رواية أيتام الأبوين الفصل الثاني بقلم دنيا
هدء المكان وصارت فوضة بعقلي
.. حور.. اسفة زنوبتي اني الساني مو متحكمة بي احس اكو احد جاي يحجي ببدالي انطلقت ومااعرف شوصلني الهاي النقطة
.. زينب.. لا عادي قابل مكذبة
.. حسين.. احنه متفقين بس يرجع حيدر يطلك وخلص هو جان مجرد عقد إجباري حتى باطل فماكو داعي تحجن بي
.. حور.. لا والله ونتتظر حظرة جنابة يشرفنا اختي العمر يركض بيها شكم سنة وتصير ثلاثين بس اربع سنوات بقن شوكت يشرف الاستاذ ويطلكها هيه هم تريد تشوف حياتها يعجبك كل الي يسمع بسالفتها وجان ناوي يتقدم يشرد والله انتو كلوبكم باردة على اختكم ماتحسون بيها واصلا مكيفين عليها باحر عكبة لا راحت زينب من الكم تكولون مجلبين بيها وبالتالي كلمن يصير المرتة وتبقى زينب وحيدة محد يشيل كبرتها وهيه متعوبة تتعب اكثر
.. زينب.. حور نفعلت وحجت هالكلام الي ما طار على بالي ولا مفكرة بي جنت مكرسة حياتي للدراسة وبعد وفاة اهلي الاخواني ونسيت نفسي ونسيت العقد الي مسلسلة بي اني اصلا قبل مكيفة ومحتمية بحيدر بموضوع العقد رغم اني مااعترف بي كلامها صفني الحظة اني اعرف اهواني يموتون علية ومستحيل يصير مثل ما كالت حور بس شعور داخل كل بنت تتمنى تمون حياتها تستقر ويصير الها كيان وخصوصاً اذا كبرت والأكبر من هاي اني معلكة ومقيدة بعقدي اني وحيدر يعني حتى مااكدر افكر اعيش حياتي مثل باقي البنات
.. حسين.. والله حور انتي متعرفين تحجين شنو مكيفين شو ماادري شلونج يعني اني ارتاح الراحة زينب وابتسم المبسمها وانتي تمسلتين هالتمسلت اني شبيدي غير الصياح والعرك والا وين اكدر اروح الروسيا واسحلج حيدر سحل واجيبة يطلكها الا ابيعج وابيع روحي يلا أكدر اوصل الحدود العراق
.. كتمت عبرتي من هالموضوع الي جرحني وفتحلي باب جانت مسدودة ومتربة لأن ما متطرقة الها ابد ولا مفكرة افتحها بيوم شلت ماعوني واني احاول اسوي نفسي طبيعية
.. اهووو ما طلع غدة هذا والله انتو ينلام عباس لو بسطكم خلي يجي تا اسولفلة كل سوالفكم واخلي البصرة كلها تحجي بكتلتكم
.. حور.. ضربني حسين على راسي ونقهرت من نفسي واني اسمع صوتها المتشحرج عبرتها الخانكتها ومتكدر تحجي
.. حسين حلوة هاي الج ليش تحبين تسولفين شغلات انتي ماتفتهمين بيها اختج عايزة بالله ماشفتي عيونها مورمة وحمر من البجي وانتي تزيدينها بكلامج الي يسممم اني وصرت افكر بيها هيه شلوننن بس شنسوي دماغ شايلي وحاطين ببداله نعال
.. شلت ماعوني ورحت وراها جانت صافنة على البوري دفعتها بشقة واني أحاول اضيع ولو شوي من تفكيرها الي سببة اني
.. على ساعة انجلط من وراكم
.. شفتج صافنة كلت عيد وجابة العباس
.. مخبلة مو صاحية
.. ستوج دريتي لج اني من اول مااجيت ادري بروحي مخبلة والا وين اكو وحدة تضل بالأول ابتدائي سنتين
.. اعرفج حور ومو ضايجة ابد اني فدوة الكم وحتى لو ما جان حيدر لو ألف واحد يتقدم همين مااوافق اذا ما اوصلكم النقطة الي اني رايدتها اتركو تفكير اني اضوج من هذا الموضوع بعدين قابل دخلت بالعمرين بعدني صغيرة لا تضوجونييييي
.. مو تتدلل خلص نغلق هالموضوع تعرفين اليوم شسون
.. لا ولا اريد اعرف عوفيني من مشاكل المدرسة وحاجيني دراستج شأخذتي
.. حور.. لا اليوم زين لا هواي لا هواي بس عشرين صفحة رياضيات اكملهن واشوف شمنطيني البقية
.. اي عفية وشوفي فدوة مو تلزميلي الموبايل ادرسي مابية حيل اصيح
.. حور.. حظنتها وبستها من خدها احبج يا احلى واحن اخت بالعالم
.. واني هم يلا روحي عافتني وراحت خلصت شغلي وكعدت منتظرة عباس كلش تأخر اباوع للأخبار وعيوني تجري على خدي ما حسيت غير نطفة التلفزيون
