رواية اغفري لي الفصل الثاني والعشرون بقلم أوتار حزينة
لم تخبرني ولم تصارحني
تركتني أعيش الوهم حتى اختنق
وتركت يدك في يدي
وأخرى في يدها،،،،،،،
أي قلب هذا الذي يسع خيانة بهذا الهدوء؟
أي ضمير نام على وسادة من دموعي؟
وأي رجل تخيل أنني سأنكسر ولا أقف؟
خذ حبك الجديد،،، وزيفك القديم
وأرحل كما رحلت في الخفاء،،،،
أما أنا، فسأجمع قلبي، وأزرع حوله الأسوار
لأنني تعلمت أن لا أحد يستحق أن يحب
إن كان لا يعرف كيف يكون
صادقا
جنات
ووكفت ونزلت ردت اتاكد من الشافته عيوني
هذا الباب الرصاصي ويمه
شجره
فريت راسي على المكان اكو رجال
كاعد يرش باب بيته طمنت شويه رحت
دگيت الجرس گلبي يدك سريع
وكل جسمي كام يرجف
بقوه انفتح صارت
كدامي بنيه
ماشفت خلقتها شفت بطنها حامل
سمعت صوت
«،،،،لميس،،،،منو اجه
رفعت راسي شفته طلع بكلابيه
بيت شافني انصدم ووكف
بمكانه
عيوني جمدت علي وگلبي عبالك انضرب
بسجين حار باوعت الها مبتسمه
عرفتها هي الي دزت
كلشي اليه
رجعت باوعت اله دمعتي جامده بعيوني
واهز براسي بلااا وكعت بالگاع
اجه عليه بسرعه دفعها
من يم الباب ولزمني
كال بتوسل
«،،،،جنات طبي جوه وخليني افهمج
سحبت روحي منه وكمت اريد اصرخ
اريد اذبح روحي بس ماكدرت
كلشي اسوي حسيت
بروحي انسحبت
مني بلحظه
لزمني جريت،،، روحي امشي واتعثر
وصلت سيارتي وكعت عليها
«،،،ولج بس خليني افهمج
صفنت علي اريد اصرخ بس،،، صوتي
طلع مخنوك
«،،،ليييش لييش كريم
«،،،تعالي خلي نروح للبيت
دفعته من راد ياخذ السويج وصرخت
من گل گلبي
«،،،عووووفني
وخر يباوع للرجال وللشارع
صعدت سيارتي وقفلتها من اجه يريد
يصعد يمي حرگت مااشوف شي
من الدموع الي كامت تنزل
وعمتني
اشهك بصوت قوي وراح اتخبل من الشافته عيوني
اردد بجنون واضرب بروحي
«،،،،اازوجت عليه كريم وااني مااادري
ليييش،،،،ولك ليييش مو مابيه
شي
انهاريت بالسياره وذبحت روحي مااعرف
شلون وصلت لبيتي نزلت اتعثر
ووكعت يم الباب من
رجفه جسمي
طبيت اضرب بروحي ومتهستره رحت
للمطبخ شلت سله المواعين وشمرتها بالگاع
عطت
«،،اااخ ولك ااااخ غدرتني وذبحتني كريم
هو طب صحت بي
«،،ليييش ولك ليييش سويتها وكسرتني
تقدم ماد ايده اليه يردد
،،،بس اهدأي وخليني افهمج
«،،شأاافتهم،،مو شاافتك عيوني
وشافت الماخذها حااامل
صرخت وكمت الطم على وجهي انهاريت
بالگاع اضرب بروحي اجه
حظني لصدره
دفعته وضربته اكثر من مرة يحاول يلزمني
وادفع ايده كمت وصحت بي
«،،،طلگني هسه ااطلگني
«،،جناات بس اهدأي،والله اخذتها بس للخلفه
«،،،،طلگنننني
صرخت بي تقدم شلت المزهريه وضربته
بيها اجت بأيده وكعت بالگاع
وانكسرت صرخت بي
«،،طلگني ولك طلگني ياغدار
«،،ماااطلك انتي روحي جنات مااكدر بلياج
اموت اذا عفتيني
«،،جذااب لو تحبني صدك مااتكسرني هالكسره
ماتروح تزوج عليه واني ماادري
جاوبته بصراخ رد
«،،ولج والله ردت اكلج بس ماعرفت
شلون احجي وياج
مشيت بسرعه للغرفه وكف كدامي مد ايده
صرخت بي
«،،،،ااطلع مااريد اشوفك روح كريم حسبي
الله عليك يكون ماتتهنى بيها ولا
بضناك
طبيت الغرفه راد يجي ورايه
دفعته وضربته اصرخ
بهستريا
وخر ضربت الباب بقوه وكعدت يمه اشهك
وابجي اضرب بروحي واصرخ
«،،ولك ليييش،مو اااني ماابيه شي
لييش غدرتني لييش
كريم شلون اانطاك گلبك تسوي بيه
هيج شلون كدرت
تزوج عليه
واني والله مابيه شي والله
مابيه شي
حمزة
رحنا بشغلتنا اني وجعفر وعگبنا بليل
بعد مااتفقت وي الزلمه وانطيته عربون لان
الماطورات جانن زينات ومابيهن
شي
وصلنا وكت عشه كعدنا تعشينا منتبه لغاده
صايره تاكل بنفس،،،،مفتوحه ووجهها
رد لونه
بس انتبهت هي كل ساع تباوع عليه
ومن تشوف نظراتي تنزل
راسها
بس مو نفس النظرات الي جنت اشوفها قبل
اعرف نظره البشر اليه من يحجي وياي اشوفه يتفرس بالسواد ويحاول يركز بالكلام وياي ومن
يشوف نظراتي اله يجنب النظر ويستمر
بالكلام ويحاول يبين هو
داير بال للي شافه
كملت وكمت غسلت ،،،،رحت لغرفتي كعدت
هناك اتصلت على ولد صاحبي
عنده تريله حتى يجيب
باجر الماطورات لان جانن هوايه عمتي
طبت بالجاي خلته
وطلعت
كملت حجي ويا ظليت اگلب بجهازي بس
مو مفتهم شي منه بالي يمها ويم
نظراتها ذبيت حسره ورثت جگاره
وهم صفنت بدخانها كلت
«،،،الما يعرف يسولف ضيمه للناس
يضل يطلب صبر من الچكاير
اخذت نفس طويل وذبيته بحسره رددت
«،،اااي كتبو عالجكاره يمرض التدخين
