رواية المشاغبة والظابط الفصل الرابع والعشرون
ياسمين: كده بردك يا عزيزه مكانش العشم اروح اجهز الوكل احسن
شحته: امك جصدها أننا نفرحو بيكي
الراوي: وبعد ثلاثة ساعات كانو قد انتهو من اعداد الطعام
ورده: خشي يا ياسمين اجهزي خلاص المغرب جرب ييدن
ياسمين: واغير ليه هو حد جاللي حاجه
الراوي: وهنا تدخل عليهم عزيزه
عزيزه: الله اكبر عليكم تسلم يدكم الريحه جالبه الشجه وشكل الوكل يهفف النفس
عزيزه: تعالي يا ياسمين عشان تسحمي وتغيري وتتعدلي
ياسمين: ليه يعني هجعد مع ضيف ولدك اياك
عزيزه: جولت جومي خلصي
ياسمين: ادينا جومنا اهو
الراوي: وبعد ساعه كانت ياسمين قد انتهت من ارتداء ملابسها وكانت جميله ورقيقه
الراوي: اما ياسين فكان يجلس مع والده وعمه اسماعيل ف انتظار سيف
ورده: الحمدلله احنا كده خلصنا كل حاجه
الراوي: ثم تخرج فردوس وراءها
فردوس: عاوزين مني حاجه قبل ما انزل
ورده: اصبري تنزلي فين خليكي هنتغدو مع بعض
فردوس: لاء معلش
الراوي: لتخرج عليهم ياسمين
ياسمين: تمشي فين يا فردوس خليكي جاعده
الراوي: لينظرو جميعهم الي ياسمين
ورده: الله ايه الجمال ده
ياسين: هو انتي ياسمين انا مش مصدج
ياسمين: طاب ابجا حط جطره ف عيونك عشان تصدج
الراوي: وهنا يسمع ياسين صوت رنين هاتفه
ياسين: ورده خدي البنات وخشو جوا مافيش واحده فيكم تطلع غير لما انده عليها مفهوم
ياسمين: وبعدين بجا امال خليتوني اجهز ليه ده انتو عيله تخنج
شحته: خشي يابتي واسمعي الكلام
الراوي: وبالفعل تاءخذ ورده ياسمين وفردوس ليذهبو الي غرفه ورده
الراوي: اما ف الخارج فها هو ياسين يفتح الباب بكل ترحاب
ياسين: اهلا وسهلا شرفتونا اتفضلو يا جماعه خش ياسيف هو انته غريب
ياسين: تعالو نجعدو ف الصالون
الراوي: وبعد أن دخلو جميعهم الي غرفه الصالون
ياسين: دجيجه واحده وجاي
الراوي: ليتركهم ياسين ويذهب الي والدته
ياسين: اما تعالي سلمي علي ام سيف وفين خالتي سنيه
سنيه: من خلفه انا اهو
ياسين: طاب ياله تعالو سلمو علي الناس
عزيزه: ابوك وعمك فين
ياسين: بيصلو المغرب
الراوي: وبالفعل يدخلو ليسلمو علي سيف وأهله
عزيزه: مرحب بيكم ده احنا النهارده النور زاد جوي عندينا
ابتسام: ده نوركم انتم
شاكر: نورتو مصر
سنيه: كتر خيرك ده نورك
عزيزه: عن اذنكم اجيب حاجه تشربوها
سنيه: اجعدي انتي يا اختي مع الجماعه وانا هعمل الجهوه
الراوي: وبعد عشر دقائق يدخل عليهم شحته ثم يدخل اسماعيل خلفه
شحته: أهلا وسهلا مرحب بيكم
شاكر: اهلا بيك يا حج
ياسين: اعرفكم ابويا المعلم شحته وجوز خالتي المعلم اسماعيل وحمايا ف نفس الوقت
شاكر: يا مرحب بيكم
ابتسام: امال فين عروستنا
الراوي: ليضحك شاكر
شاكر: سيف قاعد مش علي بعضه
شحته: انده علي البنات يا ياسين
ياسين: حاضر يا أبا
الراوي: ليتركهم ياسين ويذهب الي غرفه ورده
ياسين: تعالو يا بنات سلمو علي الضيوف
ورده: حاضر
ياسين: شعرك باين من الطرحه يا ورده داريه
ورده: فين بس
ياسمين: ايوه صح انتي مبينه شعرك ليه متلمي نفسك يا اختي وحطي دبوس ف الطرحه
