رواية رهينة لضباط الفصل الواحد والعشرون 21 بقلم مرج البحر

يا بعد رجفات ايديه .. 

من بعد ذيج المعززه ... 

تصير وياهم عليه ... 

......

هو جان واكف ع الكنتور منتجي وايد مخليها بجيب التراك والايد الثانيه متاذيه منزلها .... اني خليت الصينيه ... وتخوصرت ..

سند.... بسم الله الرحمان الرحيم باباتي شبيج جايه حاميه وتهدكين بنعمة الله هدك

نور.... مرووه جااااانت تسوي هنا

سند... تسلك بتيته ع ما اعتقد

نور.... تستهزء بيه؟

سند.... شتشوفين ولججج بس فهميني شبيج البارحه عووفني بحااالي ولا تتقربلي وقبل اشويه ما احضر ملابس وتافخه نفسج وهسه ضايجه من جيت مرووه شبيج مضرروبه ع راسج

نور.... شووووف زييين مررروه ما اريدها تدخللل غرررفتي ترريد انته روووح يمهااا مو حضررتك كاعد ومرتااح وحنه شغلنه نخدمك

سند.... رحمه الله والديج وجزاج الله خير اكلج شيلي وما اريد اي شي منج

نور... شنووو هااي؟

سند.... شنوو يا ستااار؟

نور.... لابس غير التراك الي اختاريته اني؟

سند.... هااا اي مو اجت مروه وعجبها هذا اللون ولبسته ليش مو حلو عليه

نور..... واللله هسسه تنزززعه احنننه ما نمششي بكيف مرروه من ترروح يمهااا تلبسس ع ذوقها يلا رووح بدله وتعال اكل

سند.... تتشاقين؟

نور.... ليش هسه احنه بوقت يتحمل شقه والله سند اذا ما تنزع الملابس اطلع برا الغرفه وروح يمي الي اختارتلك هذا اللون معدها ذوق منين اكو رجال يلبس ازرك طالع جنك قلم جاف

سند... هسه الملابس ما عاجباتج وتطلعت اشبه القلم الجاف شكرا

نور.... العفوا يدلل سند

سند.... واذا ما بدلته شتسوين

نور.... ما تريد تبدل اطلع برا تريد تبقه بقصري المتواضع بدل ملابسك والبس الي اني اختاريته هذيج الساعه اخلييك تبقه

سند.... لا والله ليش هيه الغرفه مالت الخلفوج

نور.... لا مالت الخلفوك اوله بالمعروف

سند.... نوررررر

نور.... لا تصيح عليه ما تريد تكعد وياي بنفس المكان اطلع من الغرفه بدون زحمه

سند.... اصلان ما راح ابقه شبعي بالغرفه اروح يم مروه احسن الي من دوختج ولساانج هذا تكصيرته ع ايدي

                                            

              

                    

نور...... اي خوش فهمت

جنت احجي بثقه ادري بي ما راح يطلع ويريد بس يبقه هنا اشوو هذا تقدم عليه دفعني من كدامه وطلع .. باوعت ع الباب كلت هسه يرجع بس مرجع ضربت رجلي بالكاع بضووجه ...

وكعدت كدام الصينيه شكلها يشهي نسيت ضوجتي واني اباوع ع الاكل ... شلت الخاشوكه واوكل نفسي وستطعم طبخي وتللذذ بي ...

انفتح الباب درت وجهي واني لازم الخاشوكه جانت قريبه ع حلكي ...

سند.... هااا ولج ام بطن ع ابو العشه اليه ولازم اكل زين اثاريج انتي الجروعانه وتذبين الصوج بيه

ما رديت عليه ورجعت راسي ع الصينيه اكل هو سد الباب واجه كعد بصفي حشرر ...

