رواية سجينة العادات الفصل السابع والعشرون
زينب سمعت كل حوار اللي بنهم
زينب / في نفسها لاء كده احلوت خالص ماشي يا أمير أن ما سودت عشتك وخليتك تطلقها مبقاش انا زينب
ملكة القلم نرمين قدري
دخلت نورما اوضة ودموعها علي خدها اترمت علي سرير ونامت من التعب
وفي المكتب
هشام / امير انت كنت عنيف قوي معاها مش كده يا امير براحة شوية متنساش أنها وقفت جنبك ساعة القضية بتاعتك
امير /هشااام انا علي اخري
هشام / ما براحة شوية بقي شايط في الكل كده اسمع للطرف تاني يا امير وافهم هي عملت كده ليه نورما بتحب وده باين في عينيها قوي
امير/ قطع كلامة يعني كل ما تحصل مشكله تاخد بعضها وتهرب. هو ده الحب كده انت بتكلم ازاي يا هشام افرض كانت ماشت بجد وسابتني انت عارف يعني ايه نورما تسبني يعني روحي تروح مني يعني نبضي يختفي
حياتي مش حتكون حياه
يعني حكون مش عايش وانا عايش انت مش متخيل يعني ايه نبضك يختفي منك وروحك تموت وانت لسة عايش يا هشام نورما بتجري في دمي في شرياني
هشام /امير انا اول مرة اسمع كلام جميل ده ايه يابني انت مخبي كل ده فين ليه متصرحهاش بكل ده
امير/ ظروفي انا ونورما مختلفه خالص كل حاجة هي كانت مغصوبه عليها جوزتها من اكمل و كسرتها قدامي وحاجات كتير قوي هي اتظلمت فيهم احساسها بلعجز قدام أهلها وأنها مش قادرة تاخد موقف في حياتها
هشام/,ولما انت عارف ده كله قاست عليها بطريقة دي وقدمنا ليه
امير /بعصبية كان لازم يا هشام كان لازم اعمل كده نورما عاملة شبة الفرس الحرنان كل مشكله تفك اللجام وتهرب وده مش صح مش صح خالص لا زم تتعلم تواجه مش تهرب من مشاكل
الحياة صعبة يا هشام وعاوزة شخص قوي لكن نورما بالي شافته ومن كتر ضغوط عليها اختارت الحل الأسهل أنها تهرب وتسيب كل حاجة ورا ظهرها مش مهم هتسيب مين و لا هي هتروح فين المهم انها متواجهش
نورما شخصيتها مش ضعيفة بدليل لما وقفت جامبي في القضية بس هي بتختار الأسهل دائما
هشام /المهم انت هتعمل معاها ايه بس خالي بالك جيت عليها بزياده وخالي بالك من عمتك مش هتعدي موضوع سماح ده بالسهال وانت عطيتها السكة اللي ممكن تخش منها
امير/ بضيق ازاي يا هشام اخلص انا مش رايق خالص
هشام /عمتك عرفت نقطة ضعفك وطبعا سمعت صوتك وانت بنتخانق مع نورما قدمنا وهتلعب من هنا الاذا ما كنتش بتلعب دلوقتي وعمالة تملي دماغ نورما
امير/تفتكر انت صح هجري اشوف نورما
هشام /,بضحك واستحمل يا بطل اللي هيحصلك ما كنش يومك يا ابن عمي
امير/اتلم يا هشام احسن انا عفاريت كلها بنتتنطط قدامي وتعالي هنا انت مش عريس انت ايه اللي مقعدك هنا اجري شوف مراتك لتكون عمتي بتملي دماغ سماح وتبقي ليلتك انت اللي بنفسجي يا بن عمي
هشام/ينهار لا انا هطير علي فوق بسرعة سلام ابقي طمني عليك
