رواية للحب فرصة اخيرة الفصل الرابع والعشرون والاخير
هيام جريت وخدت ابنها ف حضنها وهى بتعيط وتقول:ابنى حبيبى. اوم ياحبيب امك..ماهر فتح عينك وكلمنى ياحبيبى...ماهر اوعى تكون ناوى تمشى وتسيبنا لا ياماهر اوعى تعمل فينا كدة دة انت سندنا وضهرنا..ماهر هو انت مش بتحضنى ليه؟! اوم يبنى..مااااااهر
ضحى عيطت اكتر بسبب كلام هيام ومسكت ايد ماهر وباستها وقالت:انا عارفة انك مش هتسيبنى وتمشى مش انت قولتلى انك هتعوضنى عن كل حاجة انت عملتها فيا يلة اوم علشان تنفذ اللى قولتله...ماهر لازم تعيش علشانى وعلشان ابنك كفايا عذاب لحد كدة نفرح ونعيش حياتنا ف سعادة زى م الكل كان بيقول...فتح عينك وغلاوتى عندك ياماهر
شوية والاسعاف جى خدوا ماهر وضحى لسة ماسكة ايده ومش عايزة تسيبها وقالت:انا هركب معاه العربية
هيام بعياط:طيب ياحبيتى خليكى معاه وانا وفؤاد هنركب العربية وهنكون وراكوا
فؤاد:هيقوم بسلامة باذن الله بس ادعيلو ياضحى يمكن ربنا يستجيب..والبادى جارد عرف مين اللى ضرب الرصاص عليه؟!
ضحى:مين ياعمى؟!
فؤاد كان هيقولها مين بس اللى منعوا ان الشرطة جاتلهم ومعاهم نيفين..بصت ضحى عليها بصدمة دى نفس البنت اللى مدت حمزة ع رجليه بس ليه ضربت ماهر ب الرصاص معقولة علشان اللى عمله فيها ف المدرسة...هى لازم تعرف هى عملت كدة ليه؟! وليه نظرات الكره ف عنيها كأنها مش ندمانة ع اللى عملته
نيفين ركبت عربية البوكس
وضحى ركبت العربية معاه وف طريقهم للمستشفى
ضحى فضلت تعيط وبتملس ع شعر ماهر وهى بتقول:يارب نجيه..يارب اومه بسلامة..يارب بلاش تاذيه وتكون سمعت كلامى وانا بقول انتقملى منه وورينى فيه يوم انا قولت كدة وانا جوايا نار انت الوحيد اللى عالم بيها وكنت بقنع نفسى انى مش بحبه بدعايا دة..يارب انا مسامحاه ونجيه ل ابنه
ف القصر
فوفية بعياط:يالهوى..ياحبيبى يبنى لا انا مش هقدر استنى انا جايلكوا
هيام:لا يافوفية مينفعش علشان حمزة مش عايزاه يعرف حاجة....انتى بس خلى بالك منه ولو ف جديد هطمنك
فوقية:خلاص ياست هيام بس سايق عليكى النبى متتاخرى عليا..وبعدين مين اللى ضرب ماهر دة مرهم يتحط ع الجرح يطيب ومعندوش اعداء مين اللى بيكرهه اوى كدة علشان يتمنى موته؟!
هيام بعياط:دى واحدة ضربتوا بالرصاص بس محدش عارف ضربته ليه؟! بس البوليس هيحقق معاها واكيد هتاخد اللى تستاهله..انا هقفل دلوقت علشان قربنا نوصل
فوقية:خلاص تمام ياست هيام..ف حفظ الله
ف المستشفى
هيام بعياط:يارب..يارب قومه بسلامة دة هو اللى حتلى بعد شهاب الله يرحمه
ضحى بعياط:اقعدى يامرات عمى وارتاحى عقبال منزل اجيبلك اكل انتى شكلك دايخة ولازم تقفى ع حيلك علشان ماهر محتاجنا كلنا معاه
فؤاد:خليكى ياضحى انا هنزل مينفعش انتى تنزلى..اقعدى مع هيام عقبال ماجى
ضحى:تمام ياعمى
فؤاد مشى وضحى قعدت مع هيام اللى بصتلها وقالت:اكيد مبسوطه مش كدة؟!