نور..... شبيك لزكت يمي هالكد؟

سند.... شسويلج الغرفه زغيره وماكو مكان لا عبالج ميت عليج وكاعد بصفج

نور.... واضح ما ميت عليه بعد بس عوزك تكعد بحضني

سند.... والله فكره حلوه ما اكو لا

نور.... هااا لا لا مو هيج شسمه تريد؟

سند..... هههههههه هو شنو هو الشسمه بالي يمه؟

نور..... اكل يعني شنو مثلاً؟

سند..... راح بالي بعيد بسبب الضربه ويمكن بدايه اصخونه فصرت اهذي

نور.... هسه تريد لو اشيل الصينيه؟ 

سند... اي اريد ولج ميت جوع

نور..... اسسفين ما عدنه خلص شوف غير مطعم مفتح بهالوقت

شلت الصينيه وهو صافن عليه ضحكت بكلبي عليه وتمشيت للباب ودرت وجهيي وكلت ...

نور..... روح بدل ملابسك قلم جاف بشري اول مره ترا عيوني هيج شي عجييب

سديت الباب ونزلت حميت الشوربه من جده وجديد جانت صايره ثلج من البروده ورجعت صعدت من جديد ...

ابتسمت من شفته لابس التراك الي اني مطلعته اله ومغير ملابسه ... خليت الصينيه من جده وجديد بالكاع هو نزل كعد بدون ما احجي اني ...

نور..... اووووكف منو سمحلك تاكل 

سند.... استغفر الله ولج والله العظيم طلعت رووحي معقوله اني مو خوش ادمي حتى الله يدزلي المخبلين وماعدهم عقل 

نور.... مو صوجك صوجي اني الردت اوكلك اكل خلصنه وراي غسل مواعين واريد انام 

سند.... يلا الله وايدج تعاي وكليني 

نور.... بطلت ما اريد 

سند.... وحق العباااس اذا ما تجين توكليني اكوم انام وحلفت ترا ما اكدر اتراجع 

باوعتله وبنضره مستفزه وخذت الطاسه من الصينيه وكعدت مقابيله وقربت الخاشوكه الحلكه ... 

            

              

                    

سند.... ليش كاعده باخر الدنيا تدني ترا ما اكل بشر 

نور..... اخاف تاكل حلوين 

سند.... هههههه شوف الثقه الزايده منو ضحك عليج كلج انتي حلوه 

نور.... اعرف نفسي حلوه ما احتاج احد يكلي وهسه اكل خلصني وراي شغل 

سند.... ترا شغلج تافه تردين تنامين هذا كل همج 

نور.... جا شتريد ادك وركص 

سند.... والله فد مشتهي ركص تسوين فضل لو ركصتيلي وتهزيلي خصر 

نور.... بحلامك روح خلي مروه تركصلك عشتو كال تركصيلي كال 

خليت الطاسه بالصينيه وكمت توني ومشيت ونجررريت قووي صرررت بحضنه هووو صاح من ايده .... 

سند..... ااااخ وجعتيني شنو سمنانه 

نور.... تستاهل منو عتب عليك تسحبني 

سند.....ما شبعت وين تردين ترحين كلها لكمه خليتيها بحلكي حسبتيها عليه اكل وتغذيه

نور.... انته اكل بيدك الثانيه 

سند..... وحق علي ما احجي شي وكليني اليوم انه مريض تكسبين بيه اجر عد الله 

نور..... وخر ايدك هسه 

بعد ايده واني كمت اخذت الطاسه وكعدت هالمره بصفه ووكل بي هو خال ايده السليمه بالكاع ومنتجي عليها وصافن بوجهي ونضراته تربكني بس حاولت اتجافه الموضوع وما ابين اله متوتره ...

سند.... شنوو هاي مدللتني مسويتلي شوربه من ايدج وتوكليني بيدج روح عادل بااريك الذمه ع هاي الطلقه

نور.... ههههه 

سند.... ان شاء الله دوم اشوف الضحكه ما تفارك حلكج لا يطرها طاري الحزن

نور.... شكرا يلا اكل حتى تشرب علاج وترتاح

سند.... اكيد اكل مريتي بذاتها توكلني وما اكل من امداي

نور..... يمكن الضربه ماثر عليك حيل

سند.... والله من شفتج شلون خايفه وتبجين عليه واول ما حضنتيني جررحي طاب روحي ارتاحت

بس ابتسمت وقربت الخاشوكه يم حلكه هو فتح حلكه صرت اوكله رغم ايده اليمنه سليمه يكدر ياكل بيها بس اني حبيت ما اتعبه وداري بنفسي ... 

