رواية جمعتهم الاقدار الفصل الرابع والعشرون 24 بقلم فريده احمد

واقفة قدامه بيبصلها بزهول ، كمية شبه رهيبة بينها وبين مراته وحبيبته اللي اختفت من سنين وميعرفش عنها اي حاجة، 

: مين البنت دي ياولدي 

قالها الحاج همام  بزهول لمراد وهو بيشاور علي ليالي

حاوط مراد ليالي لحضنه وقال... دي مراتي ياعمي 

كلهم اتفاجأو 

عاصي مسح علي وشه وهو بيقول في سره... الله يخربيتك يامراد.. هي ناقصة مصايب 

اما سميحة بقت تدور حواليها وتبصلها من فوق لتحت بتقييم وهي بتقول... لا ذوقك حلو ياواد.. والله وعرفت تختار 

بس بمجرد ما ركزت في وشها كويس.. بقت تقول في نفسها 

بتفكير... حاسه اني شوفت حد شبهها.. ياتري مين 

وهي بتحاول تفتكر 

بس خرجها من شرودها صوت ليالي اللي اتقدمت علي الحاج همام وقالت  .... هو مش حضرتك برضو عمدة البلد وكبير الصعيد 

وبصت لمراد اللي مكانش فاهم هي تقصد ايه وقالت... وكبيره هو شخصيا. 

اتنهد الحاج همام ورد علبها باستغراب بعد ما نفض اي افكار في دماغه واقنع نفسه انها مجرد بنت شبههاا ف يخلق من الشبه اربعين زي ما بيقولو

وقال : صوح يابتي 

فقالت ليالي بدموع بعد ما قربت عليه اكتر وبتشاور علي مراد ... ممكن حضرتك تخليه يطلقني.

مراد بقي يبصلها بدهشة وهو مصدوم من اللي عملته.. مش مصدق اللي بتقولو. مكانش متخيل انها هتعمل كده او اصرارها انه يعرفها علي اهله عشان ناوية علي كده 

فبص الحاج همام لـ مراد بشك ورجع بصلها وقال... اهدي كده يابتي وفهميني ايه اللي حصل واتجوزتو ازاي. وليه عايزة تطلقي 

بقت تمسح  دموعها وتقول... هو. هو هددني.. كان عاوز يسجن ماما واجبرني اتجوزه و

قاطعها مراد اللي قرب عليها وهو مزهول،لكن مسكها من ايدها وبقي يضغط عليها في الخفاء وابتسم باصطناع 

و قال لـ عمه...دي بتهزر ياعمي

وكمل وهو بيبصلها بنظرات قاتله كلها توعد وشر وقال ببتسامه شر... هي كده تموت في الهزار... عن اذنكم.. هنطلع نرتاح 

وسحبها من ايدها وهو بيقول بنبرة كلها توعد .... تعالي معايا 

لكن وقفه صوت عمه اللي قال بحدة...استني عندك 

واتقدم عليهم وبقي يبصلهم بشك وبعدين قال....تعالي يابتي ورايا 

بلعت ليالي ريقها بارتباك وبصت لمراد بتوتر من نظراته القا، تلة وجريت ورا الحاج همام اللي دخل اوضة مكتبه

اما باقي الموجودين قعدو بصمت وهما بيبصو لمراد اللي كان بيهرب من نظراتهم الساخرة وبقي يلعن نفسه 

وفي نفس الوقت بيتوعد لليالي بالهلاك 

حلا في نفسها بقت تقول بسخرية.. وانا اللي سبت بيت عمي عشان اعيش في سلام.

ميلت علي عاصي وبهمس قالت.. ما شاء الله البيت ده في سلام نفسي رهيب.

كتم عاصي ضحكته وهي كملت... حاسه اني في فيلم عربي بصتله وقالت... لا بجد عيتلك ماشاء الله عليها

ابتسم عاصي ورد عليها بسخريه وقال... علي اساس مش عيلتك انتي كمان 

بصتلو بغيظ ورجعت بقت تبص لمراد بسخريه وهي شمتانه فيه

اما زين اللي كان ساكت منطقش بحرف.. قام وقبل ما يخرج 

طبطب علي كتف مراد وقال... شد حيلك 

مراد بصلو بضيق وهو ابتسم بسخرية وخرج 

قرب عاصي عليه هو كمان و بقي يتامله بسخرية وبعدين قال.. 

بقالك كام يوم غطسان مش سامعلك حس.. كنت واثق انك بتعمل مصيبة 

مراد بضيق... عاصي مش ناقصك 

ضحك عاصي وقال ... تعالي بس قولي هببت ايه 

بعد ما حط ايده علي كتفه واتحرك بيه لبعيد 

..... 

