رواية سواد القلوب الفصل الخامس والعشرون بقلم ام سامان
تنازلت عن حصتي لادهم ..
محتاجها اكثر منا..رغم فهد كاعد إيجار بس كال عندي وظيفتي بس أدهم خسر وظيفته...
وحياته حاليا عايش بمكان ماتمثل اابيئة العاش وكبر وتربى عليه...
أكيد صعبة ...بس المهون عليه محد يعرف امه هنا ويباوعله
بغير نظره وهنا عائلته وياه
واخوه وياه ....
واحنا نزوره هوايه..مروان كان ونعم الأخ إله دائما وياه وياه ....حتى جزء من الفلوس
هو انطاه الي بدون ميحسسه منه.....صح مبلغ قليل ....
بس مروان اهله ساعدوه هوايه
من سوه مشروع خاص بي
والحمد لله نجح بي ...
(بطلب منهم ميردون أذكر شغله اللكه روحه بي)
والحمد لله هم ابتدا يوكف على رجله ...وآني بعد اربع شهور متابعه وطبعا تقربي من رب العالمين حملت ....ماكلت لمروان خابرت عمتي ام مروان ...هي اجت وياي ...صدك ام مروان قليل أكون مثلها بوكت الكلت صوج مني أبد ماشجعت مروان يتزوج الثانية بالعكس جانت تشجعنا على متابعة دكتور وننتظر قسمتنا...الصار جان خطة حقيرة من شاهين الماتوقعت بيوم ينزل لهالمستوى للأسف لارحت بيوم عاتبته ولاواجهته ميستاهل انزل روحي واعاتبه وهو موشخص مهم بالنسبة الي حتى اعتابه....
كاعدة آني وعمتي اللازمة ايدي ومتشوقه وتدعي اكثر مني...
صاحت براء ضياء ..رحلتها وآني احس كلبي يدك ميتينن...
_ ألف مبروك حامل
_ نزلت دموعي حضنتني عمة بقوة ...
وقررت افاجئ مروان ....
اجت عمتي وياي ورحت للسوك ..اشتريت كيكة وانطيتهم العنوان...وزينة....واخذت حذاء أطفال وغلفته ....
ويه كل شي اسوي دموعي تنزل من الفرح واتخيلت فرحة مروان وادعي رب العالمين يرزق هالفرحة لكل شخص يتمناها....
ودعتني عمتي وكالت باجر يجون يباركولنا ....
وصلت الكيك.....باوعت من الكاميرا...ابو التوصيل ليست العبايه والحجاب واستلمته ...
زينت غرفتي ورحت زينت الهوا وخليت الكيكة وسويت بيتزا ومعكرونة للعشا...رحت لبست الفستان الجابلي ياه بعيد ميلاد قبل اكثر من سنتين...
وصل انتشرت يفوت استقبلته ....انصدم....
هو صح آني دوم هيج استقبله
بس الفرق الفستان مال الحفلات اللابسته....حضني بقوة ...
_ افيييش لك شنو هالجمال بيب...
_ من بعض ماعندك مرمر ...شلوني
_ لونج احمر يااحمر
_ ضحكت بصوت عالي ....
نزعته الجاكيت ...ولزمت ايده ..اخذته للهول ...
_ بيبي شنو هالاحتفال ...
وكف يفكر ..اليوم لا هو يوم الحبيتج بي ولايوم خطوبتنا ولايوم زواجنا ولاعيدميلادج خليني افكر حتى مو عيد ميلادي ...باوعتله ببرود...
كمل كلامه..بيبي خاف هذا فخ تردين تموتيني ابشرج أنا ميت
بيج من زمان...
ابتسمت وحضنته بقوة
_ تعرف شغله مروان...ماعتقد لو متزوجة غيرك جان عيشني هالسعادة ولاحبني ربع حبك الي
_ تستاهلين ماي العين ملكتي الحلوة وهسه طمنيني ماناسي اي مناسبة مو
_ ضحكت وآني اجاوبه ...لالتخاف أعرف حافظ كل ايام ذكرياتنا ..ولازم تضيف هذا اليوم هم لذكرياتنا الحلوة
_شنو؟؟
جربت أيده وخليته على بطني
_ لا لا ..كولي تتشاقين ..انتي حامل بروئتي
_ اي ياروحي حامل
_ شالني وهو يفتر بيه...دخت مرمر
_ آسف آسف نسيت ...يعني خلاص راحت ايامنا الموحلوة ...خلاص من اليوم السعادة دخلت لبيتنا
_ جج السعادة موجودة من اول لحظة أنت دخلت بيها حياتي..نزلت دموعنا سوه....
وطلعت حامل بادهم ...طبعا بإجبار من مروان ...لان أدهم وفهد جانو يتعاركون كلمن يريد اسمه ومروان إنحاز لصاحبه كالعادة....طبعا بعد ماوعد فهد الولد الثاني إذا الله قسملنا يسميه فهد ...وهذا الخبل شاد واياد وحتى خنده وسالم ....وهياتني كاعدة بينهم ومخليه رأسي بين اديه....