طلع امير اوضة بتاعة ملقاش نورما جري زي مجنون افتكرها مشت جري علي اوضتها فتحها لاقاها نايمة
قرب عليها وشم رحيتها وحضنها
امير في نفسة اااه يا قلبي بقيتي بتجري في دمي لو تعرفي غلاوتك عندي اد ايه متبعديش عن حضني العمر كله فاق امير لنفسة
امير/انتي ياهانم ايا ستاذة اتفضلي اصحي يلا
نورما /بكسل في ايه بتصحيني ليه
امير /بصوت عالي خله نورما تنتفض في مكانها انتي اية ايه اللي نايمك هنا مش في الاوضة عندي
نورما/ بغيظ سبتهالك انت والعروسة تشبعوا بيها
امير / كاتم ضحك وانا هدخل العروسة علي فرش قديم العروسة اتفرشتلها اجمل اوضة في السرايا كلها
نورما /بدموع تمام وانت عاوز مني ايه افهم
امير/من غير خناق اتفضلي علي الأوضة بتاعتي ومتخليش صوتي يعلي أو كتر من كده
نورما /وانا مش عاوزة اقعد معاك في مكان واحد فاهم
امير مصطنع الغضب
اتفضلي علي الاوضه هناك وغيري هدومك وعشر دقايق اشوفك علي السفرة تحت العشا هيتحط وخدي بالك الكل عرف انك حامل
اتعدلت نورما وقامت وقفت انت بتقول ايه عرفوا اني حامل يالهوي يالهوي وقلتلهم حصل ازاي
امير /ممكن تهدي بقي ممكن محدش عرف حاجة و بطلي كلام واخلصي العشاء جهز وبصوت عالي يلا
جرت نورما علي الأوضة استحمت بسرعة و غيرت هدومها لبست فستان غاية في الروعة والجمال و سرحت شعرها وسابته علي ظهرها كانت ملكة
نزلت نورما وجدت الكل متجمع علي السفرة واستغربت عندما وجدت سماح تجلس جوار هشام وهو بياكلها وزينب بتبصلهم بحقد
نورما باستغراب مساء الخير اسفة على تأخير
امير عينه هتطلع عليها من شده جمالها نظرات الإعجاب هتاكلها
هانم /لع يا بنيتي براحتك تعالي اقعدي جار جوزك عاد
زينب /عشنا وشوفنا البجاهة ليها ناس
نورما/ما سمعتش بتقولي حاجة يا عمه
زينب /لا بقول ولا بعيد وياتري الحمل ده بقي حوصل ميتاه قبل الجواز ولا بعده
اوقع امير ،الشوكة من يده مما أصدرت صوت مرتفع وقال بغضب وعصبية :
+عمتي ما سمحلكيش تتكلمي عني انا ومراتي كده انا ونورما متجوزين من بعد ما خلصت العده بتاعتنا ودي حياتنا الشخصية ومسمحش لاي حد يدخل فيها
قام امير من علي سفرة واقترب من نورما وراح باس أيدها قدامهم كلهم
امير /انا مديون باعتذار لنورما اني زعلتها قدامكم بس فكرة أنها ممكن تسبني وتمشي عصبتني وغضبي عماني وسيطر عليا
وقرب من راسها وبسها حقك عليا يا نور عيني زعلك علي عيني يا نوارت قلبي و نبض روحي
زينب /وبعداهلكم عاد ما بزياده بقي شغل المرقعة ده فايتك يا ولد اخوي ان الست اللي تهرب عندينا ملهاش غير الموت عاد بس كلامي انا اللي تقيل ويلا
وعاوزين ناكل ولا هنتصور جمب الوكل عاد
امير /عمتي من فضلك دي حياتي وأنا اللي بمشيها
كل ده ونورما زي تايهة مش فاهمة حاجة
قاعدت نورما علي السفرة و عينيها علي سماح و هشام و هما مقربين من بعض جامد