.. هاي ليش
.. عباس.. احنه عايزين قهر ماتكليلي شضل بيج انتييي ناصبتها مناحة عليمن
.. ماشفت الناس شمسوين بيهم هذولة الانذال الله ياخذهم ويحركهم بنار جهنم بحق محمد وال محمد
.. احنه متعودين كل خمس سنوات تطلعلنا شغلة يلهونه بيها وتلكين داع. ش فترة وينتهي
.. كمت جبتلة ماي واجيت اسألة ليش تأخرت
.. شغل ينتقمون منه بييي يريدون يطلعون الراتب وابو الراتب
.. الله يحنن گلوبهم عليك يابعد حيلي الله يساعدك ويرزقك والله گلبي ما ينطيني اشوفك هيج تتعب وهسه هم تطلع كلي شكم ايد عندك لو شكم حيل
.. لا مو تعبان الشغل الثاني اشوة وزين مااكدر عندي سلفة اريد اكملها
...زين عباس عليك العباس ما تخليني اشتغل اجيبلي مكينة واشتغل بيها وهنا ماكو خياطة والله يكيفون
.. تؤ
.. زين اشتغل ويا ام فارس بس يعني اطبخ لها وهيه تأخذة مو اروح وياها
.. لاا روحي ليش لا هيه بس هاي ضلت زينب اني تعبان اجيي للبيت ارتاح لو انغث فاركيني عليج العباس ابو راس الحار
.. عوجت حلكي وعفتة ورحت للمطبخ اسويلة شيي ياكلة وجهه اصفر هسه قابل الشغل بييي عيب
بس مااعرف عباس شيفكر دخل حسين ومبين ضايج
.. ها حسيون شبيك
.. طك گلبي على عباس
.. شبي عين الله ترعاا هيبة
.. زينب هيه مال دروب ترى اني احس وادري اخوي گلبة مورم من للشغل واعرف ابو الشغل هذا فد واحد حتى على الزبائن يتعنتك ويغلط شلون وشيسوي بأخوي.....
.. كعدت على الميز وصفكت ايدي بقلة حيلة واني راحت رويحتي على اخيي ما كافي الضيم الشافة من عمي نوب استلمة ابو الشغل
.. اكله خلي اساعدك عاد بمصروف البيت اجيبلي مكينة اشتغل بيها ميقبل ترى الشغل مو عيب والخياطة جانت مهنة بزمن الانبياء محترمة ولا زالت بس انتو مااعرف ليش معندين متكبرين
.. حسين. لا صعبة انتي تشتغلين راح اطلع ادور شغل بلكت أكدر الكة
.زينب. وييييننن وكليتك
.. لا تخافين اني متمسك بالدراسة بس همين مااكدر اشوف اخوي هيج راح دور شغل مسائيي بلكت الله الكة
.. زينب.. طلع حسين وأخذت الغدة العباس خطية مبين تعبان اكل وراح عبالي ينام بالاستقبال دخلت للغرفة حورية نايمة تمددت بصفها بتعب هستوني اطكطك بضهري ودك الباب عباس
.. ها عباس تفضل
.. زيِنب وين حسين
.. طلع
.. اي وين طلع اعرف طالع بس وين رحت اشوفة بالاستقبال وماكو
.. يكول ادور شغل
.. شلون شلَون ليش يابة يدور شغل مقصر ويا اني
.. رحت كعدت يمه واني اهدي بي
. لا خوية فدوة الگلبك تحسب حساب الصغيرة قبل الجبيرة بس اخوك يتعب التعبك ومايتحمل يشوفك تتعب ومتلحك وشغليين فكال اني مستحيل اخلي اخوي هيج
وطلع حتى يدور بكلت الله يلاكي حتى يشيل حمل عنك
.. عباس
.. زينب انتو ليش تحسسوني اني مااكدر اتحمل مسؤليتكم المن اتعب اني غير المستقبلكم مو كافي كعدتج بالبيت مخليتني اكل بنفسي واحمل نفسي مسؤولية مستقبلج الراح مااريد يصير ويا إخوتي الصغار مثل ما صار ويانا مااريد يتعبون
.. زينب.. عباس ابوي انت ليش احنه منو النا غيرك انت ابوي الثاني صدكني وجودك أمان شلون بعد متتحمل مسؤليتنا وانت شايلنه بكفوف الراحة احنه بدونك ما نسوى
بس انت تريد تشيل المسؤولية وحدك واحنه منقبل لأن
انت ابونا شلون هيج نخلي هالمسؤولية على اجتافك
عباس.. انه شاكيلكم هسه كلت شيي يا جلمة ردي المجانج من حجيتلي حجاية كلبتوها دراما علية وهذاك طلع يدور شغل وين يلكة
.. زينب.. لا تخاف علي حسين سبع ويدبرها
.. والله ماادري بعد روسكم محجرة ولا تكول احجي ويا بشرر حيطان احجي ويا روحي اروح انطمر احسن الي من حركان الدم هذا
.. زينب..