ورده: بتوعد لياسمين حاضر معلش مخدنش باللي
الراوي: ليخرج ياسين وتخرج ورده خلفه وبعدها ياسمين
الراوي: ليدخلو غرفه الصالون
ابتسام: اهلا الله ايه البنات القمرات دول يا تري مين فيهم عروستنا
ياسين: ديه ورده مرتي وديه ياسمين اختي
الراوي: ابتسام تنظر إلي ياسمين
ابتسام: انتي عروسة ابني تعالي ف حضني ياروحي
الراوي: لتقترب منها ياسمين لتحتضنها
ياسمين: هامسه في اذن ابتسام مخلاص بجا هيا ديه اول مره نتجابلو
ابتسام: اسكتي بقا خليني اعرف أمثل
شحته: اجعدي يا بتي
شاكر: لاء تسلم عليا انا الاول
الراوي: لتتصنع ياسمين الهدوء وتذهب لتسلم علي شاكر
ياسمين: اهلا بحضرتك نورتنا
سيف: طاب وانا مش هتسلم عليا ده انا العريس
الراوي: لتمثل ياسمين الكسوف وتخرج من الغرفه مسرعه
عزيزه: معلش بجا انتو عارفين البنات بيبجو مكسوفين
شاكر: بعد اذنك يا معلم شحته انا بطلب ايد بنتنا ياسمين لاءيد ابننا سيف
ياسين: يا سلام ده يبجا يوم المني والسعد كله
شحته: وانا موافج بس ناخدو رءي العروسه الاول
ابتسام: من فضلك يا ياسين ممكن تندهلنا ياسمين
ياسين: حاضر
الراوي: ليذهب ياسين الي غرفه ياسمين
ياسين: بت سيف طلبك للجواز وابوكي مستني موافجتك تعالي معايا
الراوي: ياسمين مكسوفه
ياسين: انتي تتكسفي طاب فوتي جدامي
الراوي: لتخرج معه ياسمين وهيا تنظر إلي الأرض
شحته: اسمعي يا بتي الحج شاكر جاي عشان يخطبك لولده سيف جولتي ايه
ياسمين: الجول جولك يا أبا
الراوي: وهنا تزغرت سنيه
سنيه: الف بركه
ابتسام: تعالي بقا عشان اديكي هديتك
الراوي: لتخرج ابتسام علبه قطيفه وتفتحها
الراوي: ثم يخرج شاكر أيضا علبه قطيفه
شاكر: ودي هديتي انا كمان
عزيزه: صلاه النبي تعيشو وتجيبو
ياسين: متتكلم ياسيف ولا الجطه كلت لسانك
سيف: مبروك يا عروستي
ياسمين: الله يبارك فيك
شاكر: نتكلم بقا ف التفاصيل
اسماعيل: بعد اذن الجميع احنا بتنا غاليه جوي وجد ما هتجيبو دهب احنا هنجيبو ولو عاوزين العفشه من بلاد نجيبوها ولو خدتو جصر بعون الله احنا نفرشوه
شحته: كتر خيرك يا ابو ورده
اسماعيل: ياك فاكر ياسمين بتك وحدك
ابتسام: انا ليا بس طلب
ياسين: اؤمري
ابتسام: انته عارف يا ياسين اننا عايشين ف فيلا طويله عريضه فكنت بقول يعني بعد اذنكم اني ياسمين وسيف لما يتجوزو يعيشو معانا
عزيزه: واحنا ف ديك الساعه
شحته: جولتي ايه يا عروسه
ياسمين: موافجه طبعا هو حد يطول يجعد مع الجمر ديه بس بعد اذنك يا أبا العريس لازم يعرف اني هاءجر كوافير وهنشتغل فيه انا وصاحبتي فردوس
ابتسام: الله وانا كمان معاكم ممكن اشاركم
سيف: بس انا يعني علي حد علمي انك طبيبه بيطريه
ياسمين: اه بس الصراحه شغل الميكب والشعر الجمال عموما هوايتي المفضله
سيف: مافيش مشكله
شاكر: تحبو نعمل الشبكه أمته
ابتسام: بكره
عزيزه: بكره ازاي مش هنلحجو نجهزو
ياسين: انا عندي فكره
شحته: جول يا ولدي
ياسين: احنا نتعشي كلنا وبعد كده ننزل نشتري الشبكه والعروسه تلبسها عند الصائغ ونبقا نعمل فرحنا مع بعض ويكون فرح كبير اوي