انا مش فاهمة انت ازاي وافقت تسيبها ونرجع من غيرها. انت ازاي مش خايف علي بنتك وسيبتها بكل سهولة مع الحيوان ده

قالتها مامت مرام بعصبية و جنون ل جوزها اللي رد وقال بغضب... كنتي عايزاني اعمل ايه ارجعها معانا بالعافية..ما كان قدامك رفضت تيجي معانا واكدت علي كلام جوزها انهم اتصالحو 

قالت صافي... وانت صدقتها 

بصلها وبعدين قال.. بنتك ماشية بدماغها ياهانم وانا جبت اخري معاها 

....... 

كانت قاعدة قدامه بارتباك من هيبته.. بقت تفرق في ايديها بتوتر 

: سامعك.. اتكلمي 

ثم اكمل بتحذير وقال تحكي كل حاجة بالحرف من غير كدب.. عرفك منين واتجوزك ازاي 

هزت ليالي راسها واتنهدت وابتدت تحكيله علي كل حاجة 

كان قاعد بيسمعها بزهول وهو متفاجئ من عمايل مراد 

هو عارف انه ممكن يدوس علي اي حد، بس مكانش متخيل انه توصل بيه انه يفتري علي واحدة ويهدد ويسجن عشان بس ينول مراده 

قالت بدموع... ياريت حضرتك تطلقني منه وتخليه يسبني في حالي 

مسح علي وشه بغضب من مراد وبعدين قالها... بصي يابنتي 

انا عارف انه غلط ولازم يتأدب كمان 

كمل وقال... بس طلاقك منه هيخسرك. 

ثم اكمل بتساؤل... دخل بيكي. صوح 

اتحرجت جدا وهزت راسها ب ايوا 

فقال... طيب دلوقتي محدش يعرف بجوازك.. لو اتطلقتي هتقولي للناس ايه 

قالت بسرعة.. هو اتجوزني عند ماذون يعني علي سنه الله ورسوله 

قال... بس في السر..ودي صعب علي الناس يتقبلوها 

كمل بعقلانية وقال بحسم... انتي هترجعي لاهلك واحنا هييجي نطلبو ايدك زي اي عروسه.. وجوازكم يبقي في العلن 

قالت.. بس 

قاطعها وقال...صدقيني ده لمصلحتك يابنتي..اما بقي لو مصرة علي الطلاق..محدش يقدر يغصبك.. لو عاوزة تطلقي هخرج حالا اخليه يطلقك 

سكتت وهو قال... هسيبك يومين تفكري.. وايا كان قرارك. تاكدي اني هنفذهولك 

....... 

بعد وقت كان مراد رايح جاي في اوضته بغضب 

وهو بيدخن بشراهة 

كانت ليالي قاعدة علي الكنبة و بتبصله ببرود،، ده اللي كانت بتظهره وكإن مش فارق معاها، لكن من جواها كانت مرعوبة

من رد فعله..بعد ما ايقنت ان اجلها قد حان  وكانت منتظرة مصيرها علي ايدين مراد فهي كانت شايفة الاجرام واضح علي ملامحه 

وقف فجاة وبقي يتأملها بصمت ولكن نظرة الشر اللي في عينه كانت توحي بالهلاك 

بلعت ريقها برعب 

لما ميل عليها وقال  ... طبعا فاكرة انك كده لقيتي حد تتحامي فيه..مش كده 

بلعت ريقها بخوف.. بس قالت بشجاعه... اه وهطلقني غصب عنك و

بس هو قاطعها لما مسكها من دراعها جامد وقفها قدامه وقال بغل وهو بيضغط جامد علي دراعها... انتي فاكرة نفسك ايه يابت.. هموت عليكي.. لازم تعرفي اني اتجوزتك عشان مزاجي. مزاجي وبس. وكده كده كنت هزهق منك وهرميكي.. اوعي تفكري عشان وافقت اتجوزتك ان ليكي قيمة وتنسي نفسك. ولا الهدمتين النضاف اللي جبتهملك بفلوسي ينسوكي اصلك فووقي دانا ادهسك برجلي.. ايييه افتكرتي نفسك بقيتي هانم بجد وهتقفي قصادي تتحديني.. دانا افرمك 

هنا مستحملتش دفعته بقوة بعد ما خلصت نفسها منه وقالت بغضب بعد ما مسحت بعنف دموعها اللي نزلت من اهانته  ...ايااك تفكر انك تهيني تاني واسمحلك بكده.. مش هسمحلك. ساامع... لو فاكر ان بفلوسك هكون تحت رجليلك. تبقي غلطان. مش هيحصل .. مضايق اوي من اللي عملته.. اييه اتبليت عليك..قولت حاجة محصلتش.. ما انت عملت كده فعلا. استغليت ضعفي والحوجة اللي كنت فيها واللي هي بسببك.. وعشان ايه كل ده. عشان عجبتك وعايز تقضي معايا يومين..