سمعت كلام بابا
_ المفروض تسموه اركان شنو يعني فهد يسمي ضياء جاانا مو ابوكم..نزلت دموعي نقهرت عليه رغم أعرف هو يتشاقى بس صايره حساسة كمت كعدت بصفة حضنته
_ و الله حقك بابا ....
_ لا بابا شبيج اتشاقه وياج
_ لا لا انت حقك ...احنا مو وفيين ...المفروض اثنينا نسمي على اسمك ..
_ ضحك وهو يحضني ....اتشاقه بابا ...وجودكم بحياتي كافي ...تعرفون شغلةبوكت القررت أتزوج امكم..جنت حيل خايف ...خايف بيوم افشل وماااكون كافي حتى أكون الكم الاب التتمنوه...جنت خايف بيوم تحسون بفراغ الاب ...خايف ماانجح وياكم وتشوفوني زوج امكم وبس ..
أجا فهد هم من الجهه الثانية حضنه...
_ أنت مو بس جنت اب النا...جنت اخ وصديقي وعم وحتى خال...ماحسينا بيوم احنا محتاجيني غيرك...وين ماااوجه مشكلة أنت أول شخص تخطرلي ...
حضنا اثنينا...من راد شاد يجي هم بعد ماللكل اجو وحضنا بعض وخر فهد...مامسامحه لهسه.....شفت شاد لحك فهد الطلع يغسل أيده...وآني رحت لفرح الانتبهت بعدها تعامل فهد ببرود
_ موكافي فرح
_ ابتسمت شنو حبي
_ برودج ويه فهد
_ اخذت نفس ...خايفة
_ من شنو...
_ خايفه ارجع نفس قبل ويعتبر حبي ان اتقبل اي شي منه...
_ غلطانة...صح غلط من رجعها لحياته بس اتأكدي فهد ماحب غيرج....
واجانه صوتها
_ ومبين هالحب من عيونه الطول فترة العشا وهو ماشتل عيونه من عليك يشوفج اكلتي لا ومن شاف ضياء مضوجج آخذه منج ..
_ على حضي كلكم طلعت مرشدين
_ تقربت لينا وكملت كلامها...فرح بها لفترة احنا صرنا اهل وتقربنا من بعض...صدكيني أريد مصلحتج ....انا بحياتي غلطت غلطة وحيدة صح ماندمانة هسه بس لوجاية وكت زواجي وسئلتيني جان كتلج ندمانة اخذت واحد يحب قبلي ولاانا السبب بفراكهم وتخيلي حجم الجرح والالم العشته...
اما انتي هو يباوع عليج ويتمنى رضاج تاكدي من شغلة لو رنا بهالوكت منفصلة او مو متزوجة جان أدهم تزوجها بس فهد مااختارها فهد راد يثبتلها هي ولاشي ...انطي فرصة ثانية وعيشي حياتج بلانكد
_مااعرف
_ صدكيني أكو اشخاص يستحقون فرصة ثانية امثال فهد ومروان وحتى أدهم باوعت لينا....أدهم مستحيل يكسر بكلبج ويفكر بغيرج
_ اتمنى براء اتمنى ...
وشرف أدهم اميري الصغيري نسخة من مروان ...وآني اتعارك وياه واكوله آني أحبك اكثر على مود هيج أدهم طالع عليك....
وهو يحلف يحبني اكثر ...وهاي آني براء العشت مآسات و الله عوضني بمروان .. واخوان ينشد بيهم الظهر ...وبأب عوضنا عن حنان الاب...وآمي ..ام عظيمة حاربت واتحملت وصبرت لخاطرنا لخاطر نوصل لاحنا بي
٫""""""""٫٫""٫""٫٫"""""""""""
رفل
اتمنى لو علاوي عايش اتمنى ابويه وآمي عايشين...ماجان حسيت بهالذل لهذا اليوم ماارتاحيت بحياتي ...كل لحظة أعيش بخوف لايمل مني ويذبني من حياته اتمنى لو مكملة دراستي ماجان احتاجيت لاحد الله لايسامح اخواني المفروض ظهر وسند الي اما الحلم الححلمته أحصل رجال يخاف الله بيه حتى هذا ماصار صح بالنهاية تبادلنا الاحترام بس حياة مفتقد للحب ...
كاعدة اليوم آنا واطفالي الاثنين هادي وهدى ...اتمنى يصيرولي السند الحلمت بيهم...
سمعت قصيدة ألم الروح حسيت مكتوبة اليه...
