رنا اجت للبصرة لان صلاح الدين بعيدة عدهم كرايب ومن بيتهم تكون الزفة اما غياث فـ زوجته من البصرة
بيوم الحنة الكُل كان يمنا فـ البيت هوسة حيل ومن ضمن اللي اجو سَحر البنية هاي ما اطيقها ابد كنت بالمطبخ اريد اخذ مي دخلت هي بدون مقدمات كالت
سَحر: والله ما اخليكم تتهنون
قمر:شنو ؟
سَحر : يحبج علي وانتِ تحبي بس والله مااخليج تاخذينة علي الي وبس
قمر : اذا باوع بوجهج عود اخذي
تركتها ورحت نرفزتني هوَ علي خل يعترف خل يتحرك شوية جنه حايط
رياهم :شبيج كلبتي خلقتج
قمر:هاي الغثة بنت الغثة غثتني
رياهم :ختولي معليج بيها
العصر راحوا غياث ومهيمن البنات محد راحت بس النسوان الكبار لان مقبلوا وكالوا ثنين نحني مهيمن وانوب غياث وخاف نتأخر حطوا الف عذر في سبيل انُ منروح مهتمينا شغلنا اغاني وضلينا نركص وحدنا الولد كانوا برا
ليث :الديچي قللً الصوت كُلش عالي وزلمة برا زحمة
قمر:تمام
بليل صارت الحفلة وثاني يوم العرس ماصار شي الوضع جدًا طبيعي والفرحة على وجهة الكُل وعرس حاله حال كُل الاعراس العراقية صار كُلش حلو كُل هاي الهوسة والخبصة والفرحة حاولت اشوف علي بس ماشفته ابددد
قمر:رياهم شفتي علي
رياهم : سدي حلكج لا ننفضح شفتة واكف يم غيث
قمر :يعنيي موجود
رياهم :اي صوتج
قمر:اني مشفتة شنو هاي
رياهم :بعدين كحلي عينج بشوفتة
سكتت زفوا العرسان وانتهى العرس ثاني يوم هم هوسة العرس والناس تجي تسلم يبوي ثاني يوم الصبح أني بـ غرفتي لازم اشوفة باوعت ماكو راحت عيني على بابهم سيارتة موجودة برا مخليها والباب مسدود شوية وانفتح الباب طلع هوَ ويا
سَحر وابو صعدوا بالسيارة وراحوا وهيَ كانت الضحكة ماليه وجهه عكسة كان شكلة ضايج والحواجب عاكدهن
ماعرف شصار بيه من شفتهم سوا غيرة او غير شي مادري بس حيل ضجت وهيج مرت الايام واني ماراحوا من راسي سَحر وعلي وين راحوا راح اتخبل
طلعت حساب سَحر على الانستا كاتبة حرفها وحرف علي و حلقة وقلب دخلت للستوري ناشرة حب وغزل هيَ هاي سوالفها رحت لحساب علي ناشر شعر مكتوب
هضمة الزلم بالشوك تنهان
ويبلع اللسانة الجان ابو اللسان
چيلة عدو ولا ضيم نسوان
بدون تفكير وبدون وعي رديت عليَ كتلة
قمر :مزاعلين ؟
اول مرة اراسلة على الانستا ماعرف شنو كان احساسي بالضبط بس اكو شي دفعني مجاوب ولا حتى شاف الرسائل طفيت النت وخليت راسي على مخدتي واني افكر بيهم من طلعوا وين راحوا معقولة عقدوا ؟ نزلت دموعي بدون سبب نمت وكعدت ثاني يوم بـ 9 الصبح رحت مباشرةً على التيلفون هم ممجاوب
غسلت ونزلت لجوا محد كان موجود وين راحوا دخلت لغرفة ماما وبابا ماكو المطبخ فارغ محد ولا بشر سيارات اخواني ماموجودة صعدت لفوك هم محد
مرت غياث اسمها صابرين ومرت مهيمن رنا وهم ماكو ورياهم ماكو والبيت فارغ رحت اكلت وكعدت
وين اروح هسة وذول اختفوا من الصبح وصلتني رسالة فتحتها كانت من علي رد على الرسائل
علي:منو ومنو
قمر:انتَ وخطيبتك
علي:خطيبتي منو؟
صفنت شنو خطيبتة منو رجع كتب
علي: قمر شبيج
قمر:شدراك اني قمر
علي:اسمج وصورة يوسف
امداني ايي والله الفهاوة اللي عندي محد يمتلكها
علي:ماكلتي خطيبتي منو
قمر:سَحر
علي:سَحر كرايب فقط ما تربطني بيها غير علاقة
قمر:بس هي مخليهه حرفك وحرفها وحلقة
علي:وانا شعلية بيها لا احبها ولا خطيبتي ولا عندي مشاعر اتجاها اعتبرها اخت لا اكثر
قمر: الله يفرح كلبك
دزيتها ورجعت حذفتها هاي شصخمت اني غير انجب
علي: وكلبج
مادري فرحت حيلللل طيب وين راحوا كافي قمر اثكلي لا ياخذ عليج غير نضرة
صابرين :منو هو
قمر:يمة انت منين طلعتي
صابرين :جنت بغرفتي
قمر:اهلي وين
صابرين:مادري جنت نايمة
قمر:وغياث
صابرين :مدري مادري بيَ
كعدت تبااوع عليه من فوك لجوا
صابرين: منو ياخذ عليج غير نضرة
قمر:محد هيج احجي وحدي
صابرين:اممم انتِ ماطلعين
قمر :وين اطلع
صابرين :روحي اييي مكان
قمر:ليش
صابرين : هيج تتونسين
محجيت شي سكتتت عنها صابرين مو مثل رنا شوية خبيثة مر شهر على هاي السالفة واني علي بعد ابد ماشفتة حتى الستوري بعد مادخلت
لحد مايوم ابوي كان مريض فـ اجوا عمام علي وابو وخاله ابو ادم وجده والشيخ وعلي وبعد وياهم ولد عمه اللي همَ شاهين واسر وجاسر كعدوا يمه ويسولفون ويا
سمعنا صرخت صابرين هزت البيت هز وغياث صوتة عالي من بين كلام غياث كال
غياث :انعللل ابوج لجججج خاينةةةةةة
شكرا لزيارتكم عالم روايات سكيرهوم