وهم اسحبه الصفي وقلب مروه بنقطه وصير اني الكاسبه وهيه الخسرانه ... 

وكلته الشوربه وشرب العصير وخليت صحن الفواكه والرمان يمه ياكل بيهن وخذت المواعين غسلتهن ..

رجعت يمه هو يتصفح بجهازه وياكل فواكه من دخلت ما انتبهلي بس من كعدت يمه انتبه عليه وطفه التلفون وتربع ... 

نور..... وين خليت العلاج خلي اجيبه الك تشرب 

سند.... ع ميز المرايا اليوم تعبتج وياي هواي روحي نامي كافي الهبطه الصارت بيج من شفتيني 

            

              

                    

نور..... هو بس انطيك علاجك وتطمن عليك ونام يلا انته هم كوم غسل وتعال ع ما اصبلك ماي تشرب بي العلاج 

سند.... صار كايم

ساعدته يكوم وراح هو يغسل واني جبت دوه خليته ع الجربايه وصبيتله كلاص ماي ... 

خليتهن اله وفرشت بالكاع حتى انام مستحيل انام ويه ع نفس الفراش .... هو اجه مغسل ومكمل باوعلي جاي افرش ما كال شي ... 

شرب علاجه وتمدد ع الجربايه اني رحت غسلت وفرشة اسناني ... ورحت للكنتور اخذت شي ارتاح بي بس مالكيت شي وهم الفستان ضايقني شوي ضيك من المتون ...

طلعت تراك بناتي شفته كدامي بقيت صافنه انط بحياتي كلها ما لابسه تراك هسه البس ... 

بقيت صافنه بالعشر دقايق واكول بيني وبين نفسي البسه لو ما البسه البسه لو ما البسه ... 

قرررت اصفه ع بر اخذت قررار انو البسه وسند نايم ما راح يشوفني جان اتراك كامل ورداناته طوال ... دخلت للحمام بدلت وطلعت بسرعه ركض دخلت بفراشي وتغطيت .... 

سند جان خال ايده ع عيونه واني غطيت حتى وجهيي بالديباج ... 

سند.... نورررر نمتي جا ياهو يطفي الضووه ابوووي لو اميييي 

نور.... اوووف نسيييته كااايمه 

كمت واني لافه الديباج عليه ورحت طفيت الضوه ورجعت مكاني ونمت .... 

كعدت ع صوت طكطكه كمت ع حيلي واني خاايفه من باوعت ع الجربايه شفت سند ماكو ... والصوت جاي من الحمام ... 

كمت شعلت الضوه واني افرك بعيوني بيش الساعه هسسه ... باوعت ع الساعه الي ع الحايط ب 1 وربع واني كل ضني صاير الصبح ... 

بعدني صافنه ع الساعه وطلع سند يجر بروحه كوه كوه وجههه اصفر وكوه واكف ع طوله ... وما انتبهلي اصلان جان محتار بنفسه .. 

اني من شفته هيج ركضت عليه وسندته جانت ايده حااره حيل ... تمدد ع الجربايه وتغطه ... 

نور.... سند بييك شي اشو ايدك حاره

سند.... ما ادري شبيه كعدت ع روحي تكلب من تقيئت يلا ارتايحيت بس جسمي كله احسه خدران 

نور.... اووف مبين صخنت اروح اشووف واحد من الولد يااخذك 

سند.... لا عوفيهم هسه شويه وصير زين 

مديت ايدي ع كصته حااره ولزمت ايده هو مغمض عيونه ... متوجع ... بقيت واكفه ع راسه من شفته غفه ... وعتلت انفاسه رجعت لفراشي توني تمددت هو فززز وركض للحمام ... 

كمت ورا وسمعه يتقيئ انتضرته ع ما يخلص ويجي دقايق وطلع لازم الخاولي بيده ينشف وجهه .. 