الجميع: تمام حلوه الفكره ديه
سيف: بس انا يعني ليا طلب بعد اذنك يا عمي شحته
شحته: جول يا ولدي
سيف: انا عاوز اكتب كتابي علي ياسمين زي ياسين والانسه ورده
شحته: موافج يا ولدي علي خيره الله
سنيه: زغرتي يا ام العروسه
سنيه: ياله يا جماعه العشا جاهز
الراوي: ليجلسو جميعهم علي السفره
ابتسام: الله الاكل شكله جميل اوي
سنيه: ديه بجا عمايل البنات
الراوي: ليتذوق شاكر الطعام
شاكر: الله الاكل طعمه تحفه
سيف: فعلا اظاهر أن امي داعيالي
ابتسام: طبعا دعيالك
ياسين: ايه يا اختي مبتاكليش ليه
ياسمين: مكفايه انته يا اخوي نازل حش ف الوكل ده انته غلبت بغل السرجه فاكره بغل السرجه يا ورده
عزيزه: بكسوف معلش يا جماعه أصلها بتحب تهزر مع اخوها
الراوي: لتضحك ابتسام
ابتسام: ياسو ديه عسل عروسه ابني
ياسمين: خدي يا حماتي دوجي اللحمه ديه هتعجبك جوي لحمه هبر طبيخ صعيدي مش زيكم جال بوفتيك وهمبورجر كلي خليكي تبجي عفيه
ياسمين: وانته يا حمايا انته بجا تاخد جوز الحمام وتاكله كله وحدك
سنيه: وبعدين يا بت اختي ما تسيبي الجماعه ياكلو
ياسمين: وانا مسكت يدهم الحج عليا بعزم عليهم ما انتو شغالين وكل وهما مكسوفين ياكلو
الراوي: ليضحك عليها الجميع
الراوي: لتنظر ياسمين الي سيف
ياسمين: اما انته بجا يا عريس الطاجن ده ليك وحدك
الراوي: ليتذوق سيف الطعام
ياسمين: ايه عجبك
سيف: اه حلو تسلم ايدك
ياسمين: اهي حياتك بجا كلها هتبجا عسل كده
شحته: يابت اتحشمي
ياسمين: اتحشم ايه الكلام الجديم ده يا أبا
عزيزه: بغضب انتي عمرك متستري ابدا الله يخربيتك وبيت ناسك العريس هيطفش
ياسمين: جال انته هتطفش مني يا عريس
سيف: انا طاب ده انا نفسي نتجوز حالا
ابتسام: ياريت
ياسمين: هو ايه سلج بيض اصبرو شويه
سنيه: خلاص بجا يا بت اختي
ياسمين: وهو انا عملت حاجه وبعدين متخافيش هما عاملين زي اللازجه دول ما صدجو إني وافجت
شحته: خلاص يا ياسمين
ياسمين: خلاص اهه هجفل خشمي
ابتسام: ياجماعه سيبوها براحتها احنا حبيناها اوي
شاكر: ياله ننزل بقا نجيب الشبكه
شحته: روح معاهم انته وورده يا ياسين
شاكر: خلاص خليهم هما ينزلو واحنا نقعد نشرب القهوه
سيف: اتصل الاول
سيف: علي الماءذون يا صاحبي
ياسين: متراجع نفسك يا ابني صدجني انا خايف عليك
عزيزه: متخلص يا ولدي جبل ميرجعو ف كلامهم خلينا نخلصو
ابتسام: عمرنا منرجع ف كلامنا ابدا
ياسمين: شكرا يا امي عاوزه تخلصي مني
عزيزه: بعد اذنك يا ابو ياسين هجول كلمه بس للعريس
سيف: اؤمري يا امي
عزيزه: عاوزين نكتبو مؤخر كبير كبير جوي
شحته: ليه يعني احنا بنشترو راجل
عزيزه: عشان بتك ديه مش هتعمر يوم واحد وهترجعلنا تاني
الراوي: ليضحك شاكر
شاكر: لاء من الناحية ديه متخافيش يا ام ياسين احنا هنمسك فيها باءيدينا وسنانا
ياسمين: ياحلاوه عليكي يا اما متجوليلهم كمان البضاعه المباعه لا ترد ولا تستبدل
عزيزه: ربنا يستر ومترجعيش مطلجه
الراوي: ليقترب سيف من ياسمين