طلع وهو يحجي وركع الباب عباله هالمرة من يتعصب نسكت بس منكدر اكو انسان هيييج يجرها جرة وحدة وتعب وصياح وذلة شنوو قابل شكم اخو عندي اني
.. عيوني للسكف واني اتذكر الموضوع الي احس خنكة بصدري بسببة محتاجة ابجي حتى تروح هالخنكة درت وجهي للجهة الثانية وتذكرت بعد موت اهلي
.. عمي ممدوح مرتة تشتغل وهيه تصرف على البيت احنه اربعتنا يعني شوصفلكم جنه بحالة ما مستوعبيها ما مصدكين اهلنا راحو ولا صدكنا طلعنا من بيتنا اخر ذكرة منهم عمي ممدوح احسن واحد بيهم بس امرة مو بيدة ميكدر يحجي حجاية ويا زوجتة
.. بقينا تقريبا سنة يمهم جانت كفيلة بأن تدمر نفسيتنا من كد المشاكل والصياح والعرك والذلة الشفناها صرنه نشتغل بالبيت شلون شغل البنكلادشية يعني حور مو صغيرة همين جبيرة بوقتها تخلينا ننظف وعادي عندي اهم شيي متحجي شايفين الشخص الي يسم بدنك بالكلام هيج من كدما كلامة سام تغمض عيونك وبودك تختفي وما تسمعة
.. ما رأفت بحالنا ولا انطتنا مجال نصدك ترك اهلنا النا عمي يتعارك وهيه تتعارك وبالأخير تجي تطردنا اني وحور وعمي يلزمها
.. عباس يطلع يشتغل بالميناء وشغلة هناك يطول ما يرجع مرات أيام
وحسين جان بوقت إمتحانات لذالك يروح يم صديقة يدرسون وميشوف البيت مرات يروح الخوالي يكول اشوة من مرت عمج العايقة ويعوفنا يمها اتذكر مره عافتنا للصبح بالحديقة قفلت البيبان
.. بيوم ااني مريضة ومااكدر كلش انتهيت من الصخونة والفلاونزة حتى راسي مااكدر اشيله من المخدة والغرفة ثلج ببها صوبة كهربائية تشتغل بس على الوطني والوطني يمكن نص ساعه يجي باليوم
.. حور.. زنوبة هاج اشربييي هذا دوة مال صخوونة
..زينب.. حووور عوفيني دواج مرضني اكثر والله صاير اكسباير
.. حور.. والله انتي الي راح تصيرين اكسباير من وره هاي الحية بعدين الدوة جبتة طازج من الصيدلية كومي اشربي شويه حبابة
.. زينب.. يعني تعسين بيه شربتيني نص الشيشة حبابة بس طفي الضوة ونامي خليني انام وراي كعدة
.. حور.. لا خليني اشوفج تشربي يلا
.. زينب.. كمت بتعب ودايخة وجوعانه بس نفسي ماتتقبل اطلب اكل منهم واخاف اكول الحور وتضل تحجي علينا شيخلصنا من السانها المسموم
.. حور.. جنج ميتة عضام ركبتج حادات اكص بيهن من كدما طالعات كاتلنا الجوع وهاي الحقيرة تكلي الي مينظف مااله كعدة ببيتي كلما امر من يمها مستغلة عدم وجود عمو واخواني وحتى جهالها مجوعتهم
زينب.. عوفيها حور تعرفين مرت عمج السانها بناتها ما خالصات منه مو نوب احنه
.. حور.. لجج عيني متت خطية هاي ججك الصغيرة تبجي الصخر ونبي من طلعت للصيدلية جبتلج نستلة كلت تاكلها وهاي لكيتها تبجي متخليها تصب جاي بارد لو تسوي ثريدة جايي كون الله يسلطني عليها الا اخليها تتوسل وتحب رجلية وماانطيها ماي
.. زينب.. استقري يالشمر يا بني أمية راسي يوجعني اني لا تكعدين تلغثين سدي الضوة
.. اخوتج ماكو احساس مو تكول عدهم خوات
.. لجججج حورر كافييي لا اكوووم والله
.. شبيج متتحملين كمت كمت هم صوجي اني