ما يدرون هيه الوادم تمرضك
تحرگها للجگارة ماادكول ااخ
وااودم تنطي روحك الها
وتنگرك
رددت بقهر
«،،ااخ منج يازهره شعملتي بيه وشسويتي
بحالي خليتني اجيب وحده بذنبج
وشلتي ذنبي من گلبي
عشگها
سحبت نفس وذبيت احسن گلبي موجر
مثل چمرة الچگاره
الباب اندك عدالي جعفر كلت
«،،،،تفضل
لچن هي طبت عليه مره ثانيه باوعت
عليه ملامحها تغيرت وعقجت وجهها ترددت
وبين عليها التوتر مثل ذاك اليوم من دفنت عطري
سألت
«،،،خير بيج شي
«،،لاا بس
سكتت قربت خطوه،،،وخلت الباب مفتوح كالت
بدون ماتعاين عليه
«،،اني ااسفه
رفعت حواجبي من سمعتها شحجت
سألت
«،،على شنو بويه
«،،،اني ماجنت اريد اجرحك بشي انت مالك
ذنب بي واعرف البيك امر الله
سكتت وانه هم انتبهت عليها مثل
الي لعبانه نفسها لان جانت كل ساع تخلي
ايدها على حلگها درت وجهي
وجاوبتها بقهر
«،،وشبيج تحجين الجلمه وانتي لعبانه نفسج
«،،هاا
عاينت الها شفت عيونها على الچگاره اذكرت
بالسياره من ادخن هم هيج وجهها
يتغير طفيتها كالت
«،،ادوخ منها
«،،،اي افتهمت
جاوبت وانتظرتها تحجي اريد اسمع
شي يبرد ويفرح گلبي كملت
«،،،انت تعرف شسويت والي طلع مني هو رده
فعل للسويته بي واني والله مااحب
اجرح واحد بشي هو ماله
ذنب بي
«،،انه ماردت منج اعتذار اعرف بروحي شسويت
بيج وشلون علت بيج هوايه
«،،لااا
ردت بسرعه عاينت الها كملت بعيون
مغوركه
«،،لا اا عفيه كول سامحتج
اذكرت روحي من طلبت منها السماح وكالت
من تموت اسامحك ابتسمت صفنت
عليه رديت بس مو مثل
ردها
«،،من اموت وتبريني الذمه اعتبري انه
هم بريتج من الشي الحجيتي
عليه
ماردت اكولن اذا متي ابريج الذمه لان اعرف
بروحي راح اتخبل اذا صارلها شي
ردت
«،،يعني هم مثل ماگتلك حجيت
سكتت هي ذبت حسره وكملت
«،،هاهي حمزه اذا اني متت قبلك ابريني الذمه
واذاا انت رحت قبلي ابريك الذمه
گلبي چن واحد گضه وعصره من كالت
اموتن قبلك وحالي كله تخربط
وحسيت من صدگ
انه ماراح اعيش
من بعدها
درت وجهي منها ماكدرت احجي شي بس
بداخلي حرب ونار وجت من
زاد احساس حبي الها
مشت من يمي كلت
«،،،مبريه الذمه ياغاده
وكفت وعاينت عليه وجهها فك وحسيتها
ارتاحت لچن ماكالت انت هم مبري
الذمه طلعت وسدت الباب
وراها
سندت روحي على الجربايه اريد افرح
بهل الشفته منها بس ماحسيت
بفرح لا مخنوك واريدن
اسمع غير چلمه
لچن ماراح اسمعها وراح اموتن بحسرتها
روحي اختنكت اخذت الجگاير
وطلعت من الغرفه هجيت لابو طلبه كعدت
هناك احاجي ربي
«،،،يارب مو صعبه عليك والله واعرفك
قادره تغير الگلوب اسالك بجاه نبيك وآل
بيتك ماتحنن گلبها عليه وتخليها
تحبني مثل ماانه حبيتها
وعشگتها
سكتت وكملت بحرگه گلب
«،،اعرف شسويت بيها اعرف وانت جنت شاهد
على هالشي لچن عرفت غلطي
ووتندمت واريدنها تنسى
الشافته مني وانت
قادر يارب تنسيها وتخليها تشوفوني
مثل ماانه اشوفها
نزلت راسي اردد بقهر
«،،،مو هوايه عليه يارب تحبني والله مااريدن
منك غير ،هي يارب هي مو
غيرها لان انه مااريدن غير غيده
گلبي يمك وانت تشوفه منو بي
والمن يريد وانت خليت عشگها بي لو
تشيله وتبرد ناره لو تخليها تعشگني
مثل ماانا عاشگها
رددت بتوسل
«،،،يارب اجيت يم ولي من اوليائك ومن
آل بيتك الطيبين،،،، موسى بن جعفر
وبجاها عندك لاتفلشني وتگضي حاجتي
ونذر عليه اذا صار هالشي
الا اذبح يمه طلي واشد رايه محنيه
بدمه ،،، واطش حنطه لطيورك
يم بابه
ظليت هناك ورجعت للبيت متاخر كلها نايمه
رحت وكفت يم باب غرفتها
فتحته طبيت وسديته ورايه
اعاين الها نايمه وخاله
رجلها على
المخده
تمشيت بهدواه
كعدت مثل ذيج المره گبالها صافن بملامحها
عاشگ كلشي بيها حاجيت روحي
«،،،شسويتي بيه ياغيده جنت عايز انه
قهر حتى اتولع بيج واظلن اعاين الج واتحسر
لا بيه اگضج واطفي ناري ولا بيه
اروحن وابتعد عنج
رحت چم يوم والعيون اشتاگت لهل الخلقه
وعگبت من شوگي الج وانه اعرف
قربي منج راح يعذبني
بعد اكثر
رددت بونه گلب
«،،والله ذله كاعد گبال الي تحبه وماتگله
ذبيت حسره وظليت اعاين لكلشي
بيها اريد اسوي مثل ذيج
الليله لچن ماكدرت
خفت لاتگعد واشوفن نظره الرفض
والكره بعيونها وتقهرني بعد
اكثر
عدلت حالها وصار وجهها اقرب اليه مدت
ايدها صفنت عليهن
ناعمات وترفات ويخبلن
من حلاتهن كلت
«،،،كلشي حلو بيج العيون تذبح والخلقه
من ربي صنعها تفنن بيها
وبياضج گطن