سيف: اهو انا بقا اللي هعقلك وامشيكي علي الحبل
ياسمين: شايف امك اللي جاعده هناك ديه
سيف: اه شايفها
ياسمين: عندها يا حلو أن مخليتك تشد ف شعرك يا عريس الغفلة
سيف: هنشوف يا عروستي
ياسمين: استعد بجا
سيف: اسمعي يا طنط انا هكتب مؤخر خمسه مليون جنيه
عزيزه: وتمضي علي تعهد انك مترجعاش تاني
الراوي: لتضحك ابتسام
ابتسام: ياسو ديه روح قلبي
ياسمين: حبيبتي انتي يا بوسي
شاكر: طاب وعمو شاكر مش حبيبك
ياسمين: طبعا حبيبي يا شيكو
سيف: الله ده انا اتركنت علي الرف بقا
عزيزه: ده انته نن عين حماتك
الراوي: ليخرج سيف لسانه لياسمين
ياسمين: بالذمه انته ظابط شكلك نجحت بالكوسه
ياسين: مكفايه وخفي شويه انتي ايه متستريش ابدا
شاكر: ياسمين تعمل وتقول اللي هيا عاوزاه
الراوي: لتضحك ياسمين
ياسمين: يا عيني علي الكبسه احسن تستاهل
ورده: بس بجا يا بت ياسمين اتحمجتي عشانه
ياسمين: ماشي اعرف صاحبك وعلم عليه
سيف: مش ننزل نشتري الشبكه بقا
ياسمين: انا جاهزه انته اللي اخرتني ايه معاكش حج الشبكه جول متتكسفش تحب اسلفك
شحته: فضي دورك واخلصي
الراوي: وبالفعل ينزلو ويذهبو الي الصاءغ
سيف: اختاري اللي يعجبك
ياسمين: انا عاجبني الطجم ده
سيف: تمام هناخد الطقم ده ومعاه دبلتين بس بتاعتي انا فضه واكتب عليها ياسمين وعلي الدبله الدهب سيف
الصاءغ: حاضر يا افندم ربنا يتمم لكم بخير
اسماعيل: اوزنلي غوايش جد الطجم ده
الصاءغ: ليزن الغوايش دول عاملين كده يا افندم
اسماعيل: تمام هكتبلك شيك
ياسمين: بس كده كتير يا جوز خالتي
اسماعيل: جولنا جبل سابج أن غلاوتك من غلاوه ورده
ياسين: اوزنلي غوايش زيهم بالظبط وكمان طجم محترم
الصاءغ: تحت امرك
الراوي: وبعد اشترو الدهب
سيف: هاه كلمت الماءذون
ياسين: اه وزمانه ف البيت كمان
سيف: مبسوطه يا عروسه
ياسمين: هاه
سيف: بقولك مبسوطه
ياسمين: اه
الراوي: ليذهبو الي شقه ياسين
ياسمين: شوفتي شبكتي يا اما والغوايش دول جابهملي عمي سماعين
شحته: تعيشو تجيبو
ياسين: وديه شبكتك يا وردتي
شاكر: طاب ياله عشان نكتب الكتاب
الراوي: وهنا يسمعو صوت طرق علي الباب
الراوي: لتذهب فردوس لتفتح الباب
الراوي: لتدخل باكينام وابنتها
شاكر: اتاءخرتو كده ليه
سوزي: بغيظ اصلنا توهنا
شاكر: ما انا بعتلكم اللوكيشن لما قولتو روحو انتو واحنا جايين وراكم
سيف: تعالي يا سوزي اعرفك علي عروستي
الراوي: لتنظر سوزي الي ياسمين
سوزي: اه مش بطاله
ياسمين: نعم يا حلوه مين اللي مش بطاله ديه طاب ده انا جمر
سوزي: ياااي وكمان صعيديه
ياسمين: ومالها الصعيديه يا حلوه انتي ايه يا بنتي روحتي للنجاش وحطلك كل البويه علي خلجتك ولا شعرك شكلك كرته
ياسمين: وبعدين ايه اللي انتي مش لبساه ده كده برده يا بابا شاكر تسيب بت اختك تمشي عريانه كده فين النخوه
شاكر: ايه اللي عاملاه ف نفسك ده
ياسمين: اصل لحمها رخيص كاشفاه للناس والفرجه ببلاش
باكينام: ايه ده يا شاكر انتو جايبنا عشان البتاعه ديه تهزءنا