سند.... روحي نامي ما بيه شي

نور.... هو شنو ما بيك شي شوف وجههك صار اصفر راح اروح اشوف واحد ياخذك 

سند.... ما يحتاج الصبح اصير زين صخونه عاديه 

            

              

                    

نور.... بس ما يصير تبقه هيج 

سند.... لا تخافين ما بيه شي روحي نامي 

راح هو للجربايه واني امشي وراه وقنع بي اروح اصيح واحد ياخذه ماكو عاند ما قبل ... رجع هو تمدد وغفه واني لبست صايه فوك تراكي ونزلن جوه جان البيت هدوء الابره اذا طاحت تنسمع ... 

اليوم جان متعب كلش فكلها نايمه من التعب طلعت ثلج من المجمده ... وخليته عليه ماي حار وكاسرته من شفت الماي صار نص ونص رجعت خليت عليه ثلج وخليته يصير بارد حيل ... 

حتى تنزل الصخونه منه ... جان اكو علبه مالت ادويه مخلينها بصاله رحت اخذتها كلها وصعدت ... اول ما دخلت اسمعه يون من الصخونه وما ادري شنو يهذي ... 

كعدت من الجربايه من الجهه الثانيه نزعت الصايه وخليت الماي ع الميز الي بصف الجربايه وكمت جبت خاولي ما مستعملينه وخليته داخل الماي ... عصر الخاولي وخليت ع كصته هو فززز ... 

سند.... بااارد جاااي تسووين 

نور.... كمادات حرارتك عاليه حيل 

سند.... المااي بارد ما اريد لا خليلي 

نور.... مووو بكيييفك ما تريد تروح لطبيب ولا تررريد كمااادات ترريد تموتتت موووتهم ولا عدلللو 

تعصبت حيل هسه مو زين مني افكر بيك كمت هو لز ايدي سحبت ايدي منه ... 

سند.... شبيج والله الماي بارد 

نور.... ادري والله بس استحمله شويه خلي تخف الحراره 

سند... تمام 

رجعت كعدت اخلي كمادات هو كل ما اخلي الخاولي ع مكان من جسمه يفزز ... 

بقيت سهرانه ويااه لحد الاذان خفت الصخونه بس هو بعده يون ومن احجي وياه ما افهم عليه شنو يكول ... 

كمت صليت ودعيت ربي يشاافي ... خلصت صلاة وقريت الايات الحافضتهن وكمت اتفقده ... تحسن لو لا ... 

خليت ايدي ع كصته شويه نازله خليت ايدي اتحسس ايده هو لزم ايدي ... وفتح عيونه بتعب وبقه يباوعلي اني خليت ايدي الثانيه بعدت ايده عني جان هو يلزمني وجررني عليه ... 

سند.... ليشش انتي انانيه؟ 

نور.... اني؟ 

سند... اي وما تهتمين لمشاعري ودائما تعصبيني 

نور.... الصخونه مدوختك كلش بعد ايدك 

سند.... مااا احبج من تكليلي بعد وانه ما يعجبني ابعد تجبريني ابعد حتى لا اجرحج وتتعقد السالفه اكثر وضيعج من ايدي 

نور.... سند موو وقت هذا الحجي انته مرريض 

سند.... هو مريض بس صاحي وعرف شنو اكول وهاي بعدت ايدي حتى لا اضوجج 

صفنت عليه هذا جاي يخربط جنت نايمه ع صدره هو ما يخليني اكوم وما اعرف منين جاب القوه الي لازمني بيها ما كدرت احرر وروحي منه ... 

            

              

                    

رجعت اخليله كمادات هو مستمر يحجي عليه وما خله كلمه مكالها واني اضحك بكلبي عليه وكله اي تولي هو ينفعل ويرجع يكول لا اريدها ... 

شبعت ضحك بليلتها ... هو دايخ ما مفرزن شنو يحجي ... نزلت حرارته وهو هم بطل حجي بس بقه يون .. نعست كلش وما بيه اكوم من مكاني تمددت ونمت بصفه ع الجربايه ... 