وهذا كله اريدنه اليه اريدن المج
بحظني لچن مو مثل قبل
لاا انه شوفتج
قسواتي وتندمت عاملتج هيج
هسه اريدن اشوفج حبج
الي سكن جوه گلبي
واتعامل وياج مثل ام حاظنه بزرها
وخايفه علي من گضه ايدها
نزلت راسي ونيت بقهر وعاينت الها
كلت
«،،،اخ ياجمره گلبي شكثر احبنج
ماكدرت اظلن يمها نار وجت بيه كمت
طلعت من يمها ورحت لغرفتي
تمددت بهدومي صافن
واريدن معجزه من
ربي تخليها تحبني
مثل ماانه احبها
قائد
وره كم،،،،، يوم عزمت ليلى على العشه
عم فاروق قبل بس كال لاتتاخرون جثير
رحت عليهم كعدت ويا بالاستقبال
نحجي على شغلي هي
اجت تخبل من
اناقتها واحلى شي ضمت شعرها المهدود
للعيون وخلته بس اليه
ترخصت واخذتها وطلعنا من حركت سألت
«،،،وين راح نتعشه
«،،،بكيفج اختاري مكان هادئ ونروح علي
«،،،مااعرف هن هوايه اكو اماكن حلوه بس
تدري اني شنو اريد
«،،،كولي اسمعج
«،،،شدكول ناخذ صاج فلافل ونروح نكعد
يم الشط
«،،،هههه ولج يافلافل واني اريد اعزمج على
عشه توب ومرتب
«،،مااريد مليت من المطاعم اريد اكعد اني
وياك بحديقه كدامنا الشط واكل
بسيط مااريد مطعم ومكان
مغلق
«،،،،،صدك تحجين
«،،،،اي والله شبيك جيب اربع
فلافل ومشكل وببسي
ومقبلات وجبس ونساتل
نتعشه ونتعلل
ونرجع
«،،،،ولج بابا اريد اعشيج بمكان راقي
ياشط يابطيخ
«،،،،اهو قائد هسه انت مو كلت براحتج
اختاري هاي اختاريت ويله خلي ناخذ
الي كتلك علي ونروح نگعد بكورنيش
«،،،والله مدري شحجي
«،،لاتحجي شي سوي الي كتلك علي وانت
ساكت
«،،امرج يابه هو اني اكدر اكول لاا
«،،،،طبعا ماتكدر شحدك ادكول لاا
غير اشوفك شي مو شايفه
«،،،ها هيج عجل ابشري اني هم بذيج
الليله راح اشوفج شي مو شايفته
دارت وجهها على الجامه ضحكت
وكملت
«،،،اي ديري الحجي ماعجبج
««،،قائد لاتلح تره هسه ارجع
«،،هههه منو الترجع ولج اليوم سهرتنا صباحي
فكت عيونها وكالت
«،،شنو مو بابا كلك لاتتاخرون هوايه اذا
سالك ليش تاخرتو شراح ادگله
«،،بسيطه اكله عطلت السياره
«،،انت شنو اخذتني تلعب باعصابي
«،،،هههه اي مو انتي ياما لعبتي على اعصابي
هسه دوري الا العب عليهن واخليهن
يرگصن من الخوف
«،،،اهوو تره مو حلو الكاعد تسوي
سكتت من شفت الخوف بعيونها كلت
«،،هاي شبيج تره جاي اشاقه وياج
اوي شلون وحده ماتحب شقه
«،،مايلوك الك تصير سندس يالمدكك
«،،،،هههه
ضحك وكال
«،،،هذا لقب ابو علاوي هم هيج يگلي
ليلى
صفنت علي باعجاب لان من رجع جان واحد
ثاني عيوني راحت للوشوم
انتبه وسأل
مبتسم
«،،ها اشوفج دخلتيني سونار بعيونج الحلوه
«،،انت متغير يعني ،،،، مو ذاك قائد الي اعرفه
سكت وملامح وجهه تغيرت تردد
بعدين كال
«،،ااني
ماكمل وركز بعيونه على الطريق سالته
«،،،انت شنو
ذب حسره وجاوب
«،،اني بعد الصار بينا صرت انسان ثاني ليلى
حسيت بگلبه هم جبير يريد يحجي بس
هو كال
«،،،عوفج من هاي الذكريات لان مامن وراها غير
القهر وخلينا نفرح بطلعتنا
«،،ليش قائد احجي طلع الي بگلبك
باوع عليه الملامح مقهوره بس ابتسم
ورد
«،،مااريد احجي شي اريد افرح بيج وبهل
اليوم
مالحيت علي كلت هو يجي يوم ويحجيلي
الي بگلبه
اخذنا عشه وكعدنا بكورنيش يم الشط جانت
اكو عائله مسافه عنا بنيه وشاب
وياهم وولد وبنيه صغار
يلعبون طوبه
صفنت عليهم مبتسمه وكتله
«،،قائد شوف ذوله الجهال شلون حلوين
«،،اي بس وكحين دوخو راسي بعياطهم
،،،غير يلعبون شيسون يعني يظلون كاعدين
مثلنا واحد صافن بوجه اللخ
«،،،اجيبلج طوبه عيني ونلعب سوه
«،،والله صدك
صفن عليه من حجيت بفرح وكملت
«،،يله كوم جيب خلي نلعب اني وياك
«،،ااي حتى نصير فرجه لامه محمد والتصوير
يصير بلاش
«،،حباب كوم جيب خلي العب اني وياك
غمز وابتسم رد
«،،،عندي غير لعبه وحلوه كلش
صحت بخزره
«،،،قااائد بطل هالسوالف
«،،ههههه
خرب ضحك الطوبه اجت بجتفه ضحك
وكال
«،، ولد الگلب گولو بيه
عضيت شفتي من حجه هيج الشاب
اجه ليمنا يردد
«،،،اسف واعتذر منكم كلش
«،،،لا ماصار شي
جاوبه كرر اعتذراه وراح اخذ ولده مسافه عنا
كال
«،،هاج شوفي خبلو اهلهم بس يركضون وراهم
اليكول جايين بمارثون مو كعده
وونسه
«،،بس فرحانين بيهم ويضحكون وياهم شوف
ابوهم كام يلعب وياهم وامهم
تصورهم
سكتت وكلت
«،،،،الله اتخيل روحي اني وياك وجهالنا
يلعبون يمنا
«،،،خلي نزوج عيني بالاول وبعدين تخيلي براحتج
خليهم هسه بالذاكره محفوظين
باوعت علي بضوجه وكتله