راحو ماخذوني هلي ويمكن نسوني
بعدهم يتموني وانا صغيرة على همي
يا دنيا وينه اهلنه وين اهل المحنه
تفاركنا بحزنا ويبس دمعي ويا دمي
يا بويه ارجع اصيح وترهم الفركه على صوتي
بعد شنفع دنيا وفاركت من عندي اخوتي
عليله وقلبي مابيه حيل واشوف الدرب وحشة ليل
غرفنا يتم الدمعات بصغرنا وشفنا عمر الويل
::::::::::
يتيمه والضيع اهله تجي الوادم تذله وانا الربوني عله عافوني على موتي وانا بهاي المسيه طفت بالغاضرية
شفتهم على الوطيه ذبايح كل اخوتي شيصبرها تشوف اكبالها مذبوح ابوها شكللها التمشي و تعثر بجفين اخوها يازينب راحت الوليان بين الخيل والنيران هاي الناس ما ترحم خواتي مالهن خوان
حسيت بايد على جتفي شفت ابني هادي ..ضحكت وهو يمسح دموعي ...
_ اروحلكم فدوة امي....
الله يساعد كل بنت مالها سند ......
لليوم أكو بينا آنا وشاهين براء...
""":::""":::""":::""":::"""""
فهد
بعد اكثر من سنتين وزيارات الدكتورة النفسية رجعت فرح الحبيتها ..فرح التغيرت من الانطوائية والجبانة لفرح القوية والواثقة .
صار عدنا ضياء واركان ...هالرجال شمااسويله اصل ميدونله بالحياة القدمه الي ....
اليوم أنا المحامي فهد ضياء بفضل الله و أركان وليال
"":::"""":::
ليال
متمنه لهذا الحياة العوضتني برجال سند وذخر ومحب...وزلم تربو على ايديه وايدين والرجال... شاد حاليا ابتعد عن شي اسمه زواج وحب...بس أياد خطر بنت اخوي سالم ...بدون اي حجي عزلناهم .. افضل حل بعيد عن المشاكل وكسر الخواطر والاحترام...
صح ماذكرت حياة اخواني وهذا بطلب منهم ..فقط ذكرت وكت الجنت عايشة وياهم ...واليوم آني سعيدة ومتمنية من رب العالمين يديم السعادة عليه وعلى اولادي وبناتي ...وطبعا ليان تزوجت ابن خالها...الحمدلله الله كشفها لابني قبل لايوكع الفاس بالراس..
::""":::::""":::
أدهم
#بالنهاية
تحققت العدالة ...المفروض الأسمها امي ....انكشف كل جرايمها صح رئيسي بعملي السابق حاول القضية تتم بالسر بس انحكمت مؤبد وسعدون اعدام بس لان حاليا ماكو تنفيذ بعده بسجون بأحد المحافظات...ولان امي ماجانت وياه وما تنفيذ جرتئمه من قتل ابنهم كتلو لان جان مريض ضمور قتله تايخلصون منه...
وابوه سنين جان حابسه بعدين دافنه وهو عايش ؟....والسحور والشعوذة ....كل القضايا انذكرت بالدلائل وزوجة سعدون وامه شهدو لان تعبو من نجاسته...
والحمد لله كسبت ابني من جديد وحاليا هو طالب ثالث خارجية بعد نجح من سادس ابتدائي وتقبلني كاب... وبعدها مصاد حمزة وعرفت بالصار من محمد مال طلع ابو حمزة متزوج بالسر وعنده رضا ومتخلي عنهم ....حسيت بقهر لان حياتهم مبين انكلبت بس دعيت رب العالمين ييسر امورهم وتسامحه رنا...ماكول نسيت رنا بس لينا صارت زوجتي وشريكتي وقسمتي المختارة ...
واحتمال افضل من اختياري...وعسى ان تكرهو شيئا ووهو خير لكم..مأمن بهالاية والله الحمدلله عوضني بداخل الحب زوجة مجلة وولد وبنية بصحة وسلامة...ومعوضني بدل اخواني فهد وبراء ومروان.....
لو اضل ليلة ونهار احمد رب العالمين بعدني مقصر على كل هالنعم...
"""::"""
وفي الختام آني براء ...
الي حسيت خسرت الدنيا بخسارة سيروان ...وخسرت مرة ثانية بكسر شاهين الي الله عوضني بمروان ...ومن تزوجت وبعدت عن اهلي كلت راح احس بالغابة صارتلي ام مروان ام وابوه ابويه ...واخوانه اخواني ...
تجمعني علاقة طيبة بزوجات حمويني... مابيناتنا قال وقبل ننجمع كل اسبوع يوم نعوف الجهال عالزلم ولا احنا وعمتي ...ونفتر ونروح للسوك ومطعم ....بدون دوخة الزلم والجهال ...
دوم مروان يباوعلي وكأنو آني أعظم انتصاراته واكبر أمنياته بهالحياة وآني أشوفه عوضي الجبير وصبري على الوجع والقهر الجنت عايشته قبل لاالتقي بي
((آني جزيتهم اليوم بماصبروا))كلمااسمع الاية كبل أتذكر مروان هو نتيجة صبري
وفي الختام شكري الكم وللجميع ....
"""'':
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