كعدت الصبح ع صوت الباب يندك ... كمت بتعب وفتحت الباب جانت مروه ... 

نور.... خيررر شرايده؟

مروه..... سند دزااني عليج يكول خل تنزل تسوي ريوك انريد نتريك

نور..... صدكت؟

مروه.... منو طلب منج تصدكين اذا تردين تعاي بنفسج وسمعي

سديت الباب بوجهه ودرت وجهي ع الجربايه جان مهو نازل تاففت انييي البارررحه كله ما نايمه من وراا وهسسه يررريد ريووك زقنبوووت بطنننك وبططن مررروه ويااااك ...

رحت للحمام غسلت وغيرت ملابسي وطلعت ... نزلت الدرجه جانو كاعدين بالصاله وسند كاعد بصف مروه ويضحوكون ... وهيه كاعده بصفه هو خال ايده ع متنها وحاضنها ... دخلت لصاله بدون ما اباوعله حجيت ... 

نور.... صباح الخير 

جاوبوني بس اخوانه هو وامه ومروه ما جاوبو مهتميت رحت لمطبخ وعصاابي تفوور اذا ما علمتك منو نور فلا اتسمه بهذا الاسم ... 

لا وحااااضنهااا اييي يررردن يجرررنه صوووبهن ويصير وياااهن ضدي بس تحلمن والله تحلمن .. 

سويت ريوك كل بيضه بصحن .. خليت بيضه ع صفحه وخليت فلفل حاار وملح زايد عليها وبيضتين بدال الملح خليت بيهن شكر وحده لام سند والثانيه المروه... نقلت السفره كاها وتعمدت انقل البيها فلفل والبيهن شكر اول شي حتى لا يكولون خلتهن بأخير وسوت بيها شي ... 

اجه حمزه ينكل وياي ... همست اله .. 

نور... شوف حمزه البيضه الي بصف سند لا تاخذها ولا تبدلها لان مخليه بيها فلفل حار وانته متحب الحار

حمزه.... همزين كلتيلي 

كملنه نكل واني منتضره النتيجه ... طبعاً حمزه دائما ما يعجبه صحنه يبدله ويه الموجودين وهذا الشي طبع بي ... يحب يختار الصحن اليعجبه ... 

كاعده اكل وعمتي ومروه يسولفن ع كتر واني ابتسم بشرر بسيطه انتم الثلاثه منا وجاي حصتي .. اذا ما علمتكم الرد الصباح واجب ... 

كلها اكلت طبيعي مروه بااوعتلي وخزززرتني وتبلع بالكمه كووه ... وعمتي كل شويه وقصت بالكمه .. ومخنزره .. ولازمه كوب الماي بيدها وكل لكمه تشرب ماي ... سند جان بس يشرب جاي عاد اني هنا تدخلت ... 

نور.... سند اذا متريد البيض انطيني ياه اني اكله 

سند.... هسه راح اكل اكلي الي كبالج انتي وبعدها طلبي مني 

            

              

                    

نور.... وهااي اكلتها يلا انتطني الكدامك انته اليوم متشتهي تاكل واني حيل عجبني البيض طبخ ايدي

مروه.... اذا ترردين هااي البيضه مالتي ما اريدها 

نور.... لا شكرا ما اكل من وراج 

مروه.... ليش تتقززين؟ 

نور.... يمكن 

سند.... كااافي لا هسسه اطييح حضجن ثنينجن 

ام سند.... يمه بنيتي نور تردين بيضتي اني خلصت 

نور... شكراا عمتو بس اني مشتهي مالت سند بقت بنفسي مبينه طيبه 

كلها جانت صافنه وحتى مروه صافنه بس اني ادري ام سند تحجي هيج حتى تبين السند هيه الزينه وحنه المو زينين ... عاد اني هم ما فوتتها الها ... 

مروه.... سند اني اريد بيضتك انطيني ياها 

نور.... لا كللت الي قبلج طلبتها 

سند.... جااااي اكول اريد اكلها مجاي تفتهمن 

جر الخبزه ومد ايده ع البيضه اني بتسمت ابتسامة نصر ... تدخل مروه سرعه من انتقامي .... مروه وام سند ثنينهن يخوزرن ... 