«،،عبالك بعدك ماتحب الجهال
«،،اي مااحبهم وبس اثنين راح نسوي
«،،بكيفك انت
«،،اي نعم مااريد احد ياخذج مني
واعرفج بس يصير عدنا جهال راح تلتهين
بيهم وتعوفيني
«،،لا اابدا شلون اعوفك
«،،،اي واضح ولج من اجينا ولحد هسه انتي
بس صافنه عليهم واسمع اووي وفدوه
وكل ساع شوفهم قائد
«،،،ههههه غير حلوين
«،،،عجل مو اني حلو وكاعد اكبالج ماتتغزلين
بجهرتي الحلوه
صفنت علي مبتسمه كمل بغضب
حلو
«،،مخبل اني اصطر جهال هم اثنين يعجبج
اهلا وسهلا مايعجبج
قاطعته
«،،اي بله شنو
سكت رفعت حواجبي وكملت
«،،اي كمل الله ويايه مو
اللهجه تغيرت ورد مبتسم
«،،اني ليش،مااسكت واستر على روحي
«،،،،مو بله اسكت واستر على ريشاتك
«،،،ههه راح اسكت لا يروح جلدي للدباغ
«،،،رجال ماتجي الا بالعين الحمرة
جاوبته اضحك رد
«،،هينه تگضبج ايدي ولج واشوف
الرجال شراح يسوي بيج
گلبي هبط وباوعت علي بغضب ضحك
ومسح شواربه ردد
«،،اش قائد تره راح تنحضر اليوم
درت وجهي منه اباوع للجهال كام وكال
«،،،كومي يله
«،،ها وين نروح
«،،،،،نفتر احسن من كاعدين هنا واندحك لذوله
القرودة
«،،اوف منك
«،،،اوف منج اانتي ام الزعاطيط
«،،،،اني
«،،،عجل اني يله كومي تره طگت فيوزي
«،،،مخبل والله بلاني بيك
مشيت ادردم علي بس مبتسمه
هو بصفي يردد
«،،لسانج راح اكصه
«،،،تكدر مو
صعدت بالسياره وخليت الجنطه بحظني
صعد يضحك
خله عيونه بعيوني وكال
«،،،،وجان هم نتعارك
ابتسمت كمل
«،،بس ماراح انحضر مو
هزيت راسي بلااا رد
«،،،عفيه بارنوبتي الحبابه
«،،،ههه
ضحكت شغل هو هم يضحك افترينا ساعه
واشتره حلويات لاهلي ورجعنا طبينا
سوه لبيت اهلي
ايدي بأيده يم الياسه جرني علي
وحظني فكيت عيوني وكلت
«،،،قائد لا
ماخلاني اكمل باسني وحظني بقوه
لصدره وخر من عندي مبتسم والعيون تضحك
كال
«،،،اريد ارجع ذيج الايام الحلوه
ورجعت ايامي اني ويا واحلى بعد
جنات
ظليت جوه بالغرفه اشهك وابجي اسمعه
يتوسل بيه افتح الباب حتى
يحجي وياي
«،،،الليل اجه واني نفس وضعي سمعته
كال
«،،،جنات بس افتحي الباب ولج
والله ماازوجت الا من وره الضنا ومن
وره اهلي الي ظلون يدكون على
راسي
كمت فتحته بقوه وصحت بي
«،،،يعننني اااهلك يدورن بيك
سكت صرخت
«،،،يدرووون موو وهم الي زوجك
لزمني دفعته اصرخ
«،،،لااتزلمني واطلع روح الها ااطلع كريم
وروح عليها روح للي فضلتها
عليه وبعتني من وره
جاااهل
كمت اضرب بيه تهسترت وهو يحاول
يحظني وارفضه امل اخته طبت
وياها رجلها شافت وضعنا اجت
علينا بسرعه كالت
«،،،هااي شبيكم
سحبت روحي منه صحت بيها
«،،،جنننتي تعرفين مووو
«،،،شنو جنات شااعرف
اشرت علي وصرخت
«،،تعررفين ااخوج مزوج عليه مووو
فگت عيونها وصفنت علي سالت
«،،،شنو شكاعد تحجين انتي كريم
صدك هالحجي
«،،،وولج لاتسوين روحج ماااتدرين عرفت
انتو الي مزوجي ولكم ليييش
هيج سويتو بيه لييش
«،،،،،والله مااعرف كريم احجي شي
شنو انت مزوج على جنات
مارد صاحت بي
«،،،هااي شوكت واهلي يدرون
باوع عليه هزيت راسي بقهر وعذاب
كتله
«،،،جااوب يدرون مو عمتي هي الي زوجتك
موو كريم
ماحجه شي صرخت بي
«،،،ااطلع مناااا رووح من وجهي حسبي الله
عليك
تخبلت وكمت اكسر بشكو تحفيات
يمي هي اجت عليه لزمتني
تصرخ
«،،،،،لييش،،،هيج سويت
راد يلزمني ابتعدت ليوره بسرعه وصحت
بيه
«،،،اااطلع روح الها الي دزتلي صور عقدك
وحرگتني حسبي الله عليك
وعليها حسبي الله
عليكم كلكم
رجعت طبيت الغرفه سمعته صاح
،،،والله اليوم الا اشعل اهلها لهل الدايحه
طلعت هي الي دازه الصور واني
اكول من وين عرفت
انهاريت بمگاني ابجي واضرب بروحي
مو مصدگه هو ازوج عليه ولا عقلي
جاي يتقبل الي شفته
هي واكفه حامل تضحك بشماته
وهو طلع مرتاح ولابس ملابس بيت ويگلي
عندي شغله وي صديقي وهو
يمها ونايم بالعسل وراح
يصير اب صرخت
«،،اااااااخ يمه ااااااخ منك كسرتني
كريم
حسيت گلبي راح يوكف من القهر اصرخ
واني مشنجه جسمي اسمع الباب
يندك والدنيا صارت
هوسه بره
حيلي راح وصوتي هم اختفى تمددت
بالگاع ابجي واشهك الباب انفتح
امل طبت رجلها وكف
بره هو ماكو
اجت شالتني لحظنها صاحت
برجلها وهي تبجي
«،،،مي بسرعه راح تموت من السواه
مسحت دموعي بايدها تردد
«،،،،ولج والله ماادري وداعه جهالي هسه
سمعت منج وياريت مو جايه
ولا سامعه السامعته
«،،،،امل رااح اموت
جاوبتها بشهكه رجلها اجه اخذت المي منه
غسلت وجهي حاولت تشربني ماكدرت