ضحى بصدمة:ربنا يسامحك يامرات عمى ع ظلمك ليا...انا قلبى واجعنى عليه زيك.. ويمكن اكتر كمان
هيام بعياط:مش انتى السبب ف اللى هو فيه دلوقت..مش انتى مش عايزاه ف حياتك وكنتى دايما بتدعى عليه اهو ربنا استجاب لدعاك وهياخده مننا تقدرى تاخدى ابنك وتربيه وهو مش هيبقى موجود ف الدنيا اساسا علشان يقف ف طريقكوا
ضحى بعياط:والله العظيم انا معارفة المفروض ارد اقول ايه ع كلامك دة؟! بس كل اللى اقدر اقوله ربنا يخلف ظنك ويقوملنا بسلامة
ضحى سكتت وعمالة تعيط بصمت وافتكرت لحظاتها مع ماهر
فلاش باك
ضحى ف اوضتها عمالة تعيط ومسحت دموعها وقالت:لا انا يستحيل اعيش معاه بعد اللى عمله فيا..انا استحملت منه كتير مرة يعاملنى حلو ومرة وحش..مرة يقربنى منه ومرة يبعدنى عنه..لازم اخد منه موقف وكبير كمان
قامت من ع السرير جاية تلم هدومها بس حست بحد داخل الاوضة
ضحى:اكيد دة ماهر
ماهر فتح الباب وقال:انتى بتعملى ايه؟!
ضحى:زى منت عايش هلم هدومى وامشى من هنا
ماهر:مش بمزاجك ع فكرة...انتى ناسية انك ع ذمة راجل ومينفعش تتصرفى اى تصرف من غير اذنه
ضحى:اللى انت عملته ياماهر عمره مكان من الرجولة ابدا
ماهر:حاسبى ع كلامك..يعنى انتى غلطانة وكمان بتردى عليا؟!
ضحى بعصبية لمت هدومها وهى بتقول:انا همشى ولو انت فعلا راجل زى منت بتقول امنعنى
ماهر راحلها وشد ع دراعها وقال بعصبية:بردو بتلمى هدومك ياضحى ولا كأن فى حمار ليه كلمة عليكى
ضحى:انت اللى عملته فيا كان بالنسبالى كفايا اوى انى اسيبك وانساك وارمى حبك من جوة قلبى
ماهر حط ايده ع وشها وقال:لو عايزانى اطلقها لو دة يريحك انا ممكن
ضحى:انت اتجوزتها ليه من الاول ياماهر؟!
ماهر:ظروف كانت خارجة عن ارادتى يعنى مش بمزاجى
ضحى:فى حد عاقل يتجوز ع مراته ولما تساله ع السبب يقولها ظروف..ليه مقولتليش وخليتنى اختار..انت كدة حطيتنى قدام الامر الواقع وانا مستحيل اقبل بكدة ابدا
ماهر:احنا مينفعش نتطلق علشان حمزة مستحيل اخليه يخرج من بيت مفكك
ضحى:بسببك دة حصل
ماهر:ضحى انا مش هطلقك ودة اخر كلام عندى
ضحى:خلاص يبقى بينا المحاكم ياماهر وهى اللى تحكم
ماهر:ضحى اعقلى ياحبيتى
ضحى:انا عاقلة غصب عنك وبعدين متقوليش ياحبيتى علشان اللقب دة خلاص مبقاش من حقك
ماهر:لا انتى كلك ع بعضك كدة حق ماهر فؤاد
وشدها ليه وقرب منها وقال بهمس:كيانك كله بتاعى انا
ضحى بضعف:ماهر ابعد عنى..وهثبتلك حالا انك ملكى وبتاعتى
ماهر:لا انا عاوزة اقرب
باك
ضحى ف سرها:حتى ف عز زعلى منك ...عايزاك تقرب منى وتثبتلى ان حبك ليا لسة ف قلبك..لمساتك بتخدرنى مبقدرتش اقولك لا..مش عارفة انا اللى ضعيفة ولا انت اللى برنس بزيادة
ضحكت غصب عنها بس ضحكة ممزوجة بالقهر والخسارة
فلاش باك
ضحى بعصبية:ايه اللى انت بتعمله دة؟!