نورما خير يا جماعة هو في حاجة انا مش فاهمها
ضحكت سماح وهشام
سماح/ انا اقولك يا مرت الغالي انا و هشام اتجوزنا عاد
نورما/ ايه انتي اجوزتي هشام ولا امير انا مش فاهمة حاجة
رد امير /. امير خلاص كامل العدد اتجوز زينة البنات و مبسوط اربع وعشرين قراط و مستحيل يتجوز تاني
احمر وش نورما احمر خجلا من كلام امير
هانم / خلاص بقي بزياده كلام عاد الكل ياكل وانتي يا مرت غالي لازما تشربي لبن كتير علشان الولد اللي في بطنك ومعيزاش حركه كتير تاخدي بالك منيه مليح فاهماني
نورما /حاضر يا ماما حعمل كل اللي تقولي علية وحشرب اللبن كل يوم
امير استغرب من طريقتها وازاي وافقت علي الكلام من غير ما تعترض علية
سكت الكل وانشغل بالاكل وعيون امير علي نورما
امير /يلا بقي نقولكم تصبحو علي خير يلا نورما
نورما كانت عاوزة تهرب منه
نورما /لاء اطلع انت وانا هستنا فوزية تسخنلي كوباية لبن
امير /بغيظ لاء يا بنت قلبي تعالي نطلع وفوزيه هتجبهالنا فوق يلا
لاحظت أنه في قمة غضبه
خلاص ماشي تصبحو علي خير يا جماعة و التفتت لسماح
الف مبروك يا سماح انتي طيبة وتستاهلي كل خير
دخلت نورما الاوضة ووراها امير قفل الباب بحده
بدون اي كلمة فتح الدلاب واخد هدوم النوم ودخل حمام غير وطلع واخد فرش من السرير وفرشة علي كنبه وعطها ظهرة ونام
نورما /في نفسها اوف بقي هو مش اعتذرلي تحت و اتصالحنا لي واضح أنه كان بيعمل كده قدمهم بس يووووو بقي
غيرت نورما ملابسها و نامت
استيقظ امير وهي مازلت نايمة غير ملابس النوم ونزل
امير /فوزية فوزبة
فوزية/نعم يا أمير بيه خير
امير/طلعي كوباية لبن كبيرة لنورما ومتقلقهاش سيبيها لما تصحي لوحدها
فوزية/عنيا يا أمير بيه الست نورما في عنيا
سمع صوت أمة من بعيد علي فين يا ولدي بكير أكده
التفت لقي امه قاعده مع عمته
دخل عليهم
امير /صباح الورد علي عيون امي غاليه وباس رأسها
صباح الخير يا عمه
مردتش عمته عليه
هانم/تتصبح بلخير ياولدي علي فين أكده بدري
امير /مسافر مصر يا امي في شغل كتير متعطل ولازم اخلصة
هانم/و هترجع ميتا
امير/مش عارف لسة ممكن يومين تلاته كده اخلص بس الشغل يلا بقي سلام اتاخرت خالي بالك من نورما يا امي واهتمي باكلها
هانم /حاضر يا ولدي تروح وترجع بسلامة متعوجش
خرج امير وزينب ساكتة ودمغاها شغاله
زينب / الي قوليلي بقي هي برنسيسه دلوقتي في الشهر كام عاد
هانم /والله مخبراش وهتفرق معاكي اياك تكون زي ما تكون المهم تقوم بسلامة
زينب/أن شاله ياختي عشنا وشوفنا
فاقت نورما من النوم نظرت حولها لم تجد امير قامت اقعدت؛
اده هو راح فين اكيد نزل تحت يفطر طايب كان استني ننزل سوا شكلي هتعب كتير معاه
التفت وجدت كوب اللبن جوارها علي المنضدة علي شربت اللبن وغيرت ونزلت وجدت سماح تجلس بصحبة هشام بيضحكوا