ياسمين: بجولك ايه انتي كمان يا وليه احترمي سنك ايه اللي انتي مهبباه اعوذ بالله ده انتي لو طلعتيلي ف الليل اتسرع
الراوي: لتضحك ابتسام
باكينام: بنت قليله الادب
ياسمين: نعم يا حلوه مين ديه اللي جليله الادب يا مرضعه رمسيس انتي ولا بتك اللي عامله زي امنا الغوله
الراوي: وهنا يضحك سيف
سوزي: ياله يا ماما نمشي من هنا
ياسمين: مع السلامه يا عروسه المولد جاتك نيله لا شكل ولا منظر
شحته: خلاص يا بتي عيب كده
الراوي: لتخرج باكينام ومعها ابنتها ويصفعو الباب خلفهم
شحته: حجكم علينا يا جماعه شكلي معرفتش اربي بتي
شاكر: بتقول كده ليه ياسمين ديه ست البنات كلهم وبعدين انا مبسوط بيها اوي
ابتسام: ايوه برافو عليها احنا اصلا مبنحبهمش
عزيزه: والله شكلهم مجانين زيها
عزيزه: الله يخليكم اكتبو الكتاب ولو عاوزين تاخدوها من دلوك خدوها
ابتسام: بفرحه ياريت
شحته: ام ياسين بتهزر معاكم
الراوي: ليدخلو الي غرفه الصالون لكتب الكتاب
الراوي: وبعد أن انتهي الماءذون من كتب الكتاب
عزيزه: الحمدلله عجبال الليله الكبيره واخلص منيها خالص
ياسمين: جري ايه يا اما ده بدل متبكي عشان بتك الوحدة اتكتب كتابها
عزيزه: والله انا هاين عليا اتحزم وارجص انك هتغوري
ياسمين: طاب ده انتي بكره تجوللي ولا يوم من ايامك
سنيه: مبروك يا بت اختي
ياسمين: الله يبارك فيكي يا خالتي
شحته: والله وكتبو كتابك يا حبيبه جلب ابوكي
ياسمين: ربنا يخليك ليا يا أبا
شاكر: طيب الف مبروك يا اولاد ونستاءذن احنا
ابتسام: خلينا قاعدين شويه
شاكر: بعدين وانتو يا جماعه بكره انشاء الله هتشرفونا علي الغدا
سيف: انا هعدي عليهم واجيبهم ف طريقي
ابتسام: تعالي هاتي بوسه يا عروسه ابني
الراوي: لتحتضن ابتسام ياسمين
الراوي: ثم تهمس في أذنها
ابتسام: اول منروح هكلمك
الراوي: لينصرفو
ابتسام: انته مروح معانا طبعا يا عريس
سيف: اه طبعا يا بوسي
ابتسام: بس عروستك ايه تتاكل اكل
شاكر: ديه بنوته جميله وعسل اوي وهتقلب البيت عباسيه
الراوي: وبعد أن وصلو الي فيلتهم
سيف: انا طالع اوضتي
ابتسام: واحنا كمان هنطلع نرتاح
ياسمين: بجولكم ايه انا مصدعه وهخش انام
شحته: اللي عملتيه النهارده مع عمت العريس وبتها ميجصلش تاني أن مش عاوز انكد عليكي يوم كنب كتابك
ياسمين: وانا كت عملت ايه يعني
ياسين: خلاص يا أبا خشي انتي ارتاحي يا عروسه
الراوي: لتدخل ياسمين غرفتها
الراوي: لتمسك صوره سيف
ياسمين: والله وبجيت مرتك يا حضره الظابط
الراوي: لتسمع الي صوت رنين هاتفها
ياسمين: ده سيف الو
سيف: احلي الو سمعتها ف حياتي
ياسمين: يا حنين
سيف: وحشتيني
ياسمين: لحجت اوحشك ده انتو لسه ماشيين
سيف: يعني انا موحشتكيش
ياسمين: انا مبحبش الكلام الماسخ ده استني خليك معايا
الراوي: لتعلق ياسمين المكالمه
الراوي: لترد علي ابتسام
ابتسام: وحشتيني اوي اوي يا عروسه ابني
ياسمين: استني خليكي معايا
الراوي: ثم تجمعهم علي مكالمه واحده
ياسمين: بجولك ايه يا سيف امك معاك علي الخط اجعدو حبو ف بعض وانا هكتم الصوت وانام عيله مبالغ فيها