دموعها بقت تنزل وهي بتقول... بدون ذرة ضمير تروح تتفق مع صاحب الشيكات وتشتريه بقرشين وتخليه يسلمهم للنيابة ويحبس امي.. عشان بعدها تهددني..انت عارف انت عملت ايه..

بقت تقول بحسرة... انت دمرتني وفعلا دوست عليا بجذمتك

مستحملش دموعها، قرب عليها وقال ... طب مانا كنت هصلح كل ده.. ليه عملتي كده.

جذبها ليه وقال بدون وعي بعد ما مد ايده يمسح دموعها...  انا قولتلك اني حبيتك يا ليالي ومستعد اعملك كل اللي نفسك فيه 

بس هي دفعته وصرخت بيه بغضب ودموع... بطل كذب بقا.. انت لسه قايل اني كنت مزاجك 

مسح علي وشه وقال بعد ما استسلم لاحساسه... لا انا فعلا حبيتك و

بس هي قاطعته بعصبية وقالت... وانا. مفكرتش فيا.. افرض حبتني بجد. مسألتش نفسك انا عايزاك ولا لا.. بحبك ولا لا.. 

انت عملت كل ده عشان عايزني. طب مفكرتش فياا ليييه. مش يمكن انا مش عايزاك.. انت سرقت حريتي وحرمتني من اني اختاار... وعايز بعد ده كله اسامح واسكت و لما تقولي بحبك اقولك وانا كمان 

اتجمعت الدموع في عنيها تاني وقالت.. طب قولي ازاي. ازاي احب انسان زيك اهاني وكسرني.. ازاي احب انسان اناني كل اللي فارق معاه ينول مراده و بس حتي لو علي حساب اي حد لو هيدوس الناس بجزمته

بصتله وقالت بحسم ... طلقني يامراد وكفاية اوي لحد كده. واظن انت خدت مزاجك.. طلقني وسيبني في حالي 

بس هو قال... انا استحالة اسيبك يا ليالي 

وقبل ما تتعصب قال بسرعة... مش هقربلك. وهسيبك براحتك لحد ماتحبيني.. بس انسي اني اطلقك 

................... 

زين رجع من بره فتح الباب بهدوء، كانت مرام قاعدة في السرير بتبص قدامها بشرود 

انتبهت ليه اول ما دخل..وهو قلع قميصه ورمي جسمه علي الكنبة 

قامت قربت عليه وقالت.. زين.

شال ايده من علي عينه وبصلها بدون كلام 

فقالت... انت مصدقني صح..اقسم بالله كل اللي حكيتهولك حقيقي ومكذبتش في حرف و

قاطعها وقال  ... مصدقك يا قلب زين 

وقبل ما تبتسم بفرحة اتصدمت لما اتعدل وكمل وقال.. بس تفتكري بعد ما شوفتك في وسط اتنين رجاله. هقبل بيكي زوجة ليا.. اوعي تفتكري لما نمـت معاكي كنت عايز كده او حابب كده. انا بس كنت بكسرك. لكن انا فالطبيعي قرفان المسك 

بلعت ريقها بصعوبة وقالت وهي علي قد ما تقدر بتحافظ علي دموعها متنزلش ... هتطلقني امتا 

بصلها شوية وبعدين قال... اه صحيح بعد اللي حصل امبارح القضية اللي رفعتيها مبقاش ليها لازمة. 

كنل بتهكم وقال.. اسف اني بوظتلك خططك وترتيباتك ف انك ازاي تقلي مني قدام الناس 

كمل وقال وهو بيفك زراير قميصه.. عموما اكيد هتطلقك. بس امتا بمزاجي. ولحد ما يجيلي هتفضلي هنا زيك زي اي كرسي في البيت 

..... 

في اوضة مراد 

مراد نايم في السرير وليالي واقفة في نص الاوضة بحيرة وهي بتقول بضيق... وانا بقي هنام فين ان شاء الله 

قال مراد ببرود.. يا تتلقحي علي الكنبة يا تيجي تنامي جمبي 

قالت... انا مش هنام في اوضة انت فيها اصلا.