دخلت نورما والقت عليهم تحية الصباح /صباح الخير وعنيها مازلت تبحث عن أمير
سماح /صباح الجوري يا وردة
ابتسمت لها نورما و شعرت بحنانها وطيبتها
نورما /صباح الورد يا سماح ايه الاخبار مبسوطة
سماح /الحمد لله عاد انتي كيفك
نورما /الحمد لله بتكلمهم وعقلها سارح وعنيها بدور عليه
دخلت فوزية الفطور جاهز اتفضلوا
جلس الجميع علي سفرة و نورما عنيها بدور عليه لاحظ هشام عنيها وفاهم. من نظرتها أنهم لسة مش بيكلموا بعض
هشام /اللي هو فين امير مش باين معقول كل ده نايم
هانم /لع يا ولدي امير سافر بكير
برقت نورما من المفجاءة ولكن.التزمت بالثبات
ابتسم هشام علي طريقتها
هشام/اه صحيح ده نازل يخلص ورق الأرض و كانوا مكلمينه من شركة.ال دعايا من عندك يا نورما كان في مشاكل ولازم هو بنفسة
نورما مردتش كانت في عالم تاني خالص الدنيا بتلف بيها فاقت علي صوت هشام
هشام/نورما نورما انتي سمعاني
نورما /هاه خير يا هشام معاك
هشام /,انتي مش معايا انتي مع الاسف
نورما /معلش سرحت في الشغل شوية خير
هشام /بقولك متعرفيش ايه المشكله اللي حصلت عندك في الوكاله خلت امير ينزل بسرعة
قالت نورما بتعجب
/مشكله عندي انا لا ماعرفش. وانت عرفت منين
هشام /امبارح واحنا في المكتب جاله تليفون من عندكم ان في مشكلة كبيرة وكان لازم ينزل مصر
قامت نورما واقفة
طايب عن اذنكم هعمل تليفون وراجعة
قام وراها هشام بسرعة
نورما نورما اوعي تتصرفين اي تصرف يغضب امير اوعي تنزلي مصر
نورما ابتسمت /
لاء متقلقش يا هشام مش عنيده للدرجة دي انا بس هكلم سحر زملتي افهم ايه اللي حصل هناك
وعلي جانب التاني زينب جتلها فرصة علي طبق من فضه
زينب/اخ منكم يابنات البندر لا خشي ولا ادب شوف البت واقفة كيف عماله تتمرقع ومعملاش اعتبار أنها متجوزة عاد ولا حد هاممها هو صيحح يا هانم مش هشام كان عاوز يتجوزها بعد موت الغالي
هانم /ابااااي ما كفياكي عاد يا زينب هو السم بتاعك ده معيسكوتش واصل بزياده بقي
سماح/بس بقي يا امي نورما معتملش أكده هي زينة البنات عاد
زينب /وانا قلت ايه لكل أكده بس انتم اللي حاطين النار جانب البنزين وبكره تقولو زينب قالت
دبت نوع من غيرة في قلب سماح
رجع هشام قاعد لاحظ كهربه الجو وتغير لون وجه سماح فاهم أن زينب قالت كلام ملهوش لازمة
قام هشام وماسك ايد سماح عن اذنكم هخطف مراتي حبه ننزل نتمشي في الجنينه احنا عرسان يا ناس
اخد هشام سماح من أيدها ونزلو الجنينة حط هشام أيده علي كتفه سماح
هشام /ممكن الجميل يقولي ماله وشه متغير ليه بس
سماح /لاء مافيش حاجة خالص
هشام /سماح بصي يا حببتي لازم تعرفي أن انا وانتي بقينا شخص واحد حاجة واحدة ياقلبي ولازم نصارح بعض بكل حاجة قولي ايه اللي مزعلك
سماح /,بصراحة يا هشام انا مش بعرف اخبي هو انت في من ناحيتك حاجة لنورما
.