سيف: انتي يابت يابت المجنونه
ابتسام: شكلها نامت
سيف: بعصبيه اقفلي يا امي وانا هقفل وبكره هعرفها شغلها
الراوي: ويمر الليل وياءتي الصباح
شحته: احنا هنسافرو بجالنا كذا يوم مهملين مصالحنا
شحته: اسمعي يا ياسمين انتي دلوك بجيتي ف جفا راجل ومش اي راجل ده ظابط يعني لازم تعجلي خلاص أمور المجالب والجنان ديه تنسيها
عزيزه: والله لوكل المجانين اللي ف الدنيا عجلو بتك متعجلش
ياسين: طاب خليها تعمل حاجه كده والله اشحنها علي البلد علي طول
ياسمين: تشحن مين يا ابني انته ده اخلي حضره الظابط زوجي العزيز يكسر عضمك
ورده: يا جماعه محدش ياخد عليها
سنيه: خلي بالك مع بت خالتك
ياسين: ديه ف عيوني يا خاله
اسماعيل: ياله يا اولاد نشوفو وشكم بخير
ياسين: اسمعي يا زفته انتي ابوكي وامك خلاص سافرو وانا ها اخد ورده وننزلو المكتب
ياسمين: بالسلامه ياشربات وانا كمان هروح اشوف الكوافير انا وفردوس
ياسين: مش عاوز مشاكل مع حد
.......
ياسمين: مشاكل ايه بس يا اخويا ده انا هبجا نسمه هوا
ياسمين: ياله يا دوسه كلمي صاحبه الكوافير خليها تنتظرنا وانا هخش اغير
ياسين: ياله ياوردتي
ورده: سلام يا ياسمين
ياسمين: سلام يا دوسه
ليخرج ياسين ومعه ورده وبعد ساعه…
ياسمين: انا كلمت بوسي وهيا هتجابلنا عند السنتر
فردوس: ربنا يجعله فاتحه خير علينا يارب
ياسمين: يارب يا اختي
وف الاسانسير يتقابلو مع الست ام سيد فهيا سيده سليطه اللسان وحشريه بطريقة مستفزه…
ام سيد: ام اذيك يا بت يا فردوس
فردوس: الحمدلله باحجه
تنظر الي ياسمين…
ام سيد: مين البت ديه
ياسمين: بت ف عينك متتكلمي عدل يا وليه انتي
ام سيد: انا وليه طاب صبرك عليا لما ننزل من المدعوء ده ابني سيد مستني تحت هخليه يعرفك مقامك
ياسمين: سيد مين ده اللي يعرفني مجامي اتجنيتي انتي ولا ايه
فردوس: خلاص يا حجه خلاص يا ياسمين ده اخت الاستاذ ياسين المحامي يا حجه
ام سيد: اهلا يا اختي
ياسمين: اللهم طولك يا روح
ام سيد: مالك ابت انتي مش عاجبك كلامي
ياسمين: انتي في حد كلمك يا ام اربعه وأربعين
ام سيد: طلبتيها ونولتيها
وهنا يصل الاسانسير الي الدور الاول…
ام سيد: واد يا سيد انته يا واد تعالي الحقني بت الجربانه ديه بتزعقلي
سيد: مين ديه يا اما
سيد: ديه لا عاشت ولا كانت
ياسمين: وسع يا ابني انته خلينا نخرج من الاسانسير
ام سيد: هيا البت ديه ليهم
ينقض سيد علي ياسمين… لتدفعه ياسمين داخل الاسانسير وتغلق عليهم الباب بعد ان داست علي زر الاسانسير
ياسمين: بت يا فردوس افصلي كهربا الاسانسير
فردوس: ازاي كده هيتحبسو والاسانسير يتعلق بيهم
ياسمين: احسن عشان يحرمو بعد كده
تفصل فردوس الكهربا ويتعلق الاسانسير…
فردوس: حاضر
تخرج ياسمين من العمارة ومعها فردوس وتصطدم بشخص…
ياسمين: متفتح انته ايه ماشي تخبط ف الناس كده
نادر: خلاص مكانش قصدي
ياسمين: طاب بعد كده ابجا فتح وانته ماشي
نادر: اللهم طولك يا روح بت انتي احترمي نفسك ولا اعرفك مقامك