اشرب يوكع من حلگي كالت
بخوف
«،،،بس اشربي شويه
ردت اموت ردت اروح حتى اخلص من
الي عرفته انهجم بيتي من
وره شي اني مالي
ايد بي
اني بحظنها خابرت اختي تبجي عليه
عرفت هي ماتدري بي ازوج من شفتها شلون
صارت كومتني بصعوبه اجر برجلي
ودمعتي تنزل بشهكه
تمددت غطتني طلعت تصيح بره
«،،شفته شسووه شفتهم لامي ماجازت الا زوجته
وكسرت جنات
«،،،اسكتي هسه احنا مو مفتهمين شي
«،،،ووينه وين راح خلي يجي يشوف شسوه
بيها اذا صار بيها شي شراح
يگول لله
روحي انذبحت من جوه وگلبي حسيت
كام يوجعني بقوه اردد وي
روحي بخبال
«،،،هذا كااابوس وراح اكعد منه اي مستحيل
كريم يسويها هو يحبني اخذني عن
حب وگلي شاسوي
بالاطفال وانتي
طفلتي المدلله
بس لاا هو سواها اي وشفتهم بعيوني
شفتها حامل وهو يمها وراح يصير
ااب واني مو ام ابنه
ااااخ ياااربي
صرخت بهستريا هي رجعت عليه بسرعه
كعدت يمي تخبلت اصرخ من
گل گلبي اريده يوكف واموت
بس مامتت ظليت عايشه اختي اجت مخطوف
لونها وياها ابراهيم طبت عليه
شافت حالتي صرخت
«،،،،وولج طلع مزووج عليه وراح يصير اب
واااني مووو ام ابنه اااني مووو
امه
انهاريت كمت اضرب بروحي هي لزمتني
وياها امل هو طب صاير
فد مره اجه عليه
يردد
«،،،جنات طلكتها والله طلگتها مااريدها لا هي
ولا الي بطنها اريدج اانتي والله
مااريد اي شي من
الدنيا بس
انتي
دفعت ايده اصرخ
«،،،بعددديش بعد ماغدرتني وكسرتني ولك
بعدييش كريم وهي حامل منك
وراح يجيك طفل منها
«،،،مااريده ولج مااريد اي شي بس انتي
وغلطت والله غلطت وصلحت
غلطي طلكتها جنات
لخاطر عيونج
كمت من الجربايه وصحت بي ارجف
من اعصابي
«،،،،اااطلع كرريم مااريد اشوفك روح مناااا
صحت بي بخبال الولد لزموه اختي
انهدت بي وهي تبجي
«،،،لييش هيج سووويت كريم هي شنو ذنبها
اذا ماصار عدها انت مو تعرف هي
مابيها شي
«،،،غلطت والله مااعرف شلون صار هالشي
«،،،كتلك اااطلع روح مناااا مااريد اشوفك
«،،،،مااطلع جنات هذا بيتي
صفنت علي من كال هالكلام حس
حجه بسرعه
«،،،بيتي وانتي ام بيتي شلون تريدين اعوفج
واني روحي معلكه بيج
«،،،،اذااا ماتطلع ااني اطلع
حجيت هيج ورحت شلت شالي من الگاع
غطيت شعري وصحت باختي
«،،،،ااامشي دانيه
مشيت صار بوجهي شلت ايدي وضربته
راجدي لزمني وصاح بيه
«،،،،وولج كاافي وافهمي اني مااكدر بلياج
دفعته الولد لزموه طلعت امشي واتعثر
اختي لزمتني انهاريت
عليها اخذتني لسياره ابرهيم صعدتني
ليوره اشهك وابجي
هو طلع رجل امل يلزم بي اجه ليم الجامه
فتح الباب دانيه حجت ويا
بعصبيه
«،،،عووفها وروح لذيج خلي تفيدك
«،،،ولج بس اسمعيني
ابراهيم وخره هو ورجل امل اخذوه يحجون
ويا يم الباب غمضت عيوني
اشهك بصوت قوي
ابراهيم رجع، ،،حرك وطلع ملت على
اختي وانهاريت حظتني تردد
بدموع
«،،،شفته شسوه طلع مزوج الافندي
ومرته حامل
«،،،اسكتي دانيه وخلي اختج تهدأ
«،،وشلون راح اهدأ ماادري
يمامه
حنين اجت تبات يمنا لان سعيد ماخذ امه
وخواته وطالع بشغل ،،،، كاعده
يمي بالمخزن جان ماكو احد
ابويه ومنيره طلعو يم ناس بغير
محافظه وقويدر راح
لاربيل
سالتها
«،،،هذا ماگال وين اخذ امه وخواته
،،،كال بشغل
ابتسمت وفريت ايدي رديت
وجاوبت
«،،من يرجع گولي اله ادكول يمامه لمع گرونك
زين
«،،،ماراح اگله لان يگتلني
ذبيت حسره وهزيت راسي باي كلت
«،،،اي لاتحجين لان اعرفه جبان مايكدر
يواجهني بس مكادره عليج
«،،خلي يولي كرهته يمامه ماعنده غيره على
عرضه
«،،،ااووو من زماااان هسه يله دريتي
«،،،ما عبالي هيج
«،،،عوفج منه ومن سيرته الجايفه شوفي
شجبتلج
كمت رحت طلعت علاكه من جوه الفراش
واجيت كعدت يمها فتحتها وشوفتها
شجبت للابنها
«،،الله شلون سيت يخبل شوفي الحذاء صغير
وناعم
«،،اي وشوفي هاي الحظينه شلون مطرزه
حلو
باستني وكالت
«،،فديت اختي الحنينه
صافنه عليها عبالك طفله وفرحانه بشي
حلو خربت ضحك وكالت
«،،تدرين المن شفت من اجيت عليكم
«،،منو
«،،هذا جوقي
«،،،اي شبي وياج حجه شي
«،،،ههه من فتت من يمه گلي اوف رحتي
من ايدي وياريت يستاهلج
الي اخذج
جان رجال عمره بنهايه الثلاثين مطلك
وعنده ولد وراد حنين وابويه كله
شكد تدفع وانطيها الك
بوكتها سعيد هم
حجه بيها شاف الدفعه اكثر من ذاك رفضه
وصارت لتعيس هي كملت بضحك
تعرفين شجاوبته
«،،،اي شجاوبتي بله
«،،،غميته وكتله استحي على روحك ياشايب