هو خله الكمه منه هووو طفررر منا وكلها طفررت وياه ما عداي جنت اشرب بجاي وبتسم ... 

طبعا سند عنده ضغط واني مكثرتله ملح ... كمت ورا بعد ما كلها ميلت اني سويت روحي زينه ... انطيته المنشفه وتقربت عليه وكلت ... 

.......

ام فاطمه.... وشوفو يمه السالفه جبيره كلش تعرفون خالة بدره كعت يمنه من مده مو

محمد.... اي يمه نعرف ليش شنو صاير

ام فاطمه..... حجيتلها عن قصتي ويه ابوك ولحد زواجه عليه

محمد.... يييمه جااي تحجين ليشش تطلعين اسررارنا برا هذااا البيت انتي من يمته تعرفيها حتى تحجيلها شي

ام فاطمه.... ترررفع صوتك ع امك يا حيف التربيه بيك لو ما مسولفتلها جان الحد هسه احنه ع عمه عيونه ونمشي بالللحرااام بسسب جهلللنه

مجتبى.... محمد بس اعصابك واكعد خلي نفهم شنو صاير ما ينهل شي بالعصبيه

الكل جان متوتر وامي واضح عليها متوتره اكثر من عدنه ونضراتها ع مجتبى ... 

محمد.... يمه احجي شكالتلج

ام فاطمه.... كالتلي ما يصير ابنج ياخذ زوجت ابو تحرم عليه 

مجتبى..... شنووووو 

حميده.... شقصدددج عمه وضحي اكثر 

ام فاطمه .... يمه حرررام التزاوج بيناتكم حرام انتي تعتبرين محررمه عليه واذا تزوووجنو تصير السالفه محارم ومشيتو بما لا يرضي الله 

محمد.... والمره متاكده من كلامها لو كالته هيج ع نيلتها 

ام فاطمه.... لا متأكدة وكالت راجعو شيوخ وناس تعرف بهاي السالفه قبل لا تنحسب حرام عليك 

            

              

                    

مجتبى.... اذا السالفه طلعت مثل ما كلتو معناها حميده تردوها لهالها ما تبقه هنا 

كلهااا مصدومه وحميده دموعها ع خدها جانت متامله من مجتبى يعوضها ع الصار بيها بس الشغله مو بيهم طلعت من ايدهم ... 

مو ذنبهم ذنب امي محمد ما عرفو يستفسرون ع هذا الشي ومن مجتبى كال استر عليها هما ماشوو وخلو يتامل ... 

حميده ركضت للغرفتها وبعد ما طلعت وامي كعدت تدور ويه محمد ع شيخ زين يرحوله ... 

البيت دخل بكتئاب حاد امي ملتهيه تدور شيوخ ومحمد وياها ومجتبى ما اجه للبيت وطمنه عليه محمد كال يم صديقه بايت ... 

حميده بعد ما شفتها ومن ادك عليها الباب تكلي ما اريد اشوف احد وعوفها ع راحتها ورجع الغرفتي .. 

سكينه شمتانه باهلي وتتضحوك وتحرض فلاح وتكله لا تسمع حجي محمد ولا مجتبى هو يخاف من محمد ومنا حجي امه ... 

مر يومين ع السالفه والبيت داخل بنذار وسكينه تسرح وتمرح وتتضحوك بصوت عالي والبيت يجااوب كلها تسمع ضحكتها ... 

كم مره ومره تعارك وياها محمد وكوه امي تخلصها من محمد اذا يكتلها ما يرحمها ... 

مجتبى .... من عهد السالفه ما جاي للبيت من يخابره محمد يكله ما الي نفس ادخل للبيت ولا اكدر اشوف حميده وتحمل اثم زياده خلوني براحتي ... 

وامي هم كالت عوفو براحته ... حميده هو ما طلعت وبقت بالغرفه كاعده وما تاكل ولا تشرب وامي حجت وياها هواي بس ميفيد الحجي .. بعد لح امي عليها وخاف يصير لطفله شي يلا اكلت لكمتين ...

