رواية سجينة العادات الفصل التاسع والعشرون
هشام / حامل ايه بس لا خالص احنا لسة عرسان بقالنا يومين بس
دكتور /ازاي دي حاله اجهاض واضحة
هشام / بعصبية شديدة انت ما بتفهمش بقولك دخلتنا كانت امبارح ااايه ااايه اجهاض ايه وزفت ايه شوفلنا مالها كانت كويسة وبتضحك فجاءة حالها اتقلب مرة واحده
امير /هشام اهدي بس خلينا نفهم براحة بس اهدي علشان نعرف ايه اللي حصل بلظبك
الدكتور / ما شي براحة كده طايب هي ما اخدتش اي دو باغلط اي حاجة و لو الصداع
هشام / ركز هشام شوية وقاعد يتذكر لاء خالص هي كانت طول النهار معايا مسابتنيش لحظة لاء ما اخدتش حاجة خالص انهاردة
دكتور/ مستحيل طبعا هي اخر حاجة اخدتها ايه ابه يعني شربته أكلته
افتكر امير بسرعة كوباية اللبن بتاعت نورما اللي شربتها سماح
امير/ بسرعة مبالغ فيها شربت كوباية لبن اه لبن اخر حاجة شربتها كانت كوباية اللبن
دكتور /اكيد ومتأكد أن اللبن ده كان في حاجة مش طبيعية دي واخدة حبوب إجهاض عملتلها نزيف حاد ربنا يستر نلحقها اللبن ده كان في حبوب اجهاض
شهق امير وقال بخضه
انت بتقول ايه حبوب ايه مستحيل لا مستحيل يعني اللي كانت مقصوده نورما يانهار اسود
الدكتور/ انا متاكد من اللي انا بقوله وهتاكد بعد غسيل المعده اللي هعملة حالا و هتتحلل كل حاجة
دخل دكتور في محاولة اسعاف سماح ووقف النزيف اللي عندها
امير بيكلم نفسة و بصوت عالي مسمع للكل حبوب إجهاض ينهار اسود ده اللبن بتاع نورما يعني نورما هي اللي مقصوده
ثم التفت لهشام وعصبية وخوف:
-نورما اللي كانت مقصودة يا هشام ابني يا هشام عاوزبن يموتوا ابني نورما كان ممكن تروح فيها اعمل ايه ياربي انا اعمل ايه الله المستعان
نورما و برهبه شديدة وخوف
انت بتقول ايه يا أمير ابني. هيموتو ابني لا يا امير اوعي تسمح لهم بكده ووضعت أيدها علي بطنها كأنها بتحمي جنينها
وقالت نورما بإصرار انا لازم انزل مصر فعاد هنا في خطر عليا وعلي اللي في بطني لازم انزل مصر بسرعة يا امير بالله عليك نزلني مصر
خرج الدكتور من غرفة العمليات بعد وقت مبتسما
دكتور /الحمد الله احمدو ربنا جات سليمة انا كنت خايف ماقدرش اسيطر علي نزيف و ده كان هياخدنا في سكة تانبة ما كناش عاوزنها الحمد لله جت على كده
امير/ باهتمام وغسيل المعده يا دكتور ظهرت النتيجة
ولا لسة عاوزين نعرف اللبن اللي شربته في ايه
دكتور/ مع الاسف الشديد زي ما توقعت بلظبك لقيت اثار حبوب إجهاض عالية المفعول و الجرعة كبيرة بس انا لازم أبلغ الشرطه علشان دي جريمة شروع في قتل و لازم يكون عندهم خبر بكده علشان ما تتعرضتش للمساله