ماهر:فى ايه ياضحى؟!
ضحى:مين اللى كنت بتكلمها دى؟!
ماهر:دى عميلة عندى بكلمها ف الشغل
ضحى:ماهر انت بتكدب عليا انا سامعاك ف ودانى بتقولها حبيتى..حبك برص وعشرة خرس يابعيد
ماهر:لسانك اللى اطول منك دة عايز قطعه..وبعدين فيها ايه لما اقولها حبيتى اجرمت يعنى؟! مهو لازم اقولها كلمتين حلوين علشان الصفقات اللى بينا تتم من غير خساير وبعدين خدى هنا ايش عرفك انى قولتلها حبيتى اذا كان كلامنا كله انجليزى
وغمزلها وقال:المزة بتاعتى بتغير ولا ايه؟!
ضحى بعصبية:عارف ياماهر لو عملت كدة تانى انا ها اااااه
ماهر مسك بطنها وقال بقلق:مالك البيبى حصله حاجة؟!
ضحى:دة كل اللى همك البيبى...ااااه ااااه لا لا لا الواد بيضرب بطنى جامد ياماهر
ماهر:عاااش ياحمزة طالع جامد زى ابوك ياواد
ضحى:انت خلاص سميته حمزة وبعدين انا مليش راى؟!
ماهر:لا ازاى عايزة تسميه ايه؟!
ضحى:امممممم لقيتها انا هسميه حمزة زيك
ماهر ضحك بصوت عالى وهى كمان وحضنته من رقبته وقالت:اهم حاجة يكون شبهك وواخد كل طباعك علشان انا بصراحة اتوحمت عليك..زى انت بتقول عليا انى الموزة بتاعتك..انت كمان الموز بتاعى
باك
ضحى ف سرها:انا ليه كل ذكرى جمعتنى مع ماهر بتيجى ف دماغى وبتهاجم روحى وقلبى؟!
فلاش باك
ضحى صرخت مرة واحدة..ماهر قام مخضوض وولع النور وقال بقلق:مالك ضحى؟!
ضحى شدت ع قميصه وعماله تهز فيه وتقول بعياط:بطنى ياماهر
ماهر:مالها بطنك وجعاكى؟!
ضحى:اااه
ماهر:انتى بتولدى
ضحى بوجع:ااااه
ماهر بفرحة:بتولدى بجد؟! بذمة امك ياشيخة حقيقى؟!
ضحى صريخ:الحقنييييييي يامااااااااهر انا بولييييييد...اااااااه
وفضلت تهز فيه وتقول بعياط:انت لسة واقف ومبينلى سنانك كدة ليه شيلنى ودينى المستشفى حالا انا بمووووت
ماهر:ها اه حاضر حاضر
قام وشالها جاى يخرج من الاوضة بس هى وقفته وقالت:انت بتعمل ايه؟!
ماهر بفرحة:هوديكى المستشفى علشان تولدى
ضحى:انت مش شايف انا لابسة ايه هتودينى المستشفى كدة؟!
