رواي عذابي وقدري الفصل التاسع والعشرون بقلم ارسلان جاف
روان… يله رونق اتاخرنا هيثم ينتظرنه بره
اي جايه بس البس الحجاب…
روان… ليوم عرس اختي رونق واني اروح وياهه
لصالون جنت واكفه مبدله وسوسو بحضني
اجتي وصعدنه بسيارة وهيثم وصلنه لصالون وراح
فتنه جوه وكعدنه احنه قبل كم يوم متفقين وياهه
كالت اكو عروس قبلنه راح ياخذوهه محافظات
ولطريق بعيد فهيه تشتغللها اول وحده
بعد مكملت العروس الي قبلنه بلشت برونق
شعر ومكياج كملتلها طلعت تجننن…
اخذنه صور اني وياهه وسوسو…
لساعه ب 4 كملنه خابرت ع اخويه هيثم
مايرد دكيت مره ثانيه هم ماكووو رجعت دكيت ع
علاوي فتح خط…
روان ..علاوي كملنه تعال اخذنه من لصالون
روان علاوي ادك على هيثم مادري ميجاوب ..
واحنه خلصنه صاار ربع ساعه… كال جاي…
نص ساعه واجه علاوي اخذنه…
لبست رونق البرنص وطلعنه صعدنه بسيارة
وصلنه للبيت ونزلنه هوسه…
وبدت الهلاهل…
-اني لبست فستان 👗 لونه اسود تول يجنن
وخليت مكياج خفيف…
وسوسو بدله لون بيضه وطاك ابيض
صار عمرها سنتين ونص ودنفوشه…
بس سمره طالعه على ابوها…
- بعد ساعه اجتي لزفه واشتغلت الجيلات ولهلاهل
وصوت المزيقه… وانترس شارع سيارات
- فات العريس هوه وامه كدامه تهوسله
حيدر جكليته حامض حلو باكيته… هههه
ومن هاي الهوسات مال النسوان…
باس راسها وكعد يمها شويه… .والكل فرحانين ويركصون وبعدهه اخذها وطلعوا…
-- جان العرس كلش حلووو ذكرت عرسي اني وعلاء
ودعيت الله يسعدهه… بحياتها
بعد مزوجت رونق حسيت بفراغ جبير جنه نكعد نسولف سوا… .
- وبيوم اجه اخويه هيثم وكال لامي اخطبيلي
عاجبته بنيه اخت صديقه…
وكالت امي لاسبوع الجاي ارووح اشوفها وفعلا
اخذت خالتي وراحت لبيت لبنيه… تشوفها…
روحه نسوان ومن يصير الاتفاق تروح مشايه الزلم
وافقوا بحكم هيثم صديق اخوهه ويعرفه…
بنفس الاسبوع راحت مشايه الزلم وقروا الفاتحه
وعقدوا سيد…
وتحدد زواج بعد شهر…
البيت صار هوسه عمال طالعين طابين اهلي صبغوا
البيت كله ورتبوا…
--طبعا اني مشفت العروس ولا رحت ابد
امي هيه الي راحت…
بيوم جنت اطبخ وسوسو مخليتها يمي بالحجله
لان تتحرك هواي واخاف انشغل عنها وتتاذئ
اندكت لباب عدلت شالي ورحت فتحته
شفت هيثم وخطيبته…
-- اصغر منه… فاتت بدون متسلم
هيثم هاي اختي روان…
ايناس ..هااا زوجها متوفي وعدهه بنيه … خطيه
محجيت شي فاتوا جوه…
وامي تلكتها بالاحضان لان جنتها ومرت ابنها الجبير…
بقت للغده وتغدت ويانه… وكالو لعصر يطلعون
يشترون اخشاب…
ابد محبيتها…
بعد مكملوا كلشي حددوا يوم الخميس العرس
طبعا هيثم جان طاير بيها ..وشتكول… يكول بلي
ومرت الايام واهلي مخبوصين بعرس هيثم…
---بيوم الحنة…
رحنه بالحنة لبيت العروس جانت لابسه بدله لون جويتي
شويه وصعدت غيرتها لون احمر…
اخذوا صور هيه وهيثم وقطعوا كيك كملت حفلة ورجعنه للبيت…
اني منزعت الاسود… ابد…
-ثاني يوم العرس طبعا بيتنه مكلوب كلاب
الكل اجوي عماتي وخالاتي والاقارب…
ورحنه جبنه لعروس… .وراحو لاستوديو اخذوا
صور وفترينه شويه وبعدهه رجعنه للبيت…
لليل زفوهم وخلص العرس… الي بيته قريب راح
واللي بيته بعيد باتووو يمنه…
وثاني يوم راحوا للصبح…
-ومرر اسبوع واسبوع ثاني والخاتونه بغرفتها
تطلع تاكل وتشرب وبس معليها بشغل البيت
واني الي انظف واطبخ وكلشي اسوي ..سكتت
ومرر شهر وهيه ع نفس الحاله…
وبيوم كاعده ع القنفه ومخله يمها كوب جاي
ع الطبله وتتفرج تلفزيون 📺
وكشور الحب ماليه الهوول واني قبل شويه جنت
منظفتها ..