امير/ من فضلك يا دكتور خلاص نقفل الموضوع مش عاوزين شوشره هي مدام سماح اللي غلطانه كانت فكرتهم حبوب صداع واتلغبطت في شكل العلبة عادي بتحصل
دكتور/ بغضب شديد استاذ امير هو انت فاكرني عيل صغير ده شروع في قتل الحبوب دي بالذات مبتتصرفش غير بروشتا من الدكتور ومختومه كمان دي من ضمن أدوية الجدول يعني اللي جايبها عارف بيعمل ايه و مش هو بس اللي هيتحاسب الصيدليا كمان اللي صرفت دوا ده من غير أمركتور متخصث
الحبوب دي خطيرة جدا مش بنتكتبها غير في حالات الحمل الحرج يعني يكون طفل مشوة أو في أي إعاقة ويبقي علي ضماننه الام والاب كمان لأنها ممكن تؤدي اللي الوفاه لسمح الله
لكن كده واضحة يا استاذ مافيهاش كلام اللي جايب الدوا ده عارف بيعمل ايه انتم عندكم حد حامل في البيت صح
امير / بأسف شديد اه مراتي حامل في اخر شهر الرابع
لدكتور/ شوفت زي ما توقعت خالي بالك هي المقصودة خاف عليها و انتبه لا اي حاجة تاكلها واوتشربها لان اللي عمل كده مرة ممكن تحصل الف مرة و في اي حاجة تأكلها خالي بالك كويس
ثم بص لامير. وابتسم بحب
بالحق بقي مش عاوزين تعرفوا نوع جنين اية مع عندكوش حب الفضول
امير/ ابتسم بفرحة شديده هو ينفع بجد دلوقتي
دكتور/اه طبعا المدام في اخر الرابع ينفع قوي كمان
امير/استني هندهلها من جوا حالا
جري امير ودخل الاوضة علي نورما ونسي زعل اللي بنهم وكأنه طفل صغير يبحث عن أمه يستمد منها حنان
امير / بلهفة نورما نورما تعالي بسرعة عاوزك
نورما كانت قاعده مع سماح
نورما/ التفتت ليه و قامت واقفة خير في ايه يا أمير بتجري كده ليه حصل حاجة تانية اعصابي خلاص مش مستحمله
امير/ لا يا حبيبتي اطمني تعالي الدكتور كان عاوزنا علشان هيقولنا نوع البيبي ايه
جرت نورما علية لمعت عيون نورما من فرحة بجد امير هنعرف نوع البيبي الله بجد هتجنن واعرف ولد ولا بنت
قرب منها امير وشدها احضنه بجد يا بنت قلبي تعالي علشان هو مستنينا
نورما,بحب وحنان
بجد يا حب عمري انا شيلة حته منك علشان كده غاليه عليا قوي وهحافظ عليه زي عنيا كفايا أنه منك يا حبيبي
وبشقاوة صحيح قولي بقا انت نفسك في ايه بنت ولا و لد
امير/ بحنان كل اللي يجيبوا ربنا كويس المهم الخلقه التامة بس نفسي افرح امي واجيب ولد علشان بعد اذنك كنت عاوز اس......
حطت نورما أيدها علي بوقه
نورما/ هوششش من غير ما تقول يا أمير اللي في بطني أن شاء الله اكمل يأذن الله هيكون اكمل
ضمها اكتر لحضنه
بحبك يا بنت قلبي بحبك يا بنت عمري وحياتي كلها
نورما بدلع
يعني اتصالحنا خلاص ما فيش زعل تاني بقا و نبي حقك عليا بقا
امير بغضب مصتنع