ماهر:اه صح معلش اسف جدا
فتح الدولاب وغيرلها هدومها ووداها المستشفى
ف المستشفى
هيام:متخافش ياحبيبى ان شاء الله هتقوم بسلامة
ماهر:باذن الله ياماما
الممرضة خرجت وهى بتجرى:استاذ ماهر مدام ضحى حالتها صعبة وعمالة تصرخ اظن ان انت لازم تخشلها ومتقلقش الدكتور مش هيمانع
ماهر لبس اللبس المخصص لعمليات الولادة ودخلها
ضحى:الحقووووونى اااااااه مااااااهر
ماهر مسك ايدها جامد وقال:انا اهو ياحبيتى هششش متخافيش خدى نفس واكتميه بعد كدة طلعية مرة واحدة واحد اتين
ضحى:اااااااااااه
ماهر:الله يخربيتك ياضحى حرام عليكى خرمتى ودنى
ضحى بعياط:انت السبب..انت اللى عملت فيا كدة..روح ياشيخ منك لله
ماهر:نعم ياختى اغصبتك انا يعنى؟! مهو كان بمزاجك
ضحى:اااااااااااااة
ومع اخر صرخة المولود نزل
ماهر خده من الدكتور وباس راسه بعد كدة باس راس ضحى وقال:مبروك ياحبيتى
باك
ضحى عيطت بوجع..هيام مستحملتش قامت خدتها ف حضنها وقالت:ان شاء الله هيقوم بسلامة متخافيش
ضحى:يارب
الدكتور خرج وقال:هو الحمد لله كويس عدا مرحلة الخطر بس هو مش هيفوق دلوقت هيوفق بكرة اعتقد وجودكوا ملهوش داعى تقدروا تيجوا بكرة علشان تطمنوا عليه
هيام:مينفعش ابات معاه يادكتور انا امه ومش هيهون عليا امشى واسيبه
الدكتور:صدقينى مينفعش كان بودى والله بس دى اوامر المستشفى..وبعدين متقلقوش هو خلاص بقا كويس ربنا بيحبه الرصاصة كانت سطحية ومخترقتش القلب
ضحى تنهدت براحة وقالت:الحمد لله
تانى يوم
الكل راح علشان يطمنوا ع ماهر باسثناء حمزة وفوقية
هيام:فين ماهر ابنى؟
الممرضة:هو حاليا فاق ومستنيكوا بس بلاش تخلوا يتكلم كتير علشان صحته
فؤاد تنهد براحة وقال:الحمد الله
هيام دخلت اوضة ماهر وخدته ف حضنها وفضلت تعيط وتقول:حمد لله بسلامة ياحبيبى بركة ياحبيبى انك اومت بسلامة
ماهر:متعيطيش ياامى انا بخير الحمد لله
هيام:خشى ياضحى
ضحى قعدت جمب هيام..ماهر بصلها بحب ومسك ايدها جامد
ضحى بعياط:انا كنت هموت لو حصلك حاجة
ماهر:بعد الشر عليكى
ضحى:انت هتخرج انهردة؟!
ماهر:ان شاء الله انا كويس الحمد لله ..ومش حاسس باى وجع....بس ناقص حاجة صغيرة واكون عشرة ع عشرة
ضحى:حاجة ايه؟!
هيام:احم طب احنا هنطلع برة ونسيبكوا مع بعض بس متاخدوش ع كدة انا عشر دقايق وداخلة تانى..يلة يافؤاد
واول م خرجوا
ماهر حضن ضحى وهى مصدقت اترمت ف حضنه شدت عليه جامد وقالت:انا بحبك
ماهر بعد عنها وقال بفرحة:قوليها تانى
ضحى:ب ح..ب..ك
ماهر باسها بحب وهى استسلمت ليه بكل جوارحها
ماهر:بقولك ايه..متيجى نروح القصر انا بصراحة مش قادر
ضحى:ههههههههه وحشنى جنانك ياماهر
ماهر:من هنا ورايح حياتنا عبارة عن جنان وحب..مفيش مكان للخناق وجرح القلب
ضحى:ان شاء الله ياحبيبى
بعد مرور سنة
ضحى خلفت بنت سميتها عشق وانهردة يوم سبوعها والكل حواليهم..ماهر وضحى كانوا فرحانين ونظرات الرضا والشكر ف عنيهم
ماهر:طلعة شبهك
ضحى:ودى حاجة تضايقك
ماهر:ههههههه لا دى بقت قلبى التانى..ومش هرتاح غير وانا حاضر فرحها ومسلمها لعريسها
ضحى:باذن الله ف حياتك
هيام:يلة ياجماعة هناخد صورة
الكل اتجمع وخده صورة هتفضل للذكرى العمر كله
تمت بحمد الله