.. حطيت راسي على المخدة ومكشرة ملامحي من الدوة ومرورتة عصرت عيوني ونار تطلع منهن اخذ شاليي وشديت عيوني ونمت صحيت على صوت صياح طفرت من ركعة الباب وحور وصابرين وراها ويسدن بالباب وصوت مرة عمي يلعلع من وره الباب احسها لازمة سجينة وتضرب براسي بصياحها سديت اذني ولا زلت اسمعها
إيمان .. عايقات عرمات افتحن الباب اعلمجن شلون تتشكن للمرة اذا ما غطيت روسجن بالتشريب اليوم مااطلع إيمان بنت نجاح الفكووووور ما. الفي بس فكور انيييي وعلمتي هاي الخايسة ولو عليمن تطلع على ابوها خلف الله عليه اصرف علي لوما اني جا هسع هو دايح ويا المخابيل ومحد يلفي اني اعلمجن اذا ما طفيت السجينة على الساناتجن بس اطلعن
.. صابرين.. دروحييي
.. حور.. بيج خير عليي صوتج
.. صابرين.. لا فشلة امي هاي الله مايرضة بس وراها عادي
.. حور.. قابل ربي العالمين ما يشوفج اذا حجيتي من وراها
.. صابرين.. يشوفني بس ما يعاقبني
.... حور.. انجبي وحاجيني شلون راحت الصينية حرامات ونبي احس. راسي يفتر من وره الريحة مال التشرريب عزااا خلي ياخذونه يتبنونا راح يكتلنا الجوع فشلتك يالله
صابرين.. اني احس من ادنك راح انكطم وين راحو اخوانج عاد جانو ميخلونه جوعانين
.. حور.. شلون متحملين امكم اني امي جانت تتوسل بيه اكل واني ماااكل هسه متندمة على كل لحظة ما اكلت بيها
.. صابرين.. امي مسويتلنا دايت قاسي تريدنا ندخل موسوعة جينيس اكثر ناس ضعيفين احنة
.. احووو نوب صارلنا ساعة نتمسكن راحت علينا والله يصبيرة
.. صابرين.. اي هالهوسة هاي وراح تأكلها هيه عاد بلكت تنطي الاخواتي من عدها
.. زينب.. شبيجن تتبسبسن شكو شمسوبات وعمتي خبصتنا
.. حور.. عمتج الشيطان ما يلحك يوسوس الها وابليس يباوعلها بفخر ويكول هاي تربيتي
.. زينب.. لجج حور شنو هالكلام هذااا عيب امي مرة بكد امج
.. حور.. من رخصتج صابرين.. تروح فدوه الأمي عساها هيه الماتت وامي بقت
..زينب ما لحكت احجي وصارت تبجي تمنيت ابجي وياها بس لازم اكوم واسندها واقويها لأن مبينة الدنيا راح تلعب بينا لعب
.. كمت واني لازمة الحايط والدنيا سودة بعيوني كلشي مااشوف احس برودة صعدت الراسي وكفت وخايفة اطيح لأن ابد مو وقتها ماعندي احد يشيلني غير نفسي وفوك حملي اختي الصغيرة احسها صارت متوحشة وبنفس الوقت مهضومة لأن فعلاً جانت حالتنا ضعيفة بي احنا من النوع الي مانقصر بموضوع الاكل ابد وجان دائما ابوي يكول اشبعكم من هسه واترس عيونكم من كلشي حتى من تكبرون شبعانين وعيونكم مملية
.. حور.. كمت واني امسح دموعي وورحت ركض الزينب الي داخت ورادت توكع
.. حور.. ها زينب حبيبتي شبيج
.. زينب.. مااشوف الدنيا ظلمة
.. اكعدي اكعدي
.. صابرين.. زينب عمت بكد ما بجت
.. حور.. مثل امج مسمومة كلامج وكتتتة
...زينب..لا تتعاركن حبابات احس گلبي ينبض براسي من كدما يوجعني كعدني بالكاع تعبت وانطني غطاي
حور ضلي يمي
.. صابرين.. اهياااااوصابرين للمهمات الصعبة مضحين بيها بس سكتي هاي لا تبجي تصير جنها صخلة متيهة اذا بجت
.. حور.. اغلطي بعد اذا ما
.. زينب.. هااا شلون يعني طلعت صابرين واني اعصر بعيوني والدنيا مغوشة جان قبل بس اكوم تضلم شوي وتروح بس اول مره تطول هيج ضليت ساكتة لحدما شفتها كبالي يلا ارتاحيت هيه ماضلت بس اعمى وتكمل ونضيع كلنا مو بس اني