لا خالص طبعا متصالحتش لسة يا هانم انا عاوز اتصالح مصلحة كبيره و حالا ولا اقولك خلاص علشان خاطر ابني أن ربنا نجاه ونجاكي معاه. بس افتكري ليا مصالحة عندك وانتي عرفاني بتصالح ازاي بقي وغمز بعينه ليها
ضحكت نورما علي طريقته وعلي ااحب الي واضح في عنية و بكل حنان وشوق ولهفة و أنا هصالحك زي ما تحب يا نور عين نورنا و هعرف اصالحك ازاي و غمزت هي كمان ليه بشقاوتها المعتادة
ثم ركزت و قالت بجدية :
+بس تفتكر مين و ليه يكون كان عاوز يعمل كده فيا وكان عاوز يموت ابني ليه تفتكر ممكن يكون مين يا امير بجد حاجة مرعبه انك تشك في كل ناس اللي حو اليك
امير/ بصي يا قلبي مش وقته خالص دلوقتي اصبري بس و كل حاجة بقوتها حلوة تعالي دلوقتي نعيش لحظتنا ونشوف بقي البيبي اللي هنموت و نعرف ولد ولا بنت يا قلب امير من جوا
نورما / بحب ماشي يا قلبي يلا بينا
و التفتت لسماح و قالت لها / هش متأخر عليكي يا موحا نصابا بس
سماح/ براحتك يا حببتي ربنا يكملك علي خير يارب وتفرحي با بمولدك
دخل امير و مسك ايد نورما عند الدكتور
وبدأت الدكتور في كشف عليها بدقه
دكتور/ ابتسم انتم عايزين ايه بقا ولد ولا بنوته
امير/كل اللي يحبوا ربنا كويس المهم تقوم هي بسلامة واطمن عليها
دكتور/ ونعمة بالله تعالي كدة اسمع ده دقات قلبه انا قدامي عريس زي القمر مشاء الله صحته كويسة و الحمد لله الف مبروووك ربنا يباركلكم فيه
دمعت عيون امير بفرحة يعني ولد ولد صح اكمل هو
اكمل حبيبي اسمك رجع تاني ياقلب اخوك اسمك هيفضل بنا يا خويا
قامت نورما من مكانها
نورما/ امير حبيبي اهدي الحمد لله الحمد لله يا حبيبي أن اسم اكمل معانا
بص لها امير بعيون كلها دموع اكمل يا نورما اكمل يا بنت قلبي
خرج امير ونورما من عند دكتور وعيونهم كلها حب وفرحة شديدة
نورما/,تعالي نخش نطمن علي سماح اتاخرنا عليها قوي خايف تزعل مني
دخلت نورما وجدت سماح بتلبس هدومها و بتستعد الذهاب
نورما / اده خلاص هتروحي حمدالله على سلامتك يا حببتي بس رايحة علي فين كده
هشام / الحمد لله حالتها انحسنت كتبولنا علي خروج الخمد لله هنروح
نورما/, الحمد لله و حمدالله على السلامه طايب دكتور طنمك عليها و قالك تمارس حياتها عادي و لا ايه
هشام / اه الحمد لله طمني عليها و قالي كمان أن الحمل ممكن يحصل في أي وقت الحمد لله اللي حصل ماثرش علي حاجة خالص وكل الوضع طبيعي بس هي حيكون عندها نسبة ضعف بسبب الدم اللي فقدته عاوزها تتعذي كويس علشان تقدر تقف
نورما /, الحمدلله بس كده سهله خالص ليك عليا اخليهالك قد الفيل من كتر الاكل و يلا بقي علشان امير مستنينا برا ما منتاخرش عليه.