ام اني ف صار الي يومين ما مداومه بسسب وضع البيت ... واليوم قررت اروح بعد ما محمد رزلني رزاله ناشفه ... 

بدلت واجه عليه الخط وطلعت صعدت وسلمت ومشينه وروحيه تسولف ويه عمها هو عيونه عليه من المرايه ... 

وصلنه للمعهد واني نضرات جود زعجتني حيل وجنت من ضايجه ع وضعنه بالبيت ومقهور ع اخوي وع حميده ... 

نزلت روحيه واني نزلت ع كيفي وسويت روحي اجيب جنطتي من ع الكشن ودنكت راسي وحجيت ... 

فاطمه.... خويه هاا اول مره راح احذرك واخر مره عيوونك لا تبااوعلي لا والله انطي خبر لخواني هما يتصرفون وياك وبعد مااا اجي وياكم اني محترمه العشره والصداقه البينك وبين اخوي

ركعت باب السيارة وروحيه جانت واكفه وجنها سمعت كلشي بس ما بينت الي ... 

مشينه ودخلنه للمعهد وخلصنه وطلعنه هو جان جاي هرفي ما اعرف شعجب روحيه اخذت حاصل فاصل شعجب جاي من وقت صاير شي وتريد تموت وخاف هاي اخر ايامك ... 

هو ما جاوبها وملتي يشرب جكاير حرك السياره ومشه ... بعد ما باوعلي واني هم ارتاحيت وصلوني للبيت وراحو ... 

            

              

                    

وخيرا لكو شيخ موثوق منه قررت امي تروح لسيد وتشوف شرع شنو يكول تحل عليه او لا وحميده خايفه ومجتبى بالحالتي يكول اني مقتنع وما اعترض ع حكم ربي ...

راحت امي للشيخ هيه ومحمد ورجعو وجوهم ما تبشر امي اخذت حميده وراحت للغرفه ومحمد صعد الغرفته ...

كعدت بالصاله انتضر امي وحميده يخلصن اريد اعرف السالفه طلعت حميده من يم امي وجهه ما يبشر بخير ودموعها ع خدها وعيونها حمر ...

راحت الغرفتها وامي طلعت وراها شافتني اشرتلي اروح الها رحت وياها دخلت وسديت الباب ..

فاطمه..... ها يمه بشرري شكال الشيخ

ام فاطمه.... شيكول يا يمه سوود بوجوهنه طلعت السالفه حرام وما يصير يباوع عليها بغير نضرت زوجت اب وبس وخوج الله يسامحه باوعلها بغير نضره وهاي عليها اثم ولازم يدفع ديه كفار 

فاطمه.... يمممه جا هذا هو مو بس باوعلها

ام فاطمه.... شنو يعني مو بس باوعلها ولج احجيي شنوو مسسووي وياهااا اخووج يعاابي الله كون

فاطمه.... والله مو قصدي مره شفته حاضنها وباسها

ام فاطمه.... وييين جنتيييي تووووج حجيتتي الله ياخذج ويااخذ اخووج وياج ع هاي العمللله ولجج شسووي بييييكم هسسسه امشششي صيحيلي اخوووج

طلعت ارجف واني اشووف امي عصبيه وراح تموتني رحت لمحمد طلبت منه يخابر ع مجتبى حتى يجي امي تريده وصدك اجه وامي كعدت وياه واني وياهم ... 