.. حور.. ها شفتي
.. اي حبيبتي حوريتي ليش هيج صايرة تغلطين وتحجين ويا مرت عمج وبنتها هيج بعنتكة
.. حور.. مرت عمي مو ادمية.. وبنت عمي احبها بس مرات تصير مطية
.. زينب.. ومن شوكت انتي تغلطين لج حور مره كلتي الصديقتج انجبي اجيتيني تبجين وضايجة من نفسج شغيرج مو حلو هيج ابددد
.. حور.. هاي قبل من جنت عايشة بجال امي وابوي اتدلع واحترم بس هسه لو ادكها بالنعال واطيزها لو تضل تحجي حجي زايد ويسمني واني مااسكت هيه من ورها تمرضتي الدنيا ثلج وخلتج تغسلين الفرشات الله ياخذها ويخلصني منها
... زينب.. احتاريت شلون افهمها وهيه مقتنعة بفكرة لازم تصير هيج حتى تعيش
.. حبيبتي حتى لو الناس ما عجبوج وحتى لو شفتي العالم الخارجي مو مثل ما جنه عايشين ونفس احترامنا البعضنا ونفس حجينا الهادئ والحياة المثقفة ونتعجب بالصوت العالي
لازم نبقة محافظين على تربيتنا الي ربونا اهلنا عليها لأن هيه بس الصحيح
شكدما تعلين صوتج تخسرين احترامج
شكدما تغلطين وتسبين ينذمون اهلنا
تقبليها.. عمتي من يجي اي احد تحجي علينا وتكول اهلهم ما عرفو يربوهم
.. حور..اكيد لااا غير _اموتها
.. زينب.. حور عاملي الناس بأخلاقج وبتربية اهلنا مو بحسب مزاجج ان محد يمشي اذا ما اتمرد علي
.. حور.. زينب انتي مريضة عوفي الكلام هسع
.. مااعوفة اني خايفة عليييج اختي كلامها وحجيها متغيييير السانج يوديج بسوالف انتي بغنى عنها والناس تأذيج واني شيصير بحالي اذا صار عليج شيي
عوفيني اني يطبني مرض
امي شأكوللها اذا سألتني عليج
حور.. كليلها من السانها
.. زينب.. ان اريد اكمل كلامي وسمعت صرخة ترست البيت طفرت من مكاني والخوف ماكل گلبي وانعادت علية فاتحة اهلي خايفة على اخواني وبالي يمهم بس كل فكري صارلهم شي بس وكف گلبي من منظر صابرين وهيه تتلوى بيد امها الي تجوي بيها بحركة، گلب تكول عدوتها مو بنتها رفعت راسها ورجعت السجينة على الطباخ واني ركضت الصابرين وهيه تبجي ومتنكمش اريد الزمها ماكو
.. حور مصدومة واكفة بهتانة على الموقف واني المابية حيل صار كل حيل بيه لمن شفتها تركض بأتجاه حور تريد تعيد السوته ببتها بأاختي
.. لزمت السجينة وصرخت بحركة من السجينة الي لزكت بأيدي
.. حور.. زينب زينب اوكفييي يمهههه اختي وين عبااااس حسييييييين
.... زينب.. جريت السجينة بقوة اثرها نشال الجلد من مكانة ضميت ايدي الصدري واصرخ بأسم امي
.. ولج يمه شحملتي شلون احتركتي شكال گلبج
لزمت ايدي حور وايدها ترجف اكثر مني
ردت اسند روحي بس ماكدرت مو حيلي مثل كل مره غوشت عيوني واختفى صوت اختي الي تستنجد بأخواني كأنما راح يسمعوها ويجوها
..حور..درت وجهي المرة عمي الي بين بوجها الخوف من شافت اختي بأيدي فاقدة
.. والله الا صار بأختي شي اشتكي عليج ونبييي اخليج تخيسين بالسجن
.. ايمان.. انلصمييي لا هسه اخليج وياهن تتلوعين
.. حور.. ركضت وشلت السجينة وطفرت عليها من حركة گلبي مااشوف بعيوني اريد بس اشوفهاا كمية الوجع السببتة النا بس طوقني حسين
وهو يصيح
... حور.. ولكَكك شووف اختيييي ماتتت ماتتت حسييييين