هشام / تمام ماشي و سماح خلاص جاهزت نفسها
خرجو من المستشفي وهشام مسند سماح وركبوا العربية كلهم و لكن في عيون امير وهشام كلام كتير عاوز يتقال
وصلوا سرايا
امير /نورما من فضلك يا روحي خودي سماح وطلعيها اوضتها وخليكي معاها لحد ما ترتاح وتنام و ما تنسيش تخليها تاكل كويس يا حببتي
شاورت نورما برأسها موافقة
و فاهمت نورما أن في حسابات امير هيفتحها مش عايزها تكون موجوده ولا تسمعها
طلعت نورما و سماح علي غرفة سماح ساعدتها في تبديل ملابسها
هشام بتفكير عميق و حيرة
,معقول عمتك اللي عملت كده يا امير ممكن تكون هيا
امير يتهجم
و انت شايف ايه يا هشام مين ممكن يكون عملها غيرها هي دي عمتك عمرها ما حبت حد
في داخلة والد امير بقلق
عزاوي /خير يا ولدي طمن قلبي الله يراضيك ايه حوصل لسماح هي بقت مليحة صوح انطقوا بقا منك ليه قلبي هيقوف من القلق عليها
امير/ اهدي يا حاج هي بقت ىكويسة يا بوي بس كان ممكن تروح فيها لقدر الله
عزاوي/ بخضة كفاله شر يا ولدي هو ايه اللي كان حوصل عاد لكل أكده
هشام/. بحزن عاوز تعرف ياعمي ايه اللي حصل اسال عمتي و وهي هتقولك ايه اللي حصل وهي عملت ايه
في دخلت زينب وعيونها كيف الصقر مالها عمتك يا واد اخوي مالها اي مصيبة تحصل تقولو انا و لا ايه مافيش في الدار غير أهنه متقول حاجة يا خوي
امير/ بعصبية عمتي انتي عارفة عملتي ايه كويس بس للاسف تخطيتك كله غلط و بنتك اللي كانت هتروح فيها ادعي بس ربنا أن اللي حصل لسماح مياثرش علي الخلفه في المستقبل بنتك كانت هتموت عارفة يعني ايه كانت بتموت و انتي السبب تخيلي لو كان حصلها حاجة لقدر الله كنتي حل تعرفي تعيشي بعد كده ازاي يا عمتي
زينت / بزعر شديد وه وه. اقفل خاشمك عاد يا ولد ليه الفال الشين ده دلوق هو الحكيم مش طمنكم ولا ايه عاد قول الحكيم قال ايه بسرع
هشام /لاء طبعا مطمناش وغمز لامير يسكت ما بتتكلمش .
انا قلت قدمها بس أن كل حاجة كويس بس اللي حصل ممكن ده ياثر علي الخلقة وما تخلفش خالص و زمبها برقبتك انتي يا عمتي زمنب بنتك في رقبتك
العزاوي / بزعيق خلوصنا الكل يسد خاشمة عاوز افهم ايه اللي بيحصل هنا عاد
امير اهدي يا حاج وانا ح
هحكي كل حاجة بالتفصيل حكي امير كل حاجة حصلت معاهم من اول ما دخلوا المستشفي لحد ما روحو البيت
العزاواي بغضب شديد
وه وه يابووووي كل ده حوصل عاد ونظر لزينب نظارات غضب
زينب بزعر
انا معملتش حاحة انت هتصدقهم. يا خوي وتكدبني انا خايتك تصدق أن انا ممكن اعمل كده استحالة
امير/ ماشي يا عمتي انتي مصممة انك ما تتكلميش بس حاصر ثواني وبأعلي صوت فوزززززية
جرت فوزية ،/ نعم نعم. جيت اهو في ايه يا امير بيه
امير،/ فوزية مش انتي اللي بتعملي كوباية اللبن كل يوم لستك نورما صح و لا انا غلطان
فوزيه/ بخوف أيوة يابية انا اللي بعملها كوباية اللبن كل يوم بنفسي
امير/ تمام كده حلو اوي وآية اللي خلاكي تتاخري عليها المرادي في عمليلها مع اني انا مواصيكي عليها
نظرت فوزية لزينت وقالت
الست زينب دخلت عليا. و انا بعمل اللبن وصممت اسيب اللي في ايدي و اعملها قهوة لأنها كان عندها صداع
امير/ يعني عمتي دخلت عليكي المطبخ وانتي بتعملي اللبن صح ولا ايه
فوزية برعب
صح يابية حوصل وصممت اسيب اللي بعملة واعملها قهوتها و كمان قلتلها تروح تقعد وانا هجبهلها بس هي صممت تقف لحد ما تخلص عاد
عزاوي /خلاص يا فوزية. بيكفي أكده و علي شغلك عاد
ماشيت فوزية بسرعة بخوف
امير/ كده تمام اظن كده كلام واضح للكل ومش محتاج تفسير خلص كلام لحد كده انا صبح هاخد مراتي ونازل علي مصر هقعد هناك انا مش مستغني عن ابني تصبحوا علي خير وسابهم ومشي