«،،،مشيت من يمه كام يغني اغنيه
حسام الرسام،،شايب دگلي بالشايب شلي وادكلي مااريده مااريده
جاوبت
«،،عفيه بيج هذا كاعد يراهق وهو راح
يطب بالاربعين شوكت يعقل
ماادري
خلت الغراض على صفحه وكالت
«،،،اكلج ضايجه خلي نكوم نرگص مادام وحدنا
بالبيت
«،،،اكعدي واسكتي حامل لايروح يصير بيج
شي
«،،،ههه لا مايصير باعي راح اشغل
هاي الاغنيه عجبتني
لزمت جهازها وشغلت نفس الاغنيه شايب
دگلي كامت تهز اباوع الها ضحگت
واشرت لبطنها وكلت
«،،،ابنج هم كاعد يهز وياج
اجت لزمت ايدي وكالت تضحك
««،،كومي وياي وخلي شويه ننسى همنا
فلت شعرها تتمايل بهداوه جان شعرنا طويل
وبي خصل شگار على امنا رغم مانعتني
بي من الله ثخين وبي كسره
لان جنا نجذله دائما
كلت
«،،،مااريد اركص
ردت ارجع اكعد جلبت بيه وكالت
«،،،لخاطري يمامه بس هالمره
«،،،،،ولج مااعرف اركص مثلج
«،،،ههه جذابه احسن مني تركصين
«،،اي وهو شراح يصخمنا غير هالركص خلونا
براسهم وشوفي راح يشغلوج بالملاهي لان شافنج
بعرس وردة تركصين واني هم جايين
السره وراج
«،،،بس هالمره ارگصي وياي
توسلت تهز بجتفها وتضحك ابتسمت
ونسيت همي ورگصت وياها تردد
بفرح
«،،شعر شعر
فليت شعري ولزمت ايدها وحده اگبال
اللخ نهز ونفر بشعرنا بذيج الليله
عشت وياها ساعات حلوه
ونسينا همنا وقهرنا
مهيب
من فصخت خطوبتي من نور ماخلصت من
لسان الحجيه والحجي ظلوا
يدكون علي راسي
ورادو مني اعتذر منها هي واهلها
ونرجع سوه وهي هم اتصلت مره اعتذرت
وكامت تبجي بس اني ماقبلت
اسمعها وحضرتها
كاعدين على العشه يمنا اختي ميسون
وولدها امي حجت
«،،،،ها مهيب شكلت
«،،،،على شنو يمه
«،،،،ولك لاتعل گلبي تعرف شنو اقصد
«،،،لا مااعرف
انهدت بابويه
«،،،،يارجال احجي شي تره ابنك راح يموتني
«،،،ولك العالم شاريك ويردوك لبنتهم
«،،،منو ياعالم
ميسون ضحكت وسدت حلكها بايدها ابتسمت
وكملت
،،،،ها قصدك اهل نور
«،،،والله ماادري شلون صرت نقيب بالشرطه
ابويه حجه امي جاوبته بعصبيه
«،،،لااا يعرف على شنو نحجي بس مسوي
نفسه اثول لان الكلام ماجاي
يعجبه
«،،،اها كلتيها حجيه مو عاجبني وسدوها لهاي
السالفه عاد وخلوني ازقنب
«،،،سمعته ابو منير شحجه
«،،ولك واحجي عدل وي امك تره روحي طگت
منك يوميا امشي الك وخاطب وماطول
كم شهر وتفصخ
«،،،شأسوي حظي اسود كاعد يوكع وين
ماكو نطيحه ومترديه
«،،،على اساس انت شلونك يبعد امك
امي جاوبتني بغضب رفعت حواجبي وابتسمت
كلت
«،،شبيه تره اني خوش ولد ونقيب بالشرطه
وحلو وعندي غمازه
«،،،هههه والله صدك
ميسون جاوبتها انهدت
«،،وملعب وابو نسوان واربع وعشرين ساعه
دايح باربيل
ولدها ضحكو عضيت شفتي وكلت
«،،حجيه الفاضج صايره اوفر
«،،انجب ولك
ابويه كمل بغضب
«،،گلي انت الى متى تظل بلا زواج
«،،،،الما الكي الي اني راسمها بعقلي ازوج
«،،اي من يموت الحمار ويجي الربيع تلگيها
للسلطانه هويام
لفيت لفه اللخ ابويه كمل
«،،،ولك ابني العمر جاي يمشي بيك وانت
صار عمرك 30 يعني مو صغير شوكت تزوج
وشوكت تخلف
«،،،ناقص ادگلي صرت شايب يابه
جاوبته بضوجه كمت صبيت جاي امي
جاوبتني
«،،،هوو من طك الشيب بالشعر شبقى من
العمر
«،،هذا شيب قهرج وراح اهج من وراج
ومن وره هالسيره وبعد ماالفي
«،،،ااي ينتظرنك الحبايب روح الهن ينتظرنك
ياقشمر يابو النسوان
جاوبتني بصياح كلت لميسون
مبتسم
«،،،صرنا مثل المسلسلات التركيه نعوف الاكل
ونتعارك
«،،اي والله
جاوبتني مبتسمه ابويه كام وكال
وهو يأشر بايده
«،،شوف ولك هذا اخر الكلام وياك تصلح
موقفك وي البنيه وترجعون سوه
لان هي بعدها تريدك وشاريتك
هي واهلها
«،،،،يابه امها اجاوزت عليه وظلت تستهزء
بيه والله شنو رضينا بالبين والبين
مارضى بينا
«،،،اي حقها لان انت تعرف بروحك شحجيت
وشلون جفصت بطنها
امي ردت كلت
«،،،استغفر الله يارب
«،،،يبووو صلاوات على الرسول
ولج اخوج طلع يعرف
الله
«،،،كافر ااني يمه
صحت بغضب ابويه رد
«،،،صوتك ولك
سكت وكمل من اجه ليمي
«،،صاير ماتحترم مهيب وصوتك كايم يطلع
على امك وبالبيت
«،،،،اسف يابه بس تره هاي حياتي واني الي
راح ازوج مو انتو
حجيت هيج ومشيت من يمهم اسمع
امي تصيح
«،،ولج ااحجي ويااا تره خلص گلبي منه
«،،يمه عوفي هسه يفصخ ولا بعدين ياخذها
ويطلك
صعدت لفوك طاكه روحي من هالسالفه
الي جلبو بيها اهلي وذيج هم الي
حضرتها اكثر من مره وترجع
تتصل
غاده