ام فاطمه.... شوف يمه مجتبى زواجك من حميده باطل وما يصح تتزوجها

مجتبى.... فاهمج يمه محمد حجالي شرع الشيخ والحجي الكاله اله بس يمه مو بيدي كلبي تسلط عليه وخالاني احبها شوفيلي حل

ام فاطمه.... عندي الك حل تاخذ بت خالك سدن

مجتبى.... يممممه فدوووه كلبج لا تسوووين بمحمد هيج تدرين بي يريدها شلون اخذها

ام فاطمه.... واني كلت ما تصيررر مره لمحمد واني عدله ع جثماني خلي ياخذها

فاطمه.... حرام يمه شلون تردين مجتبى ياخذها ومحمد نفسه بيها فدوه يمه لا تكسرين كلبه

ام فاطمه.... ما تنااسبه هاي طفله هو يرادله وحده تفتهمه وتوكف وياه مو ماخذه وحده ازغر من اخته

مجتبى.... خصم الحجي يمه ما اخذها سدن تحرم عليه شلون تردين اتزوج حبيبت اخوي يمه اروحلج فدوه كافي خطيه حميده بعدهي بركبتي ذنبها ما ساده ترديني اتحمل ذنب ثاني

ام فاطمه.... بينك وبين حميده صاار لمسااات لزمتهاا متعمد لو طخيتها متعمد احجييي لا تسكت 

دنك راسه مجتبى سااكت ما حجه شي امي عرفت صاير بينهم شي والحجي الحجيته الها كله صح ... 

ام فاطمه.... احجي شصار بينكم غير الحضن بستها؟ 

مجتبى.... وحق هو الحق مره وحده وبحالة ضعف وحتى الحضنه مره وحده من جانت تحجي ومنهار غيرهن ما صار بينه حتى ايدها ما لازمها 

ام فاطمه..... شحجي يمههه حااالة الضعف التحجي عنهااا راح دخلك نااار جهنننم 

مجتبى.... انطيني عنوان الشيخ خلي اروح اله وفهمه كلشي وشوفه شنو يكول وشنو الشي الاكدر اكفر بي عن ذنبي 

ام فاطمه.... عد اخوك محمد العنوان اخذه وروحله 

كام مجتبى باس راسها وطلع بقيت امي تدعيله وتطلب من الله يغفرله ... ما اكو ارحم من رب العالمين ع عباده ... اني كمت رحت يم حميده اشوف وضعها ... 

جانت كاعده وتبجي اني كعدت يمهاا وحضنتها وهيه صاارت تشهك شهكات عاليه ...

حميده.... سويت برروحي فااطمه ليشش اني هيج جااي يصيرر وياي كل ما اكول صرت زينه وما راح اسوي شي خطأ اررجع امشي بطرريق الموزين 

فاطمه.... اااش حميده ما جنتي تدرين شبيدج انتي هدي ع كيفج خالف الله ع مرت جيرانه كالت لامي قبل لا يوكع الفاس براس 

حميده.... فدوه حاجي محمد اخوج خلي يوديني ع امي اريدها ما اكدر ابقه هنا بعد ولا دقيقه 

فاطمه.... وشلون اذا ما ستقبلوج 

حميده.... راح يستقبلوني لا تهتمين بيه بس المهم اطلع من هنا احس هذا البيت مو مكاني بعد الي صار

كمت وعفتها تبجي ورحت ع امي حجيتلها الكالت عليه حميده وامي هم ما كالت شي راحت حاجت محمد حتى يرحون لهل حميده ... 

امي كعددت تصبر بحميده وحميده تقبلت والواقع وسكتت واخذها محمد وامي راحت وياهم ...

بعد روحتهم بنص ساعة دخل مجتبى تعبان واضح عليه التعب كعد بالصاله واني رحت كعدت كدامه وما حجيت شي ... 

مجتبى.... راحت لهلها؟ 

فاطمه... اي امي راحت وياها ومنها تشوف نور وضعها هناك 

مجتبى.... شكد غلطان والغلط شايلني من راسي لحد رجليه شلون بيه شيغفر ذنوبي شلون ربي راح يسامحني 

ما حجيت شي هو مبين كاره روحه صعد الغرفته وعافني وحدي .. اضرب صفنات .. 

بعدني صافنه وسمعت صوت تكسسر غمضت عيوني اخخ يا مجتبى الوجع الي بيك بس الله يدري بحجمه .. 

رحت الغرفتي دخلت وسديت الباب وتصنعت النوم ما بيه بعد اي حيل ... ونتضر امي ومحمد يرجعون .. 

شكرا لزيارتكم عالم روايات سكيرهوم