قام اتعدل... اسيبلك الاوضة يعني ولا ايه 

قالت... ياريت. يا اما تشوفلي اوضة تانية. المهم مبقاش معاك 

قال بضيق... ليه هاكلك 

مسح علي وشه وبعدين قال... افتحي الباب 

بصتله بدون فهم. فقال..الاوضة اللي قصادك دي اوضة حلا اختي.روحي نامي معاها 

قالت..طب وهي مش هتضايق 

قال...لا ياختي هي نفس عينتك هتاخدو علي بعض ومش هتحسك غريبة 

بصتله بضيق وخرجت 

خبطت علي حلا اللي كانت قاعده في سريرها بتقلب في تليفونها بملل .. قالت.. ادخل 

دخلت ليالي بإحراج وقالت.. احم ممكن انام معاكي في الاوضة هنا النهاردة 

قامت ليالي استقبلتها وقالت.. طبعا. انتي تنوري..

كملت بهزار... تشربي شاي ولا قهوة 

قالت ليالي بضحك.. لا هنام 

....

عند مرام وزين 

كانت مرام واقفة في الحمام واقفة قدام المرايا بتغسل وشها جففت وشها بالفوطة وبقت تبص علي نفسها وهي حاسة بخنقة وبقت توبخ نفسها علي غباءها وهي ندمانه ندم عمرها انها رفضت ترجع مع باباها ومامتها 

كانت فاكرة انها هتشمت سها وسميحة فيها. متعرفش انها هي اللي هتتعب وتتقهر

....... 

خرجت من الحمام، بصت علي زين غللي حاطط ايده علي عينه ومغمض عينه بيحاول ينام. بقت بتبص عليه بدموع متجمعة في عيونها 

بعدين اتنهدت واتحركت فتحت الباب وخرجت علي اوضة حلا هي كمان 

خبطت مرام ودخلت وهي بتقرب عليهم بهدوء وبتقول احم ممكن افضل معاكم النهارد

قالت حلا.... كملتت.

وبعدين قالت... نورتي يا غاليه.. تعالي جمب اخواتك 

وهي بتوسعلها مكان وتقول... تعالي يا ضنايا

فقعدت مرام وغصب عنها وبرغم الحزن اللي فيها.. ضحكت عليها وقالت... هو انتي ازاي كنتي عايشة برا مصر

ردت حلا بضحك.. لا ميغرقيش اللبس البراند  ولا الشعر الكيرلي. انا اساسا من عين شمس. يعني مصرية اصيله وشاربة من نيلها 

قالت ليالي بتفهم.. اه يعني انتي اتربيتي في عين شمس عشان كده

لترد حلا بنفي... لا قضيت نص عمري في كندا والنص التاني هنا في التجمع 

ابتسمت مرام بهدوء وليالي قالت...يعني انتي معشتيش في عين شمس خالص 

هزت حلا راسها وقالت بضحك وهي بتنفض ايديها في بعض...خاالص

بعدين قالت.. كل اللي اعرفه ان بابايا اصله منها وبالنسبة ليا ف البني ادم بيحن ل اصله برضو. فتلاقي البلد كارفة عليا حتي من غير ما اروحها 

ضحكت ليالي وقالت ... طب والله نفس الجينات حتي نفس طريقة كلامه 

بصتلها حلا بستفهام وقالت...هو مين 

قالت ليالي... اللي مايتسمي جوزي 

بصتلها حلا بغيظ. وليالي قالت بسرعة.. انتي زعلتي. انا نسيت انه اخوكي. والله ما اقصد و

قالت حلا.. بس بس.. انا اساسا مش بطيقه يابنتي 

ضحكت ليالي بقوة.. بس قطعت ضحكتها لما لاحظت 

مرام اللي كانت قاعدة ساكتة والحزن واضح علي ملامحها

فسالتها بتردد .... هو انتي كمان متجوزة تحت التهديد

بس حلا اللي ردت عليها وقالت... لا دي معاناة من نوع اخر

ومسكت ايد مرام وابتسمتلها بتطمنها 

وقدرت حلا تخرجهم من اللي هما فيه وقعدو يهزرو لحد ما ليالي قالت باستغراب ل حلا... انتي ازاي صحيح اخت مراد وانتي مش من الصعيد وهو من هنا 

 ف ردت عليها حلا وقالت... انا اخته من ماما بس 

بعدين قالت لها... بصي بقى انا عاوزكي تعلميه الادب تربيه بمعنى الكلمه مش هو اخويا بس انا عاوز اشوفه متمرمط كده

..... 

تاني يوم 

وبعد ما ليالي رجعت بيت مامتها، كانو كلهم متجمعين علي السفرة، فجاة زين قال... عايزة تحضرو نفسكم علي بليل 

بصولو بمعني ( علي ايه ) ليقول زين باللي فاجأهم... هجيب الماذون. هكتب علي سهي

مرام اتصدمت

وسهي اللي كانت بتشرب،اول ما سمعت الجملة شرقت و