عرس ليلى تقرر نهايه هالشهر لان عمو فاروق
راد يصبغ البيت ويجدد الاثاث
وهم قائد جان لازم يسافر
لالمانيا يجيب اوراق
تخص زواجهم
والايام مشت بيه وراح اطب بالرابع ومحد
عرف بيه حامل ضمينا اني ورانيه
هالشي عن الكل جانت
ادكلي
خلي نحجي للحجيه وعمه لازم يعرفون
بيج حامل ارد لا مو هسه بعد خلي
اخلصه ونحجي تسكت
بس مو راضيه
مثل كل يوم دوامت وكل مره من اريد
اكعد ليوره اشوف صناديق ليوره
كعدت ليگدام هو صعد وكال
«،،،،يالله
حرك وطلعنا تثاوبت شافني سال
«،،نعسانه
«،،،اي
«،،،اخذي اجازه وارجعي نامي
«،،،بعد مااكدر اخذ اجازه
«،،،ليش
«،،،ماعندي رصيد خلص وهم ليلو اخذت
اجازه طويله ولازم نوكف مكانها اني وبنيه
«،،ها چا انتي هم اخذي اجازه طويله
خلي بدون راتب بس المهم ترتاحين وماتتعبين
جاوبته بسرعه
«،،لا مااكدر اضوج من كعده البيت
سكت ماحجه شي انتهبت شحجيت وماجنت
قاصده الي افتهمه كملت
«،،مو قصدي اضوج من اهلك ولا اانت
دار وجهه عليه وهم شفت نفس النظرات الي
ماجاي اعرف افسرها كملت من
باوعت للطريق
«،،اعرف افتهمتني غلط بس اني من بيت اا
بلعت اسم اهلي هو افتهم وكال
«،،،براحتج انه حجيت لان شفتج تعبانه ومو
شبعانه نوم
شاحجي هو اني كاعد انام من وكت بس
ماجاي اشبع نوم والخمول موتني
وكالت رانيه هذا الشي
من الحمل
باوعت لروحي بالمرايه الجانبيه شفت شكلي
تغير سمنت بهل الفتره ووزني زاد
خدودي رجعت ترست وجهي
والحمار هم رجع
الهن
هالشي كلهم لاحظو والحجيه فرحت هي
وعمته ورانيه لان عافيتي رجعت
اليه سال
«،،الج خلك وره الدوام نطلع حتى تشترين
هدوم للصيف
باوعت علي مركز بالطريق كمل
«،،انه ماعندي شي اذا تريدين نطلع للسوك
لان هم محتاج اخذ كم دشادشه
وكم شغله
جنت من صدك محتاجه اشتري كم شغله
اليه لان گلي مره البسي دشاديش بالبيت واني
ماعندي بس اثنين وهدومي كلها
تراكات كمت البسهن وفوكاهن
روب هسه اختلف الوضع
صيف اجه ولازم اخذ
كم وحده
جاوبته
«،،،اي اروح
وجهه تغير وابتسم من يبتسم احس كلشي
يتغير بي ردد
«،،،هاهي من تكملين نروح وين ماتريدين
«،،،،اي
وصلنا نزلت مشيت كم خطوه صاح
«،،غاده
انداريت شفت علاكه بايده كال
«،،هاج هاي
رجعت علي اساله بعيوني
«،،،عمه رقيه انطتها كالت اكل خاف اجوعين
اكليهن
«،،ها اي
جاوبته واخذتها منه مشيت وهم احس بعيونه عليه بنيه اجت صارت بصفي،سلمت
«،،هلو غاده
«،،،هلو الاء
«،،هذا رجلج الوصلج
«،،،اي
اندارت علي وكالت
«،،تدرين هو حلو وماشاء الله ضخم
بس خطيه الوحمه مخربه
نص وجهه
سكتت كملت
«،،مافكرتو تسون الها عمليه
«،،لااا
«،،ليش،،،تره عمليه بالليزر ترجع وجهه طبيعي
«،،،مايكدر يعمى اذا سواها
جنت سامعه هالشي من رانيه ردت
،،،يا خطيه والله حرامات لان لو يسويها
شكله كلش يتغير
مارديت وصلنا للبصمه بصمنا وهي راحت
لشغلها طبيت الصيدليه وبديت
اشتغل
ساعه 11جعت وخرط گلبي رحت للعلاكه
فتحتها شفت حافظه بيها لفات كباب
طاوه وبتيته وبيتنجان وجبس
وعصير ونساتل
كعدت اكلت الما شبعت ورجعت للشغل
خابرت ليلى،،،،،،،،،، جانت ضايجه لان قائد
راح يسافر ويعوفها اني احجي وياها صارت
هوسه وازدحام ترخصت والتهيت وياهم
كملت دوام ساعه 2 خابرني وطلعت اله هم
واكف بالكراج صعدت يمه اهفي
لروحي كال
«،،،،الله يساعدج
،«،،،هلا
«،،،حاره مو
«،،،،اي والله
«،،هاج جبتلج موطه
اني روحي جانت مايعه واريد بس بروده
وهي جانت ام المشمش وحليب واني
شلوني اموت عليهن
اخذتها منه وكلت
«،،،شكرا
انتبهت علي مبدل ولابس دشادشته الرصاصي
الطوخ يشماغ اسود وعگال
وسبحه كهرمان وريحه
عطر مو قويه فاحت
كال
«،،،كلت بردي گلبج هسه ونروح نتغده بمطعم
وراها نروح للسوگ شدكولين
جنت جوعانه كلش بدون وعي هزيت
راسي بفرح وكتله
«،،اي والله لان ميته جوع
انتبهت لعيونه والنظرات لهيت روحي
بالموطه وباوعت للجامه رد
«،،،يخسئ الجوع هسه اغديج اطيب غده
وباحسن مكان
ماجاوبته التهيت ابرد گلبي كال وره
لحظه
«،،كلت لرانيه تعالي ويانا ماقبلت كالت اريد
اروح لاهلي لان اليوم يجن نسوان
ولد عمامنا حتى يخطبن
رغد
«،،اي كالت هالشي وكالت الولد خوش
ولد ومدرس مو
«،،اي الولد ادمي وابن اوادم ويستاهل
ياخذ بنت عمي
اجه معاذ بين عيوني ذبيت حسره
هو مثل الحس غير الموضوع
وسأل
«،،،شخبار قائد وحرمته شوكت يزوجون
«،،نهايه الشهر بس يسافر لالمانيا يكمل اوراق
تخص زواجهم ومن يرجع يسوون
عرسهم