وانكسر ظهري…
- كتلها ايناس ليش هيج… باوعت وكالت شبيج
كتلها متشوفين كشور الحب بكل مكان…
كالت بيتي واني حره اسوي الي يعجبني…
واكعد وين ميعجبني…
وعافتني وطلعت وهيه دردم… سكتت
-ورجعت نظفت من جديد…
بقت نفس وضعها…
وبيوم جنت كاعده ومخليه سوسو بحضني
سمعت صوت باب الخارجي انفتحت وهيه
نزلت من الدرج تركض… اني عبالي بيها شي
اشووو هاي بس فات هيثم استلمته تتبجبج
اني بقيت صافنه عليها…
-هيثم شبيج ايناس…
ايناس اني ماكعد بعد بالبيت… شصاير
اختك تكلي هذا بيتي… اني فكيت حلكي هوه
منووو كال لمنووو…
-اجه عليه وكال صحيح هالكلام… بعدني
مناطقه حرف ضل يصيح ويغلط…
وبدت المشاكل كل يوم تسويلي سالفه ومشكله …
كمت حتى ماطلع من غرفتي اكمل شغلي
واخذ بنتي واكعد بغرفتي ..
- وبديت اتضايق من كلام الناس انوو اني زوجي
متوفي وعندي بنيه ..ولازم اتزوج الى متئ ابقي
هيج… كاعده بيت اهلي ..
الناس متعوف احد بحاله…
- ومرت سنه شفت بيها الضيم من مرت اخويه هيثم
ابويه بسبب المشاكل سوالي غرفه فوك الي…
وتركت البيت الها ..
كله فوك كمت حتى للبيت ماافوت…
قرررت اشوف نفسي وارجع لدراستي وهاي السنه
اقدم خارجي… كلت لبابا وافق وكلي راح
يمشيلي بيها…
مرت ايام… .
- وبيوم اجتي احلام… اني اتفاجات من ذاك اليوم
اتصلت ومرديت عليها…
وحظرت رقمها ..ماعرف عنها شي ..
اجه اخويه علي وكلي ابويه يصيحج…
لبست شال ونزلت جووه…
فتت للبيت والكل كاعدين شافوني صارت لعيون
عليه…
- كعدت بابا كال مرت عمج رايتج بحجايه…
اني بكلبي كلت اكووو خير يجي من احلام…
احلام… روان علاء مات وراح لدار حقه
صار 3 سنوات والدنيا ماتوكف على واحد مستمره
اني ليوم اجيت اريدج لابني امير…
هوه تزوج وياكم بنفس ليوم بس مصار عنده
اولاد…
واحنه مانريد بنت علاء تتربى عند احد غريب
وبعيده عن بيت جدها…
وجدها يكول اذا مقبلت راح ناخذ منها سكينه
اني اتخبلت كلشي ولا ياخذون مني بنتي ..
سكتت…
بابا كللها خليها تفكر ونردلكم خبر… راحت
مر اسبوع شهر اني كلت مااريد ارجع لذاك لبيت
مر اسبوع شهر اني كلت مااريد ارجع لذاك لبيت
صح امير حباب مشفت منه شي… بس صعبه
عليه اتزوج حمايه…
- بدت ايناس تحفر جوايه وتسويلي مشاكل اكثر
واكثر وتطلع حجي…
شفت ضيم منها… اخر شي فكرت اوافق…
واخلص من ضلم ايناس الي… وحجي الناس
واكون مسؤله من رجال …
البنيه من تزوج وترجع لبيت اهلها تصير ثكيله
عليهم مو عاد عدها اولاد…
لهنا انتهت قصتي وقدري الي حطمني…
…………………………………………… .
بنات الدراسه مهمه… لا تفكرون تتركوها ابد
بيوم لاي سبب من الاسباب…
ولا تكونين ضعيفه شخصيه… وتخضعين
لقرارات الغير… وقرارات الاهل
صح همه يريدون النه الخير… بس صدكوني
كل شخص هوه اعرف بمصلحته والشي الي
يريده شنووو…
لاتزوجين لارضاء شخص غير مناسب الج
لا تتخلين عن حلمج وطموحج لاي سبب كان…
لا ترضين بالغلط وتسكتين … تشوفينه كدامج وتسكتين
لا ترضخين لاحد وتسكتين… ولا ترخصين نفسج لاحد… .
بنهايه القصه ان شاء الله… استفاديتو من قصه
روان ولا تكررون نفس غلطها… واخطاءها…
بسكوتكم…
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