هشام شال ايدة من عليها
سماح انتي اتجننتي صح انتي عارفة بتقولي ايه نورما مرات امير امير يا سماح
سماح /,امال انت جريت وراها ليه
هشام/سماح انا كنت فاكرك اعقل من كده مش كل حاجة تقولها عمتي تصدقيها عندك مخ لازم تفكري ويا ستي انا جربت ورها علشان نورما متهورة وعنادية ممكن تعمل اي حاجة من غير ما تفكر خفت تسافر مصر وانا متاكد انها ما كنتش تعرف أن امير سافر كان باين قوي من ردت فعلها أن امير مقلهاش انه مسافر
سماح /بجد هشام يعني هما لساتهم متزعلين عاد
هشام /بجد يا روح وعقل وقلب وهشام انا يابت افهمي قلبي تتعلق بيكي من أول نظرة وميملاش عنيا غيرك ونورما اختي ومرات اخويا عيب لما تصدقي كلام زي ده وعاوز اقولك حاجة تانيه اللي بيني وبينك ده محدش يعرفوا اوعي تحكي لعمتي اي حاجة بتحصل بنا اوعي يا سماح
سماح/متقلقش هي اصلا ما بتتحدتش وياي واصل وانا عيب لما اقول حاجة بتحصل بنا انت جوزي وروحي وقلبي انا اول مرة يدق لحد يا هشام
قام هشام شلها ولف بيها يسلملي القمر بتاعي اللي عاوز يتاكل ده قلبي ياناس يبغير عليا
في طلعت زينب عليهم
زينت /وه وه وه اتحشم يا ولد بلا قلت حيا عاد نزل البت وبعدها عنيك عاد
هشام نزل سماح لكن مبعدهاش سحبها لحضنة وابعد عنها ليه يا عمتي دي مراتي ونور عيني
سماح/وه يامي انتي خارجة والا ايه
ارتبكت زينت اه خارجة اكونش في سجن اياك
سماح/لع كفاله الشر بس غريبة رايحة وين دلوق
زينب/ملكيش صالح خاليكي في المسخرة بتاعتك عاد انا مش هعوج ساعة زمن وراجعه
خرجت زينب وعلي وشها علامات الغدر
وفي جانب التاني
نورما/,الو ايو يا سحر في ايه عندكم افهم
سحر/انتي مين قالك أستاذ امير منبه علينا محدش يجبلك سيرة
نورما بعصبية /وانتي بتاخدي اوامرك من امير دلوقتي ولا ايه في ايه يا سحر متنظبطي كده
سحر/اهدي يا نونو براحة مش كده
نورما /انتي خالتي فيها براحه ولا زفت في ايه اخلصي يا سحر
سحر فاهمت أن نورما المديرة حضرت وأن مافيش تفاهم
سحر /في عميل عندنا رافع قضية علي الوكاله وعاوز يقفلها اتهمنا بلنصب و اننا بناخد فلوس ومش بنسلم الشغل في معاده وأننا بنسرق افكار الحمالات من الوكالات تانية
نورما /بغضب وده حصل فعلا يا سحر انطقي طول عمري مميزة في شغلي وعمر حد ما علم عليا وكيل ايه اللي عمل كده أنه اعلان ده انطقي انا بعتلك الاسبوع ده خمس اعلانات جاهزين أنه واحد فيهم اي شركة فيهم
سحر/ممكن تهدي شوية امير هنا وعامل اجتماع مجلس إدارة وشادد كل الموظفين من عندنا ومن عنده وباعت للوكيل كمان يحضر الإجتماع و الدنيا هنا مشدوده علي الاخر
نورما /أنه اعلان ياسحر في اللي عملتهم محدش بيصمم الاعلان غيري أنه اعلان اخلصي بقي متعصبنيش اكتر من كده
سحر/إعلان شركة البويات الجديده