.. ركض الزينب الي ماتحرك ايدها ولا رجلها هيه اصلا مريضة لزمت گلبي خايفة افقد اختي مثلما راحو اهلي
.. حسين شالها للصالة واني ابجي بمكاني صاح بوجهي خلاني اطفر واركض اجيب ماي
.. حسين.. لجج لااا لا تحطينها بماي
.. يمااا لعد ششلوووون شلون تتحمل عزاا بعيني يمااا
صابرين.. عفية حسين صيح خالة ام سيف هي تعرف للحروق وعندها مراهم عفية
.. حسين شوو هاي انتي هم حاركتج انتييي شنووو مجرمة هناااا متخافين الله بيهن عوفي هذني اليتامة مو بناتج هاي ليش هيج مسويه بيها انتي هم اممم هم عندج إحساس والله والله لوما مرة واكبر مني جان خليت هاي السجينة بعيونج وفكستهن الج اراويج الي يحسن بييي
. ايمان... اهييييييااا نووووب عليااا الزعاطيط لككك هيووو لا تكعد تطلعلي عضلات صوتك وتضل تهوبز كداميي اخذ دوختكم واطلعو من بيتي يلااا اختك تروح تكدي اكل من الناس يجون يدكون بابي جايبين اكل الهن هيه وهاي الصفرة الثانية جان مايطلع صوت الها هسه من وراا هاي العرمة اختك مااعرف شصاير بببها مسترجلة اطلعووو يلااا
.. انعل ابوج لابووو بيتج لججج شنوو انتييي فد قندرة فد نعااااال جبيررر شنووو من صلافة شنووو من وحدة بربوك وبشت وين بيا بربكة متدربة لو من صغرج
.. صابرين.. حسيييييين شبيك اختك روحها راحت وانت كاعد تتجاوز على الاكبر منك وتفشر هيج شبييييك
... حور.. اوووف كاعدة وحاطة راسها بحظني وشفايفها ترجف واحس وجعها ينخر بگلبها ومتعذبة رفعت راسي الصابرين الفاهيه المطية العرمة مثل امها
.. هيووو عليمن تصيحين اكوم هسه الزك السجينة على حلكج خلي يفوخ گلبي بأمج
.. إيمان.. لجججج تربية سززز انتو الوين متربين وفوكاها اهلها جانو يتفاخرون بيهم وهمه تربيتهم نكسة مااحجي اني بس يجيي عمك العود واشوف شيسوي وياكم لو اني لو انتو
.. زينب.. حوور
.. بستها ورديت عليها بصوت ناصي نسيت روحي هيه بحضني ومن احجي بكل اعضاء جسمي مو بالساني
.. ها يمه
.. زينب.. ليش هيج ولكم يمه
.. تحجي كوه رايحة روحها والعرك ماخذها نهضمت من نبرة صوتها ومعاتبتها النا
.. حور.. اخذج للغرفة كومي هاي عمتج تريد تطردنا مسويتلها عركة من لا شيء
.. زينب.. صابرين وينها خطية اذتها
.. هسه راحت ويا حسين يجيبون هاي المرة تشوفلج حركج حبيبتي
.. هسه يروح الالم بس جيبيلي ماي احس بنبضه للمكان متت والله
.. اللهي اخذ عمر هالمرة عذبها واحركها بنار جهنم بالدنيا قبل الاخرة
.. زينب.. روحي تطلع على البطيئ من الألم ابجي وأريد الزم ايدي اعصرها بلكت يخف ومنظرها مرعب صايرة على كل اصابعي دخلت المرة وصابرين وياها جانت تبجي من حركها شفتها وزدت نهضمت احنه نشوف هذا لأن يتامة هيه شذنبها يصير عدها هيج ام. قاسية
.. ام سيف.. خاله بسيطة بسيطة لا تهتمين والله اني مرهمي غمضي فتحي يروح حتى الأثر اسألي المنطقة عليه شو سودة عليه هاي شجاها مرت ممدوح تخبلت ممخلية بالبنات
.. زينب... صارت تنطفها واني اصرخ لزموني اخواني واني املخ بحسين اريدها توخر ملخت روحي تملخخ بوقتها ليل كله ماكدرت اشوف النوم وصابرين مثلي هم ويمكن بعد أكثر مني لأن حور وحسين الساناتهم تلسع لسع بيها ويغلطون على امها مااكدر حتى احجي من وجعي درت وجهي ودموعي اخذت مجراها