«،،الله يتمملهم على خير
«،،،امين
جاوبته شفت روحي طيرت الموطه بسرعه
وهي علبه جبيره كال
«،،طيبه مو
«،،اي كلش
«،،،،،هاي من مشمشه
«،،،ها اي الموطه مالتهم كلش طيبه
«،،اي كلما راح اجي عليج وره الدوام
راح اجيلبلج منها
ماكلت لا نفسي الدنيا خلتني اگله
«،،تسلم
«،،وين بالج نروح
«،،،مااريد مكان ازدحام اضوج منه واختنك
«،،،راح اخذج لمول بابلون
«،،،تره هناك كلش غالي الشي
ابتسم ورد
«،،جيبي عامر لاتشيلين هم
سكتت هو حجه
«،،وهم نتغده هناك شدكولين
«،،،براحتك
الحوار بيني وبينه كلما تمر الايام يصير
سهل مرات انتبه واسحب روحي منه واسكت
ومرات لاا انسى نفسي واظل
احجي ويا
وصلنا نزلت رحت ليمه مشينا واحد بصف
اللخ اشوف نفسي يمه قزمه وهو
عملاق،،،،،،العيون صارت علي باوعت
اله عگد حواجبه
وبين علي ضاج
بس كال
«،،،خلي نتغده بالاول لان خرط افادنا من الجوع
«،،،،اي
اخذني لمطعم وعبالك يعرفو لان ولد
اجه وسلم علي بالاسم اخذنا
لمكان بزوايه بعيده
عن الناس
كعدت اني وعباتي كال
«،،ذبيها واخذي راحتج
خليتها ليوره جهازه دك جاوب
«،،،هلا يمه ادللي من ارد اجيبن وياي الي
تريدي من عيني
صفنت علي من حجه بحنيه اجه بالي
شلون من ضربني عباس
اجه ليمي يحجي وياي
بنفس اللهجه
سد الخط وسأل
«،،،،شراح تطلبين
«،،،بكيفك اي شي
«،،،،والله اني بنفسي قوزي شدكولين
اطلب وسط ونكعد اني وياج
ننسفه
حجاها مبتسم جاوبته
«،،اي بس خلي يجيبون نومي حامض ويا
«،،،ابشري من عيوني
كلامه كله جان دلال وحنيه وهالشي
اعرف كله كاعد يسوي تعويض عن ذنبه اني
هم ماكمت افشله لان تعبت من المشاكل
ومن القهر وهم ماردت ارجع ذيج
غاده الي تجرحه بالكلام
وهم كمت افكر بابني ماردت يجي
للدنيا ويشوفنا اني وابوه عايشين بالمشاكل
طلب النا اكل وكال
«،،،،هنا نفتر براحتنا وهم من تتعبين نكدر
نكعد باي كافي ونرتاح
«،،،اي بس تره اكو محلات تبيع ارخص منا
هم ابتسم ورد من رجع ليوره
وسند ظهره على الكرسي
«،،،وانه مااريدن اخذلج شي رخيص
اريدن الج كلشي غالي
سكتت ومااعرف بشنو حسيت كلامه
ومنظره من ابتسم خلوني
اتجنب بعد اباوع
علي
معدتي طلعت صوت وهاي دائما فاضحتني
يمه كال
«،،،،مااكلتي الاكل الي خلته الج عمتي
جاوبته بسرعه
«،،لا اكلت بس
سكتت
«،،،بس شنو
خجلت اگله صايره مفجوعه على الاكل
هو كال
«،،،صايره اجوعين هوايه مو
«،،،اي من الدوه الي اخذه
ولد اجه خله مقبلات وراح كال
«،،اكلي من ذني وصبري روحج بيهن
جانت اشكال والوان مقبلات واني شلوني
اموتن بيهن
كمت اكل والطعم جان يخبل سلطه
الرمان جانت حامضه ولحيت بيها اكلتها
كلهاسأل
«،،،طيبه هاي
اي حامضه واني اموت بال
انتبهت مركز على شفايفي خليت ايدي
عليهن سالت
«،،،بيهن شي
دار وجهه وكال
«،،،اي امسحي طرف شفتج بيها اثر
الاكل
،،،،ها
اخذت كلينس وطلعت من الجنطه
مرايه صغيره شفت ماكو
بس مسحت شفتي
«،،،الواحد هنا ينعس
حجه هيج فريت راسي على المكان كلت
«،،اي وبارد هم
ابتسم بس جان يباوع من الجامه ورد
«،،مال نومه هسه
صفنت علي اذكرت من شفت صورته
كاعد يم الشط وصافن نفس
الشي بس ماكو
جگاره بايده
فرگ ركبته وعدل روحه وكال
«،،،وين صار الغده مو صارت معارك بالمعده
حجه هيج وشافهم اجوي كال
«،،،يافرج الله اجه الاكل
تغدينا واكلت الما طلع من خشمي جان
يفلس اليه اللحم ويخلي كدامي
ماكلت لاا التهيت بطني
كملنا وطلعنا اشتريت الي اريده اول مره
من ردت ادفع شفت منه خزره غضب
سحبت ايدي من طلعنا
كال
«،،،،لاتسويها بعد انتي ماشيه وي زلمه
وعيب عليه حرمه تدفع وانه
واكف
ماحجيت شي لان كمت اعرف طبعه
فتت من يم محل ملابس
اطفال ردت اطب اله
بس بحجه منو
كلت رانيه
صحته من راح ليكدام
«،،،حمزه
وكف اندار الوجه تغير وابتسم
جاوب
«،،،،ها غاده
«،،اريد اخذ ملابس اطفال لرانيه خطيه
بلكي يصير عدها هالشهر
«،،اي
اجه وطبينا سوه هو كعد التهى بجهازه
اشتريت هوايه شغلات اليه والها
من شفت الحساب
گلبي فز وكلت
«،،شدعوه
هو اجه دفع وشكر البنيه شال الغراض
وكال
«،،امشينا بويه
صفنت علي البنيه ضحكت وكالت
«،،الله يخلي الج مو بخيل مثلج
«،،،هاا اي
جاوبتها ومشيت وراه طلعنا
لسياره دنيا مغرب كال مبتسم
«،،،سمعتها شحجت
ابتسمت وباوعت اله جاوبت
«،،فشلت كالت عليه بخيله
درت وجهي وجان اشوف معتصم كدامي
ويا بنيه وكفت هو هم وكف
وصفن عليه
شكرا لزيارتكم عالم روايات سكيرهوم