نورما /الاعلان ده بلذات انا عاملة في لوجو ( شعار) مختلف خالص حاجة جديدة ازاي يقول اننا سرقين افكار ده بيستعبط بقي
وفجاءة سمعوا صوت امير في شركة بيزعق جامد
سحر نورما اقفلي دلوقتي
نورما /,سحر خالي الخط مفتوح عاوزة اسمع اوعي تقولي لحد اني علي.الخط فاهمة
دخلت سحر غرفة الاجتماعات
امير /انت فاتح الشركة جديد و اللوجو ( شعار شركة )الي عملهولك مدام نورما حاجة فوق الوصف واي شركة تتمني اللوجو ده انت جبت منين أننا سرقين افكار من وكاله تانية
صاحب شركة /علشان جالي تليفون من وكاله اف تى ار لإعلان وعرضوا عليا اللوجو ده نفسة
امير/نفسة ازي افهم ونورما شغاله في قدامي افهم حصل ازاي اديني رقم صاحب وكالة حالا
اخد امير الرقم
امير/سحر حالا تتصلي بلمدير ويكون عندي في ظرف نص ساعة
سخر/تمام ثواني
دخلت سحر /استاذ امير المدير في سكة هو كان قريب مننا
امير /تمام كده اول ما يجي يخش حالا
وصل مدير وجو وكاله كله متكهرب
دخل مدير الوكاله غرفة الاجتماعات
المدير/مساء الخير
امير/مساء النور اتفضل حضرتك
أنا امير الغزاوي صاحب العزاوي جروب
انخض مدير الوكاله
اه اه طبعا حضرتك غني عن التعريف مصر كلها بتتكلم عن حضرتك
امير /اتفضل عندنا مشكلة دلوقتي الاستاذ بيتهم وكالتنا أننا سرقنا اللوجو من عندكم و بعناه ليه وانا اللوجو ده مدام نورما هي اللي مصمماه واظن ان اسم الوكاله عندنا معروف انا عاوز اعرف وصل عندكم اللوجو ده ازاي
مدير الوكاله/حضرتك انا معنديش مصممين جرافيك مخصمثين بالوكالة
فأنا فاتح الشركة للمواهب الجديدة انا جالي شخص من اسبوع وباع اللوجو ده علي اساسا أنه من تصميمة وانا اشتريته منه وبعدين ببيعوا باسم الشركة وكنت قارئ اعلان أن شركه الاستاذ عاوز. شعار جديد لها ولقيت ده مناسب هي دي كل الحكاية.
امير\. انت تعرف شخص اللي الباع الشعار ده
المدير/طبعا واطلعه من وسط الف
امير/تمام اتفضل معايا
وبداء امير في عرض الموظفين كلهم علي المدير لحد متوقف عند واحد
المدير \هو ده أيوة هو ده اللي باع الشعار انا فاكره كويس
نظر امير يعينه لأمن الشركة واخد مدير الوكاله ودخل مره اخري غرفة الاجتماعات ت
قال امير بحده :
اظن كده الصورة وضحت يا استاذ وعرفت أننا مش حرامين ولا بنسرق تعب حد انا دلوقتي الي هرفع قضية رد اعتبار و حق مدام نورما هيرجع وميشرفناش الشغل معاك واعتبر مقدم الشغل اللي انت دفعته جزء من تعويض سمعة الوكاله وانا كمان بسحب اللجو اللي اتعمل ممكن تشوف وكاله غيرنا تمسك الحملة الإعلانية بتاعتك واتفضلوا الاجتماع خلص
العميل/بس انا كده بيتي هيتخرب
امير/كنت فكرت في كده قبل ما تشوه سمعت الوكاله وترفع قضية حضرتك اللي وصلت موضوع لكده مش احنا اتفضل و نتقابل في القضاء حضرتك اللي ماشتها رسمي من غير ما ترجع لينا وإذا كان علي الخسارة لسة الخسارة اللي بجد ماجتش لما ارفع تعويض واخد كل اللي وراك