ليل هستوه بدة الساعة تقريبا بالوحدة ايدي بأيد حسين مااريد يطلع وتصير مشكلة اعرفه هو مو مثل عباس يلزم اعصابة اذا صار عصبي يحجي شامي عامي ميهمه جبيرة صغيرة
.. اريد اطلع اشتريلجن شي تاكلنه هذني صارن ليمونات من الحوع هاي مرت عمج مسويه عليجن حصار حتى الاخماهو وكهنة المعبد ما يسوون سوايتها
.. حور.. شتترجى َمنها وين شايفه هيه المرة جابت الصينية النا وهيه كلتها الخايسة وفوكاها مسوية روحها هيه ولا عنها
. حسين.. هيوو شو انتي فدنوب صايرة ماكو لا مستحى ولا خجل العلط صاير عندج ثنين بربع
.. حور.. يوو حسين عوفني منطلقة وياك بعد من تروح الصم
.. خلي يجي عباس باجر ومانبقه بعد عاد تطلع عصبيتها على خلفتها مو على اخواتي ماعندي عشرة اني وعافتها كلها تأذي زينب النملة اذا ماتت تبجي عليها
.. حور.. سودة علية كله من ورا هاي صابرين الثولة الخوافة
.. حسين.. عايقة مثل امها
.. صابرين اهياااا شايفيني ماعندي السان شو مستلميني غلط ترا اني هم نحركت وطردتني من غرفة اخواتي واجيت يمكم لأن البيت بارد وينن اولييي شبيكم تحسسوني اني الي تعمدت اأذي نفسي وأأذي زينب
.. حسين.. اهياااا عليمن تطلعين الساس نداس الله يساعد گلب الياخذج ناقص عمر مثل عمي ممدوح يكضي عمرة بالضيم تدكري دكر صلفات بنات. امونة.
.. زينب.. حسين الخاطري الخاطر عباس تسكت خطية البنية تشوفها تلوج وانت وفواكاها
كام من يمنا ودرت الصابرين الي ضامة وجهه بين اديها وتبجي بحركة حياة بائسة وما اتمناها الاعدائي غمضت عيني واريد اشرد من واقعي الأليم
.. ووره فترة وعيت على صوت صياح فزيت وسمعت صوت عباس وحسين عالي يتعاركون ماكو احد بالغرفة
..باوعت جانت ب12 ونص النومة بعيني والهوسة هبطتني الدوخة مثل ضلي مرافكتني عالطول ما اني واكفة
.. اريد اطلع ودخل عباس بعصبية سد الباب وصاح على حور الي دخلت ورا
.. لمييي كل غرااااضكم يلااااا انطيني جنطتي اطلع موبايلي بسرعة دقيقة مااضل ببيت مابي رجال وشايلتة مرة ما محترمة لا زلم ولا نفسها
.. دار علية ورخت ملامحة واحتلهن الخوف والحنية الي تشع من وجهه
..زينب..عباس شوكت اجيت
.. عباس.. گلبي مورم بس هديت روحي الخاطر عمج ولمن اجيت وشفت ايدج هيج محروكة احسها طفت السجينة بگلبي مو بأيدج ليش هيج هااا
.ضميت راسي الصدرة واني احس بأمان الدنيا كلها هنا احس ريحة ابوي بي وبدون ماادري لكيت نفسي اشكيلة وأجمل همومة . رادت تحرك حوراء شلوون لو هالحرك وهالوجع تتحملة هالطفلة
.. يوجعج يحركج
.. اييي اريد اموت من الوجع كوه كدرت انام اريد انسى اريد ارتاح خووووية خلصنيي
.. يا بوية سودة بوجهك عباس
.. ضمني الصدرة حيل واني ابجي مثل الطفلة الي مهضومة وشافت ابوها
عباس.. تحركي حووور يلا بسرعة لميي الملابس
وبدلن اخذ زينب للمستشفى ومنها نطلع اخابر صديقي يدبرلي مكان حتى بين ما نلكى بيت نأجره
.. حور.. نروح الخالو هناك بين ما نشوف بيت
.. عباس.. اشوف بس كملي شغلج
.. تمام
.. صابرين.. عباس