العميل /خلاص انا بعتذر لحضرتك ومتنازل عن كل حقوقي و هضاعف تمن الشعار و هنزل اعتذار رسمي للأستاذة نورما و الوكاله
امير /ومقدمة الشغل اعتباره تعويض وهنتفق علي الشغل من اول وجديد وده اول واخر شغل الوكاله هتاخده لشركتم
العميل؛ بس ده تكلفه عاليه قوي عليا
امير \دي مشكلتك تحلها مع نفسك سمعة الناس مش ببلاش يا استاذ وده درس يعلمك تتحقق قبل ما تاخد أي إجراء
اتفضلو الاجتماع انتهي خلاص بعد اذنكم
ثم التفت لمدير الوكاله
وكلام لحضرتك انت شغال غلط وعارف ومتأكد أن كل التصميم اللي بتجيلك مسروقة راجع نفسك علشان انا لو اتدخلت انا هزعلك جامد فاتقي الله في شغلك وماتخدش شقا حد اعمل ليك فريق تقني والشباب اللي عاوزين يشتغلوا كتير مش لازم يكون مجهود حد
كل ده نورما سمعته ومبهورة بشخصية الفولاذية في إدارة الشغل وفي نفس وقت زعلانه أنه لغاها خالص واتصرف مكانها
رجع امير للموظف اللي باع التصميم
امير/اعرف بقي عملت كده ليه افهم
الموظف /بصراحة الشيطان لعب بيا الوكاله التانية عارفه أن التصميم مسروقه فا بتدفع فيها فلوس كتير
امير /تمام انت اللي جبته لنفسك اعتبر نفسك مرفود من دلوقتي وملكش اي حقوق عندنا ولا حتي شهاده خبرة وقرار الرفد هيطلع حالا وأحمد ربنا انها جات لحد كده انا كان ممكن اسجنك فيها اتفضل برا ميشرفناش يكون بنا حد خاين
وعلي جانب الآخر نرجع صعيد
زينب خارجة من السرايا قابلت اخوها
عزاوي/علي فين العزم يا خيتي مش بعاده اياك تخرجي
زينب/ حدلي المركز عاوزة اشتري شوية حاجات
عزاوي /ومشيعيش ليه لحد يجبهملك
زينب/اباي هو انا محبوسة عاد انا بحب اجيب حاجتي بنفسي فيها حاجة يا اخوي
عزوزاي/خلاص عاد روحي انتي اباي عليكي مبنخلصش من لسانك واصل
جرت زينب بسرعة اخدت عربية ونزلت المركز دخلت صيدلية
زينب/سلام عليكم كيبفك يابتنبي
البنت/طلباتك يا حاجة
زينب /انا عندي بنتي حبله وعندها عيل صغير لسة فا عاوز تنزل اللي في بطنها عاد
البنت /وه بس ده ممنوع ماينفعش اصرفلك ده غير بروشتت حكيم
زينب/ هدفعلك تمن العلاج ده خمس اضعاف حقه
عنين البنت لمعة بالطمع
البنت/ تمام بس اي حاجة تحصل انا مليش دعوه هقول معرفكيش وماشفتكيش واصل
زينب/تمام أكده انتي ملكيش صالح عاد هاتي بس الدوا يكون سريع مفعول
البت /خدي ده خليها تحط حبايتين في اي مشروب وبعد ساعة كله حيبقي تمام
زينب /بس اهم حاجة مافيش خطر عليها
البنت/دي حاجة مش مضمونه بتاعة ربنا عاد هي بقي وقوة تحملها انا مليش صالح
زينب/وه هي ممكن تروح فيها ولا ايه
البنت /وارد طبعا بس بقولهالك اهو انا مليش صالح
زينب /متخافيش هاتي هاتي
اخدت زينب الدوا ورجعت سرايا
دخلت تنسحب المطبخ وعنيها علي كوباية اللبن بتاعة نورما