.. وخرت منه وهو ما دار وجهه الها ولا باوعلها يمسح بدموعي واني عيني عليها عيونها غركانة بالدمع
.. صدك تروحون حبابين ضلوو هنا والله امي بعد ما تسويها اصلا هيه لأن معطلة من دوامها اسأل حور من تداوم بس باليل نشوفها
.. حور.. دولييي هم عوزها نضل يم امج
.. زينب.. شلون صارت ايدج صابرين؟
.. انتبهت العباس اندار يباوع الها بأهتمام ويتفحص ايدها
.. عباس.. شبيج؟؟ هم حركتج امج
.. صابرين مسحت دموعها وهزت راسها بأي والله گلبي تكطع عليها
صابرين.. لا تعوفوني حبابين ضلوو هنا وعد انتبه على البنات
.. كام ووكف يمها محتار شلون يسكتها اخوي واعرفة حنيتة على القريب والغريب والصغير والجبير
.. لا تبجين اخذج وياي
.. وشلون تاخذني عفية لا تروحون انت مو وعدتني؟؟ ماتعوفني؟؟
.. حور.. اهوووو شوو سكتي يمعودة ضلي هنا يم مرات ابوج وتحملي وعيشي دور سندريلا علما يجيج الأمير ينقذج وعوفينا احنه حالنا حال مو نوب نتحمل خبالات امج
.. عباس.. حورااااء.؟؟؟
.. حور.. احم ااا ااا شسمة يصيحلي حسين
.. طلعت تركض وهو واكف ومااعرف شيسولف وياها بصوت ناصي يمكن هي ماتسمعة بس جانت تهز براسها وتبجي
.. ها شكلتي
.. تتأخر
.. اجيج والله
.. واذا ما اجيت واذا اذتني هاا واذا ما قبلت؟
.. هالشارب مو علية اذا َا اجيتج بس انطيني وقت مااكدر اني بالشغل واخواتي هنا يتعذبن مااكدر اكوبس بيهن وامي هواي تعاتبني عليهن
.. اذا ترتاح روح ابقة اباوع للطريق وانتظرك.
زينب.. صفنت عليهم مستغربة كلامهم اخوي؟؟ ياااا بس لا يحب صابرين
.. زينب.. عباااااس.....؟ من وراي
.. عباس.. هههه ماكو شي ترا بعدنا خليني اكمل كلشي يلا
.. زينب... روح خنتني
.. عباس.. شوفي الخنتج وياها شلون نكلب لونها اني سامع بالخجل وسامع ينكلب لون البشرة بس اول مره بحياتي اشوفها على أرض الواقع
.. زينب... يوم الاشوفك احلى عريس خوية عبيس الا اوكفلك وكفة امي بعرسك زين ما اختاريت
.. عباس.. احبج من راسج بردتي گلبي بس مووو هسه لا تفرحين طويلة سالفتنا
.. بس نستقر ما تطول
.. حاير
.. بشنو؟؟
.. ماكو شيي لا يضل بالج رايح اشوف هالصلفة حورية وينها نسيت جويتج
.. باوع الصابرين وعيونه وعيونها يلمعن حب
.. بدلي اخذج وياي
.. لا متقبل امي اصير عزيزة هسه روحو انتو اني ام سيف انطتني علاج
.. زينب.. تعاند اكثر عمتي عباس مناك ناخذلها علاج
.. طلعنا من بيت عمي ممدوح وهو مدنك راسة ومااحجة اي گلمة حتى ما كال وين تروحون بنص اليالي
.. حور حاظنة جنطتها ام الدبدوب وحسين يعدل بحجابها ويحجي على الجبة لأن مفتوحة وعباس شايل جنطة والثانية يسحل بيها واني لازمة ايده ويمشي على كيف وياي اربعتنا طلعنا من هالفرع واحنه مهمومين داخلنا يصرخ ألم ووحع خذلان وذل بسبب الي سوتة عمتي بينا كعدت على الرصيف وحطيت راسي على متن حور والولد يريدون تكسي بنص اليل محد اصلا يوكف
لحدما ملوو وتعبو اجو كعدو
.. الرصيف شايلنا احنه وهموم گلوبنا اليوم الي بتنا بي بالشارع كبرنا بي ألف سنة وتغيرنا كلنا
وعدتُ وَحيدًا أجُّرُ الخُطى
يصاحِبُني الحزنُ والذكرياتْ
فلا أنا فزتُ بما قد مَضى
ولا أنا دَارٍ بما هو آتْ
